Kurma-Purana 1.11

कामधेनुर्बृहद्गर्भा धीमती मोहनाशिनी । निः सङ्कल्पा निरातङ्का विनया विनयप्रदा

kāmadhenurbṛhadgarbhā dhīmatī mohanāśinī / niḥ saṅkalpā nirātaṅkā vinayā vinayapradā

Sanskrit only: no published translation is held for this verse.

ज्वालामालासहस्त्राढ्या देवदेवी मनोन्मनी । महाभगवती दुर्गा वासुदेवसमुद्भवा

jvālāmālāsahastrāḍhyā devadevī manonmanī / mahābhagavatī durgā vāsudevasamudbhavā

Sanskrit only: no published translation is held for this verse.

महेन्द्रोपेन्द्रभगिनी भक्तिगम्या परावरा । ज्ञानज्ञेया जरातीता वेदान्तविषया गतिः

mahendropendrabhaginī bhaktigamyā parāvarā / jñānajñeyā jarātītā vedāntaviṣayā gatiḥ

Sanskrit only: no published translation is held for this verse.

दक्षिणा दहना दाह्या सर्वभूतनमस्कृता । योगमाया विभावज्ञा महामाया महीयसी

dakṣiṇā dahanā dāhyā sarvabhūtanamaskṛtā / yogamāyā vibhāvajñā mahāmāyā mahīyasī

Sanskrit only: no published translation is held for this verse.

संध्या सर्वसमुद्भूतिर्ब्रह्मवृक्षाश्रयानतिः । बीजाङ्कुरसमुद्भूतिर्महाशक्तिर्महामतिः

saṃdhyā sarvasamudbhūtirbrahmavṛkṣāśrayānatiḥ / bījāṅkurasamudbhūtirmahāśaktirmahāmatiḥ

Sanskrit only: no published translation is held for this verse.

ख्यातिः प्रज्ञा चितिः संवित् महाभोगीन्द्रशायिनी । विकृतिः शांसरी शास्त्री गणगन्धर्वसेविता

khyātiḥ prajñā citiḥ saṃvit mahābhogīndraśāyinī / vikṛtiḥ śāṃsarī śāstrī gaṇagandharvasevitā

Sanskrit only: no published translation is held for this verse.

वैश्वानरी महाशाला देवसेना गुहप्रिया । महारात्रिः शिवानन्दा शची दुः स्वप्ननाशिनी

vaiśvānarī mahāśālā devasenā guhapriyā / mahārātriḥ śivānandā śacī duḥ svapnanāśinī

Sanskrit only: no published translation is held for this verse.

इज्या पूज्या जगद्धात्री दुर्विज्ञेया सुरूपिणी । गुहाम्बिका गुणोत्पत्तिर्महापीठा मरुत्सुता

ijyā pūjyā jagaddhātrī durvijñeyā surūpiṇī / guhāmbikā guṇotpattirmahāpīṭhā marutsutā

Sanskrit only: no published translation is held for this verse.

हव्यवाहान्तरागादिः हव्यवाहसमुद्भवा । जगद्योनिर्जगन्माता जन्ममृत्युजरातिगा

havyavāhāntarāgādiḥ havyavāhasamudbhavā / jagadyonirjaganmātā janmamṛtyujarātigā

Sanskrit only: no published translation is held for this verse.

बुद्धिमाता बुद्धिमती पुरुषान्तरवासिनी । तरस्विनी समाधिस्था त्रिनेत्रा दिविसंस्थिता

buddhimātā buddhimatī puruṣāntaravāsinī / tarasvinī samādhisthā trinetrā divisaṃsthitā

Sanskrit only: no published translation is held for this verse.

सर्वेन्द्रियमनोमाता सर्वभूतहृदि स्थिता । संसारतारिणी विद्या ब्रह्मवादिमनोलया

sarvendriyamanomātā sarvabhūtahṛdi sthitā / saṃsāratāriṇī vidyā brahmavādimanolayā

Sanskrit only: no published translation is held for this verse.

ब्रह्माणी बृहती ब्राह्मी ब्रह्मभूता भवारणिः । हिरण्मयी महारात्रिः संसारपरिवर्तिका

brahmāṇī bṛhatī brāhmī brahmabhūtā bhavāraṇiḥ / hiraṇmayī mahārātriḥ saṃsāraparivartikā

Sanskrit only: no published translation is held for this verse.

सुमालिनी सुरूपा च भाविनी तारिणी प्रभा । उन्मीलनी सर्वसहा सर्वप्रत्ययसाक्षिणी

sumālinī surūpā ca bhāvinī tāriṇī prabhā / unmīlanī sarvasahā sarvapratyayasākṣiṇī

Sanskrit only: no published translation is held for this verse.

सुसौम्या चन्द्रवदना ताण्डवासक्तमानसा । सत्त्वशुद्धिकरी शुद्धिर्मलत्रयविनाशिनी

susaumyā candravadanā tāṇḍavāsaktamānasā / sattvaśuddhikarī śuddhirmalatrayavināśinī

Sanskrit only: no published translation is held for this verse.

जगत्प्रिया जगन्मूर्तिस्त्रिमूर्तिरमृताश्रया । निराश्रया निराहारा निरङ्कुरवनोद्भवा

jagatpriyā jaganmūrtistrimūrtiramṛtāśrayā / nirāśrayā nirāhārā niraṅkuravanodbhavā

Sanskrit only: no published translation is held for this verse.

चन्द्रहस्ता विचित्राङ्गी स्त्रग्विणी पद्मधारिणी । परावरविधानज्ञा महापुरुषपूर्वजा

candrahastā vicitrāṅgī stragviṇī padmadhāriṇī / parāvaravidhānajñā mahāpuruṣapūrvajā

Sanskrit only: no published translation is held for this verse.

विद्येश्वरप्रिया विद्या विद्युज्जिह्वा जितश्रमा । विद्यामयी सहस्त्राक्षी सहस्त्रवदनात्मजा

vidyeśvarapriyā vidyā vidyujjihvā jitaśramā / vidyāmayī sahastrākṣī sahastravadanātmajā

Sanskrit only: no published translation is held for this verse.

सहस्त्ररश्मिः सत्त्वस्था महेश्वरपदाश्रया । क्षालिनी सन्मयी व्याप्ता तैजसी पद्मबोधिका

sahastraraśmiḥ sattvasthā maheśvarapadāśrayā / kṣālinī sanmayī vyāptā taijasī padmabodhikā

Sanskrit only: no published translation is held for this verse.

महामायाश्रया मान्या महादेवमनोरमा । व्योमलक्ष्मीः सिहरथा चेकितानामितप्रभा

mahāmāyāśrayā mānyā mahādevamanoramā / vyomalakṣmīḥ siharathā cekitānāmitaprabhā

Sanskrit only: no published translation is held for this verse.

वीरेश्वरी विमानस्था विशोकाशोकनाशिनी । अनाहता कुण्डलिना नलिनी पद्मवासिनी

vīreśvarī vimānasthā viśokāśokanāśinī / anāhatā kuṇḍalinā nalinī padmavāsinī

Sanskrit only: no published translation is held for this verse.

सदानन्दा सदाकीर्तिः सर्वभूताश्रयस्थिता । वाग्देवता ब्रह्मकला कलातीता कलारणिः

sadānandā sadākīrtiḥ sarvabhūtāśrayasthitā / vāgdevatā brahmakalā kalātītā kalāraṇiḥ

Sanskrit only: no published translation is held for this verse.

ब्रह्मश्रीर्ब्रह्महृदया ब्रह्मविष्णुशिवप्रिया । व्योमशक्तिः क्रियाशक्तिर्ज्ञानशक्तिः परागतिः

brahmaśrīrbrahmahṛdayā brahmaviṣṇuśivapriyā / vyomaśaktiḥ kriyāśaktirjñānaśaktiḥ parāgatiḥ

Sanskrit only: no published translation is held for this verse.

क्षोभिका बन्धिका भेद्या भेदाभेदविवर्जिता । अभिन्नाभिन्नसंस्थाना वंशिनी वंशहारिणी

kṣobhikā bandhikā bhedyā bhedābhedavivarjitā / abhinnābhinnasaṃsthānā vaṃśinī vaṃśahāriṇī

Sanskrit only: no published translation is held for this verse.

गुह्यशक्तिर्गुणातीता सर्वदा सर्वतोमुखी । भगिनी भगवत्पत्नी सकला कालकारिणी

guhyaśaktirguṇātītā sarvadā sarvatomukhī / bhaginī bhagavatpatnī sakalā kālakāriṇī

Sanskrit only: no published translation is held for this verse.

सर्ववित् सर्वतोभद्रा गुह्यातीता गुहारणिः । प्रक्रिया योगमाता च गङ्गा विश्वेश्वरेश्वरी

sarvavit sarvatobhadrā guhyātītā guhāraṇiḥ / prakriyā yogamātā ca gaṅgā viśveśvareśvarī

Sanskrit only: no published translation is held for this verse.

कपिला कापिला कान्ताकनकाभाकलान्तरा । पुण्या पुष्करिणी भोक्त्री पुरन्दरपुरस्सरा

kapilā kāpilā kāntākanakābhākalāntarā / puṇyā puṣkariṇī bhoktrī purandarapurassarā

Sanskrit only: no published translation is held for this verse.

पोषणी परमैश्वर्यभूतिदा भूतिभूषणा । पञ्चब्रह्मसमुत्पत्तिः परमार्थार्थविग्रहा

poṣaṇī paramaiśvaryabhūtidā bhūtibhūṣaṇā / pañcabrahmasamutpattiḥ paramārthārthavigrahā

Sanskrit only: no published translation is held for this verse.

धर्मोदया भानुमती योगिज्ञेय मनोजवा । मनोहरा मनोरक्षा तापसी वेदरूपिणी

dharmodayā bhānumatī yogijñeya manojavā / manoharā manorakṣā tāpasī vedarūpiṇī

Sanskrit only: no published translation is held for this verse.

वेदशक्तिर्वेदमाता वेदविद्याप्रकाशिनी । योगेश्वरेश्वरी माता महाशक्तिर्मनोमयी

vedaśaktirvedamātā vedavidyāprakāśinī / yogeśvareśvarī mātā mahāśaktirmanomayī

Sanskrit only: no published translation is held for this verse.

विश्वावस्था वियन्मूर्तिर्विद्युन्माला विहायसी । किंनरी सुरभी वन्द्या नन्दिनी नन्दिवल्लभा

viśvāvasthā viyanmūrtirvidyunmālā vihāyasī / kiṃnarī surabhī vandyā nandinī nandivallabhā

Sanskrit only: no published translation is held for this verse.

भारती परमानन्दा परापरविभेदिका । सर्वप्रहरणोपेता काम्या कामेश्वरेश्वरी

bhāratī paramānandā parāparavibhedikā / sarvapraharaṇopetā kāmyā kāmeśvareśvarī

Sanskrit only: no published translation is held for this verse.

अचिन्त्याचिन्त्यविभवा हृल्लेखा कनकप्रभा । कूष्माण्डी धनरत्नाढ्या सुगन्धा गन्धायिनी

acintyācintyavibhavā hṛllekhā kanakaprabhā / kūṣmāṇḍī dhanaratnāḍhyā sugandhā gandhāyinī

Sanskrit only: no published translation is held for this verse.

त्रिविक्रमपदोद्भूता धनुष्पाणिः शिवोदया । सुदुर्लभा धनाद्यक्षा धन्या पिङ्गललोचना

trivikramapadodbhūtā dhanuṣpāṇiḥ śivodayā / sudurlabhā dhanādyakṣā dhanyā piṅgalalocanā

Sanskrit only: no published translation is held for this verse.

शान्तिः प्रभावती दीप्तिः पङ्कजायतलोचना । आद्या हृत्कमलोद्भूता गवां मता रणप्रिया

śāntiḥ prabhāvatī dīptiḥ paṅkajāyatalocanā / ādyā hṛtkamalodbhūtā gavāṃ matā raṇapriyā

Sanskrit only: no published translation is held for this verse.

सत्क्रिया गिरिजा शुद्धा नित्यपुष्टा निरन्तरा । दुर्गाकात्यायनीचण्डी चर्चिका शान्तविग्रहा

satkriyā girijā śuddhā nityapuṣṭā nirantarā / durgākātyāyanīcaṇḍī carcikā śāntavigrahā

Sanskrit only: no published translation is held for this verse.

हिरण्यवर्णा रजनी जगद्यन्त्रप्रवर्तिका । मन्दराद्रिनिवासा च शारदा स्वर्णमालिनी

hiraṇyavarṇā rajanī jagadyantrapravartikā / mandarādrinivāsā ca śāradā svarṇamālinī

Sanskrit only: no published translation is held for this verse.

रत्नमाला रत्नगर्भा पृथ्वी विश्वप्रमाथिनी । पद्मानना पद्मनिभा नित्यतुष्टामृतोद्भवा

ratnamālā ratnagarbhā pṛthvī viśvapramāthinī / padmānanā padmanibhā nityatuṣṭāmṛtodbhavā

Sanskrit only: no published translation is held for this verse.

धुन्वती दुः प्रकम्प्या च सूर्यमाता दृषद्वती । महेन्द्रभगिनी मान्या वरेण्या वरदर्पिता

dhunvatī duḥ prakampyā ca sūryamātā dṛṣadvatī / mahendrabhaginī mānyā vareṇyā varadarpitā

Sanskrit only: no published translation is held for this verse.

कल्याणी कमला रामा पञ्चभूता वरप्रदा । वाच्या वरेश्वरी वन्द्या दुर्जया दुरतिक्रमा

kalyāṇī kamalā rāmā pañcabhūtā varapradā / vācyā vareśvarī vandyā durjayā duratikramā

Sanskrit only: no published translation is held for this verse.

कालरात्रिर्महावेगा वीरभद्रप्रिया हिता । भद्रकाली जगन्माता भक्तानां भद्रदायिनी

kālarātrirmahāvegā vīrabhadrapriyā hitā / bhadrakālī jaganmātā bhaktānāṃ bhadradāyinī

Sanskrit only: no published translation is held for this verse.

कराला पिङ्गलाकारा नामभेदामहामदा । यशस्विनी यशोदा च षडध्वपरिवर्तिका

karālā piṅgalākārā nāmabhedāmahāmadā / yaśasvinī yaśodā ca ṣaḍadhvaparivartikā

Sanskrit only: no published translation is held for this verse.

शङ्खिनी पद्मिनी सांख्या सांख्ययोगप्रवर्तिका । चैत्रा संवत्सरारूढा जगत्संपूरणीन्द्रजा

śaṅkhinī padminī sāṃkhyā sāṃkhyayogapravartikā / caitrā saṃvatsarārūḍhā jagatsaṃpūraṇīndrajā

Sanskrit only: no published translation is held for this verse.

शुम्भारिः खेचरीस्वस्था कम्बुग्रीवा कलिप्रिया । खगध्वजी खगारूढा परार्घ्या परमालिनी

śumbhāriḥ khecarīsvasthā kambugrīvā kalipriyā / khagadhvajī khagārūḍhā parārghyā paramālinī

Sanskrit only: no published translation is held for this verse.

ऐश्वर्यवर्त्मनिलया विरक्ता गरुडासना । जयन्ती हृद्गुहा रम्या गह्विरेष्ठा गणाग्रणीः

aiśvaryavartmanilayā viraktā garuḍāsanā / jayantī hṛdguhā ramyā gahvireṣṭhā gaṇāgraṇīḥ

Sanskrit only: no published translation is held for this verse.

संकल्पसिद्धा साम्यस्था सर्वविज्ञानदायिनी । कलिकल्पषहन्त्री च गुह्योपनिषदुत्तमा

saṃkalpasiddhā sāmyasthā sarvavijñānadāyinī / kalikalpaṣahantrī ca guhyopaniṣaduttamā

Sanskrit only: no published translation is held for this verse.

निष्ठा दृष्टिः स्मृतिर्व्याप्तिः पुष्टिस्तुष्टिः क्रियावती । विश्वामरेश्वरेशाना भुक्तिर्मुक्तीः शिवामृता

niṣṭhā dṛṣṭiḥ smṛtirvyāptiḥ puṣṭistuṣṭiḥ kriyāvatī / viśvāmareśvareśānā bhuktirmuktīḥ śivāmṛtā

Sanskrit only: no published translation is held for this verse.

लोहिता सर्पमाला च भीषणी वनमालिनी । अनन्तशयनानन्या नरनारायणोद्भवा

lohitā sarpamālā ca bhīṣaṇī vanamālinī / anantaśayanānanyā naranārāyaṇodbhavā

Sanskrit only: no published translation is held for this verse.

नृसिंही दैत्यमथनी शङ्खचक्रगदाधरा । संकर्षणसमुत्पत्तिरम्बिकापादसंश्रया

nṛsiṃhī daityamathanī śaṅkhacakragadādharā / saṃkarṣaṇasamutpattirambikāpādasaṃśrayā

Sanskrit only: no published translation is held for this verse.

महाज्वाला महामूर्तिः सुमूर्तिः सर्वकामधुक् । सुप्रभा सुस्तना गौरी धर्मकामार्थमोक्षदा

mahājvālā mahāmūrtiḥ sumūrtiḥ sarvakāmadhuk / suprabhā sustanā gaurī dharmakāmārthamokṣadā

Sanskrit only: no published translation is held for this verse.

भ्रूमध्यनिलया पूर्वा पुराणपुरुषारणिः । महाविभूतिदा मध्या सरोजनयना समा

bhrūmadhyanilayā pūrvā purāṇapuruṣāraṇiḥ / mahāvibhūtidā madhyā sarojanayanā samā

Sanskrit only: no published translation is held for this verse.

अष्टादशभुजानाद्या नीलोत्पलदलप्रभा । सर्वशक्त्यासनारूढा धर्माधर्मार्थवर्जिता

aṣṭādaśabhujānādyā nīlotpaladalaprabhā / sarvaśaktyāsanārūḍhā dharmādharmārthavarjitā

Sanskrit only: no published translation is held for this verse.

वैराग्यज्ञाननिरता निरालोका निरिन्द्रिया । विचित्रगहनाधारा शाश्वतस्थानवासिनी

vairāgyajñānaniratā nirālokā nirindriyā / vicitragahanādhārā śāśvatasthānavāsinī

Sanskrit only: no published translation is held for this verse.

स्थानेश्वरी निरानन्दा त्रिशूलवरधारिणी । अशेषदेवतामूर्तिर्देवता वरदेवता । गणाम्बिका गिरेः पुत्री निशुम्भविनिपातिनी

sthāneśvarī nirānandā triśūlavaradhāriṇī / aśeṣadevatāmūrtirdevatā varadevatā / gaṇāmbikā gireḥ putrī niśumbhavinipātinī

Sanskrit only: no published translation is held for this verse.

अवर्ण वर्णरहिता निवर्णा बीजसंभवा । अनन्तवर्णानन्यस्था शङ्करी शान्तमानसा

avarṇa varṇarahitā nivarṇā bījasaṃbhavā / anantavarṇānanyasthā śaṅkarī śāntamānasā

Sanskrit only: no published translation is held for this verse.

अगोत्रा गोमती गोप्त्री गुह्यरूपा गुणोत्तरा । गौर्गोर्गव्यप्रिया गौणी गणेश्वरनमस्कृता

agotrā gomatī goptrī guhyarūpā guṇottarā / gaurgorgavyapriyā gauṇī gaṇeśvaranamaskṛtā

Sanskrit only: no published translation is held for this verse.

सत्यमात्रा सत्यसंधा त्रिसंध्या संधिवर्जिता । सर्ववादाश्रया संख्या संख्ययोगसमुद्भवा

satyamātrā satyasaṃdhā trisaṃdhyā saṃdhivarjitā / sarvavādāśrayā saṃkhyā saṃkhyayogasamudbhavā

Sanskrit only: no published translation is held for this verse.

असंख्येयाप्रमेयाख्या शून्या शुद्धकुलोद्भवा । बिन्दुनादसमुत्पत्तिः शंभुवामा शशिप्रभा

asaṃkhyeyāprameyākhyā śūnyā śuddhakulodbhavā / bindunādasamutpattiḥ śaṃbhuvāmā śaśiprabhā

Sanskrit only: no published translation is held for this verse.

विसङ्गा भेदरहिता मनोज्ञा मधुसूदनी । महाश्रीः श्रीसमुत्पत्तिस्तमः पारे प्रतिष्ठिता

visaṅgā bhedarahitā manojñā madhusūdanī / mahāśrīḥ śrīsamutpattistamaḥ pāre pratiṣṭhitā

Sanskrit only: no published translation is held for this verse.

त्रितत्त्वमाता त्रिविधा सुसूक्ष्मपदसंश्रया । शान्त्यतीता मलातीता निर्विकारा निराश्रया

tritattvamātā trividhā susūkṣmapadasaṃśrayā / śāntyatītā malātītā nirvikārā nirāśrayā

Sanskrit only: no published translation is held for this verse.

शिवाख्या चित्तनिलया शिवज्ञानस्वरूपिणी । दैत्यदानवनिर्मात्री काश्यपी कालकल्पिका

śivākhyā cittanilayā śivajñānasvarūpiṇī / daityadānavanirmātrī kāśyapī kālakalpikā

Sanskrit only: no published translation is held for this verse.

शास्त्रयोनिः क्रियामूर्तिश्चतुर्वर्गप्रदर्शिका । नारायणी नरोद्भूतिः कौमुदी लिङ्गधारिणी

śāstrayoniḥ kriyāmūrtiścaturvargapradarśikā / nārāyaṇī narodbhūtiḥ kaumudī liṅgadhāriṇī

Sanskrit only: no published translation is held for this verse.

कामुकी ललिता भावा परापरविभूतिदा । परान्तजातमहिमा बडवा वामलोचना

kāmukī lalitā bhāvā parāparavibhūtidā / parāntajātamahimā baḍavā vāmalocanā

Sanskrit only: no published translation is held for this verse.

सुभद्रा देवकी सीता वेदवेदाङ्गपारगा । मनस्विनी मन्युमाता महामन्युसमुद्भवा

subhadrā devakī sītā vedavedāṅgapāragā / manasvinī manyumātā mahāmanyusamudbhavā

Sanskrit only: no published translation is held for this verse.

अमृत्युरमृता स्वाहा पुरुहूता पुरुष्टुता । अशोच्या भिन्नविषया हिरण्यरजतप्रिया

amṛtyuramṛtā svāhā puruhūtā puruṣṭutā / aśocyā bhinnaviṣayā hiraṇyarajatapriyā

Sanskrit only: no published translation is held for this verse.

हिरण्या राजती हैमी हेमाभरणभूषिता । विभ्राजमाना दुर्ज्ञेया ज्योतिष्टोमफलप्रदा

hiraṇyā rājatī haimī hemābharaṇabhūṣitā / vibhrājamānā durjñeyā jyotiṣṭomaphalapradā

Sanskrit only: no published translation is held for this verse.

महानिद्रासमुद्भूतिरनिद्रा सत्यदेवता । दीर्घाककुद्मिनी हृद्या शान्तिदा शान्तिवर्धिनी

mahānidrāsamudbhūtiranidrā satyadevatā / dīrghākakudminī hṛdyā śāntidā śāntivardhinī

Sanskrit only: no published translation is held for this verse.

लक्ष्म्यादिशक्तिजननी शक्तिचक्रप्रवर्तिका । त्रिशक्तिजननी जन्या षडूर्मिपरिर्जिता

lakṣmyādiśaktijananī śakticakrapravartikā / triśaktijananī janyā ṣaḍūrmiparirjitā

Sanskrit only: no published translation is held for this verse.

सुधामा कर्मकरणी युगान्तदहनात्मिका । संकर्षणी जगद्धात्री कामयोनिः किरीटिनी

sudhāmā karmakaraṇī yugāntadahanātmikā / saṃkarṣaṇī jagaddhātrī kāmayoniḥ kirīṭinī

Sanskrit only: no published translation is held for this verse.

ऐन्द्री त्रैलोक्यनमिता वैष्णवी परमेश्वरी । प्रद्युम्नदयिता दान्ता युग्मदृष्टिस्त्रिलोचना

aindrī trailokyanamitā vaiṣṇavī parameśvarī / pradyumnadayitā dāntā yugmadṛṣṭistrilocanā

Sanskrit only: no published translation is held for this verse.

मदोत्कटा हंसगतिः प्रचण्डा चण्डविक्रमा । वृषावेशा वियन्माता विन्ध्यपर्वतवासिनी

madotkaṭā haṃsagatiḥ pracaṇḍā caṇḍavikramā / vṛṣāveśā viyanmātā vindhyaparvatavāsinī

Sanskrit only: no published translation is held for this verse.

हिमवन्मेरुनिलया कैलासगिरिवासिनी । चाणूरहन्तृतनया नीतिज्ञा कामरूपिणी

himavanmerunilayā kailāsagirivāsinī / cāṇūrahantṛtanayā nītijñā kāmarūpiṇī

Sanskrit only: no published translation is held for this verse.

वेदविद्याव्रतस्नाता धर्मशीलानिलाशना । वीरभद्रप्रिया वीरा महाकालसमुद्भवा

vedavidyāvratasnātā dharmaśīlānilāśanā / vīrabhadrapriyā vīrā mahākālasamudbhavā

Sanskrit only: no published translation is held for this verse.

विद्याधरप्रिया सिद्धा विद्याधरनिराकृतिः । आप्यायनी हरन्ती च पावनी पोषणी खिला

vidyādharapriyā siddhā vidyādharanirākṛtiḥ / āpyāyanī harantī ca pāvanī poṣaṇī khilā

Sanskrit only: no published translation is held for this verse.

मातृका मन्मथोद्भूता वारिजा वाहनप्रिया । करीषिणी सुधावाणी वीणावादनतत्परा

mātṛkā manmathodbhūtā vārijā vāhanapriyā / karīṣiṇī sudhāvāṇī vīṇāvādanatatparā

Sanskrit only: no published translation is held for this verse.

सेविता सेविका सेव्या सिनीवाली गरुत्मती । अरुन्धती हिरण्याक्षी मृगाङ्का मानदायिनी

sevitā sevikā sevyā sinīvālī garutmatī / arundhatī hiraṇyākṣī mṛgāṅkā mānadāyinī

Sanskrit only: no published translation is held for this verse.

वसुप्रदा वसुमती वसोर्धारा वसुंधरा । धाराधरा वरारोहा वरावरसहस्त्रदा

vasupradā vasumatī vasordhārā vasuṃdharā / dhārādharā varārohā varāvarasahastradā

Sanskrit only: no published translation is held for this verse.

श्रीफला श्रीमती श्रीशा श्रीनिवासा शिवप्रिया । श्रीधरा श्रीकरी कल्या श्रीधरार्धशरीरिणी

śrīphalā śrīmatī śrīśā śrīnivāsā śivapriyā / śrīdharā śrīkarī kalyā śrīdharārdhaśarīriṇī

Sanskrit only: no published translation is held for this verse.

अनन्तदृष्टिरक्षुद्रा धात्रीशा धनदप्रिया । निहन्त्री दैत्यसङ्घानां सिहिका सिहवाहना

anantadṛṣṭirakṣudrā dhātrīśā dhanadapriyā / nihantrī daityasaṅghānāṃ sihikā sihavāhanā

Sanskrit only: no published translation is held for this verse.

सुषेणा चन्द्रनिलया सुकीर्तिश्छिन्नसंशया । रसज्ञा रसदा रामा लेलिहानामृतस्त्रवा

suṣeṇā candranilayā sukīrtiśchinnasaṃśayā / rasajñā rasadā rāmā lelihānāmṛtastravā

Sanskrit only: no published translation is held for this verse.

नित्योदिता स्वयञ्ज्योतिरुत्सुका मृतजीवनी । वज्रदण्डा वज्रजिह्वा वैदेवी वज्रविग्रहा

nityoditā svayañjyotirutsukā mṛtajīvanī / vajradaṇḍā vajrajihvā vaidevī vajravigrahā

Sanskrit only: no published translation is held for this verse.

मङ्गल्या मङ्गला माला मलिना मलहारिणी । गान्धर्वो गारुडी चान्द्री कम्बलाश्वतरप्रिया

maṅgalyā maṅgalā mālā malinā malahāriṇī / gāndharvo gāruḍī cāndrī kambalāśvatarapriyā

Sanskrit only: no published translation is held for this verse.

सौदामिनी जनानन्दा भ्रुकुटीकुटिलानना । कर्णिकारकरा कक्ष्या कंसप्राणापहारिणी

saudāminī janānandā bhrukuṭīkuṭilānanā / karṇikārakarā kakṣyā kaṃsaprāṇāpahāriṇī

Sanskrit only: no published translation is held for this verse.

युगन्धरा युगावर्ता त्रिसंध्या हर्षवर्धनी । प्रत्यक्षदेवता दिव्या दिव्यगन्धा दिवापरा

yugandharā yugāvartā trisaṃdhyā harṣavardhanī / pratyakṣadevatā divyā divyagandhā divāparā

Sanskrit only: no published translation is held for this verse.

शक्रासनगता शाक्री साध्वी नारी शवासना । इष्टा विशिष्टा शिष्टेष्टा शिष्टाशिष्टप्रपूजिता

śakrāsanagatā śākrī sādhvī nārī śavāsanā / iṣṭā viśiṣṭā śiṣṭeṣṭā śiṣṭāśiṣṭaprapūjitā

Sanskrit only: no published translation is held for this verse.

शतरूपा शतावर्ता विनता सुरभिः सुरा । सुरेन्द्रमाता सुद्युम्ना सुषुम्ना सूर्यसंस्थिता

śatarūpā śatāvartā vinatā surabhiḥ surā / surendramātā sudyumnā suṣumnā sūryasaṃsthitā

Sanskrit only: no published translation is held for this verse.

समीक्ष्या सत्प्रतिष्ठा च निवृत्तिर्ज्ञानपारगा । धर्मशास्त्रार्थकुशला धर्मज्ञा धर्मवाहना

samīkṣyā satpratiṣṭhā ca nivṛttirjñānapāragā / dharmaśāstrārthakuśalā dharmajñā dharmavāhanā

Sanskrit only: no published translation is held for this verse.

धर्माधर्मविनिर्मात्री धार्मिकाणां शिवप्रदा । धर्मशक्तिर्धर्ममयी विधर्मा विश्वधर्मिणी

dharmādharmavinirmātrī dhārmikāṇāṃ śivapradā / dharmaśaktirdharmamayī vidharmā viśvadharmiṇī

Sanskrit only: no published translation is held for this verse.

धर्मान्तरा धर्ममेघा धर्मपूर्वा धनावहा । धर्मोपदेष्ट्री धर्मत्मा धर्मगम्या धराधरा

dharmāntarā dharmameghā dharmapūrvā dhanāvahā / dharmopadeṣṭrī dharmatmā dharmagamyā dharādharā

Sanskrit only: no published translation is held for this verse.

कापाली शाकला मूर्तिः कला कलितविग्रहा । सर्वशक्तिविनिर्मुक्ता सर्वशक्त्याश्रयाश्रया

kāpālī śākalā mūrtiḥ kalā kalitavigrahā / sarvaśaktivinirmuktā sarvaśaktyāśrayāśrayā

Sanskrit only: no published translation is held for this verse.

सर्वा सर्वेश्वरी सूक्ष्मा सुसूक्ष्मा ज्ञानरूपिणी । प्रधानपुरुषेशेशा महादेवैकसाक्षिणी । सदाशिवा वियन्मूर्तिर्विश्वमूर्तिरमूर्तिका

sarvā sarveśvarī sūkṣmā susūkṣmā jñānarūpiṇī / pradhānapuruṣeśeśā mahādevaikasākṣiṇī / sadāśivā viyanmūrtirviśvamūrtiramūrtikā

Sanskrit only: no published translation is held for this verse.

एवं नाम्नां सहस्त्रेण स्तुत्वासौ हिमवान् गिरिः । भूयः प्रणम्य भीतात्मा प्रोवाचेदं कृताञ्जलिः

evaṃ nāmnāṃ sahastreṇa stutvāsau himavān giriḥ / bhūyaḥ praṇamya bhītātmā provācedaṃ kṛtāñjaliḥ

Sanskrit only: no published translation is held for this verse.

यदेतदैश्वरं रूपं घोरं ते परमेश्वरि । भीतो ऽस्मि साम्प्रतं दृष्ट्वा रूपमन्यत् प्रदर्शय

yadetadaiśvaraṃ rūpaṃ ghoraṃ te parameśvari / bhīto 'smi sāmprataṃ dṛṣṭvā rūpamanyat pradarśaya

Sanskrit only: no published translation is held for this verse.

एवमुक्ताथ सा देवी तेन शैलेन पार्वती । संहृत्य दर्शयामास स्वरूपमपरं पुनः

evamuktātha sā devī tena śailena pārvatī / saṃhṛtya darśayāmāsa svarūpamaparaṃ punaḥ

Sanskrit only: no published translation is held for this verse.

नीलोत्पलदलप्रख्यं नीलोत्पलसुगन्धिकम् । द्विनेत्रं द्विभुजं सौम्यं नीलालकविभूषितम्

nīlotpaladalaprakhyaṃ nīlotpalasugandhikam / dvinetraṃ dvibhujaṃ saumyaṃ nīlālakavibhūṣitam

Sanskrit only: no published translation is held for this verse.

रक्तपादाम्बुजतलं सुरक्तकरपल्लवम् । श्रीमद् विशालसंवृत्तललाटतिलकोज्ज्वलम्

raktapādāmbujatalaṃ suraktakarapallavam / śrīmad viśālasaṃvṛttalalāṭatilakojjvalam

Sanskrit only: no published translation is held for this verse.

भूषितं चारुसर्वाङ्गं भूषणैरतिकोमलम् । दधानमुरसा मालां विशालां हेमनिर्मिताम्

bhūṣitaṃ cārusarvāṅgaṃ bhūṣaṇairatikomalam / dadhānamurasā mālāṃ viśālāṃ hemanirmitām

Sanskrit only: no published translation is held for this verse.

ईषत्स्मितं सुविम्बोष्ठं नूपुरारावसंयुतम् । प्रसन्नवदनं दिव्यमनन्तमहिमास्पदम्

īṣatsmitaṃ suvimboṣṭhaṃ nūpurārāvasaṃyutam / prasannavadanaṃ divyamanantamahimāspadam

Sanskrit only: no published translation is held for this verse.

तदीदृशं समालोक्य स्वरूपं शैलसत्तमः । भीतिं संत्यज्य हृष्टात्मा बभाषे परमेश्वरीम्

tadīdṛśaṃ samālokya svarūpaṃ śailasattamaḥ / bhītiṃ saṃtyajya hṛṣṭātmā babhāṣe parameśvarīm

Sanskrit only: no published translation is held for this verse.

हिमवानुवाच अद्य मे सफलं जन्म अद्य मे सफलं तपः । यन्मे साक्षात् त्वमव्यक्ताप्रसन्ना दृष्टिगोचरा

himavānuvāca adya me saphalaṃ janma adya me saphalaṃ tapaḥ / yanme sākṣāt tvamavyaktāprasannā dṛṣṭigocarā

Sanskrit only: no published translation is held for this verse.

त्वया सृष्टं जगत् सर्वं प्रधानाद्यन्त्वयि स्थितम् । त्वय्येव लीयते देवि त्वमेव च परा गतिः

tvayā sṛṣṭaṃ jagat sarvaṃ pradhānādyantvayi sthitam / tvayyeva līyate devi tvameva ca parā gatiḥ

Sanskrit only: no published translation is held for this verse.

वदन्ति केचित् त्वामेव प्रकृतिं प्रकृतेः पराम् । अपरे परमार्थज्ञाः शिवेति शिवसंश्रये

vadanti kecit tvāmeva prakṛtiṃ prakṛteḥ parām / apare paramārthajñāḥ śiveti śivasaṃśraye

Sanskrit only: no published translation is held for this verse.

त्वयि प्रधानं पुरुषो महान् ब्रह्मा तथेश्वरः । अविद्या नियतिर्माया कलाद्याः शतशो ऽभवन्

tvayi pradhānaṃ puruṣo mahān brahmā tatheśvaraḥ / avidyā niyatirmāyā kalādyāḥ śataśo 'bhavan

Sanskrit only: no published translation is held for this verse.

त्वं हि सा परमा शक्तिरनन्ता परमेष्ठिनी । सर्वभेदविनिर्मुक्ता सर्वेभेदाश्रया निजा

tvaṃ hi sā paramā śaktiranantā parameṣṭhinī / sarvabhedavinirmuktā sarvebhedāśrayā nijā

Sanskrit only: no published translation is held for this verse.

त्वामधिष्ठाय योगेशि महादेवो महेश्वरः । प्रधानाद्यं जगत् कृत्स्नं करोति विकरोति च

tvāmadhiṣṭhāya yogeśi mahādevo maheśvaraḥ / pradhānādyaṃ jagat kṛtsnaṃ karoti vikaroti ca

Sanskrit only: no published translation is held for this verse.

त्वयैव संगतो देवः स्वमानन्दं समश्नुते । त्वमेव परमानन्दस्त्वमेवानन्ददायिनी

tvayaiva saṃgato devaḥ svamānandaṃ samaśnute / tvameva paramānandastvamevānandadāyinī

Sanskrit only: no published translation is held for this verse.

त्वमक्षरं परं व्योम महज्ज्योतिर्निरञ्जनम् । शिवं सर्वगतं सूक्ष्मं परं ब्रह्मा सनातनम्

tvamakṣaraṃ paraṃ vyoma mahajjyotirnirañjanam / śivaṃ sarvagataṃ sūkṣmaṃ paraṃ brahmā sanātanam

Sanskrit only: no published translation is held for this verse.

त्वं शक्रः सर्वदेवानां ब्रह्मा ब्रह्मविदामसि । वायुर्बलवतां देवि योगिनां त्वं कुमारकः

tvaṃ śakraḥ sarvadevānāṃ brahmā brahmavidāmasi / vāyurbalavatāṃ devi yogināṃ tvaṃ kumārakaḥ

Sanskrit only: no published translation is held for this verse.

ऋषीणां च वसिष्ठस्त्वं व्यासो वेदविदामसि । सांख्यानां कपिलो देवो रुद्राणामसि शङ्करः

ṛṣīṇāṃ ca vasiṣṭhastvaṃ vyāso vedavidāmasi / sāṃkhyānāṃ kapilo devo rudrāṇāmasi śaṅkaraḥ

Sanskrit only: no published translation is held for this verse.

आदित्यानामुपेन्द्रस्त्वं वसूनां चैव पावकः । वेदानां सामवेदस्त्वं गायत्री छन्दसामसि

ādityānāmupendrastvaṃ vasūnāṃ caiva pāvakaḥ / vedānāṃ sāmavedastvaṃ gāyatrī chandasāmasi

Sanskrit only: no published translation is held for this verse.

अध्यात्मविद्या विद्यानां गतीनां परम् गतिः । माया त्वं सर्वशक्तीनां कालः कलयतामसि

adhyātmavidyā vidyānāṃ gatīnāṃ param gatiḥ / māyā tvaṃ sarvaśaktīnāṃ kālaḥ kalayatāmasi

Sanskrit only: no published translation is held for this verse.

ओङ्कारः सर्वगुह्यानां वर्णानां च द्विजात्तमः । आश्रमाणां च गार्हस्थ्यमीश्वराणां महेश्वरः

oṅkāraḥ sarvaguhyānāṃ varṇānāṃ ca dvijāttamaḥ / āśramāṇāṃ ca gārhasthyamīśvarāṇāṃ maheśvaraḥ

Sanskrit only: no published translation is held for this verse.

पुंसां त्वमेकः पुरुषः सर्वभूतहृदि स्थितः । सर्वोपनिषदां देवि गुह्योपनिषदुच्यते

puṃsāṃ tvamekaḥ puruṣaḥ sarvabhūtahṛdi sthitaḥ / sarvopaniṣadāṃ devi guhyopaniṣaducyate

Sanskrit only: no published translation is held for this verse.

ईशानश्चासि कल्पानां युगानां कृतमेव च । आदित्यः सर्वमार्गाणां वाचां देवि सरस्वती

īśānaścāsi kalpānāṃ yugānāṃ kṛtameva ca / ādityaḥ sarvamārgāṇāṃ vācāṃ devi sarasvatī

Sanskrit only: no published translation is held for this verse.

त्वं लक्ष्मीश्चारुरूपाणां विष्णुर्मायाविनामसि । अरुन्धती सतीनां त्वं सुपर्णः पततामसि

tvaṃ lakṣmīścārurūpāṇāṃ viṣṇurmāyāvināmasi / arundhatī satīnāṃ tvaṃ suparṇaḥ patatāmasi

Sanskrit only: no published translation is held for this verse.

सूक्तानां पौरुषं सूक्तं ज्येष्ठसाम च सामसु । सावित्री चासि जप्यानां यजुषां शतरुद्रियम्

sūktānāṃ pauruṣaṃ sūktaṃ jyeṣṭhasāma ca sāmasu / sāvitrī cāsi japyānāṃ yajuṣāṃ śatarudriyam

Sanskrit only: no published translation is held for this verse.

पर्वतानां महामेरुरनन्तो भोगिनामसि । सर्वेषां त्वं परं ब्रह्म त्वन्मयं सर्वमेव हि

parvatānāṃ mahāmerurananto bhogināmasi / sarveṣāṃ tvaṃ paraṃ brahma tvanmayaṃ sarvameva hi

Sanskrit only: no published translation is held for this verse.

रूपं तवोशेषकलाविहीन- मगोचरं निर्मलमेकरूपम् । अनादिमध्यान्तमनन्तामाद्यं नमामि सत्यं तमसः परस्तात्

rūpaṃ tavośeṣakalāvihīna- magocaraṃ nirmalamekarūpam / anādimadhyāntamanantāmādyaṃ namāmi satyaṃ tamasaḥ parastāt

Sanskrit only: no published translation is held for this verse.

यदेव पश्यन्ति जगत्प्रसूतिं वेदान्तविज्ञानविनिश्चितार्थाः । आनन्दमात्रं प्रणवाभिधानं तदेव रूपं शरणं प्रपद्ये

yadeva paśyanti jagatprasūtiṃ vedāntavijñānaviniścitārthāḥ / ānandamātraṃ praṇavābhidhānaṃ tadeva rūpaṃ śaraṇaṃ prapadye

Sanskrit only: no published translation is held for this verse.

अशेषभूतान्तरसन्निविष्टं प्रधानपुंयोगवियोगहेतुम् । तेजोमयं जन्मविनाशहीनं प्राणाभिधानं प्रणतो ऽस्मि रूपम्

aśeṣabhūtāntarasanniviṣṭaṃ pradhānapuṃyogaviyogahetum / tejomayaṃ janmavināśahīnaṃ prāṇābhidhānaṃ praṇato 'smi rūpam

Sanskrit only: no published translation is held for this verse.

आद्यन्तहीनं जगदात्मभूतं विभिन्नसंस्थं प्रकृतेः परस्तात् । कूटस्थमव्यक्तवपुस्तवैव नमामि रूपं पुरुषाभिधानम्

ādyantahīnaṃ jagadātmabhūtaṃ vibhinnasaṃsthaṃ prakṛteḥ parastāt / kūṭasthamavyaktavapustavaiva namāmi rūpaṃ puruṣābhidhānam

Sanskrit only: no published translation is held for this verse.