आङ् इति पूर्वाचार्यनिर्देशेन तृतीयैकवचनं गृह्यते । तस्मिन्न् आङि परतः, चकाराद् ओसि च, आवन्ताङ्गस्य एकारादेशो भवति । खट्वया । मालया । खट्वयोः मालयोः । बहुराजया । कारीषगन्ध्यया । बहुराजयोः । कारीषगन्ध्ययोः । आपः इति पितो ग्रहणं किम् ? कीलालपा ब्रह्मणेन । कीलालपोः ब्रह्मणकुलयोः । ङ्याब्ग्रहणे ऽदीर्घग्रहणम् इति वचनात् इह न भवति, अतिखट्वेन ब्राह्मणकुलेन ॥ सम्बुद्धौ च
āṅ iti pūrvācāryanirdeśena tṛtīyaikavacanaṃ gṛhyate / tasminn āṅi parataḥ, cakārād osi ca, āvantāṅgasya ekārādeśo bhavati / khaṭvayā / mālayā / khaṭvayoḥ mālayoḥ / bahurājayā / kārīṣagandhyayā / bahurājayoḥ / kārīṣagandhyayoḥ / āpaḥ iti pito grahaṇaṃ kim ? kīlālapā brahmaṇena / kīlālapoḥ brahmaṇakulayoḥ / ṅyābgrahaṇe 'dīrghagrahaṇam iti vacanāt iha na bhavati, atikhaṭvena brāhmaṇakulena // sambuddhau ca
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.