JV 6.1.160
कर्षतेर् धातोर् आकारवतश् च घञन्तस्यान्त उदात्तो भवति । कर्षः । पाकः । त्यागः । रागः । दायः । धायः । ञ्नित्यादिर्नित्यम् (*६,१।१९७) इत्य् अस्य अपवादः । कर्षः इति विकृतनिर्देशः कृषतेर् निवृत्त्यर्थः । तौदादिकस्य घञन्तस्य कर्षः इत्य् आद्युदात्तः एव भवति ॥ उच्छादीनां च
karṣater dhātor ākāravataś ca ghañantasyānta udātto bhavati / karṣaḥ / pākaḥ / tyāgaḥ / rāgaḥ / dāyaḥ / dhāyaḥ / ñnityādirnityam (*6,1.197) ity asya apavādaḥ / karṣaḥ iti vikṛtanirdeśaḥ kṛṣater nivṛttyarthaḥ / taudādikasya ghañantasya karṣaḥ ity ādyudāttaḥ eva bhavati // ucchādīnāṃ ca
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.