Jaiminīya Upaniṣad Brāhmaṇa (Sāmaveda) 4.24

स पुरुषम् एव प्रपदनायावृणीत

sa puruṣam eva prapadanāyāvṛṇīta

Sanskrit only: no published translation is held for this verse.

तम् पुरस्तात् प्रत्यञ्चम् प्राविशत् तस्मा उरुर् अभवत् तद् उरस उरस्त्वम्

tam purastāt pratyañcam prāviśat tasmā urur abhavat tad urasa urastvam

Sanskrit only: no published translation is held for this verse.

तस्मा अत्रसद एता देवता बलिं हरन्ति

tasmā atrasada etā devatā baliṃ haranti

Sanskrit only: no published translation is held for this verse.

वाचम् अनुहरन्तीम् अग्निर् अस्मै बलिं हरति

vācam anuharantīm agnir asmai baliṃ harati

Sanskrit only: no published translation is held for this verse.

मनो ऽनुहरच् चन्द्रमा अस्मै बलिं हरति

mano 'nuharac candramā asmai baliṃ harati

Sanskrit only: no published translation is held for this verse.

चक्षुर् अनुहरद् आदित्यो ऽस्मै बलिं हरति

cakṣur anuharad ādityo 'smai baliṃ harati

Sanskrit only: no published translation is held for this verse.

श्रोत्रम् अनुहरद् दिशो ऽस्मै बलिं हरन्ति

śrotram anuharad diśo 'smai baliṃ haranti

Sanskrit only: no published translation is held for this verse.

प्राणम् अनुहरन्तं वायुर् अस्मै बलिं हरति

prāṇam anuharantaṃ vāyur asmai baliṃ harati

Sanskrit only: no published translation is held for this verse.

तस्यैते निष्खाताः पन्था बलिवाहना इमे प्राणाः एवं हैतं निष्खाताः पन्था बलिवाहनाः सर्वतो ऽपियन्ति प्राणा य एवं वेद

tasyaite niṣkhātāḥ panthā balivāhanā ime prāṇāḥ evaṃ haitaṃ niṣkhātāḥ panthā balivāhanāḥ sarvato 'piyanti prāṇā ya evaṃ veda

Sanskrit only: no published translation is held for this verse.

सा हैषा ब्रह्मासन्दीम् आरूढा आ हास्मै ब्रह्मासन्दीं हरन्त्य् अधि ह ब्रह्मासन्दीं रोहति य एवं वेद

sā haiṣā brahmāsandīm ārūḍhā ā hāsmai brahmāsandīṃ haranty adhi ha brahmāsandīṃ rohati ya evaṃ veda

Sanskrit only: no published translation is held for this verse.

तद् एतद् ब्रह्मयशः श्रिया परिवृढम् ब्रह्म ह तु सन् यशसा श्रिया परिवृढो भवति य एवं वेद

tad etad brahmayaśaḥ śriyā parivṛḍham brahma ha tu san yaśasā śriyā parivṛḍho bhavati ya evaṃ veda

Sanskrit only: no published translation is held for this verse.

तस्यैष आदेशो यो ऽयं दक्षिणे ऽक्षन्न् अन्तः तस्य यच्छुक्लं तद् ऋचां रूपं यत् कृष्णं तत् साम्नां यद् एव ताम्रम् इव बभ्रुर् इव तद् यजुषाम्

tasyaiṣa ādeśo yo 'yaṃ dakṣiṇe 'kṣann antaḥ tasya yacchuklaṃ tad ṛcāṃ rūpaṃ yat kṛṣṇaṃ tat sāmnāṃ yad eva tāmram iva babhrur iva tad yajuṣām

Sanskrit only: no published translation is held for this verse.

य एवायं चक्षुषि पुरुष एष इन्द्र एष प्रजापतिः समः पृथिव्या सम आकाशेन समो दिवा समः सर्वेण भूतेन एष परो दिवो दीप्यते एष एवेदं सर्वम् इत्य् उपासितव्यम्

ya evāyaṃ cakṣuṣi puruṣa eṣa indra eṣa prajāpatiḥ samaḥ pṛthivyā sama ākāśena samo divā samaḥ sarveṇa bhūtena eṣa paro divo dīpyate eṣa evedaṃ sarvam ity upāsitavyam

Sanskrit only: no published translation is held for this verse.