Jaiminīya Upaniṣad Brāhmaṇa (Sāmaveda) 3.30

स होवाच यद् वै ते पुरा रूपम् आसीत् तत् ते रूपम् न तु त्वा परिष्वङ्गायोपलभ इति

sa hovāca yad vai te purā rūpam āsīt tat te rūpam na tu tvā pariṣvaṅgāyopalabha iti

Sanskrit only: no published translation is held for this verse.

ओम् इति होवाच ब्राह्मणो वै मे साम विद्वान् साम्नोदगायत् स मे ऽशरीरेण साम्ना शरीराण्य् अधूनोत् तद् यस्य वै किल साम विद्वान् साम्नोद्गायति देवतानाम् एव सलोकतां गमयतीति

om iti hovāca brāhmaṇo vai me sāma vidvān sāmnodagāyat sa me 'śarīreṇa sāmnā śarīrāṇy adhūnot tad yasya vai kila sāma vidvān sāmnodgāyati devatānām eva salokatāṃ gamayatīti

Sanskrit only: no published translation is held for this verse.

पतङ्गः प्राजापत्य इति होवाच प्रजापतेः प्रियः पुत्र आस स तस्मा एतत् सामाब्रवीत् तेन स ऋषीणाम् उदगायत् त एत ऋषयो धूतशरीरा इति

pataṅgaḥ prājāpatya iti hovāca prajāpateḥ priyaḥ putra āsa sa tasmā etat sāmābravīt tena sa ṛṣīṇām udagāyat ta eta ṛṣayo dhūtaśarīrā iti

Sanskrit only: no published translation is held for this verse.

एतेनो एव साम्नेति होवाच प्रजापतिर् देवानाम् उदगायत् त एत उपरि देवा धूतशरीरा इति

eteno eva sāmneti hovāca prajāpatir devānām udagāyat ta eta upari devā dhūtaśarīrā iti

Sanskrit only: no published translation is held for this verse.

तस्मिन् हैनम् अनुशशास तं हानुशिष्योवाच यः स्मैवैतत् साम विद्यात् स स्मैव त उद्गायत्व् इति

tasmin hainam anuśaśāsa taṃ hānuśiṣyovāca yaḥ smaivaitat sāma vidyāt sa smaiva ta udgāyatv iti

Sanskrit only: no published translation is held for this verse.

स हानुशिष्ट आजगाम स ह स्म कुरुपञ्चालानाम् ब्राह्मणान् उपपृच्छमानश् चरति

sa hānuśiṣṭa ājagāma sa ha sma kurupañcālānām brāhmaṇān upapṛcchamānaś carati

Sanskrit only: no published translation is held for this verse.