Jaiminīya Upaniṣad Brāhmaṇa (Sāmaveda) 4.8

यो वै गायत्र्यै मुखं वेदेति होवाच तं दक्षिणा प्रतिगृहीता न हिंसन्तीति

yo vai gāyatryai mukhaṃ vedeti hovāca taṃ dakṣiṇā pratigṛhītā na hiṃsantīti

Sanskrit only: no published translation is held for this verse.

अग्निर् ह वाव राजन् गायत्रीमुखम् तस्माद् यद् अग्नाव् अभ्यादधाति भूयान् एव स तेन भवति वर्धते एवम् एवैवं विद्वान् ब्राह्मणः प्रतिगृह्णन् भूयान् एव भवति वर्धत उ एवेति

agnir ha vāva rājan gāyatrīmukham tasmād yad agnāv abhyādadhāti bhūyān eva sa tena bhavati vardhate evam evaivaṃ vidvān brāhmaṇaḥ pratigṛhṇan bhūyān eva bhavati vardhata u eveti

Sanskrit only: no published translation is held for this verse.

स होवाचानूचानो वै किलायम् ब्राह्मण आस त्वाम् अहम् अनेन यज्ञेनैमीति

sa hovācānūcāno vai kilāyam brāhmaṇa āsa tvām aham anena yajñenaimīti

Sanskrit only: no published translation is held for this verse.

तस्य वै ते तथोद्गास्यामीति होवाच यथैकराड् एव भूत्वा स्वर्गं लोकम् एष्यसीति

tasya vai te tathodgāsyāmīti hovāca yathaikarāḍ eva bhūtvā svargaṃ lokam eṣyasīti

Sanskrit only: no published translation is held for this verse.

तस्मा एतेन गायत्रेणोद्गीथेनोज्जगौ स हैकराड् एव भूत्वा स्वर्गं लोकम् इयाय तेन हैतेनैकराड् एव भूत्वा स्वर्गं लोकम् एति य एवं वेद

tasmā etena gāyatreṇodgīthenojjagau sa haikarāḍ eva bhūtvā svargaṃ lokam iyāya tena haitenaikarāḍ eva bhūtvā svargaṃ lokam eti ya evaṃ veda

Sanskrit only: no published translation is held for this verse.

ॐ वा इति द्वे अक्षरे ॐ वा इति चतुर्थे ॐ वा इति षष्ठे हुम् भा ॐ वाग् इत्य् अष्टमे

oṃ vā iti dve akṣare oṃ vā iti caturthe oṃ vā iti ṣaṣṭhe hum bhā oṃ vāg ity aṣṭame

Sanskrit only: no published translation is held for this verse.

तेन हैतेन प्रतीदर्शो ऽस्य भयदस्यासमात्यस्योज्जगौ

tena haitena pratīdarśo 'sya bhayadasyāsamātyasyojjagau

Sanskrit only: no published translation is held for this verse.

तं होवाच किं त आगास्यामीति स होवाच हरी मे देवाश्वाव् आगायेति तथेति तौ हास्मा आजगौ तौ हैनम् आजग्मतुः

taṃ hovāca kiṃ ta āgāsyāmīti sa hovāca harī me devāśvāv āgāyeti tatheti tau hāsmā ājagau tau hainam ājagmatuḥ

Sanskrit only: no published translation is held for this verse.

स वा एष उद्गीथः कामानां सम्पद् ॐ वा३च् ॐ वा३च् ॐ वा३च् हुम् भा ॐ वाग् इति साङ्गो हैव सतनुर् अमृतः सम्भवति य एतद् एवं वेदाथो यस्यैवं विद्वान् उद्गायति

sa vā eṣa udgīthaḥ kāmānāṃ sampad oṃ vā3c oṃ vā3c oṃ vā3c hum bhā oṃ vāg iti sāṅgo haiva satanur amṛtaḥ sambhavati ya etad evaṃ vedātho yasyaivaṃ vidvān udgāyati

Sanskrit only: no published translation is held for this verse.