Jaiminīya Upaniṣad Brāhmaṇa (Sāmaveda) 4.22

आशा वा इदम् अग्र आसीद् भविष्यद् एव तद् अभवत् ता आपो ऽभवन्

āśā vā idam agra āsīd bhaviṣyad eva tad abhavat tā āpo 'bhavan

Sanskrit only: no published translation is held for this verse.

तास् तपो ऽतप्यन्त तास् तपस् तेपाना हुस्स् इत्य् एव प्राचीः प्राश्वसन् स वाव प्राणो ऽभवत्

tās tapo 'tapyanta tās tapas tepānā huss ity eva prācīḥ prāśvasan sa vāva prāṇo 'bhavat

Sanskrit only: no published translation is held for this verse.

ताः प्राण्यापानन् स वा अपानो ऽभवत्

tāḥ prāṇyāpānan sa vā apāno 'bhavat

Sanskrit only: no published translation is held for this verse.

ता अपान्य व्यानन् स वाव व्यानो ऽभवत्

tā apānya vyānan sa vāva vyāno 'bhavat

Sanskrit only: no published translation is held for this verse.

ता व्यान्य समानन् स वाव समानो ऽभवत्

tā vyānya samānan sa vāva samāno 'bhavat

Sanskrit only: no published translation is held for this verse.

ताः समान्योदानन् स वा उदानो ऽभवत्

tāḥ samānyodānan sa vā udāno 'bhavat

Sanskrit only: no published translation is held for this verse.

तद् इदम् एकम् एव सधमाद्यम् आसीद् अविविक्तम्

tad idam ekam eva sadhamādyam āsīd aviviktam

Sanskrit only: no published translation is held for this verse.

स नामरूपम् अकुरुत तेनैनद् व्यविनक् वि ह पाप्मनो विच्यते य एवं वेद

sa nāmarūpam akuruta tenainad vyavinak vi ha pāpmano vicyate ya evaṃ veda

Sanskrit only: no published translation is held for this verse.

तद् असौ वा आदित्यः प्राणो ऽग्निर् अपान आपो व्यानो दिशः समानश् चन्द्रमा उदानः

tad asau vā ādityaḥ prāṇo 'gnir apāna āpo vyāno diśaḥ samānaś candramā udānaḥ

Sanskrit only: no published translation is held for this verse.

तद् वा एतद् एकम् अभवत् प्राण एव स य एवम् एतद् एकम् भवद् वेदैवं हैतद् एकधा भवतीत्य् एकधैव श्रेष्ठः स्वानाम् भवति

tad vā etad ekam abhavat prāṇa eva sa ya evam etad ekam bhavad vedaivaṃ haitad ekadhā bhavatīty ekadhaiva śreṣṭhaḥ svānām bhavati

Sanskrit only: no published translation is held for this verse.

तद् अग्निर् वै प्राणो वाग् इति पृथिवी वायुर् वै प्राणो वाग् इत्य् अन्तरिक्षम् आदित्यो वै प्राणो वाग् इति द्यौर् दिशो वै प्राणो वाग् इति श्रोत्रं चन्द्रमा वै प्राणो वाग् इति मनः पुमान् वै प्राणो वाग् इति स्त्री

tad agnir vai prāṇo vāg iti pṛthivī vāyur vai prāṇo vāg ity antarikṣam ādityo vai prāṇo vāg iti dyaur diśo vai prāṇo vāg iti śrotraṃ candramā vai prāṇo vāg iti manaḥ pumān vai prāṇo vāg iti strī

Sanskrit only: no published translation is held for this verse.

तस्येदं सृष्टं शिथिलम् भुवनम् आसीद् अपर्याप्तम्

tasyedaṃ sṛṣṭaṃ śithilam bhuvanam āsīd aparyāptam

Sanskrit only: no published translation is held for this verse.

स मनोरूपम् अकुरुत तेन तत् पर्याप्नोत् दृढं ह वा अस्येदं सृष्टम् अशिथिलम् भुवनम् पर्याप्तम् भवति य एवं वेद

sa manorūpam akuruta tena tat paryāpnot dṛḍhaṃ ha vā asyedaṃ sṛṣṭam aśithilam bhuvanam paryāptam bhavati ya evaṃ veda

Sanskrit only: no published translation is held for this verse.