Jaiminīya Upaniṣad Brāhmaṇa (Sāmaveda) 4.26

मनो नरको वाङ् नरकः प्राणो नरकश् चक्षुर् नरकः श्रोत्रं नरकस् त्वङ् नरको हस्तौ नरको गुदं नरकः शिश्नं नरकः पादौ नरकः

mano narako vāṅ narakaḥ prāṇo narakaś cakṣur narakaḥ śrotraṃ narakas tvaṅ narako hastau narako gudaṃ narakaḥ śiśnaṃ narakaḥ pādau narakaḥ

Sanskrit only: no published translation is held for this verse.

मनसा परीक्ष्याणि वेदेति वेद

manasā parīkṣyāṇi vedeti veda

Sanskrit only: no published translation is held for this verse.

वाचा रसान् वेदेति वेद

vācā rasān vedeti veda

Sanskrit only: no published translation is held for this verse.

प्राणेन गन्धान् वेदेति वेद

prāṇena gandhān vedeti veda

Sanskrit only: no published translation is held for this verse.

चक्षुषा रूपाणि वेदेति वेद

cakṣuṣā rūpāṇi vedeti veda

Sanskrit only: no published translation is held for this verse.

श्रोत्रेण शब्दान् वेदेति वेद

śrotreṇa śabdān vedeti veda

Sanskrit only: no published translation is held for this verse.

त्वचा संस्पर्शान् वेदेति वेद

tvacā saṃsparśān vedeti veda

Sanskrit only: no published translation is held for this verse.

हस्ताभ्यां कर्माणि वेदेति वेद

hastābhyāṃ karmāṇi vedeti veda

Sanskrit only: no published translation is held for this verse.

उदरेणाशनयां वेदेति वेद

udareṇāśanayāṃ vedeti veda

Sanskrit only: no published translation is held for this verse.

शिश्नेन रामान् वेदेति वेद

śiśnena rāmān vedeti veda

Sanskrit only: no published translation is held for this verse.

पादाभ्याम् अध्वनो वेदेति वेद

pādābhyām adhvano vedeti veda

Sanskrit only: no published translation is held for this verse.

प्लक्षस्य प्रास्रवणस्य प्रादेशमात्राद् उदक् तत् पृथिव्यै मध्यम् अथ यत्रैते सप्तर्षयस् तद् दिवो मध्यम्

plakṣasya prāsravaṇasya prādeśamātrād udak tat pṛthivyai madhyam atha yatraite saptarṣayas tad divo madhyam

Sanskrit only: no published translation is held for this verse.

अथ यत्रैत ऊषास् तत् पृथिव्यै हृदयम् अथ यद् एतत् कृष्णं चन्द्रमसि तद् दिवो हृदयम्

atha yatraita ūṣās tat pṛthivyai hṛdayam atha yad etat kṛṣṇaṃ candramasi tad divo hṛdayam

Sanskrit only: no published translation is held for this verse.

स य एवम् एते द्यावापृथिव्योर् मध्ये च हृदये च वेद नाकामो ऽस्माल्लोकात् प्रैति

sa ya evam ete dyāvāpṛthivyor madhye ca hṛdaye ca veda nākāmo 'smāllokāt praiti

Sanskrit only: no published translation is held for this verse.

नमो ऽतिसामायैतुरेताय धृतराष्ट्राय पार्थुश्रवसाय ये च प्राणं रक्षन्ति ते मा रक्षन्तु स्वस्ति कर्मेति गार्हपत्यः शम इत्य् आहवनीयो दम इत्य् अन्वाहार्यपचनः

namo 'tisāmāyaituretāya dhṛtarāṣṭrāya pārthuśravasāya ye ca prāṇaṃ rakṣanti te mā rakṣantu svasti karmeti gārhapatyaḥ śama ity āhavanīyo dama ity anvāhāryapacanaḥ

Sanskrit only: no published translation is held for this verse.