Jaiminīya Upaniṣad Brāhmaṇa (Sāmaveda) 2.9

तं ह ब्रूयाद् दूरं गच्छेति स यम् एव लोकम् असुरा अगच्छंस् तं हैव गच्छति

taṃ ha brūyād dūraṃ gaccheti sa yam eva lokam asurā agacchaṃs taṃ haiva gacchati

Sanskrit only: no published translation is held for this verse.

छन्दोभिर् एव वाचा यजमानं स्वर्गं लोकं गमयति

chandobhir eva vācā yajamānaṃ svargaṃ lokaṃ gamayati

Sanskrit only: no published translation is held for this verse.

भूर् भुवः स्वर् इत्य् उद् इति

bhūr bhuvaḥ svar ity ud iti

Sanskrit only: no published translation is held for this verse.

तद् यत् प्रेति तत् प्राणस् तद् अयं लोकस् तद् इमं लोकम् अस्मिंल्लोक आभजति

tad yat preti tat prāṇas tad ayaṃ lokas tad imaṃ lokam asmiṃlloka ābhajati

Sanskrit only: no published translation is held for this verse.

एत्य् अपानस् तद् असौ लोकस् तद् अमुं लोकम् अमुष्मिंल्लोक आभजति

ety apānas tad asau lokas tad amuṃ lokam amuṣmiṃlloka ābhajati

Sanskrit only: no published translation is held for this verse.

वाग् इति तद् ब्रह्म तद् इदम् अन्तरिक्षम्

vāg iti tad brahma tad idam antarikṣam

Sanskrit only: no published translation is held for this verse.

भूर् भुवः स्वर् इति सा त्रयी विद्या

bhūr bhuvaḥ svar iti sā trayī vidyā

Sanskrit only: no published translation is held for this verse.

उद् इति सो ऽसाव् आदित्यः तद् यद् उद् इत्य् उद् इव श्लेषयति

ud iti so 'sāv ādityaḥ tad yad ud ity ud iva śleṣayati

Sanskrit only: no published translation is held for this verse.

तद् यद् एकम् एवाभिसंपद्यते तस्माद् एकवीरः एको ह तु सन् वीरो वीर्यवान् भवति आ हास्यैको वीरो वीर्यवान् जायते य एवं वेद

tad yad ekam evābhisaṃpadyate tasmād ekavīraḥ eko ha tu san vīro vīryavān bhavati ā hāsyaiko vīro vīryavān jāyate ya evaṃ veda

Sanskrit only: no published translation is held for this verse.

तद् उ होवाच शाट्यायनिर् बहुपुत्र एष उद्गीथ इत्य् एवोपासितव्यम् बहवो ह्य् एत आदित्यस्य रश्मयस् ते ऽस्य पुत्राः तस्माद् बहुपुत्र एष उद्गीथ इत्य् एवोपासितव्यम् इति

tad u hovāca śāṭyāyanir bahuputra eṣa udgītha ity evopāsitavyam bahavo hy eta ādityasya raśmayas te 'sya putrāḥ tasmād bahuputra eṣa udgītha ity evopāsitavyam iti

Sanskrit only: no published translation is held for this verse.