षष्ठी-सप्तम्यौ वर्तते । स्वामिन् ईश्वर अधिपति दायाद साक्षिन् प्रतिभू प्रसूत इत्य् एतैर् योगे षष्ठी-सप्तम्यौ विभक्ती भवतः । गवां स्वामी, गोषु स्वामी । गवामीश्वरः, गोष्वीश्वरः । गवामधिपतिः, गोष्वधिपतिः । गवां दायादः, गोषु दायादः । गवां साक्षी, गोषू साक्षी । गवां प्रतिभूः, गोषु प्रतिभूतः । गवां प्रसूतः, गोषु प्रसूतः । षष्ठ्याम् एव प्राप्तयां पक्षे सप्तमीविधान-अर्थं वचनम् ॥ आयुक्त-कुशलाभ्यां च आसेवायाम्
ṣaṣṭhī-saptamyau vartate / svāmin īśvara adhipati dāyāda sākṣin pratibhū prasūta ity etair yoge ṣaṣṭhī-saptamyau vibhaktī bhavataḥ / gavāṃ svāmī, goṣu svāmī / gavāmīśvaraḥ, goṣvīśvaraḥ / gavāmadhipatiḥ, goṣvadhipatiḥ / gavāṃ dāyādaḥ, goṣu dāyādaḥ / gavāṃ sākṣī, goṣū sākṣī / gavāṃ pratibhūḥ, goṣu pratibhūtaḥ / gavāṃ prasūtaḥ, goṣu prasūtaḥ / ṣaṣṭhyām eva prāptayāṃ pakṣe saptamīvidhāna-arthaṃ vacanam // āyukta-kuśalābhyāṃ ca āsevāyām
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.