सिज्-अपवादश् चङ् विधीयते । ण्य्-अन्तेभ्यो धातुभ्यः, श्रि द्रु स्रु इत्य् एतेभ्यश् च परस्य च्लेः चङ्-आदेशो भवति कर्तवाचिनि लुङि परतः । ङकारो गुण-वृद्धि-प्रतिषेध-अर्थः, चकारः चङि (*६,१।११) इति विशेषण-अर्थः । अचीकरत् । अजीहरत् । अशिश्रियत् । अदुद्रुवत् । असुस्रुवत् । कर्तरि इति किम् ? अकारयिषातां कटौ देवदत्तेन । कमेर् उपसङ्ख्यानम् । आयादयः आर्धधातुके वा (*३,१।३१) इति यदा णिङ् न अस्ति तदअ+एतत् उपसङ्ख्यानम् । अचकमत । णिङ्पक्षे सन्वद्भावः । अचीकमत । नाकमिष्टसुखं यान्ति सुयुक्तैर् वडवारथैः । अथ पत्कषिणो यान्ति ये ऽचीकमतभाषिणः ॥ विभाषा धेट्-श्व्योः
sij-apavādaś caṅ vidhīyate / ṇy-antebhyo dhātubhyaḥ, śri dru sru ity etebhyaś ca parasya cleḥ caṅ-ādeśo bhavati kartavācini luṅi parataḥ / ṅakāro guṇa-vṛddhi-pratiṣedha-arthaḥ, cakāraḥ caṅi (*6,1.11) iti viśeṣaṇa-arthaḥ / acīkarat / ajīharat / aśiśriyat / adudruvat / asusruvat / kartari iti kim ? akārayiṣātāṃ kaṭau devadattena / kamer upasaṅkhyānam / āyādayaḥ ārdhadhātuke vā (*3,1.31) iti yadā ṇiṅ na asti tadaa+etat upasaṅkhyānam / acakamata / ṇiṅpakṣe sanvadbhāvaḥ / acīkamata / nākamiṣṭasukhaṃ yānti suyuktair vaḍavārathaiḥ / atha patkaṣiṇo yānti ye 'cīkamatabhāṣiṇaḥ // vibhāṣā dheṭ-śvyoḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.