Ksemendra: Avadanakalpalata 93

श्लाघ्या जयन्ति जिनभक्तिविशेषभाजां श्रद्धासुधाप्रसरनिर्झरशीकरास् ते । निश्चेतनो ऽप्य् उचितचेतनताम् इवैति यः पूज्यपूजनविधौ कुसुमादिवर्गः

ślāghyā jayanti jinabhaktiviśeṣabhājāṃ śraddhāsudhāprasaranirjharaśīkarās te / niścetano 'py ucitacetanatām ivaiti yaḥ pūjyapūjanavidhau kusumādivargaḥ

Sanskrit only: no published translation is held for this verse.

श्रावस्त्यां विजनासीनं जिनं जेतवने पुरा । अनाथपिण्डदो ऽभ्येत्य भगवन्तम् अभाषत

śrāvastyāṃ vijanāsīnaṃ jinaṃ jetavane purā / anāthapiṇḍado 'bhyetya bhagavantam abhāṣata

Sanskrit only: no published translation is held for this verse.

त्वद्भक्तिर् इव सर्वत्र महार्हगुणविश्रुता । भगवन् प्रौढिम् आयाता कन्या मम सुमागधा

tvadbhaktir iva sarvatra mahārhaguṇaviśrutā / bhagavan prauḍhim āyātā kanyā mama sumāgadhā

Sanskrit only: no published translation is held for this verse.

श्रीमतः सार्थनाथस्य नगरे पुण्ड्रवर्धने । सूनुर् वृषभदत्ताख्यस् तत्पाणिग्रहम् इष्यते

śrīmataḥ sārthanāthasya nagare puṇḍravardhane / sūnur vṛṣabhadattākhyas tatpāṇigraham iṣyate

Sanskrit only: no published translation is held for this verse.

कन्यां ददामि तां तस्मै भगवन् यदि मन्यसे । त्वदधीनधनप्राणस् त्वदाज्ञाशरणो ह्य् अहम्

kanyāṃ dadāmi tāṃ tasmai bhagavan yadi manyase / tvadadhīnadhanaprāṇas tvadājñāśaraṇo hy aham

Sanskrit only: no published translation is held for this verse.

इत्य् उक्ते तेन भगवान् वात्सल्यविमलाशयः । को दोषस् तनया तस्मै दीयताम् इत्य् अभाषत

ity ukte tena bhagavān vātsalyavimalāśayaḥ / ko doṣas tanayā tasmai dīyatām ity abhāṣata

Sanskrit only: no published translation is held for this verse.

शास्तुः शासनम् आदाय सादरं प्रनिपत्य तम् । अनाथपिण्डदः श्रीमान् प्रययौ निजमन्दिरम्

śāstuḥ śāsanam ādāya sādaraṃ pranipatya tam / anāthapiṇḍadaḥ śrīmān prayayau nijamandiram

Sanskrit only: no published translation is held for this verse.

ततः सुमागधां कन्यां विभवेन महीयसा । अर्हायं स ददौ तस्मै भूरिरत्नाम्बरप्रदः

tataḥ sumāgadhāṃ kanyāṃ vibhavena mahīyasā / arhāyaṃ sa dadau tasmai bhūriratnāmbarapradaḥ

Sanskrit only: no published translation is held for this verse.

दत्ता दूरतरं देशम् अथ यान्ती सुमागधा । भगवच्चरणस्मृत्या सबाष्पनयनाभवत्

dattā dūrataraṃ deśam atha yāntī sumāgadhā / bhagavaccaraṇasmṛtyā sabāṣpanayanābhavat

Sanskrit only: no published translation is held for this verse.

चिरेण सा समासाद्य नगरं पुण्ड्रवर्धनम् । शुश्रूषाभिरता पत्युः सदा भर्तृगृहे ऽवसत्

cireṇa sā samāsādya nagaraṃ puṇḍravardhanam / śuśrūṣābhiratā patyuḥ sadā bhartṛgṛhe 'vasat

Sanskrit only: no published translation is held for this verse.

पूज्योपकरणं सज्जं कुरु सर्वं सुमागधे । गृहान् नः प्रातर् आगन्ता जगत्पूज्यगुणो जिनः

pūjyopakaraṇaṃ sajjaṃ kuru sarvaṃ sumāgadhe / gṛhān naḥ prātar āgantā jagatpūjyaguṇo jinaḥ

Sanskrit only: no published translation is held for this verse.

इत्य् उक्ता सा तया तत्र बभूवारम्भतत्परा । ज्ञात्वा भिक्षुगणायेव तां पूजां परिकल्पिताम्

ity uktā sā tayā tatra babhūvārambhatatparā / jñātvā bhikṣugaṇāyeva tāṃ pūjāṃ parikalpitām

Sanskrit only: no published translation is held for this verse.

अथापरे ऽह्नि विविशुर् नग्नाः क्षपणका गृहम् । उल्लुञ्चितकचश्मश्रुसंक्लेशनिशितव्रताः

athāpare 'hni viviśur nagnāḥ kṣapaṇakā gṛham / ulluñcitakacaśmaśrusaṃkleśaniśitavratāḥ

Sanskrit only: no published translation is held for this verse.

तान् अलज्जान् अवसनान् अवलोक्य सुमागधा । माषशष्पाशनाभ्यासपीवरान् महिषान् इव

tān alajjān avasanān avalokya sumāgadhā / māṣaśaṣpāśanābhyāsapīvarān mahiṣān iva

Sanskrit only: no published translation is held for this verse.

लज्जिता वाससाच्छाद्य वदनं गुरुसंनिधौ । खेदनिर्वेदविनता श्वश्रूजनम् अभाषत

lajjitā vāsasācchādya vadanaṃ gurusaṃnidhau / khedanirvedavinatā śvaśrūjanam abhāṣata

Sanskrit only: no published translation is held for this verse.

अहो वतायम् आचारः सुचिराद् अवलोकितः । दिगम्बराणाम् अप्य् अग्रे यद् इहास्ते वधूजनः

aho vatāyam ācāraḥ sucirād avalokitaḥ / digambarāṇām apy agre yad ihāste vadhūjanaḥ

Sanskrit only: no published translation is held for this verse.

एते भवद्गृहे ऽदान्ता भुञ्जन्ते शृङ्गवर्जिताः । अमानुषत्वान् नैतेषां लज्जन्ते नूनम् अङ्गनाः

ete bhavadgṛhe 'dāntā bhuñjante śṛṅgavarjitāḥ / amānuṣatvān naiteṣāṃ lajjante nūnam aṅganāḥ

Sanskrit only: no published translation is held for this verse.

अस्थाने भवतां भक्तिः को ऽयम् उच्छृङ्खलः क्रमः । न त्यक्तम् अशनं येन स कथं वस्त्रम् उज्झति

asthāne bhavatāṃ bhaktiḥ ko 'yam ucchṛṅkhalaḥ kramaḥ / na tyaktam aśanaṃ yena sa kathaṃ vastram ujjhati

Sanskrit only: no published translation is held for this verse.

केशोन्मूलनकर्मणैव निशितं नैर्घृण्यम् आवेदितं कौपीनांशुकवर्जनेन सुजने शीलस्य वार्तैव का । दम्भारम्भभयंकरे च वदने क्रोधः स्वयं लक्ष्यते नग्नानाम् अशनैषिणां नियमिनाम् एषां पशूनाम् इव

keśonmūlanakarmaṇaiva niśitaṃ nairghṛṇyam āveditaṃ kaupīnāṃśukavarjanena sujane śīlasya vārtaiva kā / dambhārambhabhayaṃkare ca vadane krodhaḥ svayaṃ lakṣyate nagnānām aśanaiṣiṇāṃ niyaminām eṣāṃ paśūnām iva

Sanskrit only: no published translation is held for this verse.

यत्रैते पशवः पूज्यास् तत्रोत्सार्या भवन्ति के । अथवा देशदोषो ऽयं गतानुगतिका स्थितिः

yatraite paśavaḥ pūjyās tatrotsāryā bhavanti ke / athavā deśadoṣo 'yaṃ gatānugatikā sthitiḥ

Sanskrit only: no published translation is held for this verse.

इति ब्रुवाणां तां श्वश्रूर् विषण्णा प्रत्यभाषत । पितुस् ते भवने भद्रे पूज्यते वद कीदृशः

iti bruvāṇāṃ tāṃ śvaśrūr viṣaṇṇā pratyabhāṣata / pitus te bhavane bhadre pūjyate vada kīdṛśaḥ

Sanskrit only: no published translation is held for this verse.

सावदन् मत्पितुर् गेहे पूज्यते भगवान् जिनः । कारुण्यात् सर्वजगतां कुशलातिशयोद्यतः

sāvadan matpitur gehe pūjyate bhagavān jinaḥ / kāruṇyāt sarvajagatāṃ kuśalātiśayodyataḥ

Sanskrit only: no published translation is held for this verse.

ध्यानाधीनः स्तिमितनयनः पूर्णलावणसिन्धुर् नासावंशं विपुलसरलं सेतुभूतं दधानः । भूषाशून्यप्रसृतरुचिमत्कर्णपाशाभिरामः कान्त्यैवासौ किम् अपि विदुषां शान्तिम् अन्तस् तनोति

dhyānādhīnaḥ stimitanayanaḥ pūrṇalāvaṇasindhur nāsāvaṃśaṃ vipulasaralaṃ setubhūtaṃ dadhānaḥ / bhūṣāśūnyaprasṛtarucimatkarṇapāśābhirāmaḥ kāntyaivāsau kim api viduṣāṃ śāntim antas tanoti

Sanskrit only: no published translation is held for this verse.

शिरसि सहजप्राज्यालोकप्रसेकमयं मणिं करिपतिकराकारौ बाहूकवत् कनकद्युतिः । करतलगताम् लेखां शङ्खध्वजाम्बुजमालिकां शममयमहासांराज्यार्हं बिभर्ति स लक्षणम्

śirasi sahajaprājyālokaprasekamayaṃ maṇiṃ karipatikarākārau bāhūkavat kanakadyutiḥ / karatalagatām lekhāṃ śaṅkhadhvajāmbujamālikāṃ śamamayamahāsāṃrājyārhaṃ bibharti sa lakṣaṇam

Sanskrit only: no published translation is held for this verse.

तस्याभिलाषजनकस्य महामुनीनां सर्वाभिलाषकलनारहितः स्वभावः । निःशेषितस्मृतिभुवः प्रमदाश्रयस्य रागोज्झितस्य सुतराम् अधरः सरागः

tasyābhilāṣajanakasya mahāmunīnāṃ sarvābhilāṣakalanārahitaḥ svabhāvaḥ / niḥśeṣitasmṛtibhuvaḥ pramadāśrayasya rāgojjhitasya sutarām adharaḥ sarāgaḥ

Sanskrit only: no published translation is held for this verse.

मूर्तिर् निर्भरसंगमप्रणयिनी मैत्री मनःशायिनी क्षान्तिस् तन्मयकारिणी हृदि दया गाढं समाश्लेषिणी । सर्वाशाभरणस्य भूरिदयितासक्तस्य संलक्ष्यते तस्यापूर्वमणेर् अनन्यमहिमा वैराग्यगर्भः शमः

mūrtir nirbharasaṃgamapraṇayinī maitrī manaḥśāyinī kṣāntis tanmayakāriṇī hṛdi dayā gāḍhaṃ samāśleṣiṇī / sarvāśābharaṇasya bhūridayitāsaktasya saṃlakṣyate tasyāpūrvamaṇer ananyamahimā vairāgyagarbhaḥ śamaḥ

Sanskrit only: no published translation is held for this verse.

पूज्यः स भवने ऽस्माकं यस्य प्रव्रज्यया सताम् । धत्ते शीलदुकूलानाम् निरावरणतां मनः

pūjyaḥ sa bhavane 'smākaṃ yasya pravrajyayā satām / dhatte śīladukūlānām nirāvaraṇatāṃ manaḥ

Sanskrit only: no published translation is held for this verse.

विश्वरक्षामणेर् यस्य स्मृत्यापि भवभोगिना । रागद्वेषोग्रदंष्ट्रेण बाध्यते न पुनर् जनः

viśvarakṣāmaṇer yasya smṛtyāpi bhavabhoginā / rāgadveṣogradaṃṣṭreṇa bādhyate na punar janaḥ

Sanskrit only: no published translation is held for this verse.

इति तस्या वचः श्वश्रूः श्रुत्वा श्रोत्ररसायनम् । सद्यः प्रसादविशदा तां जगाद प्रमोदिनी

iti tasyā vacaḥ śvaśrūḥ śrutvā śrotrarasāyanam / sadyaḥ prasādaviśadā tāṃ jagāda pramodinī

Sanskrit only: no published translation is held for this verse.

अपि तद्दर्शनोपायः कश्चिद् अस्ति वरानने । अपि त्वत्पुण्यसंबन्धाद् वयम् अप्य् अमृतास्पदम्

api taddarśanopāyaḥ kaścid asti varānane / api tvatpuṇyasaṃbandhād vayam apy amṛtāspadam

Sanskrit only: no published translation is held for this verse.

इति सानुनयं श्वश्र्वा सा सादरधियार्थिता । तं वः संदर्शयामीति बभाषे भक्तिमानिनी

iti sānunayaṃ śvaśrvā sā sādaradhiyārthitā / taṃ vaḥ saṃdarśayāmīti babhāṣe bhaktimāninī

Sanskrit only: no published translation is held for this verse.

महाप्रतिज्ञासंभारभरनिर्वहणैषिणी । सा संशयतुलारुढा क्षणं ध्यानपराभवत्

mahāpratijñāsaṃbhārabharanirvahaṇaiṣiṇī / sā saṃśayatulāruḍhā kṣaṇaṃ dhyānaparābhavat

Sanskrit only: no published translation is held for this verse.

ततः प्रासादम् आरुह्य भगवत्सेवितां दिशम् । प्रणिपत्यासृजत् पूज्यपूजार्हकुसुमाञ्जलिम्

tataḥ prāsādam āruhya bhagavatsevitāṃ diśam / praṇipatyāsṛjat pūjyapūjārhakusumāñjalim

Sanskrit only: no published translation is held for this verse.

पुष्पधूपोदकैर् अर्चां सा कृत्वा तत्पदोन्मुखी । आनन्दबाष्पसंरुद्धविस्तीर्णनयनावदत्

puṣpadhūpodakair arcāṃ sā kṛtvā tatpadonmukhī / ānandabāṣpasaṃruddhavistīrṇanayanāvadat

Sanskrit only: no published translation is held for this verse.

अनुकम्प्यैव भगवन् रत्नत्रयविवर्जिता । तवाश्रममृगीवाहं दूरं देशम् इमम् गता

anukampyaiva bhagavan ratnatrayavivarjitā / tavāśramamṛgīvāhaṃ dūraṃ deśam imam gatā

Sanskrit only: no published translation is held for this verse.

त्वत्पादपद्मयुगलं शरणम् प्रपन्नां दूरस्थिताम् अपि दृशा स्पृश मां दयालो । वात्सल्यपेशलधियां महतां प्रवासदुरीकृतेषु करुणा न तनुत्वम् एति

tvatpādapadmayugalaṃ śaraṇam prapannāṃ dūrasthitām api dṛśā spṛśa māṃ dayālo / vātsalyapeśaladhiyāṃ mahatāṃ pravāsadurīkṛteṣu karuṇā na tanutvam eti

Sanskrit only: no published translation is held for this verse.

भगवन् दाससुतया त्वं मयाद्य निमन्त्रितः । प्रातर् आगमनेनैव मानं वितर मे विभो

bhagavan dāsasutayā tvaṃ mayādya nimantritaḥ / prātar āgamanenaiva mānaṃ vitara me vibho

Sanskrit only: no published translation is held for this verse.

इत्य् उदीर्य तयोत्स्र्ष्टा विचित्रकुसुमावली । सजीवितेव प्रययौ नभसा भक्तिदूतिका

ity udīrya tayotsrṣṭā vicitrakusumāvalī / sajīviteva prayayau nabhasā bhaktidūtikā

Sanskrit only: no published translation is held for this verse.

सा श्वेतरक्तहरितासितपुष्पपाली खे धूपधूमशबला शनकैः प्रयान्ती । बालाम्बुदप्रणयिनी सुचिरं चकाशे संचालिचापलतिकेव शचीधवस्य

sā śvetaraktaharitāsitapuṣpapālī khe dhūpadhūmaśabalā śanakaiḥ prayāntī / bālāmbudapraṇayinī suciraṃ cakāśe saṃcālicāpalatikeva śacīdhavasya

Sanskrit only: no published translation is held for this verse.

अथ जेतवनं प्राप्य क्षणेन कुसुमावली । सा भक्तिशालिनी शास्तुः पपात चरणाब्जयोः

atha jetavanaṃ prāpya kṣaṇena kusumāvalī / sā bhaktiśālinī śāstuḥ papāta caraṇābjayoḥ

Sanskrit only: no published translation is held for this verse.

भगवान् अपि सर्वज्ञः सर्वं ज्ञात्वा समीहितम् । सुमागधायाः कारुण्याद् आनन्दम् अवदत् पुरः

bhagavān api sarvajñaḥ sarvaṃ jñātvā samīhitam / sumāgadhāyāḥ kāruṇyād ānandam avadat puraḥ

Sanskrit only: no published translation is held for this verse.

प्रातर् गन्तव्यम् अस्माभिर् नगरं पुण्ड्रवर्धनम् । सुमागधा प्रार्थयते ससंघस्य ममार्चनम्

prātar gantavyam asmābhir nagaraṃ puṇḍravardhanam / sumāgadhā prārthayate sasaṃghasya mamārcanam

Sanskrit only: no published translation is held for this verse.

शतषष्ट्यधिकं तत्र योजनानाम् इतः परम् । एकेनाह्ना च गन्तव्यं न विलम्बो ऽत्र युज्यते

śataṣaṣṭyadhikaṃ tatra yojanānām itaḥ param / ekenāhnā ca gantavyaṃ na vilambo 'tra yujyate

Sanskrit only: no published translation is held for this verse.

व्योम्ना महर्द्ध्या शक्नोति गन्तुं यो यः प्रभाववान् । निमन्त्रणशलाकां त्वं तस्मै तस्मै समर्पय

vyomnā maharddhyā śaknoti gantuṃ yo yaḥ prabhāvavān / nimantraṇaśalākāṃ tvaṃ tasmai tasmai samarpaya

Sanskrit only: no published translation is held for this verse.

प्रेरितः सुगतेनेति स भिक्षुभ्यो न्यवेदयत् । एकाहगमनप्राप्यं शलाकाभिर् निमन्त्रणम्

preritaḥ sugateneti sa bhikṣubhyo nyavedayat / ekāhagamanaprāpyaṃ śalākābhir nimantraṇam

Sanskrit only: no published translation is held for this verse.

शलाकासु गृहीतासु तत्र सर्वैर् महर्द्धिभिः । पूर्णः कुम्भोपधानीयः स्थविरो ऽप्य् अग्रहीत् क्रमात्

śalākāsu gṛhītāsu tatra sarvair maharddhibhiḥ / pūrṇaḥ kumbhopadhānīyaḥ sthaviro 'py agrahīt kramāt

Sanskrit only: no published translation is held for this verse.

तेन प्राप्तप्रभावेन शलाकायां प्रसारिते । पाणौ प्राह तम् आनन्दः किंचित् स्मितसिताननः

tena prāptaprabhāvena śalākāyāṃ prasārite / pāṇau prāha tam ānandaḥ kiṃcit smitasitānanaḥ

Sanskrit only: no published translation is held for this verse.

अनाथपिण्डदगृहं न गन्तव्यं पदद्वयम् । सषष्टियोजनशतं दिनार्धेनैव लङ्घ्यते

anāthapiṇḍadagṛhaṃ na gantavyaṃ padadvayam / saṣaṣṭiyojanaśataṃ dinārdhenaiva laṅghyate

Sanskrit only: no published translation is held for this verse.

अनादिकालोपचिताः क्लेशजन्मजरादयः । हन्तुं सपत्नैः शक्यन्ते प्राप्तुम् ऋद्धिपदं कियत्

anādikālopacitāḥ kleśajanmajarādayaḥ / hantuṃ sapatnaiḥ śakyante prāptum ṛddhipadaṃ kiyat

Sanskrit only: no published translation is held for this verse.

इति चिन्तयतस् तस्य तीव्रसंवेगया धिया । प्रादुर् आसीत् क्षणेनैव महर्द्धिः शुद्धचेतसः

iti cintayatas tasya tīvrasaṃvegayā dhiyā / prādur āsīt kṣaṇenaiva maharddhiḥ śuddhacetasaḥ

Sanskrit only: no published translation is held for this verse.

अथ रात्र्यां व्यतीतायां प्रभाते सर्वभिक्षवः । नानात्रिदशवेशेण विमानैर् नभसा ययुः

atha rātryāṃ vyatītāyāṃ prabhāte sarvabhikṣavaḥ / nānātridaśaveśeṇa vimānair nabhasā yayuḥ

Sanskrit only: no published translation is held for this verse.

अत्रान्तरे महारम्भसम्भारपरिपूरिते । सुमागधा भर्तृगृहे भगवद्दर्शनोत्सुका

atrāntare mahārambhasambhāraparipūrite / sumāgadhā bhartṛgṛhe bhagavaddarśanotsukā

Sanskrit only: no published translation is held for this verse.

सह प्रासादम् आरुह्य श्वश्रूश्वशुरभर्तृभिः । तस्थौ कुसुमधूपार्ध्यारचनासंग्रहोन्मुखी

saha prāsādam āruhya śvaśrūśvaśurabhartṛbhiḥ / tasthau kusumadhūpārdhyāracanāsaṃgrahonmukhī

Sanskrit only: no published translation is held for this verse.

भिक्षुर् आज्ञातकौण्डिन्यस् ततो ऽश्वरथम् आस्थितः । दिव्यर्द्धिविविधाश्चर्यः प्रथमं प्रत्यदृश्यत

bhikṣur ājñātakauṇḍinyas tato 'śvaratham āsthitaḥ / divyarddhivividhāścaryaḥ prathamaṃ pratyadṛśyata

Sanskrit only: no published translation is held for this verse.

तं दृष्ट्वा सूर्यसंकाशं विस्मिताः श्वशुरादयः । ऊचुः सुमागधां प्रीत्या किम् एष भगवान् इति

taṃ dṛṣṭvā sūryasaṃkāśaṃ vismitāḥ śvaśurādayaḥ / ūcuḥ sumāgadhāṃ prītyā kim eṣa bhagavān iti

Sanskrit only: no published translation is held for this verse.

सावदद् भगवान् नायं दृश्यते तरणिप्रभः । अयम् आज्ञातकौण्डिन्यो भिक्षुर् अक्षुण्णदीधितिः

sāvadad bhagavān nāyaṃ dṛśyate taraṇiprabhaḥ / ayam ājñātakauṇḍinyo bhikṣur akṣuṇṇadīdhitiḥ

Sanskrit only: no published translation is held for this verse.

आपतत्सु क्रमेणाथ रथेषु श्वशुरादयः । किम् अयं किम् अयं भद्रे भगवान् इति तां जगुः

āpatatsu krameṇātha ratheṣu śvaśurādayaḥ / kim ayaṃ kim ayaṃ bhadre bhagavān iti tāṃ jaguḥ

Sanskrit only: no published translation is held for this verse.

यः कान्तहेमद्रुमरम्यशैलश्र्ङ्गाधिरूढः परतो ऽभ्युपैति । आश्चर्यकृन् मूर्त इव प्रभावः श्रीमान् महाकाश्यप एष भिक्षुः

yaḥ kāntahemadrumaramyaśailaśrṅgādhirūḍhaḥ parato 'bhyupaiti / āścaryakṛn mūrta iva prabhāvaḥ śrīmān mahākāśyapa eṣa bhikṣuḥ

Sanskrit only: no published translation is held for this verse.

पञ्चाननस्यन्दनम् आस्थितो यः सतोयजीमूतगभीरघोषम् । व्योम्ना समभ्येति गुनैः प्रगीतः स एष भिक्षुर् भुवि शारिपुत्रः

pañcānanasyandanam āsthito yaḥ satoyajīmūtagabhīraghoṣam / vyomnā samabhyeti gunaiḥ pragītaḥ sa eṣa bhikṣur bhuvi śāriputraḥ

Sanskrit only: no published translation is held for this verse.

आरुह्य कैलासम् इवातिशुभ्रं द्विपम् चतुर्दन्तम् अनन्तकान्तिः । आयाति यः पुण्यवतां जगत्सु मौद्गल्यनामा च स एष भिक्षुः

āruhya kailāsam ivātiśubhraṃ dvipam caturdantam anantakāntiḥ / āyāti yaḥ puṇyavatāṃ jagatsu maudgalyanāmā ca sa eṣa bhikṣuḥ

Sanskrit only: no published translation is held for this verse.

वैदूर्यनालं कनकारविन्दम् आरुह्य रत्नाङ्कुरकेशराढ्यम् । उपैति यः सौरभपूरिताशः स एष भिक्षुः प्रथितो ऽनिरुद्धः

vaidūryanālaṃ kanakāravindam āruhya ratnāṅkurakeśarāḍhyam / upaiti yaḥ saurabhapūritāśaḥ sa eṣa bhikṣuḥ prathito 'niruddhaḥ

Sanskrit only: no published translation is held for this verse.

यश् चाम्बराग्रं गरुडाधिरूढः पक्षानिलोत्सारितवारिवाहः । विगाहते स्फितवनेन भिक्षुर् मैत्रायणीसूनुर् अयं स पूर्णः

yaś cāmbarāgraṃ garuḍādhirūḍhaḥ pakṣānilotsāritavārivāhaḥ / vigāhate sphitavanena bhikṣur maitrāyaṇīsūnur ayaṃ sa pūrṇaḥ

Sanskrit only: no published translation is held for this verse.

अनन्तम् आस्थाय नितान्तशान्तम् ईर्ष्यापथं सत्त्वमहोदधिर् यः । प्रभामृतैः सर्पति तर्पिताशः प्रभाववान् एष्यजिद् एष भिक्षुः

anantam āsthāya nitāntaśāntam īrṣyāpathaṃ sattvamahodadhir yaḥ / prabhāmṛtaiḥ sarpati tarpitāśaḥ prabhāvavān eṣyajid eṣa bhikṣuḥ

Sanskrit only: no published translation is held for this verse.

विलोलवल्लीवलयाभिरामं विशालम् आरुह्य सुवर्णतालम् । यः पुण्यपूर्णद्युतिर् अभ्युपैति स एष भिक्षुर् मतिमान् उपाली

vilolavallīvalayābhirāmaṃ viśālam āruhya suvarṇatālam / yaḥ puṇyapūrṇadyutir abhyupaiti sa eṣa bhikṣur matimān upālī

Sanskrit only: no published translation is held for this verse.

आरुह्य वैडूर्यविमानशृङ्गं सुवर्णरत्नोज्ज्वलपत्रलेखम् । लिम्पन्न् इवागच्छति यः प्रभाभिः कात्यायनो नाम स एष भिक्षुः

āruhya vaiḍūryavimānaśṛṅgaṃ suvarṇaratnojjvalapatralekham / limpann ivāgacchati yaḥ prabhābhiḥ kātyāyano nāma sa eṣa bhikṣuḥ

Sanskrit only: no published translation is held for this verse.

शरीरिणं धर्मम् इवाधिरुह्य विगाहते खं वृषवाहनो यः । पृष्ठः प्रतिष्ठापरिनिष्ठितानां गरिष्ठधीः कौष्ठिल एष भिक्षुः

śarīriṇaṃ dharmam ivādhiruhya vigāhate khaṃ vṛṣavāhano yaḥ / pṛṣṭhaḥ pratiṣṭhāpariniṣṭhitānāṃ gariṣṭhadhīḥ kauṣṭhila eṣa bhikṣuḥ

Sanskrit only: no published translation is held for this verse.

यो ऽयं समुत्फुल्ललतावितानवनान्तराले विहरन्न् उपैति । स श्रोणकोटिः श्रुत एष भिक्षुर् अक्षुण्णलक्ष्मीर् गृहनिर्व्यपेक्षः

yo 'yaṃ samutphullalatāvitānavanāntarāle viharann upaiti / sa śroṇakoṭiḥ śruta eṣa bhikṣur akṣuṇṇalakṣmīr gṛhanirvyapekṣaḥ

Sanskrit only: no published translation is held for this verse.

यश् चक्रवर्ती दिवि भाति सो ऽयं शास्तुः सुतो राहुलकाभिधानः । हेमप्रभाभूषितदिग्विभागः संलक्ष्यते मेरुर् इवान्यरूपः

yaś cakravartī divi bhāti so 'yaṃ śāstuḥ suto rāhulakābhidhānaḥ / hemaprabhābhūṣitadigvibhāgaḥ saṃlakṣyate merur ivānyarūpaḥ

Sanskrit only: no published translation is held for this verse.

एते गिरिभ्यो ऽथ दिगन्तरेभ्यः क्ष्मामण्डलाद् व्योमतटान्तराच् च । आयान्त्य् असंख्याद्भुतभिक्षुसंघा विचित्ररत्नासनवाहनस्थाः

ete giribhyo 'tha digantarebhyaḥ kṣmāmaṇḍalād vyomataṭāntarāc ca / āyānty asaṃkhyādbhutabhikṣusaṃghā vicitraratnāsanavāhanasthāḥ

Sanskrit only: no published translation is held for this verse.

तया क्रमेणेति निवेद्यमानं ते भिक्षुसंघं विमुखं विलोक्य । ययुः प्रहर्षाद्भुतसंभ्रमाणां विधेयतां तुल्यम् अनन्यलक्ष्म्याः

tayā krameṇeti nivedyamānaṃ te bhikṣusaṃghaṃ vimukhaṃ vilokya / yayuḥ praharṣādbhutasaṃbhramāṇāṃ vidheyatāṃ tulyam ananyalakṣmyāḥ

Sanskrit only: no published translation is held for this verse.

अथ ज्वलत्काञ्चनचूर्णवर्णं जगद् बभूवार्कशतप्रकाशम् । अशेषसंतापविशेषशान्त्या शीतांशुमालाशतशीतलं च

atha jvalatkāñcanacūrṇavarṇaṃ jagad babhūvārkaśataprakāśam / aśeṣasaṃtāpaviśeṣaśāntyā śītāṃśumālāśataśītalaṃ ca

Sanskrit only: no published translation is held for this verse.

अथ धनपतिशक्रब्रह्ममुख्यैर् अमर्त्यैर् विपुलगगनयात्रादत्तसेवानुयात्रः । अमरपुरपुरस्त्रीकीर्णपुष्पप्रभावान् नयनपथम् अयासीत् पुण्यभाजां जिनेन्द्रः

atha dhanapatiśakrabrahmamukhyair amartyair vipulagaganayātrādattasevānuyātraḥ / amarapurapurastrīkīrṇapuṣpaprabhāvān nayanapatham ayāsīt puṇyabhājāṃ jinendraḥ

Sanskrit only: no published translation is held for this verse.

अष्टादशद्वारपथा पुरं तत् स तुल्यम् अष्टादशमूर्तिर् एव । प्रविश्य चक्रे शशिकान्तरत्नशिखामयं वेश्म सुमागधायाः

aṣṭādaśadvārapathā puraṃ tat sa tulyam aṣṭādaśamūrtir eva / praviśya cakre śaśikāntaratnaśikhāmayaṃ veśma sumāgadhāyāḥ

Sanskrit only: no published translation is held for this verse.

अभ्यर्चितस् तत्र बहुप्रकारैः पूर्णोपचारैः प्रणिपत्य सर्वैः । अपूजयत् पौरजनः समन्ताद् बहिश् च भित्तिप्रतिबिम्बितं तम्

abhyarcitas tatra bahuprakāraiḥ pūrṇopacāraiḥ praṇipatya sarvaiḥ / apūjayat paurajanaḥ samantād bahiś ca bhittipratibimbitaṃ tam

Sanskrit only: no published translation is held for this verse.

सुमागधाया दयया दयालुः पूजां गृहीत्वा भगवान् ससंघः । अनुग्रहालोकनसंविभागैः सर्वान्ववाया विदधे प्रसादम्

sumāgadhāyā dayayā dayāluḥ pūjāṃ gṛhītvā bhagavān sasaṃghaḥ / anugrahālokanasaṃvibhāgaiḥ sarvānvavāyā vidadhe prasādam

Sanskrit only: no published translation is held for this verse.

सुमागधा सश्वशुरादिवर्गा सहापरैः पौरजनैश् च सर्वाः । शास्तुस् तया देशनया बभूवुः शुद्धाशयास् तत्क्षणदृष्टसत्याः

sumāgadhā saśvaśurādivargā sahāparaiḥ paurajanaiś ca sarvāḥ / śāstus tayā deśanayā babhūvuḥ śuddhāśayās tatkṣaṇadṛṣṭasatyāḥ

Sanskrit only: no published translation is held for this verse.

सुमागधायाः कुशलानुबन्धं पुण्यं प्रभावं विपुलं विलोक्य । ते भिक्षवस् तत्र कुतूहलेन पप्रच्छू रम्यं जिनम् आदिवृत्तम्

sumāgadhāyāḥ kuśalānubandhaṃ puṇyaṃ prabhāvaṃ vipulaṃ vilokya / te bhikṣavas tatra kutūhalena papracchū ramyaṃ jinam ādivṛttam

Sanskrit only: no published translation is held for this verse.

पृष्टः स तैः संसदि सर्वदर्शी सुमागधायाः कुशलस्य हेतुम् । दन्तप्रभाभिः ककुभां मुखेषु दिशन् प्रकाशम् भगवान् बभाषे

pṛṣṭaḥ sa taiḥ saṃsadi sarvadarśī sumāgadhāyāḥ kuśalasya hetum / dantaprabhābhiḥ kakubhāṃ mukheṣu diśan prakāśam bhagavān babhāṣe

Sanskrit only: no published translation is held for this verse.

वाराणस्याम् अभूत् पूर्वं कृकेः कन्तस्य भूपतेः । सुता काञ्चनमालाख्या कुचकाञ्चनमालिका

vārāṇasyām abhūt pūrvaṃ kṛkeḥ kantasya bhūpateḥ / sutā kāñcanamālākhyā kucakāñcanamālikā

Sanskrit only: no published translation is held for this verse.

काश्यपाख्यस्य शास्तुः सा सततं भक्तिशालिनी । परिचर्यां व्यधात् सार्धं सखीनां पञ्चभिः शतैः

kāśyapākhyasya śāstuḥ sā satataṃ bhaktiśālinī / paricaryāṃ vyadhāt sārdhaṃ sakhīnāṃ pañcabhiḥ śataiḥ

Sanskrit only: no published translation is held for this verse.

स कदाचिन् नरपतिर् विकृतस्वप्नदर्शनात् । भयसंशयसंभ्रान्तः पप्रच्छ फलकोविदान्

sa kadācin narapatir vikṛtasvapnadarśanāt / bhayasaṃśayasaṃbhrāntaḥ papraccha phalakovidān

Sanskrit only: no published translation is held for this verse.

ते तं राजसुताद्वेषान् निमित्तज्ञा बभाषिरे । अतिप्रियस्य हृदयं हुत्वाग्नौ लभ्यते शिवम्

te taṃ rājasutādveṣān nimittajñā babhāṣire / atipriyasya hṛdayaṃ hutvāgnau labhyate śivam

Sanskrit only: no published translation is held for this verse.

इति तेषाम् अनादृत्य वचः क्रूरतरं नृपः । भगवन्तं ययौ द्रष्टुं काश्यपं दुहितुर् गिरा

iti teṣām anādṛtya vacaḥ krūrataraṃ nṛpaḥ / bhagavantaṃ yayau draṣṭuṃ kāśyapaṃ duhitur girā

Sanskrit only: no published translation is held for this verse.

स तम् एत्यावदत् स्वप्नः सविकारः परं मया । दृष्टो ऽद्य सर्वं सर्वज्ञ तत्फलं वक्तुम् अर्हसि

sa tam etyāvadat svapnaḥ savikāraḥ paraṃ mayā / dṛṣṭo 'dya sarvaṃ sarvajña tatphalaṃ vaktum arhasi

Sanskrit only: no published translation is held for this verse.

वातायनेन निर्गच्छन् रुद्धपुच्छो मया गजः । तृषितस्य तथा पश्चात् कुपो धावन् विलोकितः

vātāyanena nirgacchan ruddhapuccho mayā gajaḥ / tṛṣitasya tathā paścāt kupo dhāvan vilokitaḥ

Sanskrit only: no published translation is held for this verse.

कलभेन महाहस्ती समाहूतस् तथाहवे । परान् अशुचिलिप्ताङ्गः प्रलिम्पन् विप्लुतः कपिः

kalabhena mahāhastī samāhūtas tathāhave / parān aśuciliptāṅgaḥ pralimpan viplutaḥ kapiḥ

Sanskrit only: no published translation is held for this verse.

स्फीतराज्याम् अभिषिक्तश् च कुचापलनिधिः कपिः । पटो ऽष्टादशभिः कृष्टः पुरुषैर् अप्य् असंक्षयः

sphītarājyām abhiṣiktaś ca kucāpalanidhiḥ kapiḥ / paṭo 'ṣṭādaśabhiḥ kṛṣṭaḥ puruṣair apy asaṃkṣayaḥ

Sanskrit only: no published translation is held for this verse.

रम्यपुष्पफलारामश् चौरैर् अपि विलुण्ठितः । द्वेषोपहासकलहासक्तश् च विपुलो जनः

ramyapuṣpaphalārāmaś caurair api viluṇṭhitaḥ / dveṣopahāsakalahāsaktaś ca vipulo janaḥ

Sanskrit only: no published translation is held for this verse.

स्वप्नाद्भुतानाम् एतेषां मन्ये घोरतरं फलम् । इति पृष्टः क्षितिभुजा भगवान् काश्यपो ऽब्रवीत्

svapnādbhutānām eteṣāṃ manye ghorataraṃ phalam / iti pṛṣṭaḥ kṣitibhujā bhagavān kāśyapo 'bravīt

Sanskrit only: no published translation is held for this verse.

शतायुषि जने शास्ता शान्तः शाक्यमुनिर् जिनः । भविष्यत्य् अमृताम्भोधिः स द्र्ष्टः कुञ्जरस् त्वया

śatāyuṣi jane śāstā śāntaḥ śākyamunir jinaḥ / bhaviṣyaty amṛtāmbhodhiḥ sa drṣṭaḥ kuñjaras tvayā

Sanskrit only: no published translation is held for this verse.

तस्यापि पश्चिमे काले श्रावकाः कलिसंश्रयात् । त्यक्तशीलगुणाचारा भविष्यन्ति सविप्लवाः

tasyāpi paścime kāle śrāvakāḥ kalisaṃśrayāt / tyaktaśīlaguṇācārā bhaviṣyanti saviplavāḥ

Sanskrit only: no published translation is held for this verse.

अपक्वाल्पविवेकानां बलात् ते गृहवासिनाम् । स्वयं सेवां समालम्ब्य करिष्यन्त्य् एव देशनाम्

apakvālpavivekānāṃ balāt te gṛhavāsinām / svayaṃ sevāṃ samālambya kariṣyanty eva deśanām

Sanskrit only: no published translation is held for this verse.

अर्थनीयो ऽर्थिभावेन यस्मात् सेवासु धावति । तृषितस्य व्रजन् पश्चात् कूपस् तस्माद् विलोकितः

arthanīyo 'rthibhāvena yasmāt sevāsu dhāvati / tṛṣitasya vrajan paścāt kūpas tasmād vilokitaḥ

Sanskrit only: no published translation is held for this verse.

तीर्थवाक्यकुदारूणि बुद्धभाषितचन्दनैः । साम्यम् आपादयिष्यन्ति ते मौग्ध्याद् अविशेषिणः

tīrthavākyakudārūṇi buddhabhāṣitacandanaiḥ / sāmyam āpādayiṣyanti te maugdhyād aviśeṣiṇaḥ

Sanskrit only: no published translation is held for this verse.

क्वचिद् भद्रं समासाद्य विनीतं भिक्षुकुञ्जरम् । दुःशीलकलभो भिक्षुः स्पर्धया धिक् करिष्यति

kvacid bhadraṃ samāsādya vinītaṃ bhikṣukuñjaram / duḥśīlakalabho bhikṣuḥ spardhayā dhik kariṣyati

Sanskrit only: no published translation is held for this verse.

चापलाशुचिलिप्ताङ्गः सुशीलान् भिक्षुमर्कटः । अनुलिम्पन् स्वदोषेण करिष्यत्य् आत्मसन्निभान्

cāpalāśuciliptāṅgaḥ suśīlān bhikṣumarkaṭaḥ / anulimpan svadoṣeṇa kariṣyaty ātmasannibhān

Sanskrit only: no published translation is held for this verse.

षण्डकस्याभिषेकश् च भविष्यति कपेर् इव । संबुद्धशासनपटं कृष्यमाणं न नंक्ष्यति

ṣaṇḍakasyābhiṣekaś ca bhaviṣyati kaper iva / saṃbuddhaśāsanapaṭaṃ kṛṣyamāṇaṃ na naṃkṣyati

Sanskrit only: no published translation is held for this verse.

संघद्रव्यफलारामेष्व् अपि यास्यन्ति चौरताम् । मिथः कलहशीलाश् च भविष्यन्त्य् अपवादिनः

saṃghadravyaphalārāmeṣv api yāsyanti cauratām / mithaḥ kalahaśīlāś ca bhaviṣyanty apavādinaḥ

Sanskrit only: no published translation is held for this verse.

तव स्वप्नविपाकान्ते फलान्य् एतानि भूतले । इति शास्तुर् वचः श्रुत्वा विस्मितो ऽभून् महीपतिः

tava svapnavipākānte phalāny etāni bhūtale / iti śāstur vacaḥ śrutvā vismito 'bhūn mahīpatiḥ

Sanskrit only: no published translation is held for this verse.

जन्मान्तले चकारार्चां स्तूपे नारङ्गमालया । सा तेन सुकृतेनैव जाता हेमस्रजाङ्किता

janmāntale cakārārcāṃ stūpe nāraṅgamālayā / sā tena sukṛtenaiva jātā hemasrajāṅkitā

Sanskrit only: no published translation is held for this verse.

सेयं सुमागधा पुण्यप्रभावेण महीयसा । प्राप्ताद्य जनकायस्य सम्यक् कुशलसेतुताम्

seyaṃ sumāgadhā puṇyaprabhāveṇa mahīyasā / prāptādya janakāyasya samyak kuśalasetutām

Sanskrit only: no published translation is held for this verse.

पुंसां सत्कुलभूतये बलवती मिथ्यैव पुत्रस्पृहा सूनुश् चेद् अगुणस् तद् एव विफलं तत् किं न सर्वं कुलम् । सा कन्या किल जायते गुणवती पुण्यप्रभावाद् यया संसारोरुसरित्पतौ कुलयुगम् नाव् एव संतार्यते

puṃsāṃ satkulabhūtaye balavatī mithyaiva putraspṛhā sūnuś ced aguṇas tad eva viphalaṃ tat kiṃ na sarvaṃ kulam / sā kanyā kila jāyate guṇavatī puṇyaprabhāvād yayā saṃsārorusaritpatau kulayugam nāv eva saṃtāryate

Sanskrit only: no published translation is held for this verse.