Jaiminīya Upaniṣad Brāhmaṇa (Sāmaveda) 4.7

एतान् हैनान् पञ्च प्रश्नान् पप्रच्छ

etān hainān pañca praśnān papraccha

Sanskrit only: no published translation is held for this verse.

तेषां ह कुरुपञ्चालानाम् बको दाल्भ्यो ऽनूचान आस

teṣāṃ ha kurupañcālānām bako dālbhyo 'nūcāna āsa

Sanskrit only: no published translation is held for this verse.

स होवाच यथाश्रावितप्रत्याश्राविते देवान् गच्छत इति प्राच्यां वै राजन् दिश्य् आश्रावितप्रत्याश्राविते देवान् गच्छतः तस्मात् प्राङ् तिष्ठन्न् आश्रावयति प्राङ् तिष्ठन् प्रत्याश्रावयतीति

sa hovāca yathāśrāvitapratyāśrāvite devān gacchata iti prācyāṃ vai rājan diśy āśrāvitapratyāśrāvite devān gacchataḥ tasmāt prāṅ tiṣṭhann āśrāvayati prāṅ tiṣṭhan pratyāśrāvayatīti

Sanskrit only: no published translation is held for this verse.

अथ होवाच यद्विदुषः सूद्गाता सुहोता स्वध्वर्युः सुमानुषविद् आजायत इति यो वै मनुष्यस्य सम्भूतिं वेदेति होवाच तस्य सूद्गाता सुहोता स्वध्वर्युः सुमानुषविद् आजायत इति प्राणा उ ह वाव राजन् मनुष्यस्य सम्भूतिर् एवेति

atha hovāca yadviduṣaḥ sūdgātā suhotā svadhvaryuḥ sumānuṣavid ājāyata iti yo vai manuṣyasya sambhūtiṃ vedeti hovāca tasya sūdgātā suhotā svadhvaryuḥ sumānuṣavid ājāyata iti prāṇā u ha vāva rājan manuṣyasya sambhūtir eveti

Sanskrit only: no published translation is held for this verse.

अथ होवाच यच् छन्दांसि प्रयुज्यन्ते यत् तानि सर्वाणि संस्तुतान्य् अभिसंपद्यन्त इति गायत्रीम् उ ह वाव राजन् सर्वाणि छन्दांसि संस्तुतान्य् अभिसंपद्यन्त इति

atha hovāca yac chandāṃsi prayujyante yat tāni sarvāṇi saṃstutāny abhisaṃpadyanta iti gāyatrīm u ha vāva rājan sarvāṇi chandāṃsi saṃstutāny abhisaṃpadyanta iti

Sanskrit only: no published translation is held for this verse.

अथ होवाच यथा गायत्र्या उत्तमे अक्षरे पुनर् यज्ञम् अपिगच्छत इति वषट्कारेणो ह वाव राजन् गायत्र्या उत्तमे अक्षरे पुनर् यज्ञम् अपिगच्छत इति

atha hovāca yathā gāyatryā uttame akṣare punar yajñam apigacchata iti vaṣaṭkāreṇo ha vāva rājan gāyatryā uttame akṣare punar yajñam apigacchata iti

Sanskrit only: no published translation is held for this verse.

अथ होवाच यथा दक्षिणाः प्रतिगृहीता न हिंसन्तीति

atha hovāca yathā dakṣiṇāḥ pratigṛhītā na hiṃsantīti

Sanskrit only: no published translation is held for this verse.