Jaiminīya Upaniṣad Brāhmaṇa (Sāmaveda) 4.25

सच्चासच्चासच्च सच्च वाक् च मनश् च मनश् च वाक् च चक्षुश् च श्रोत्रं च श्रोत्रं च चक्षुश् च श्रद्धा च तपश् च तपश् च श्रद्धा च तानि षोडश

saccāsaccāsacca sacca vāk ca manaś ca manaś ca vāk ca cakṣuś ca śrotraṃ ca śrotraṃ ca cakṣuś ca śraddhā ca tapaś ca tapaś ca śraddhā ca tāni ṣoḍaśa

Sanskrit only: no published translation is held for this verse.

षोडशकलम् ब्रह्म स य एवम् एतत् षोडशकलम् ब्रह्म वेद तम् एवैतत् षोडशकलम् ब्रह्माप्येति

ṣoḍaśakalam brahma sa ya evam etat ṣoḍaśakalam brahma veda tam evaitat ṣoḍaśakalam brahmāpyeti

Sanskrit only: no published translation is held for this verse.

वेदो ब्रह्म तस्य सत्यम् आयतनं शमः प्रतिष्ठा दमश् च

vedo brahma tasya satyam āyatanaṃ śamaḥ pratiṣṭhā damaś ca

Sanskrit only: no published translation is held for this verse.

तद् यथा श्वः प्रैष्यन् पापात् कर्मणो जुगुप्सेतैवम् एवाहरहः पापात् कर्मणो जुगुप्सेताकालात्

tad yathā śvaḥ praiṣyan pāpāt karmaṇo jugupsetaivam evāharahaḥ pāpāt karmaṇo jugupsetākālāt

Sanskrit only: no published translation is held for this verse.

अथैषां दशपदी विराट्

athaiṣāṃ daśapadī virāṭ

Sanskrit only: no published translation is held for this verse.

दश पुरुषे स्वर्गनरकाणि तानि एनं स्वर्गं गतानि स्वर्गं गमयन्ति नरकम् गतानि नरकं गमयन्ति

daśa puruṣe svarganarakāṇi tāni enaṃ svargaṃ gatāni svargaṃ gamayanti narakam gatāni narakaṃ gamayanti

Sanskrit only: no published translation is held for this verse.