Kurma-Purana 1.11

सर्वाश्रयं सर्वजगद्विधानं सर्वत्रगं जन्मविनाशहीनम् । सूक्ष्मं विचित्रं त्रिगुणं प्रधानं नतो ऽस्मि ते रूपमलुप्तभेदम्

sarvāśrayaṃ sarvajagadvidhānaṃ sarvatragaṃ janmavināśahīnam / sūkṣmaṃ vicitraṃ triguṇaṃ pradhānaṃ nato 'smi te rūpamaluptabhedam

Sanskrit only: no published translation is held for this verse.

आद्यं महत् ते पुरुषात्मरूपं प्रकृत्यवस्थं त्रिगुणात्मबीजम् । ऐश्वर्यविज्ञानविरागधर्मैः समन्वितं देवि नतो ऽस्मि रूपम्

ādyaṃ mahat te puruṣātmarūpaṃ prakṛtyavasthaṃ triguṇātmabījam / aiśvaryavijñānavirāgadharmaiḥ samanvitaṃ devi nato 'smi rūpam

Sanskrit only: no published translation is held for this verse.

द्विसप्तलोकात्मकमम्बुसंस्थं विचित्रभेदं पुरुषैकनाथम् । अनन्तभूतैरधिवासितं ते नतो ऽस्मि रूपं जगदण्डसंज्ञम्

dvisaptalokātmakamambusaṃsthaṃ vicitrabhedaṃ puruṣaikanātham / anantabhūtairadhivāsitaṃ te nato 'smi rūpaṃ jagadaṇḍasaṃjñam

Sanskrit only: no published translation is held for this verse.

अशेषवेदात्मकमेकमाद्यं स्वतेजसा पूरितलोकभेदम् । त्रिकालहेतुं रपमेष्ठिसंज्ञं नमामि रूपं रविमण्डलस्थम्

aśeṣavedātmakamekamādyaṃ svatejasā pūritalokabhedam / trikālahetuṃ rapameṣṭhisaṃjñaṃ namāmi rūpaṃ ravimaṇḍalastham

Sanskrit only: no published translation is held for this verse.

सहस्त्रमूर्धानमनन्तशक्तिं सहस्त्रबाहुं पुरुषं पुराणम् । शयानमन्तः सलिले तथैव नारायणाख्यं प्रणतो ऽस्मि रूपम्

sahastramūrdhānamanantaśaktiṃ sahastrabāhuṃ puruṣaṃ purāṇam / śayānamantaḥ salile tathaiva nārāyaṇākhyaṃ praṇato 'smi rūpam

Sanskrit only: no published translation is held for this verse.

दंष्ट्राकरालं त्रिदशाभिवन्द्यं युगान्तकालानलकल्परूपम् । अशेषभूताण्डविनाशहेतुं नमामि रूपं तव कालसंज्ञम्

daṃṣṭrākarālaṃ tridaśābhivandyaṃ yugāntakālānalakalparūpam / aśeṣabhūtāṇḍavināśahetuṃ namāmi rūpaṃ tava kālasaṃjñam

Sanskrit only: no published translation is held for this verse.

फणासहस्त्रेण विराजमानं भोगीन्द्रमुख्यैरभिपूज्यमानम् । जनार्दनारूढतनुं प्रसुप्तं नतो ऽस्मि रूपं तव शेषसंज्ञम्

phaṇāsahastreṇa virājamānaṃ bhogīndramukhyairabhipūjyamānam / janārdanārūḍhatanuṃ prasuptaṃ nato 'smi rūpaṃ tava śeṣasaṃjñam

Sanskrit only: no published translation is held for this verse.

अव्याहतैश्वर्यमयुग्मनेत्रं ब्रह्मामृतानन्दरसज्ञमेकम् । युगान्तशेषं दिवि नृत्यमानं नतो ऽस्मि रूपं तव रुद्रसंज्ञम्

avyāhataiśvaryamayugmanetraṃ brahmāmṛtānandarasajñamekam / yugāntaśeṣaṃ divi nṛtyamānaṃ nato 'smi rūpaṃ tava rudrasaṃjñam

Sanskrit only: no published translation is held for this verse.

प्रहीणशोकं विमलं पवित्रं सुरासुरैरर्चितापादपद्मम् । सुकोमलं देवि विशालशुम्रं नमामि ते रूपमिदं नमासि

prahīṇaśokaṃ vimalaṃ pavitraṃ surāsurairarcitāpādapadmam / sukomalaṃ devi viśālaśumraṃ namāmi te rūpamidaṃ namāsi

Sanskrit only: no published translation is held for this verse.

ॐ नमस्ते महादेवि नमस्ते परमेश्वरि । नमो भगवतीशानि शिवायै ते नमो नमः

oṃ namaste mahādevi namaste parameśvari / namo bhagavatīśāni śivāyai te namo namaḥ

Sanskrit only: no published translation is held for this verse.

त्वन्मयो ऽहं त्वदाधारस्त्वमेव च गतिर्मम । त्वामेव शरणं यास्ये प्रसीद परमेश्वरि

tvanmayo 'haṃ tvadādhārastvameva ca gatirmama / tvāmeva śaraṇaṃ yāsye prasīda parameśvari

Sanskrit only: no published translation is held for this verse.

मया नास्ति समो लोके देवो वादानवो ऽपि वा । जगन्मातैव मत्पुत्री संभूता तपसा यतः

mayā nāsti samo loke devo vādānavo 'pi vā / jaganmātaiva matputrī saṃbhūtā tapasā yataḥ

Sanskrit only: no published translation is held for this verse.

एषा तवाम्बिका देवि किलाभूत पितृकन्यका । मेनाशेषजगन्मातुरहो वुण्यस्य गौरवम्

eṣā tavāmbikā devi kilābhūta pitṛkanyakā / menāśeṣajaganmāturaho vuṇyasya gauravam

Sanskrit only: no published translation is held for this verse.

पाहि माममरेशानि मेनया सह सर्वदा । नमामि तव पादाब्जं व्रजामि शरणं शिवाम्

pāhi māmamareśāni menayā saha sarvadā / namāmi tava pādābjaṃ vrajāmi śaraṇaṃ śivām

Sanskrit only: no published translation is held for this verse.

अहो मे सुमहद् भाग्यं महादेवीसमागमात् । आज्ञापय महादेवि किं करिष्यामि शङ्करि

aho me sumahad bhāgyaṃ mahādevīsamāgamāt / ājñāpaya mahādevi kiṃ kariṣyāmi śaṅkari

Sanskrit only: no published translation is held for this verse.

एतावदुक्त्वा वचनं तदा हिमगिरीश्वरः । संप्रेक्षणमाणो गिरिजां प्राञ्जलिः पार्श्वतो ऽभवत्

etāvaduktvā vacanaṃ tadā himagirīśvaraḥ / saṃprekṣaṇamāṇo girijāṃ prāñjaliḥ pārśvato 'bhavat

Sanskrit only: no published translation is held for this verse.

अथ सा तस्य वचनं निशम्य जगतो ऽरणिः । सस्मितं प्राह पितरं स्मृत्वा पशुपतिं पतिम्

atha sā tasya vacanaṃ niśamya jagato 'raṇiḥ / sasmitaṃ prāha pitaraṃ smṛtvā paśupatiṃ patim

Sanskrit only: no published translation is held for this verse.

देव्युवाच शृणुष्व चैतत् परमं गुह्यमीश्वरगोचरम् । उपदेशं गिरिश्रेष्ठ सेवितं ब्रह्मवादिभिः

devyuvāca śṛṇuṣva caitat paramaṃ guhyamīśvaragocaram / upadeśaṃ giriśreṣṭha sevitaṃ brahmavādibhiḥ

Sanskrit only: no published translation is held for this verse.

यन्मे साक्षात् परं रूपमैश्वरं दृष्टमद्भुतम् । सर्वशक्तिसमायुक्तमनन्तं प्रेरकं परम्

yanme sākṣāt paraṃ rūpamaiśvaraṃ dṛṣṭamadbhutam / sarvaśaktisamāyuktamanantaṃ prerakaṃ param

Sanskrit only: no published translation is held for this verse.

शान्तः समाहितमना दम्भाहङ्कारवर्जितः । तन्निष्ठस्तत्परो भूत्वा तदेव शरणं व्रज

śāntaḥ samāhitamanā dambhāhaṅkāravarjitaḥ / tanniṣṭhastatparo bhūtvā tadeva śaraṇaṃ vraja

Sanskrit only: no published translation is held for this verse.

भक्त्या त्वनन्यया तात पद्भावं परमाश्रितः । सर्वयज्ञतपोदानैस्तदेवार्चय सर्वदा

bhaktyā tvananyayā tāta padbhāvaṃ paramāśritaḥ / sarvayajñatapodānaistadevārcaya sarvadā

Sanskrit only: no published translation is held for this verse.

तदेव मनसा पश्य तद् ध्यायस्व जपस्व च । ममोपदेशात् संसारं नाशयामि तवानघ

tadeva manasā paśya tad dhyāyasva japasva ca / mamopadeśāt saṃsāraṃ nāśayāmi tavānagha

Sanskrit only: no published translation is held for this verse.

अहं वै मत्परान् भक्तानैश्वरं योगमास्थितान् । संसारसागरादस्मादुद्धराम्यचिरेण तु

ahaṃ vai matparān bhaktānaiśvaraṃ yogamāsthitān / saṃsārasāgarādasmāduddharāmyacireṇa tu

Sanskrit only: no published translation is held for this verse.

ध्यानेन कर्मयोगेन भक्त्या ज्ञानेन चैव हि । प्राप्याहं ते गिरिश्रेष्ठ नान्यथा कर्मकोटिभिः

dhyānena karmayogena bhaktyā jñānena caiva hi / prāpyāhaṃ te giriśreṣṭha nānyathā karmakoṭibhiḥ

Sanskrit only: no published translation is held for this verse.

श्रुतिस्मृत्युदितं सम्यक् कर्म वर्णाश्रमात्मकम् । अध्यात्मज्ञानसहितं मुक्तये सततं कुरु

śrutismṛtyuditaṃ samyak karma varṇāśramātmakam / adhyātmajñānasahitaṃ muktaye satataṃ kuru

Sanskrit only: no published translation is held for this verse.

धर्मात् संजायते भक्तिर्भक्त्या संप्राप्यते परम् । श्रुतिस्मृतिभ्यामुदितो धर्मो यज्ञादिको मतः

dharmāt saṃjāyate bhaktirbhaktyā saṃprāpyate param / śrutismṛtibhyāmudito dharmo yajñādiko mataḥ

Sanskrit only: no published translation is held for this verse.

नान्यतो जायते धर्मो वेदाद् धर्मो हि निर्बभौ । तस्मान्मुमुक्षुर्धर्मार्थो मद्रूपं वेदमाश्रयेत्

nānyato jāyate dharmo vedād dharmo hi nirbabhau / tasmānmumukṣurdharmārtho madrūpaṃ vedamāśrayet

Sanskrit only: no published translation is held for this verse.

ममैवैषा परा शक्तिर्वेदसंज्ञा पुरातनी । ऋग्यजुः सामरूपेण सर्गादौ संप्रवर्तते

mamaivaiṣā parā śaktirvedasaṃjñā purātanī / ṛgyajuḥ sāmarūpeṇa sargādau saṃpravartate

Sanskrit only: no published translation is held for this verse.

तेषामेव च गुप्त्यर्थं वेदानां भगवानजः । ब्राह्मणादीन् ससर्जाथ स्वे स्वे कर्मण्ययोजयत्

teṣāmeva ca guptyarthaṃ vedānāṃ bhagavānajaḥ / brāhmaṇādīn sasarjātha sve sve karmaṇyayojayat

Sanskrit only: no published translation is held for this verse.

ये न कुर्वन्ति तद् धर्मं तदर्थं ब्रह्मनिर्मितम् । तेषामधस्ताद् नरकांस्तामिस्त्रादीनकल्पयत्

ye na kurvanti tad dharmaṃ tadarthaṃ brahmanirmitam / teṣāmadhastād narakāṃstāmistrādīnakalpayat

Sanskrit only: no published translation is held for this verse.

न च वेदाद् ऋते किञ्चिच्छास्त्रधर्माभिधायकम् । यो ऽन्यत्ररमतेसो ऽसौनसंभाष्यो द्विजातिभिः

na ca vedād ṛte kiñcicchāstradharmābhidhāyakam / yo 'nyatraramateso 'saunasaṃbhāṣyo dvijātibhiḥ

Sanskrit only: no published translation is held for this verse.

यानि शास्त्राणि दृश्यन्ते लोके ऽस्मिन् विविधानितु । श्रुतिस्मृतिविरुद्धानि निष्ठा तेषां हि तामसी

yāni śāstrāṇi dṛśyante loke 'smin vividhānitu / śrutismṛtiviruddhāni niṣṭhā teṣāṃ hi tāmasī

Sanskrit only: no published translation is held for this verse.

कापालं पञ्चरात्रं च यामलं वाममार्हतम् । एवंविधानि चान्यानि मोहनार्थानि तानि तु

kāpālaṃ pañcarātraṃ ca yāmalaṃ vāmamārhatam / evaṃvidhāni cānyāni mohanārthāni tāni tu

Sanskrit only: no published translation is held for this verse.

ये कुशास्त्राभियोगेन मोहयन्तीह मानवान् । मया सृष्टानि शास्त्राणि मोहायैषां भवान्तरे

ye kuśāstrābhiyogena mohayantīha mānavān / mayā sṛṣṭāni śāstrāṇi mohāyaiṣāṃ bhavāntare

Sanskrit only: no published translation is held for this verse.

वेदार्थवित्तमैः कार्यं यत् स्मृतं कर्म वैदिकम् । तत् प्रयत्नेन कुर्वन्ति मत्प्रियास्ते हि ये नराः

vedārthavittamaiḥ kāryaṃ yat smṛtaṃ karma vaidikam / tat prayatnena kurvanti matpriyāste hi ye narāḥ

Sanskrit only: no published translation is held for this verse.

वर्णानामनुकम्पार्थं मन्नियोगाद् विराट् स्वयम् । स्वायंभुवो मनुर्धार्मान् मुनीनां पूर्वमुक्तवाना

varṇānāmanukampārthaṃ manniyogād virāṭ svayam / svāyaṃbhuvo manurdhārmān munīnāṃ pūrvamuktavānā

Sanskrit only: no published translation is held for this verse.

श्रुत्वा चान्ये ऽपि मुनयस्तन्मुखाद् धर्ममुत्तमम् । चक्रुर्धर्मप्रतिष्ठार्थं धर्मशास्त्राणि चैव हि

śrutvā cānye 'pi munayastanmukhād dharmamuttamam / cakrurdharmapratiṣṭhārthaṃ dharmaśāstrāṇi caiva hi

Sanskrit only: no published translation is held for this verse.

तेषु चान्तर्हितेष्वेवं युगान्तेषु महर्षयः । ब्रह्मणो वचनात् तानि करिष्यन्ति युगे युगे

teṣu cāntarhiteṣvevaṃ yugānteṣu maharṣayaḥ / brahmaṇo vacanāt tāni kariṣyanti yuge yuge

Sanskrit only: no published translation is held for this verse.

अष्टादश पुराणानि व्यासेन कथितानि तु । नियोगाद् ब्रह्मणो राजंस्तेषु धर्मः प्रतिष्ठितः

aṣṭādaśa purāṇāni vyāsena kathitāni tu / niyogād brahmaṇo rājaṃsteṣu dharmaḥ pratiṣṭhitaḥ

Sanskrit only: no published translation is held for this verse.

अन्यान्युपपुराणानि तच्छिष्यैः कथितानि तु । युगे युगे ऽत्र सर्वेषां कर्ता वै धर्मशास्त्रवित्

anyānyupapurāṇāni tacchiṣyaiḥ kathitāni tu / yuge yuge 'tra sarveṣāṃ kartā vai dharmaśāstravit

Sanskrit only: no published translation is held for this verse.

शिक्षा कल्पो व्याकरणं निरुक्तं छन्द एव च । ज्योतिः शास्त्रं न्यायविद्या मीमांसा चोपबृंहणम्

śikṣā kalpo vyākaraṇaṃ niruktaṃ chanda eva ca / jyotiḥ śāstraṃ nyāyavidyā mīmāṃsā copabṛṃhaṇam

Sanskrit only: no published translation is held for this verse.

एवं चतुर्दशैतानि विद्यास्थानानि सत्तम । चतुर्वेदैः सहोक्तानि धर्मो नान्यत्र विद्यते

evaṃ caturdaśaitāni vidyāsthānāni sattama / caturvedaiḥ sahoktāni dharmo nānyatra vidyate

Sanskrit only: no published translation is held for this verse.

एवं पैतामहं धर्मं मनुव्यासादयः परम् । स्थापयन्ति ममादेशाद् यावदाभूतसंप्लवम्

evaṃ paitāmahaṃ dharmaṃ manuvyāsādayaḥ param / sthāpayanti mamādeśād yāvadābhūtasaṃplavam

Sanskrit only: no published translation is held for this verse.

ब्रह्मणा सह ते सर्वे संप्राप्ते प्रतिसंचरे । परस्यान्ते कृतात्मानः प्रविशन्ति परं पदम्

brahmaṇā saha te sarve saṃprāpte pratisaṃcare / parasyānte kṛtātmānaḥ praviśanti paraṃ padam

Sanskrit only: no published translation is held for this verse.

तस्मात् सर्वप्रयत्नेन धर्मार्थं वेदमाश्रयेत् । धर्मेण सहितं ज्ञानं परं ब्रह्म प्रकाशयेत्

tasmāt sarvaprayatnena dharmārthaṃ vedamāśrayet / dharmeṇa sahitaṃ jñānaṃ paraṃ brahma prakāśayet

Sanskrit only: no published translation is held for this verse.

ये तु सङ्गान् परित्यज्य मामेव शरणं गताः । उपासते सदा भक्त्या योगमैश्वरमास्थिताः

ye tu saṅgān parityajya māmeva śaraṇaṃ gatāḥ / upāsate sadā bhaktyā yogamaiśvaramāsthitāḥ

Sanskrit only: no published translation is held for this verse.

सर्वभूतदयावन्तः शान्ता दान्ता विमत्सराः । अमानिनो बुद्धिमन्तस्तापसाः शंसितव्रताः

sarvabhūtadayāvantaḥ śāntā dāntā vimatsarāḥ / amānino buddhimantastāpasāḥ śaṃsitavratāḥ

Sanskrit only: no published translation is held for this verse.

मच्चित्ता मद्गतप्राणा मज्ज्ञानकथने रताः । संन्यासिनो गृहस्थाश्च वनस्था ब्रह्मचारिणः

maccittā madgataprāṇā majjñānakathane ratāḥ / saṃnyāsino gṛhasthāśca vanasthā brahmacāriṇaḥ

Sanskrit only: no published translation is held for this verse.

तेषां नित्याभियुक्तानां मायातत्त्वसमुत्थितम् । नाशयामि तमः कृत्स्नं ज्ञानदीपने मा चिरात्

teṣāṃ nityābhiyuktānāṃ māyātattvasamutthitam / nāśayāmi tamaḥ kṛtsnaṃ jñānadīpane mā cirāt

Sanskrit only: no published translation is held for this verse.

ते सुनिर्धूततमसो ज्ञानेनैकेन मन्मयाः । सदानन्दास्तु संसारे न जायन्ते पुनः पुनः

te sunirdhūtatamaso jñānenaikena manmayāḥ / sadānandāstu saṃsāre na jāyante punaḥ punaḥ

Sanskrit only: no published translation is held for this verse.

तस्मात् सर्वप्रकारेण मद्भक्तो मत्परायणः । मामेवार्चय सर्वत्र मेनया सह संगतः

tasmāt sarvaprakāreṇa madbhakto matparāyaṇaḥ / māmevārcaya sarvatra menayā saha saṃgataḥ

Sanskrit only: no published translation is held for this verse.

अशक्तो यदि मे ध्यातुमैश्वरं रूपमव्ययम् । ततो मे सकलं रूपं कालाद्यं शरणं व्रज

aśakto yadi me dhyātumaiśvaraṃ rūpamavyayam / tato me sakalaṃ rūpaṃ kālādyaṃ śaraṇaṃ vraja

Sanskrit only: no published translation is held for this verse.

यद् यत् स्वरूपं मे तात मनसो गोचरं भवेत् । तन्निष्ठस्तत्परो भूत्वा तदर्चनपरो भव

yad yat svarūpaṃ me tāta manaso gocaraṃ bhavet / tanniṣṭhastatparo bhūtvā tadarcanaparo bhava

Sanskrit only: no published translation is held for this verse.

यत्तु मे निष्कलं रूपं चिन्मात्रं केवलं शिवम् । सर्वोपाधिविनिर्मुक्तमनन्तममृतं परम्

yattu me niṣkalaṃ rūpaṃ cinmātraṃ kevalaṃ śivam / sarvopādhivinirmuktamanantamamṛtaṃ param

Sanskrit only: no published translation is held for this verse.

ज्ञानेनैकेन तल्लभ्यं क्लेशेन परमं पदम् । ज्ञानमेव प्रपश्यन्तो मामेव प्रविशन्ति ते

jñānenaikena tallabhyaṃ kleśena paramaṃ padam / jñānameva prapaśyanto māmeva praviśanti te

Sanskrit only: no published translation is held for this verse.

तद्बुद्धयस्तदात्मानस्तन्निष्ठास्तत्परायणाः । गच्छन्त्यपुनरावृत्तिं ज्ञाननिर्धूतकल्मषाः

tadbuddhayastadātmānastanniṣṭhāstatparāyaṇāḥ / gacchantyapunarāvṛttiṃ jñānanirdhūtakalmaṣāḥ

Sanskrit only: no published translation is held for this verse.

मामनाश्रित्य परमं निर्वाणममलं पदम् । प्राप्यते न हि राजेन्द्र ततो मां शरणं व्रज

māmanāśritya paramaṃ nirvāṇamamalaṃ padam / prāpyate na hi rājendra tato māṃ śaraṇaṃ vraja

Sanskrit only: no published translation is held for this verse.

एकत्वेन पृथक्त्वेन तथा चोभयतो ऽपि वा । मामुपास्य महाराज ततो यास्यासि तत्पदम्

ekatvena pṛthaktvena tathā cobhayato 'pi vā / māmupāsya mahārāja tato yāsyāsi tatpadam

Sanskrit only: no published translation is held for this verse.

मामनाश्रित्य तत् तत्त्वं स्वभावविमलं शिवम् । ज्ञायते न हि राजेन्द्र ततो मां शरणं व्रज

māmanāśritya tat tattvaṃ svabhāvavimalaṃ śivam / jñāyate na hi rājendra tato māṃ śaraṇaṃ vraja

Sanskrit only: no published translation is held for this verse.

तस्मात् त्वमक्षरं रूपं नित्यं चारूपमैश्वरम् । आराधय प्रयत्नेन ततो बन्धं प्रहास्यसि

tasmāt tvamakṣaraṃ rūpaṃ nityaṃ cārūpamaiśvaram / ārādhaya prayatnena tato bandhaṃ prahāsyasi

Sanskrit only: no published translation is held for this verse.

कर्मणा मनसा वाचा शिवं सर्वत्र सर्वदा । समाराधय भावेन ततो यास्यसि तत्पदम्

karmaṇā manasā vācā śivaṃ sarvatra sarvadā / samārādhaya bhāvena tato yāsyasi tatpadam

Sanskrit only: no published translation is held for this verse.

न वै पश्यन्ति तत् तत्त्वं मोहिता मम मायया । अनाद्यनन्तं परमं महेश्वरमजं शिवम्

na vai paśyanti tat tattvaṃ mohitā mama māyayā / anādyanantaṃ paramaṃ maheśvaramajaṃ śivam

Sanskrit only: no published translation is held for this verse.

सर्वभूतात्मभूतस्थं सर्वाधारं निरञ्जनम् । नित्यानन्दं निराभासं निर्गुणं तमसः परम्

sarvabhūtātmabhūtasthaṃ sarvādhāraṃ nirañjanam / nityānandaṃ nirābhāsaṃ nirguṇaṃ tamasaḥ param

Sanskrit only: no published translation is held for this verse.

अद्वैतमचलं ब्रह्म निष्कलं निष्प्रपञ्चकम् । स्वसंवेद्यमवेद्यं तत् परे व्योम्नि व्यवस्थितम्

advaitamacalaṃ brahma niṣkalaṃ niṣprapañcakam / svasaṃvedyamavedyaṃ tat pare vyomni vyavasthitam

Sanskrit only: no published translation is held for this verse.

सूक्ष्मेण तमसा नित्यं वेष्टिता मम मायया । संसारसागरे घोरे जायन्ते च पुनः पुनः

sūkṣmeṇa tamasā nityaṃ veṣṭitā mama māyayā / saṃsārasāgare ghore jāyante ca punaḥ punaḥ

Sanskrit only: no published translation is held for this verse.

भक्त्या त्वनन्यया राजन् सम्यग् ज्ञानेन चैव हि । अन्वेष्टव्यं हि तद् ब्रह्म जन्मबन्धनिवृत्तये

bhaktyā tvananyayā rājan samyag jñānena caiva hi / anveṣṭavyaṃ hi tad brahma janmabandhanivṛttaye

Sanskrit only: no published translation is held for this verse.

अहङ्कारं च मात्सर्यं कामं क्रोधं परिग्रहम् । अधर्माभिनिवेशं च त्यक्त्वा वैराग्यमास्थितः

ahaṅkāraṃ ca mātsaryaṃ kāmaṃ krodhaṃ parigraham / adharmābhiniveśaṃ ca tyaktvā vairāgyamāsthitaḥ

Sanskrit only: no published translation is held for this verse.

सर्वभूतेषु चात्मानं सर्वभूतानि चात्मनि । अन्वीक्ष्य चात्मनात्मानं ब्रह्मभूयाय कल्पते

sarvabhūteṣu cātmānaṃ sarvabhūtāni cātmani / anvīkṣya cātmanātmānaṃ brahmabhūyāya kalpate

Sanskrit only: no published translation is held for this verse.

ब्रह्मभूतः प्रसन्नात्मा सर्वभूताभयप्रदः । ऐश्वरीं परमां भक्तिं विन्देतानन्यगामिनीम्

brahmabhūtaḥ prasannātmā sarvabhūtābhayapradaḥ / aiśvarīṃ paramāṃ bhaktiṃ vindetānanyagāminīm

Sanskrit only: no published translation is held for this verse.

वीक्षते तत् परं तत्त्वमैश्वरं ब्रह्मनिष्कलम् । सर्वसंसारनिर्मुक्तो ब्रह्मणेयवावतिष्ठते

vīkṣate tat paraṃ tattvamaiśvaraṃ brahmaniṣkalam / sarvasaṃsāranirmukto brahmaṇeyavāvatiṣṭhate

Sanskrit only: no published translation is held for this verse.

ब्रह्मणो हि प्रतिष्ठायं परस्य परमः शिवः । अनन्तस्याव्ययस्यैकः स्वात्माधारो महेश्वरः

brahmaṇo hi pratiṣṭhāyaṃ parasya paramaḥ śivaḥ / anantasyāvyayasyaikaḥ svātmādhāro maheśvaraḥ

Sanskrit only: no published translation is held for this verse.

ज्ञानेन कर्मयोगेन भक्तियोगेन वा नृप । सर्वसंसारमुक्त्यर्थमीश्वरं सततं श्रय

jñānena karmayogena bhaktiyogena vā nṛpa / sarvasaṃsāramuktyarthamīśvaraṃ satataṃ śraya

Sanskrit only: no published translation is held for this verse.

एष गुह्योपदेशस्ते मया दत्तो गिरीश्वर । अन्वीक्ष्य चैतदखिलं यथेष्टं कर्तुमर्हसि

eṣa guhyopadeśaste mayā datto girīśvara / anvīkṣya caitadakhilaṃ yatheṣṭaṃ kartumarhasi

Sanskrit only: no published translation is held for this verse.

अहं वै याचिता देवैः संजाता परमेश्वरात् । विनिन्द्य दक्षं पितरं महेश्वरविनिन्दकम्

ahaṃ vai yācitā devaiḥ saṃjātā parameśvarāt / vinindya dakṣaṃ pitaraṃ maheśvaravinindakam

Sanskrit only: no published translation is held for this verse.

धर्मसंस्थापनार्थाय तवाराधनकारणात् । मेनादेहसमुत्पन्ना त्वामेव पितरं श्रिता

dharmasaṃsthāpanārthāya tavārādhanakāraṇāt / menādehasamutpannā tvāmeva pitaraṃ śritā

Sanskrit only: no published translation is held for this verse.

स त्वं नियोगाद् देवस्य ब्रह्मणः परमात्मनः । प्रिदास्यसे मां रुद्राय स्वयंवरसमागमे

sa tvaṃ niyogād devasya brahmaṇaḥ paramātmanaḥ / pridāsyase māṃ rudrāya svayaṃvarasamāgame

Sanskrit only: no published translation is held for this verse.

तत्संबन्धाच्च ते राजन् सर्वे देवाः सवासवाः । त्वां नमस्यन्ति वै तात प्रसीदति च शङ्करः

tatsaṃbandhācca te rājan sarve devāḥ savāsavāḥ / tvāṃ namasyanti vai tāta prasīdati ca śaṅkaraḥ

Sanskrit only: no published translation is held for this verse.

तस्मात् सर्वप्रयत्नेन मां विद्धीश्वरगोचराम् । संपूज्य देवमीशानं शरण्यं शरणं व्रज

tasmāt sarvaprayatnena māṃ viddhīśvaragocarām / saṃpūjya devamīśānaṃ śaraṇyaṃ śaraṇaṃ vraja

Sanskrit only: no published translation is held for this verse.

स एवमुक्तो भगवान् देवदेव्या गिरीश्वरः । प्रणम्य शिरसा देवीं प्राञ्जलिः पुनरब्रवीत्

sa evamukto bhagavān devadevyā girīśvaraḥ / praṇamya śirasā devīṃ prāñjaliḥ punarabravīt

Sanskrit only: no published translation is held for this verse.

विस्तरेण महेशानि योगं माहेश्वरं परम् । ज्ञानं चैवात्मनो योगं साधनानि प्रचक्ष्व मे

vistareṇa maheśāni yogaṃ māheśvaraṃ param / jñānaṃ caivātmano yogaṃ sādhanāni pracakṣva me

Sanskrit only: no published translation is held for this verse.

तस्यैतत् परमं ज्ञानमात्मयोगमनुत्तमम् । यथावद् व्याजहारेशासाधनानिच विस्तरात्

tasyaitat paramaṃ jñānamātmayogamanuttamam / yathāvad vyājahāreśāsādhanānica vistarāt

Sanskrit only: no published translation is held for this verse.

निशम्य वदनाम्भोजाद् गिरीन्द्रो लोकपूजितः । लोकमातुः परं ज्ञानं योगासक्तो ऽभवत्पुनः

niśamya vadanāmbhojād girīndro lokapūjitaḥ / lokamātuḥ paraṃ jñānaṃ yogāsakto 'bhavatpunaḥ

Sanskrit only: no published translation is held for this verse.

प्रददौ च महेशाय पार्वतीं भाग्यगौरवात् । नियोगाद् ब्रह्मणः साध्वीं देवानां चैव संनिधौ

pradadau ca maheśāya pārvatīṃ bhāgyagauravāt / niyogād brahmaṇaḥ sādhvīṃ devānāṃ caiva saṃnidhau

Sanskrit only: no published translation is held for this verse.

य इमं पठते ऽध्यायं देव्या माहात्म्यकीर्तनम् । शिवस्य संनिधौ भक्त्या सुचिस्तद्भावभावितः

ya imaṃ paṭhate 'dhyāyaṃ devyā māhātmyakīrtanam / śivasya saṃnidhau bhaktyā sucistadbhāvabhāvitaḥ

Sanskrit only: no published translation is held for this verse.

सर्वपापविनिर्मुक्तो दिव्ययोगसमन्वितः । उल्लङ्घ्य ब्रह्मणो लोकन्देव्याः स्थानमवाप्नुयात्

sarvapāpavinirmukto divyayogasamanvitaḥ / ullaṅghya brahmaṇo lokandevyāḥ sthānamavāpnuyāt

Sanskrit only: no published translation is held for this verse.

यश्चैतत् पठते स्तोत्रं ब्राह्मणानां समीपतः । देव्याः समाहितमनाः सर्वपापैः प्रमुच्यते

yaścaitat paṭhate stotraṃ brāhmaṇānāṃ samīpataḥ / devyāḥ samāhitamanāḥ sarvapāpaiḥ pramucyate

Sanskrit only: no published translation is held for this verse.

नाम्नामष्टसहस्त्रं तु देव्या यत् समुदीरितम् । ज्ञात्वार्ऽकमण्डलगतां संभाव्य परमेश्वरीम्

nāmnāmaṣṭasahastraṃ tu devyā yat samudīritam / jñātvār'kamaṇḍalagatāṃ saṃbhāvya parameśvarīm

Sanskrit only: no published translation is held for this verse.

अभ्यर्च्य गन्धपुष्पाद्यैर्भक्तियोगसमन्वितः । संस्मरन् परमं भावं देव्या माहेश्वरं परम्

abhyarcya gandhapuṣpādyairbhaktiyogasamanvitaḥ / saṃsmaran paramaṃ bhāvaṃ devyā māheśvaraṃ param

Sanskrit only: no published translation is held for this verse.

अनन्यमानसो नित्यं जपेदामरणाद् द्विजः । सो ऽन्तकाले स्मृतिं लब्ध्वापरं ब्रह्माधिगच्छति

ananyamānaso nityaṃ japedāmaraṇād dvijaḥ / so 'ntakāle smṛtiṃ labdhvāparaṃ brahmādhigacchati

Sanskrit only: no published translation is held for this verse.

अथवा जायते विप्रो ब्राह्मणानां कुले शुचौ । पूर्वसंस्कारमाहात्म्याद् ब्रह्मविद्यामवाप्य सः

athavā jāyate vipro brāhmaṇānāṃ kule śucau / pūrvasaṃskāramāhātmyād brahmavidyāmavāpya saḥ

Sanskrit only: no published translation is held for this verse.

संप्राप्य योगं परमं दिव्यं तत् पारमेश्वरम् । शान्तः सर्वगातो भूत्वा शिवसायुज्यमानप्नुयात्

saṃprāpya yogaṃ paramaṃ divyaṃ tat pārameśvaram / śāntaḥ sarvagāto bhūtvā śivasāyujyamānapnuyāt

Sanskrit only: no published translation is held for this verse.

प्रत्येकं चाथ नामानि जुहुयात् सवनत्रयम् । पूतनादिकृतैर्देषैर्ग्रहदोषैश्च मुच्यते

pratyekaṃ cātha nāmāni juhuyāt savanatrayam / pūtanādikṛtairdeṣairgrahadoṣaiśca mucyate

Sanskrit only: no published translation is held for this verse.

जपेद् वाहरहर्नित्यं संवत्सरमतन्द्रितः । श्रीकामः पार्वतीं देवीं पूजयित्वा विधानतः

japed vāharaharnityaṃ saṃvatsaramatandritaḥ / śrīkāmaḥ pārvatīṃ devīṃ pūjayitvā vidhānataḥ

Sanskrit only: no published translation is held for this verse.

संपूज्य पार्श्वतः शंभुं त्रिनेत्रं भक्तिसंयुतः । लभते महतीं लक्ष्मीं महादेवप्रसादतः

saṃpūjya pārśvataḥ śaṃbhuṃ trinetraṃ bhaktisaṃyutaḥ / labhate mahatīṃ lakṣmīṃ mahādevaprasādataḥ

Sanskrit only: no published translation is held for this verse.

तस्मात् सर्वप्रयत्नेन जप्तव्यं हि द्विजातिभिः । सर्वपापानोदार्थं देव्या नाम सहस्त्रकम्

tasmāt sarvaprayatnena japtavyaṃ hi dvijātibhiḥ / sarvapāpānodārthaṃ devyā nāma sahastrakam

Sanskrit only: no published translation is held for this verse.

प्रसङ्गात् कथितं विप्रा देव्या माहात्म्यमुत्तमम् । अतः परं प्रजासर्गं भृग्वादीनां निबोधत

prasaṅgāt kathitaṃ viprā devyā māhātmyamuttamam / ataḥ paraṃ prajāsargaṃ bhṛgvādīnāṃ nibodhata

Sanskrit only: no published translation is held for this verse.