पदस्य अन्ते यः संयोगः, झलि परतो वा यः संयोगः, तदाद्योः सकारककारयोर् लोपो भवति । लस्जेः लग्नः । लग्नवान् । साधुलक् । मस्जेः - मग्नः । ककारस्य - तक्षेः तट् । तष्टः । तष्टवान् । काष्ठतत् । झलि सङीति वक्तव्यम् । किम् इदं सिङि इति ? सनः सप्रभृति महिङो ङकारेण प्रत्याहारः । इह मा भूत्, कष्ठशक्ष्थाता इति । थकारे झलि ककारस्य संयोगादेर् लोपः प्राप्नोति । तद् अत्र शकेः क्विबन्तस्य प्रयोग एव न अस्ति इत्य् आह काष्ठशगेव न अस्ति, कुतो ऽयं काष्ठशकि तिष्ठेत् इति । वास्यर्थम्, काक्वर्थम् इत्य् अत्र अपि बहिरङ्गलक्षणस्य यणादेशस्य असिद्धत्वात् संयोगादिलोपो न भवति । स्कोः इति किम् ? नर्नर्ति । वर्वर्ति । संयोगाद्योः इति किम् ? पयःशक् । अन्ते च इति किम् ? तक्षितः । तक्षकः ॥ चोः कुः
padasya ante yaḥ saṃyogaḥ, jhali parato vā yaḥ saṃyogaḥ, tadādyoḥ sakārakakārayor lopo bhavati / lasjeḥ lagnaḥ / lagnavān / sādhulak / masjeḥ - magnaḥ / kakārasya - takṣeḥ taṭ / taṣṭaḥ / taṣṭavān / kāṣṭhatat / jhali saṅīti vaktavyam / kim idaṃ siṅi iti ? sanaḥ saprabhṛti mahiṅo ṅakāreṇa pratyāhāraḥ / iha mā bhūt, kaṣṭhaśakṣthātā iti / thakāre jhali kakārasya saṃyogāder lopaḥ prāpnoti / tad atra śakeḥ kvibantasya prayoga eva na asti ity āha kāṣṭhaśageva na asti, kuto 'yaṃ kāṣṭhaśaki tiṣṭhet iti / vāsyartham, kākvartham ity atra api bahiraṅgalakṣaṇasya yaṇādeśasya asiddhatvāt saṃyogādilopo na bhavati / skoḥ iti kim ? narnarti / varvarti / saṃyogādyoḥ iti kim ? payaḥśak / ante ca iti kim ? takṣitaḥ / takṣakaḥ // coḥ kuḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.