निरुदकादीनि च शब्दरूपाण्य् अन्तोदात्तानि भवन्ति । निरुदकम् । निरुलपम् । निरुपलम् इत्य् अन्ये पठन्ति । निर्मशकम् । निर्मक्षिकम् । एषां प्रादिसमासो बहुव्रीहिर् वा । अव्ययीभावे तु समासान्तोदात्तत्वेन+एव सिद्धम् । निष्कालकः । निष्क्रान्तः कालकात् इति कन्प्रत्ययान्तेन कालशब्देन प्रादिसमासः । निष्कालिकः इत्य् अन्ये पथन्ति । निष्पेषः । दुस्तरीपः । अवितॄस्तॄतन्त्रिभ्य ईः, तरीः । तां पाति इति तरीपः । कुत्सितः तरीपः दुस्तरीपः । निस्तरीपः इति केचित् पठन्ति । अपरे निस्तरीकः इति । ते तरीशब्दान्ते बहुव्रीहौ कपं कुर्वन्ति । निरजिनम् । उदजिनम् । उपाजिनम् । परेर्हस्तपादकेशकर्षाः । परिहस्तः । परिपादः । परिकेशः । परिकर्षः । निरुदकादिर् आकृतिगणः ॥ अभेर् मुखम्
nirudakādīni ca śabdarūpāṇy antodāttāni bhavanti / nirudakam / nirulapam / nirupalam ity anye paṭhanti / nirmaśakam / nirmakṣikam / eṣāṃ prādisamāso bahuvrīhir vā / avyayībhāve tu samāsāntodāttatvena+eva siddham / niṣkālakaḥ / niṣkrāntaḥ kālakāt iti kanpratyayāntena kālaśabdena prādisamāsaḥ / niṣkālikaḥ ity anye pathanti / niṣpeṣaḥ / dustarīpaḥ / avitṝstṝtantribhya īḥ, tarīḥ / tāṃ pāti iti tarīpaḥ / kutsitaḥ tarīpaḥ dustarīpaḥ / nistarīpaḥ iti kecit paṭhanti / apare nistarīkaḥ iti / te tarīśabdānte bahuvrīhau kapaṃ kurvanti / nirajinam / udajinam / upājinam / parerhastapādakeśakarṣāḥ / parihastaḥ / paripādaḥ / parikeśaḥ / parikarṣaḥ / nirudakādir ākṛtigaṇaḥ // abher mukham
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.