प्राचां देशे यत्कारनाम तत्र हलादव् उत्तरपदे हलदन्ताद् उत्तरस्याः सप्तम्याः अलुग् भवति । सूपेशाणः । दृषदिमाषकः । हलेद्विपदिका । हलेत्रिपदिका । कारविशेषस्याः सञ्ज्ञा एताः, तत्र पूर्वेण+एव सिद्धे नियमार्थम् इदम् । एते च त्रयो नियमविकल्पा अत्रेष्यन्ते, कारनाम्न्य् एव, प्राचाम् एव, हलादाव् एव इति । कारनाम्नि इति किम् ? अभ्यर्हिते पशुः अभ्यर्हितपशुः । काराद् अन्यस्यअ+एतद् देयस्य नाम । प्राचाम् इति किम् ? यूथे पशुः यूथपशुः । हलादौ इति किम् ? अविकटे उरणः अविकटोरणः । हलदन्ताद् इत्य् एव, नद्यां दोहनी नदीदोहनी ॥ मध्याद् गुरौ
prācāṃ deśe yatkāranāma tatra halādav uttarapade haladantād uttarasyāḥ saptamyāḥ alug bhavati / sūpeśāṇaḥ / dṛṣadimāṣakaḥ / haledvipadikā / haletripadikā / kāraviśeṣasyāḥ sañjñā etāḥ, tatra pūrveṇa+eva siddhe niyamārtham idam / ete ca trayo niyamavikalpā atreṣyante, kāranāmny eva, prācām eva, halādāv eva iti / kāranāmni iti kim ? abhyarhite paśuḥ abhyarhitapaśuḥ / kārād anyasyaa+etad deyasya nāma / prācām iti kim ? yūthe paśuḥ yūthapaśuḥ / halādau iti kim ? avikaṭe uraṇaḥ avikaṭoraṇaḥ / haladantād ity eva, nadyāṃ dohanī nadīdohanī // madhyād gurau
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.