JV 8.2.78
हलि च परतो रेफवकारान्तस्य धातोः उपधायाः इकः दीर्घः भवति । आस्तीर्णम् । विस्तीर्णम् । विशीर्णम् । अवगूर्णम् । वकारान्तस्य - दीव्यति । सिव्यति । धातोः इत्य् एव, दिवम् इच्छति दिव्यति । चतुरः इच्छति चतुर्यति । इकः इत्य् एव, स्मर्यते । भव्यम् । अपदान्तार्थो ऽयम् आरम्भः ॥ उपधायां च
hali ca parato rephavakārāntasya dhātoḥ upadhāyāḥ ikaḥ dīrghaḥ bhavati / āstīrṇam / vistīrṇam / viśīrṇam / avagūrṇam / vakārāntasya - dīvyati / sivyati / dhātoḥ ity eva, divam icchati divyati / caturaḥ icchati caturyati / ikaḥ ity eva, smaryate / bhavyam / apadāntārtho 'yam ārambhaḥ // upadhāyāṃ ca
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.