दण्डपारुष्यं स्पर्शनम् अवगूर्णं प्रहतम् इति ॥
daṇḍa.pāruṣyaṃ sparśanam avagūrṇaṃ prahatam iti //
Sanskrit only: no published translation is held for this verse.
Library·Kautilya: Arthasastra·3·3.19
Kautilya: Arthasastra 3.19
नाभेर् अधःकायं हस्तपङ्कभस्मपांसुभिर् इति स्पृशतस् त्रिपणो दण्डः, तैर् एव^अमेध्यैः पादष्ठीविकाभ्यां च षट्पणः, छर्दिमूत्रपुरीषआदिभिर् द्वादशपणः ॥
nābher adhaḥ.kāyaṃ hasta.paṅka.bhasma.pāṃsubhir iti spṛśatas tri.paṇo daṇḍaḥ, tair eva^amedhyaiḥ pāda.ṣṭhīvikābhyāṃ ca ṣaṭ.paṇaḥ, chardi.mūtra.purīṣa.ādibhir dvādaśa.paṇaḥ //
Sanskrit only: no published translation is held for this verse.
नाभेर् उपरि द्विगुणाः, शिरसि चतुर्गुणाः समेषु ॥
nābher upari dvi.guṇāḥ, śirasi catur.guṇāḥ sameṣu //
Sanskrit only: no published translation is held for this verse.
विशिष्टेषु द्विगुणाः, हीनेष्व् अर्धदण्डाः, परस्त्रीषु द्विगुणाः, प्रमादमदमोहआदिभिर् अर्धदण्डाः ॥
viśiṣṭeṣu dvi.guṇāḥ, hīneṣv ardha.daṇḍāḥ, para.strīṣu dvi.guṇāḥ, pramāda.mada.moha.ādibhir ardha.daṇḍāḥ //
Sanskrit only: no published translation is held for this verse.
पादवस्त्रहस्तकेशअवलम्बनेषु षट्पणौत्तरा दण्डाः ॥
pāda.vastra.hasta.keśa.avalambaneṣu ṣaṭ.paṇa.uttarā daṇḍāḥ //
Sanskrit only: no published translation is held for this verse.
पीडनआवेष्टनअञ्चनप्रकर्षणअध्यासनेषु पूर्वः साहसदण्डः ॥
pīḍana.āveṣṭana.añcana.prakarṣaṇa.adhyāsaneṣu pūrvaḥ sāhasa.daṇḍaḥ //
Sanskrit only: no published translation is held for this verse.
पातयित्वा^अपक्रामतो^अर्धदण्डः ॥
pātayitvā^apakrāmato^ardha.daṇḍaḥ //
Sanskrit only: no published translation is held for this verse.
शूद्रो येन^अङ्गेन ब्राह्मणम् अभिहन्यात् तद् अस्यच्^छेदयेत् ॥
śūdro yena^aṅgena brāhmaṇam abhihanyāt tad asyac^chedayet //
Sanskrit only: no published translation is held for this verse.
अवगूर्णे निष्क्रयः, स्पर्शे^अर्धदण्डः ॥
avagūrṇe niṣkrayaḥ, sparśe^ardha.daṇḍaḥ //
Sanskrit only: no published translation is held for this verse.
तेन चण्डालअशुचयो व्याख्यातः ॥
tena caṇḍāla.aśucayo vyākhyātaḥ //
Sanskrit only: no published translation is held for this verse.
हस्तेन^अवगूर्णे त्रिपणअवरो द्वादशपणपरो दण्डः, पादेन द्विगुणः, दुःखौत्पादनेन द्रव्येण पूर्वः साहसदण्डः, प्राणआबाधिकेन मध्यमः ॥
hastena^avagūrṇe tri.paṇa.avaro dvādaśa.paṇa.paro daṇḍaḥ, pādena dvi.guṇaḥ, duḥkha.utpādanena dravyeṇa pūrvaḥ sāhasa.daṇḍaḥ, prāṇa.ābādhikena madhyamaḥ //
Sanskrit only: no published translation is held for this verse.
काष्ठलोष्टपाषाणलोहदण्डरज्जुद्रव्याणाम् अन्यतमेन दुःखम् अशोणितम् उत्पादयतश् चतुर्विंशतिपणो दण्डः, शोणितौत्पादने द्विगुणः, अन्यत्र दुष्टशोणितात् ॥
kāṣṭha.loṣṭa.pāṣāṇa.loha.daṇḍa.rajju.dravyāṇām anyatamena duḥkham aśoṇitam utpādayataś caturviṃśati.paṇo daṇḍaḥ, śoṇita.utpādane dvi.guṇaḥ, anyatra duṣṭa.śoṇitāt //
Sanskrit only: no published translation is held for this verse.
मृतकल्पम् अशोणितं घ्नतो हस्तपादपारञ्चिकं वा कुर्वतः पूर्वः साहसदण्डः, पाणिपाददन्तभङ्गे कर्णनासआच्छेदने व्रणविदारणे च्च, अन्यत्र दुष्टव्रणेभ्यः ॥
mṛta.kalpam aśoṇitaṃ ghnato hasta.pāda.pārañcikaṃ vā kurvataḥ pūrvaḥ sāhasa.daṇḍaḥ, pāṇi.pāda.danta.bhaṅge karṇa.nāsa.ācchedane vraṇa.vidāraṇe cca, anyatra duṣṭa.vraṇebhyaḥ //
Sanskrit only: no published translation is held for this verse.
सक्थिग्रीवआभञ्जने नेत्रभेदने वा वाक्यचेष्टाभोजनौपरोधेषु च मध्यमः साहसदण्डः समुत्थानव्ययश् च ॥
sakthi.grīva.ābhañjane netra.bhedane vā vākya.ceṣṭā.bhojana.uparodheṣu ca madhyamaḥ sāhasa.daṇḍaḥ samutthāna.vyayaś ca //
Sanskrit only: no published translation is held for this verse.
विपत्तौ कण्टकशोधनाय नीयेत ॥
vipattau kaṇṭaka.śodhanāya nīyeta //
Sanskrit only: no published translation is held for this verse.
महाजनस्य^एकं घ्नतः प्रत्येकं द्विगुणो दण्डः ॥
mahā.janasya^ekaṃ ghnataḥ pratyekaṃ dvi.guṇo daṇḍaḥ //
Sanskrit only: no published translation is held for this verse.
"पर्युषितः कलहो^अनुप्रवेशो वा न^अभियोज्यः" इत्य् आचार्याः ॥
"paryuṣitaḥ kalaho^anupraveśo vā na^abhiyojyaḥ" ity ācāryāḥ //
Sanskrit only: no published translation is held for this verse.
न^अस्त्य् अपकारिणो मोक्ष इति कौटिल्यः ॥
na^asty apakāriṇo mokṣa iti kauṭilyaḥ //
Sanskrit only: no published translation is held for this verse.
"कलहे पूर्वआगतो जयति, अक्षममाणो हि प्रधावति" इत्य् आचार्याः ॥
"kalahe pūrva.āgato jayati, akṣamamāṇo hi pradhāvati" ity ācāryāḥ //
Sanskrit only: no published translation is held for this verse.
न^इति कौटिल्यः ॥
na^iti kauṭilyaḥ //
Sanskrit only: no published translation is held for this verse.
पूर्वं पश्चाद् वा^अभिगतस्य साक्षिणः प्रमाणम्, असाक्षिके घातः कलहौपलिङ्गनं वा ॥
pūrvaṃ paścād vā^abhigatasya sākṣiṇaḥ pramāṇam, asākṣike ghātaḥ kalaha.upaliṅganaṃ vā //
Sanskrit only: no published translation is held for this verse.
घातअभियोगम् अप्रतिब्रुवतस् तद् अहर् एव पश्चात्कारः ॥
ghāta.abhiyogam apratibruvatas tad ahar eva paścāt.kāraḥ //
Sanskrit only: no published translation is held for this verse.
कलहे द्रव्यम् अपहरतो दशपणो दण्डः, क्षुद्रकद्रव्यहिंसायां तच् च तावच् च दण्डः, स्थूलकद्रव्यहिंसायां तच् च द्विगुणश् च दण्डः, वस्त्रआभरणहिरण्यसुवर्णभाण्डहिंसायां तच् च पूर्वश् च साहसदण्डः ॥
kalahe dravyam apaharato daśa.paṇo daṇḍaḥ, kṣudraka.dravya.hiṃsāyāṃ tac ca tāvac ca daṇḍaḥ, sthūlaka.dravya.hiṃsāyāṃ tac ca dvi.guṇaś ca daṇḍaḥ, vastra.ābharaṇa.hiraṇya.suvarṇa.bhāṇḍa.hiṃsāyāṃ tac ca pūrvaś ca sāhasa.daṇḍaḥ //
Sanskrit only: no published translation is held for this verse.
परकुड्यम् अभिघातेन क्षोभयतस् त्रिपणो दण्डः, छेदनभेदने षट्पणः, प्रतीकारश् च ॥
para.kuḍyam abhighātena kṣobhayatas tri.paṇo daṇḍaḥ, chedana.bhedane ṣaṭ.paṇaḥ, pratīkāraś ca //
Sanskrit only: no published translation is held for this verse.
दुःखौत्पादनं द्रव्यम् अन्यवेश्मनि प्रक्षिपतो द्वादशपणो दण्डः, प्राणआबाधिकं पूर्वः साहसदण्डः ॥
duḥkha.utpādanaṃ dravyam anya.veśmani prakṣipato dvādaśa.paṇo daṇḍaḥ, prāṇa.ābādhikaṃ pūrvaḥ sāhasa.daṇḍaḥ //
Sanskrit only: no published translation is held for this verse.
क्षुद्रपशूनां काष्ठआदिभिर् दुःखौत्पादने पणो द्विगुणो वा दण्डः, शोणितौत्पादने द्विगुणः ॥
kṣudra.paśūnāṃ kāṣṭha.ādibhir duḥkha.utpādane paṇo dvi.guṇo vā daṇḍaḥ, śoṇita.utpādane dvi.guṇaḥ //
Sanskrit only: no published translation is held for this verse.
महापशूनाम् एतेष्व् एव स्थानेष्व् द्विगुणो दण्डः समुत्थानव्ययश् च ॥
mahā.paśūnām eteṣv eva sthāneṣv dvi.guṇo daṇḍaḥ samutthāna.vyayaś ca //
Sanskrit only: no published translation is held for this verse.
पुरौपवनवनस्पतीनां पुष्पफलच्छायावतां प्ररोहच्छेदने षट्पणः, क्षुद्रशाखाच्छेदने द्वादशपणः, पीनशाखाच्च्छेदने चतुर्विंशतिपणः, स्कन्धवधे पूर्वः साहसदण्डः, समुच्छित्तौ मध्यमः ॥
pura.upavana.vanaspatīnāṃ puṣpa.phalac.chāyāvatāṃ prarohac.chedane ṣaṭ.paṇaḥ, kṣudra.śākhāc.chedane dvādaśa.paṇaḥ, pīna.śākhāc.cchedane catur.viṃśati.paṇaḥ, skandha.vadhe pūrvaḥ sāhasa.daṇḍaḥ, samucchittau madhyamaḥ //
Sanskrit only: no published translation is held for this verse.
पुष्पफलच्छायावद्गुल्मलतास्व् अर्धदण्डाः, पुण्यस्थानतपोवनश्मशानद्रुमेषु च ॥
puṣpa.phalac.chāyāvad.gulma.latāsv ardha.daṇḍāḥ, puṇya.sthāna.tapo.vana.śmaśāna.drumeṣu ca //
Sanskrit only: no published translation is held for this verse.
सीमवृक्षेषु चैत्येषु द्रुमेष्व् आलक्षितेषु च । त एव द्विगुणा दण्डाः कार्या राजवनेषु च ॥ए
sīma.vṛkṣeṣu caityeṣu drumeṣv ālakṣiteṣu ca / ta eva dvi.guṇā daṇḍāḥ kāryā rāja.vaneṣu ca //E
Sanskrit only: no published translation is held for this verse.