Jaiminīya Upaniṣad Brāhmaṇa (Sāmaveda) 4.11

षड्ढ वै देवताः स्वयंभुवो ऽग्निर् वायुर् असाव् आदित्यः प्राणो ऽन्नं वाक्

ṣaḍḍha vai devatāḥ svayaṃbhuvo 'gnir vāyur asāv ādityaḥ prāṇo 'nnaṃ vāk

Sanskrit only: no published translation is held for this verse.

ताः श्रैष्ठ्ये व्यवदन्ताहं श्रेष्ठास्म्य् अहं श्रेष्ठास्मि मां श्रियम् उपाध्वम् इति

tāḥ śraiṣṭhye vyavadantāhaṃ śreṣṭhāsmy ahaṃ śreṣṭhāsmi māṃ śriyam upādhvam iti

Sanskrit only: no published translation is held for this verse.

ता अन्योन्यस्यै श्रेष्ठतायै नातिष्ठन्त ता अब्रुवन् न वा अन्योन्यस्यै श्रेष्ठतायै तिष्ठामह एता संप्रब्रवामहै यथा श्रेष्ठाः स्म इति

tā anyonyasyai śreṣṭhatāyai nātiṣṭhanta tā abruvan na vā anyonyasyai śreṣṭhatāyai tiṣṭhāmaha etā saṃprabravāmahai yathā śreṣṭhāḥ sma iti

Sanskrit only: no published translation is held for this verse.

ता अग्निम् अब्रुवन् कथं त्वं श्रेष्ठो ऽसीति

tā agnim abruvan kathaṃ tvaṃ śreṣṭho 'sīti

Sanskrit only: no published translation is held for this verse.

सो ऽब्रवीद् अहं देवानाम् मुखम् अस्म्य् अहम् अन्यासाम् प्रजानाम् मयाहुतयो हूयन्ते अहं देवानाम् अन्नं विकरोम्यहम् मनुष्याणाम्

so 'bravīd ahaṃ devānām mukham asmy aham anyāsām prajānām mayāhutayo hūyante ahaṃ devānām annaṃ vikaromyaham manuṣyāṇām

Sanskrit only: no published translation is held for this verse.

स यन् न स्याम् अमुखा एव देवाः स्युर् अमुखा अन्याः प्रजाः नाहुतयो हूयेरन् न देवानाम् अन्नं विक्रियेत न मनुष्याणाम्

sa yan na syām amukhā eva devāḥ syur amukhā anyāḥ prajāḥ nāhutayo hūyeran na devānām annaṃ vikriyeta na manuṣyāṇām

Sanskrit only: no published translation is held for this verse.

तत इदं सर्वम् पराभवेत् ततो न किंचन परिशिष्येतेति

tata idaṃ sarvam parābhavet tato na kiṃcana pariśiṣyeteti

Sanskrit only: no published translation is held for this verse.

एवम् एवेति होचुर् नैवेह किंचन परिशिष्येत यत् त्वं न स्या इति

evam eveti hocur naiveha kiṃcana pariśiṣyeta yat tvaṃ na syā iti

Sanskrit only: no published translation is held for this verse.

अथ वायुम् अब्रुवन् कथम् उ त्वं श्रेष्ठो ऽसीति

atha vāyum abruvan katham u tvaṃ śreṣṭho 'sīti

Sanskrit only: no published translation is held for this verse.

सो ऽब्रवीद् अहं देवानाम् प्राणो ऽस्म्य् अहम् अन्यासाम् प्रजानाम् यस्माद् अहम् उत्क्रामामि ततः स प्रप्लवते

so 'bravīd ahaṃ devānām prāṇo 'smy aham anyāsām prajānām yasmād aham utkrāmāmi tataḥ sa praplavate

Sanskrit only: no published translation is held for this verse.

स यद् अहं न स्यां तत इदं सर्वम् पराभवेत् ततो न किंचन परिशिष्येतेति

sa yad ahaṃ na syāṃ tata idaṃ sarvam parābhavet tato na kiṃcana pariśiṣyeteti

Sanskrit only: no published translation is held for this verse.

एवम् एवेति होचुर् नैवेह किंचन परिशिष्येत यत् त्वं न स्या इति

evam eveti hocur naiveha kiṃcana pariśiṣyeta yat tvaṃ na syā iti

Sanskrit only: no published translation is held for this verse.