Jaiminīya Upaniṣad Brāhmaṇa (Sāmaveda) 4.14

ता ब्रह्माब्रुवन् त्वयि प्रतिष्ठायैतम् उद्यच्छामेति ता ब्रह्माब्रवीद् आस्येन प्राणेन युष्मान् आस्येन प्राणेन माम् उपाप्नवाथेति

tā brahmābruvan tvayi pratiṣṭhāyaitam udyacchāmeti tā brahmābravīd āsyena prāṇena yuṣmān āsyena prāṇena mām upāpnavātheti

Sanskrit only: no published translation is held for this verse.

ता एतेन प्राणेनौकारेण वाच्य् अकारम् अभिनिमेष्यन्त्यो हिङ्काराद् भकारम् ओकारेण वाचम् अनुस्वरन्त्य उभाभ्याम् प्राणाभ्यां गायत्रम् अगायन्न् ओवा३च् ओवा३च् ओवा३च् हुम् भा वो वा इति

tā etena prāṇenaukāreṇa vācy akāram abhinimeṣyantyo hiṅkārād bhakāram okāreṇa vācam anusvarantya ubhābhyām prāṇābhyāṃ gāyatram agāyann ovā3c ovā3c ovā3c hum bhā vo vā iti

Sanskrit only: no published translation is held for this verse.

स यथोभयापदी प्रतितिष्ठत्य् एवम् एव स्वर्गे लोके प्रत्यतिष्ठन् प्रति स्वर्गे लोके तिष्ठति य एवं वेद

sa yathobhayāpadī pratitiṣṭhaty evam eva svarge loke pratyatiṣṭhan prati svarge loke tiṣṭhati ya evaṃ veda

Sanskrit only: no published translation is held for this verse.

य उ ह वा एवंविद् अस्माल् लोकात् प्रैति स प्राण एव भूत्वा वायुम् अप्येति वायोर् अध्य् अभ्राण्य् अभ्रेभ्यो ऽधि वृष्टिं वृष्ट्यैवेमं लोकम् अनुविभवति

ya u ha vā evaṃvid asmāl lokāt praiti sa prāṇa eva bhūtvā vāyum apyeti vāyor adhy abhrāṇy abhrebhyo 'dhi vṛṣṭiṃ vṛṣṭyaivemaṃ lokam anuvibhavati

Sanskrit only: no published translation is held for this verse.

ऋषयो ह सत्त्रम् आसांचक्रिरे ते पुनः पुनर् बह्वीभिर् बह्वीभिः प्रतिपद्भिः स्वर्गस्य लोकस्य द्वारं नानु चन बुबुधिरे

ṛṣayo ha sattram āsāṃcakrire te punaḥ punar bahvībhir bahvībhiḥ pratipadbhiḥ svargasya lokasya dvāraṃ nānu cana bubudhire

Sanskrit only: no published translation is held for this verse.

त उ श्रमेण तपसा व्रतचर्येणेन्द्रम् अवरुरुधिरे

ta u śrameṇa tapasā vratacaryeṇendram avarurudhire

Sanskrit only: no published translation is held for this verse.

तं होचुः स्वर्गं वै लोकम् ऐप्सिष्म ते पुनः पुनर् बह्वीभिर् बह्वीभिः प्रतिपद्भिः स्वर्गस्य लोकस्य द्वारं नानु चनाभुत्स्महि तथा नो ऽनुशाधि यथा स्वर्गस्य लोकस्य द्वारम् अनुप्रज्ञायानार्ताः स्वस्ति संवत्सरस्योदृचं गत्वा स्वर्गं लोकम् इयामेति

taṃ hocuḥ svargaṃ vai lokam aipsiṣma te punaḥ punar bahvībhir bahvībhiḥ pratipadbhiḥ svargasya lokasya dvāraṃ nānu canābhutsmahi tathā no 'nuśādhi yathā svargasya lokasya dvāram anuprajñāyānārtāḥ svasti saṃvatsarasyodṛcaṃ gatvā svargaṃ lokam iyāmeti

Sanskrit only: no published translation is held for this verse.

तान् होवाच को वः स्थविरतम इति

tān hovāca ko vaḥ sthaviratama iti

Sanskrit only: no published translation is held for this verse.