Jaiminīya Upaniṣad Brāhmaṇa (Sāmaveda) 4.6

भगेरथो हैक्ष्वाको राजा कामप्रेण यज्ञेन यक्ष्यमाण आस

bhageratho haikṣvāko rājā kāmapreṇa yajñena yakṣyamāṇa āsa

Sanskrit only: no published translation is held for this verse.

तद् उ ह कुरुपञ्चालानाम् ब्राह्मणा ऊचुर् भगेरथो ह वा अयम् ऐक्ष्वाको राजा कामप्रेण यज्ञेन यक्ष्यमाणः एतेन कथां वदिष्याम इति

tad u ha kurupañcālānām brāhmaṇā ūcur bhageratho ha vā ayam aikṣvāko rājā kāmapreṇa yajñena yakṣyamāṇaḥ etena kathāṃ vadiṣyāma iti

Sanskrit only: no published translation is held for this verse.

तं हाभ्येयुः तेभ्यो हाभ्यागतेभ्यो ऽपचितीश् चकार

taṃ hābhyeyuḥ tebhyo hābhyāgatebhyo 'pacitīś cakāra

Sanskrit only: no published translation is held for this verse.

अथ हैषां स भाग आवव्राजोप्त्वा केशश्मश्रूणि नखान् निकृत्याज्येनाभ्यज्य दण्डोपानहम् बिभ्रत्

atha haiṣāṃ sa bhāga āvavrājoptvā keśaśmaśrūṇi nakhān nikṛtyājyenābhyajya daṇḍopānaham bibhrat

Sanskrit only: no published translation is held for this verse.

तान् होवाच ब्राह्मणा भगवन्तः कतमो वस् तद् वेद यथाश्रावितप्रत्याश्राविते देवान् गच्छत इति

tān hovāca brāhmaṇā bhagavantaḥ katamo vas tad veda yathāśrāvitapratyāśrāvite devān gacchata iti

Sanskrit only: no published translation is held for this verse.

अथ होवाच कतमो वस् तद् वेद यद्विदुषः सूद्गाता सुहोता स्वध्वर्युः सुमानुषविद् आजायत इति

atha hovāca katamo vas tad veda yadviduṣaḥ sūdgātā suhotā svadhvaryuḥ sumānuṣavid ājāyata iti

Sanskrit only: no published translation is held for this verse.

अथ होवाच कतमो वस् तद् वेद यच् छन्दांसि प्रयुज्यन्ते यत् तानि सर्वाणि संस्तुतान्य् अभिसंपद्यन्त इति

atha hovāca katamo vas tad veda yac chandāṃsi prayujyante yat tāni sarvāṇi saṃstutāny abhisaṃpadyanta iti

Sanskrit only: no published translation is held for this verse.

अथ होवाच कतमो वस् तद् वेद यथा गायत्र्या उत्तमे अक्षरे पुनर् यज्ञम् अपिगच्छत इति

atha hovāca katamo vas tad veda yathā gāyatryā uttame akṣare punar yajñam apigacchata iti

Sanskrit only: no published translation is held for this verse.

अथ होवाच कतमो वस् तद् वेद यथा दक्षिणाः प्रतिगृहीता न हिंसन्तीति

atha hovāca katamo vas tad veda yathā dakṣiṇāḥ pratigṛhītā na hiṃsantīti

Sanskrit only: no published translation is held for this verse.