Jaiminīya Upaniṣad Brāhmaṇa (Sāmaveda) 4.5

व्युषि सविता भवस्य् उदेष्यन् विष्णुर् उद्यन् पुरुष उदितो बृहस्पतिर् अभिप्रयन् मघवेन्द्रो वैकुण्ठो माध्यन्दिने भगो ऽपराह्न उग्रो देवो लोहितायन्न् अस्तमिते यमो भवसि

vyuṣi savitā bhavasy udeṣyan viṣṇur udyan puruṣa udito bṛhaspatir abhiprayan maghavendro vaikuṇṭho mādhyandine bhago 'parāhna ugro devo lohitāyann astamite yamo bhavasi

Sanskrit only: no published translation is held for this verse.

अश्नसु सोमो राजा निशायाम् पितृराजः स्वप्ने मनुष्यान् प्रविशसि पयसा पशून्

aśnasu somo rājā niśāyām pitṛrājaḥ svapne manuṣyān praviśasi payasā paśūn

Sanskrit only: no published translation is held for this verse.

विरात्रे भवो भवस्य् अपररात्रे ऽङ्गिरा अग्निहोत्रवेलायाम् भृगुः

virātre bhavo bhavasy apararātre 'ṅgirā agnihotravelāyām bhṛguḥ

Sanskrit only: no published translation is held for this verse.

तस्य तद् एतद् एव मण्डलम् ऊधः तस्यैतौ स्तनौ यद् वाक् च प्राणश् च ताभ्याम् मे धुक्ष्वाध्यायम् ब्रह्मचर्यम् प्रजां पशून् स्वर्गं लोकं सजातवनस्याम्

tasya tad etad eva maṇḍalam ūdhaḥ tasyaitau stanau yad vāk ca prāṇaś ca tābhyām me dhukṣvādhyāyam brahmacaryam prajāṃ paśūn svargaṃ lokaṃ sajātavanasyām

Sanskrit only: no published translation is held for this verse.

एता आशिष आशासे भूर् भुवः स्वः उदिते शुक्रम् आदिश तद् अत्मन् दधे

etā āśiṣa āśāse bhūr bhuvaḥ svaḥ udite śukram ādiśa tad atman dadhe

Sanskrit only: no published translation is held for this verse.