Library·Jaiminīya Upaniṣad Brāhmaṇa (Sāmaveda)·2·2.3
एष एवेदम् अग्र आसीद् य एष तपति स एष सर्वेषाम् भूतानां तेजो हर इन्द्रियं वीर्यम् आदायोर्ध्व उदक्रामत्
eṣa evedam agra āsīd ya eṣa tapati sa eṣa sarveṣām bhūtānāṃ tejo hara indriyaṃ vīryam ādāyordhva udakrāmat
Sanskrit only: no published translation is held for this verse.
सो ऽकामयतैकम् एवाक्षरं स्वादु मृदु देवानां वनामेति
so 'kāmayataikam evākṣaraṃ svādu mṛdu devānāṃ vanāmeti
Sanskrit only: no published translation is held for this verse.
स तपो ऽतप्यत स तपस् तप्त्वैकम् एवाक्षरम् अभवत्
sa tapo 'tapyata sa tapas taptvaikam evākṣaram abhavat
Sanskrit only: no published translation is held for this verse.
तं देवाश् चर्षयश् चोपसमैप्सन् अथैषो ऽसुरान् भूतहनो ऽसृजतैतस्य पाप्मनो ऽनन्वागमाय
taṃ devāś carṣayaś copasamaipsan athaiṣo 'surān bhūtahano 'sṛjataitasya pāpmano 'nanvāgamāya
Sanskrit only: no published translation is held for this verse.
तं वाचोपसमैप्सन् ते वाचं समारोहन् तेषां वाचम् पर्यादत्त तस्मात् पर्यादत्ता वाक् सत्यं च ह्य् एनया वदत्य् अनृतं च
taṃ vācopasamaipsan te vācaṃ samārohan teṣāṃ vācam paryādatta tasmāt paryādattā vāk satyaṃ ca hy enayā vadaty anṛtaṃ ca
Sanskrit only: no published translation is held for this verse.
तम् मनसोपसमैप्सन् ते मनः समारोहन् तेषाम् मनः पर्यादत्त तस्मात् पर्यादत्तम् मनः पुण्यं च ह्य् एनेन ध्यायति पापं च
tam manasopasamaipsan te manaḥ samārohan teṣām manaḥ paryādatta tasmāt paryādattam manaḥ puṇyaṃ ca hy enena dhyāyati pāpaṃ ca
Sanskrit only: no published translation is held for this verse.
तं चक्षुषोपसमैप्सन् ते चक्षुः समारोहन् तेषां चक्षुः पर्यादत्त तस्मात् पर्यात्तं चक्षुः दर्शनीयं च ह्य् एनेन पश्यत्य् अदर्शनीयं च
taṃ cakṣuṣopasamaipsan te cakṣuḥ samārohan teṣāṃ cakṣuḥ paryādatta tasmāt paryāttaṃ cakṣuḥ darśanīyaṃ ca hy enena paśyaty adarśanīyaṃ ca
Sanskrit only: no published translation is held for this verse.
तं श्रोत्रेणोपसमैप्सन् ते श्रोत्रं समारोहन् तेषां श्रोत्रम् पर्यादत्त तस्मात् पर्यात्तं श्रोत्रम् श्रवणीयं चैनेन शृणोत्य् अश्रवणीयं च
taṃ śrotreṇopasamaipsan te śrotraṃ samārohan teṣāṃ śrotram paryādatta tasmāt paryāttaṃ śrotram śravaṇīyaṃ cainena śṛṇoty aśravaṇīyaṃ ca
Sanskrit only: no published translation is held for this verse.
तम् अपानेनोपसमैप्सन् ते ऽपानं समारोहन् तेषाम् अपानम् पर्यादत्त तस्मात् पर्यात्तो ऽपानः सुरभि च ह्य् एनेन जिघ्रति दुर्गन्धि च
tam apānenopasamaipsan te 'pānaṃ samārohan teṣām apānam paryādatta tasmāt paryātto 'pānaḥ surabhi ca hy enena jighrati durgandhi ca
Sanskrit only: no published translation is held for this verse.
तम् प्राणेनोपसमैप्सन् तम् प्राणेनोपसमाप्नुवन्
tam prāṇenopasamaipsan tam prāṇenopasamāpnuvan
Sanskrit only: no published translation is held for this verse.
अथासुरा भूतहन आद्रवन् मोहयिष्याम इति मन्यमानाः
athāsurā bhūtahana ādravan mohayiṣyāma iti manyamānāḥ
Sanskrit only: no published translation is held for this verse.
स यथाश्मानम् ऋत्वा लोष्टो विध्वंसेतैवम् एवासुरा व्यध्वंसन्त स एषो ऽश्माखणो यत् प्राणः
sa yathāśmānam ṛtvā loṣṭo vidhvaṃsetaivam evāsurā vyadhvaṃsanta sa eṣo 'śmākhaṇo yat prāṇaḥ
Sanskrit only: no published translation is held for this verse.
स यथाश्मानम् आखणम् ऋत्वा लोष्टो विध्वंसत एवम् एव स विध्वंसते य एवं विद्वांसम् उपवदति
sa yathāśmānam ākhaṇam ṛtvā loṣṭo vidhvaṃsata evam eva sa vidhvaṃsate ya evaṃ vidvāṃsam upavadati
Sanskrit only: no published translation is held for this verse.