स्पृशति मतिं नहि तेषां द्वेषविषः कलिसर्पः ।* यदि शमविमलमतीनां स्वमनसि भवति न दर्पः ॥ क्दर्प् ३।१५४ ॥* चतुर्थो विचारः पद्मोपमानां दिनसुन्दराणां को ऽयं नृणामस्थिररूपदर्पः । रूपेण कान्तिः क्षणिकैव येषां हारिद्ररागेण यथांशुकानाम्
spṛśati matiṃ nahi teṣāṃ dveṣaviṣaḥ kalisarpaḥ /* yadi śamavimalamatīnāṃ svamanasi bhavati na darpaḥ // KDarp 3.154 //* caturtho vicāraḥ padmopamānāṃ dinasundarāṇāṃ ko 'yaṃ nṛṇāmasthirarūpadarpaḥ / rūpeṇa kāntiḥ kṣaṇikaiva yeṣāṃ hāridrarāgeṇa yathāṃśukānām
Sanskrit only: no published translation is held for this verse.
पर्यन्तरेखाङ्गविभागहीन- चित्रोपमं बालवपुः प्रकृत्या । तद्यौवनेनैव विकासमेति चैत्रोत्सवेनेव शिरीषपुष्पम्
paryantarekhāṅgavibhāgahīna- citropamaṃ bālavapuḥ prakṛtyā / tadyauvanenaiva vikāsameti caitrotsaveneva śirīṣapuṣpam
Sanskrit only: no published translation is held for this verse.
अलोमशं पूर्णशशाङ्कशोभं मुखं तु यूनां कतिचिद्दिनानि । जाते ततः श्मश्रुविशालजाले शेवाललीनाब्जतुलां बिभर्ति
alomaśaṃ pūrṇaśaśāṅkaśobhaṃ mukhaṃ tu yūnāṃ katiciddināni / jāte tataḥ śmaśruviśālajāle śevālalīnābjatulāṃ bibharti
Sanskrit only: no published translation is held for this verse.
धूमेन चित्रं तुहिनेन पद्मं तमिस्रपक्षेण सुधांशुबिम्बम् । शीतं निदाघेन न भाति तोयं जरावतारेण च चारुरूपम्
dhūmena citraṃ tuhinena padmaṃ tamisrapakṣeṇa sudhāṃśubimbam / śītaṃ nidāghena na bhāti toyaṃ jarāvatāreṇa ca cārurūpam
Sanskrit only: no published translation is held for this verse.
रूपं क्षणस्वीकृतरक्तमांस- ग्रासप्रसक्ताकृतकामदोषा । केशग्रहेणैव जरा जनानां वेश्येव वित्तं कवलीकरोति
rūpaṃ kṣaṇasvīkṛtaraktamāṃsa- grāsaprasaktākṛtakāmadoṣā / keśagraheṇaiva jarā janānāṃ veśyeva vittaṃ kavalīkaroti
Sanskrit only: no published translation is held for this verse.
पाकक्रमेणैव विचित्रकर्मा प्रतिक्षणं देहभृतामलक्ष्यः । करोति कालः परिणामशक्त्या रूपं विरूपं चतुरप्रवाहः
pākakrameṇaiva vicitrakarmā pratikṣaṇaṃ dehabhṛtāmalakṣyaḥ / karoti kālaḥ pariṇāmaśaktyā rūpaṃ virūpaṃ caturapravāhaḥ
Sanskrit only: no published translation is held for this verse.
न लक्ष्यते कालगतिः सवेग- चक्रभ्रमभ्रान्तिविधायिनीयम् । ह्यो यः शिशुः स स्फुटयौवनो ऽद्य प्रातर्जराजीर्णतनुः स एव
na lakṣyate kālagatiḥ savega- cakrabhramabhrāntividhāyinīyam / hyo yaḥ śiśuḥ sa sphuṭayauvano 'dya prātarjarājīrṇatanuḥ sa eva
Sanskrit only: no published translation is held for this verse.
पुंसामवस्थात्रितयत्रिभागे रूपप्रदं यौवनमेव नान्यत् । तस्मिन्मदोन्मादगदाङ्गभङ्ग- व्यङ्ग्यादिदोषोपहते क्व रूपम्
puṃsāmavasthātritayatribhāge rūpapradaṃ yauvanameva nānyat / tasminmadonmādagadāṅgabhaṅga- vyaṅgyādidoṣopahate kva rūpam
Sanskrit only: no published translation is held for this verse.
यदा नरः शोचति दुःखतप्तस् त्यक्ताशनः शोकविवर्णवक्त्रः । न स्नाति नोत्तिष्ठति नैव शेते तदा क्व रूपं क्व च यौवनश्रीः
yadā naraḥ śocati duḥkhataptas tyaktāśanaḥ śokavivarṇavaktraḥ / na snāti nottiṣṭhati naiva śete tadā kva rūpaṃ kva ca yauvanaśrīḥ
Sanskrit only: no published translation is held for this verse.
यदा स्थितः प्रेत इवास्थिशेषः कारागृहे धूसरितोर्ध्वकेशः । प्रकीर्णयूकामलकालकायस् तदा क्व रूपस्य गतो ऽभिमानः
yadā sthitaḥ preta ivāsthiśeṣaḥ kārāgṛhe dhūsaritordhvakeśaḥ / prakīrṇayūkāmalakālakāyas tadā kva rūpasya gato 'bhimānaḥ
Sanskrit only: no published translation is held for this verse.
यदा सदाङ्गीकृतदैन्यदुःख- सेवाप्रवासेन विनष्टकायः । नित्यप्रवासभ्रमभग्नजानुर् न रूपलब्धस्य तदास्ति रुपम्
yadā sadāṅgīkṛtadainyaduḥkha- sevāpravāsena vinaṣṭakāyaḥ / nityapravāsabhramabhagnajānur na rūpalabdhasya tadāsti rupam
Sanskrit only: no published translation is held for this verse.
यदा प्रहारैर्दलिताखिलाङ्गः खण्डोष्ठनासः स्फुटिताक्षिदन्तः । युवा पिशाचत्वमिवोपयाति तदापि रूपं विगतस्वरूपम्
yadā prahārairdalitākhilāṅgaḥ khaṇḍoṣṭhanāsaḥ sphuṭitākṣidantaḥ / yuvā piśācatvamivopayāti tadāpi rūpaṃ vigatasvarūpam
Sanskrit only: no published translation is held for this verse.
यदा न धीमानरिषु प्रमाथी न वाक्पटुश्चित्रमनुष्यतुल्यः । तदा सुरूपादविचाररम्याद् वरं विरूपः स्पृहणीयरूपः
yadā na dhīmānariṣu pramāthī na vākpaṭuścitramanuṣyatulyaḥ / tadā surūpādavicāraramyād varaṃ virūpaḥ spṛhaṇīyarūpaḥ
Sanskrit only: no published translation is held for this verse.
यदा दरिद्रः परिधानहीनस् त्रपानिलीनः कुरुते ऽतियाञ्चाम् । कपोलसंजातवलीविकारस् तदा सुरूपो ऽपि परं विरूपः
yadā daridraḥ paridhānahīnas trapānilīnaḥ kurute 'tiyāñcām / kapolasaṃjātavalīvikāras tadā surūpo 'pi paraṃ virūpaḥ
Sanskrit only: no published translation is held for this verse.
विद्वत्संसदि वादिभिः कविवरैर्भाषानभिज्ञः परं मूर्खः शंकरवाहनस्तुतिपदैर्यः संज्ञया हस्यते । विक्रीतः परदेशपण्यसदने धूर्तैरिवानुत्तरः पुंसश्चित्रमयूरचारुवपुषः किं तस्य रूपश्रिया
vidvatsaṃsadi vādibhiḥ kavivarairbhāṣānabhijñaḥ paraṃ mūrkhaḥ śaṃkaravāhanastutipadairyaḥ saṃjñayā hasyate / vikrītaḥ paradeśapaṇyasadane dhūrtairivānuttaraḥ puṃsaścitramayūracāruvapuṣaḥ kiṃ tasya rūpaśriyā
Sanskrit only: no published translation is held for this verse.
कालं मुहूर्ताङ्गुलिमण्डलेन दिनत्रियामाञ्जलिना पिबन्तम् । रूपं विलोक्यैव वपुश्च केषां भङ्गेन नाङ्गान्यलसीभवन्ति
kālaṃ muhūrtāṅgulimaṇḍalena dinatriyāmāñjalinā pibantam / rūpaṃ vilokyaiva vapuśca keṣāṃ bhaṅgena nāṅgānyalasībhavanti
Sanskrit only: no published translation is held for this verse.
रूपं वयः शौर्यमनङ्गभोगं प्रज्ञाप्रभावं विभवं वपुश्च । अश्नाति कालभ्रमरः समन्तात् पुंसां नि किंजल्कमिवाम्बुजानाम्
rūpaṃ vayaḥ śauryamanaṅgabhogaṃ prajñāprabhāvaṃ vibhavaṃ vapuśca / aśnāti kālabhramaraḥ samantāt puṃsāṃ ni kiṃjalkamivāmbujānām
Sanskrit only: no published translation is held for this verse.
कदाचित्सह गन्धर्वैः सभास्थाने शचीपतिम् । नृत्तेनाप्सरसः सर्वा गीतेन च सिषेविरे
kadācitsaha gandharvaiḥ sabhāsthāne śacīpatim / nṛttenāpsarasaḥ sarvā gītena ca siṣevire
Sanskrit only: no published translation is held for this verse.
तासां मध्ये बभौ कान्ता वृत्तीनामिव कैशिकी । उर्वशी स्वमुखे मैत्रीं वदन्तीवेन्दुपद्मयोः
tāsāṃ madhye babhau kāntā vṛttīnāmiva kaiśikī / urvaśī svamukhe maitrīṃ vadantīvendupadmayoḥ
Sanskrit only: no published translation is held for this verse.
शक्रसेवागतास्तत्र तां दृष्ट्वेन्दुमुखीं सुराः । मेनिरे धन्यमात्मानं शृङ्गारस्याङ्गतां गतम्
śakrasevāgatāstatra tāṃ dṛṣṭvendumukhīṃ surāḥ / menire dhanyamātmānaṃ śṛṅgārasyāṅgatāṃ gatam
Sanskrit only: no published translation is held for this verse.
नृत्यन्ती सा बभौ हार- मध्यरत्नेषु बिम्बिता । युगपत्प्रविशन्तीव हृदयानि दिवौकसाम्
nṛtyantī sā babhau hāra- madhyaratneṣu bimbitā / yugapatpraviśantīva hṛdayāni divaukasām
Sanskrit only: no published translation is held for this verse.
लीना देवविमानेषु हंसास्तद्गतिनिर्जिताः । तत्कटाक्षजितश्चक्रे निद्रां चन्द्रे मृगः क्षणम्
līnā devavimāneṣu haṃsāstadgatinirjitāḥ / tatkaṭākṣajitaścakre nidrāṃ candre mṛgaḥ kṣaṇam
Sanskrit only: no published translation is held for this verse.
तस्याः सेर्ष्याप्सरोनेत्र- मालेव पतिता बभौ । स्तनयोः शेखरस्रस्ता नीलोत्पलदलावली
tasyāḥ serṣyāpsaronetra- māleva patitā babhau / stanayoḥ śekharasrastā nīlotpaladalāvalī
Sanskrit only: no published translation is held for this verse.
उत्साहोद्धतविभ्रमभ्रमरकव्यावृत्तहारान्तर- त्रुट्यत्सूत्रविमुक्तमौक्तिकभरः सक्तः स्तनोत्सङ्गयोः । वक्त्रेन्दुच्युतसंततामृतकणाकारश्चकार क्षणं तस्या नृत्तरसश्रमोदितघनस्वेदाम्बुबिम्बश्रियम्
utsāhoddhatavibhramabhramarakavyāvṛttahārāntara- truṭyatsūtravimuktamauktikabharaḥ saktaḥ stanotsaṅgayoḥ / vaktrenducyutasaṃtatāmṛtakaṇākāraścakāra kṣaṇaṃ tasyā nṛttarasaśramoditaghanasvedāmbubimbaśriyam
Sanskrit only: no published translation is held for this verse.
तस्या नृत्तविलोकने पुलकितं दृष्ट्वा रतिर्मन्मथं निःश्वासाञ्चितचारुरूप(?)रजसा चक्रे पुरस्तात्पटम् । उद्वीक्ष्याक्षिपरम्परामपि हरेस्तत्रावसन्ना शची कोपान्दोलितकेलिपद्ममधुपैर्मध्ये ऽन्धकारं व्यधात्
tasyā nṛttavilokane pulakitaṃ dṛṣṭvā ratirmanmathaṃ niḥśvāsāñcitacārurūpa(?)rajasā cakre purastātpaṭam / udvīkṣyākṣiparamparāmapi harestatrāvasannā śacī kopāndolitakelipadmamadhupairmadhye 'ndhakāraṃ vyadhāt
Sanskrit only: no published translation is held for this verse.
विघ्नं न चक्रुर्ननु नृत्तलीलासंदर्शने पुण्यवतां नराणाम् ।* तत्रोर्वशीरूपवशीकृतानां निमेषशून्यानि विलोचनानि ॥ क्दर्प् ४।२६ ॥* देवयोरश्विनोस्तत्र रूपमाधुर्यधुर्ययोः । मिथः कथा समभवत् तद्गुणाकृष्टचित्तयोः
vighnaṃ na cakrurnanu nṛttalīlāsaṃdarśane puṇyavatāṃ narāṇām /* tatrorvaśīrūpavaśīkṛtānāṃ nimeṣaśūnyāni vilocanāni // KDarp 4.26 //* devayoraśvinostatra rūpamādhuryadhuryayoḥ / mithaḥ kathā samabhavat tadguṇākṛṣṭacittayoḥ
Sanskrit only: no published translation is held for this verse.
एको ऽब्रवीदहो रूपम् अस्यास्तरलचक्षुषः । निमीलन्नियमा येन मुनयो ऽप्याकुलीकृताः
eko 'bravīdaho rūpam asyāstaralacakṣuṣaḥ / nimīlanniyamā yena munayo 'pyākulīkṛtāḥ
Sanskrit only: no published translation is held for this verse.
अस्यां संसदि कस्यास्ये पतन्त्येताः सुजन्मनः । स्मरसंभोगसंवाद- लज्जाकुटिलिता दृशः
asyāṃ saṃsadi kasyāsye patantyetāḥ sujanmanaḥ / smarasaṃbhogasaṃvāda- lajjākuṭilitā dṛśaḥ
Sanskrit only: no published translation is held for this verse.
वृत्तसंगमयोरेव परस्परविलोकने । न्यासं शृङ्गारसर्वस्वम् अनङ्गेनार्पितं रहः
vṛttasaṃgamayoreva parasparavilokane / nyāsaṃ śṛṅgārasarvasvam anaṅgenārpitaṃ rahaḥ
Sanskrit only: no published translation is held for this verse.
रणोत्सृष्टतनोः कण्ठे सोत्कण्ठा भुजबन्धनम् । कस्येयं तरलापाङ्गा रङ्गोत्तीर्णा करिष्यति
raṇotsṛṣṭatanoḥ kaṇṭhe sotkaṇṭhā bhujabandhanam / kasyeyaṃ taralāpāṅgā raṅgottīrṇā kariṣyati
Sanskrit only: no published translation is held for this verse.
इति ब्रुवाणमपरः सस्मितस्तमभाषत । अहो नु विस्मृतः किं ते भूतलेन्दुः पुरूरवाः
iti bruvāṇamaparaḥ sasmitastamabhāṣata / aho nu vismṛtaḥ kiṃ te bhūtalenduḥ purūravāḥ
Sanskrit only: no published translation is held for this verse.
विक्रमाभरणं दिक्षु लावण्यतिलकं भुवः । उर्वशीभोगसुभगं यस्यैतद्गीयते यशः
vikramābharaṇaṃ dikṣu lāvaṇyatilakaṃ bhuvaḥ / urvaśībhogasubhagaṃ yasyaitadgīyate yaśaḥ
Sanskrit only: no published translation is held for this verse.
तेन रूपगुणोत्साहैर् उर्वशीयं वशीकृता । पुरः स्थितापि शक्रस्य मनसा तत्र तिष्ठति
tena rūpaguṇotsāhair urvaśīyaṃ vaśīkṛtā / puraḥ sthitāpi śakrasya manasā tatra tiṣṭhati
Sanskrit only: no published translation is held for this verse.
रूपसाम्येन शीतांशु- वंशे जातः स लज्जते । न करोति रतेरग्रे तत्कथां मत्सरी स्मरः
rūpasāmyena śītāṃśu- vaṃśe jātaḥ sa lajjate / na karoti rateragre tatkathāṃ matsarī smaraḥ
Sanskrit only: no published translation is held for this verse.
न जाने बत हेवाकः को ऽयं कुसुमधन्वनः । नैवार्पयति यत्पाणौ तस्यैव शरपञ्चकम्
na jāne bata hevākaḥ ko 'yaṃ kusumadhanvanaḥ / naivārpayati yatpāṇau tasyaiva śarapañcakam
Sanskrit only: no published translation is held for this verse.
भुवः समस्ताम्बुधिमेखलाया वोढारमाजानुविलम्बिबाहुम् । लीलागुरुं तं हृदये वहन्ती तन्वी कथं नृत्यति नैव विद्मः
bhuvaḥ samastāmbudhimekhalāyā voḍhāramājānuvilambibāhum / līlāguruṃ taṃ hṛdaye vahantī tanvī kathaṃ nṛtyati naiva vidmaḥ
Sanskrit only: no published translation is held for this verse.
द्रष्टव्यः स नृपस्तावद् अप्रस्तावे ऽपि यत्नतः । को वेत्ति तद्विधं रत्नं पुण्यैरास्ते कियच्चिरम्
draṣṭavyaḥ sa nṛpastāvad aprastāve 'pi yatnataḥ / ko vetti tadvidhaṃ ratnaṃ puṇyairāste kiyacciram
Sanskrit only: no published translation is held for this verse.
इयुक्त्वा तौ कृतक्षोणी- पतिदर्शननिश्चयौ । नृत्ते निवृत्ते जम्भारिं प्रणम्य ययतुर्भुवम्
iyuktvā tau kṛtakṣoṇī- patidarśananiścayau / nṛtte nivṛtte jambhāriṃ praṇamya yayaturbhuvam
Sanskrit only: no published translation is held for this verse.
राजधानीं समासाद्य तौ पुरूरवसः क्षणात् । अवारितौ विविशतुर् वेत्रिभिः सुरगौरवात्
rājadhānīṃ samāsādya tau purūravasaḥ kṣaṇāt / avāritau viviśatur vetribhiḥ suragauravāt
Sanskrit only: no published translation is held for this verse.
तौ तं ददृशतुः स्नान- विहिताभ्यङ्गसंगमम् । पीयूषनवनीतेन लग्नस्नेहमिवोडुपम्
tau taṃ dadṛśatuḥ snāna- vihitābhyaṅgasaṃgamam / pīyūṣanavanītena lagnasnehamivoḍupam
Sanskrit only: no published translation is held for this verse.
स्नातोत्तारितकेयूर- महार्हमणिकंकणम् । लावण्याभरणं तस्य विरराजोर्जितं वपुः
snātottāritakeyūra- mahārhamaṇikaṃkaṇam / lāvaṇyābharaṇaṃ tasya virarājorjitaṃ vapuḥ
Sanskrit only: no published translation is held for this verse.
शून्यश्रवणपाशस्य तस्य कण्ठः समाययौ । निर्भूषणनिवेशो ऽपि विशेषरमणीय्ताम्
śūnyaśravaṇapāśasya tasya kaṇṭhaḥ samāyayau / nirbhūṣaṇaniveśo 'pi viśeṣaramaṇīytām
Sanskrit only: no published translation is held for this verse.
विचार्य तस्या मर्यादं सौन्दर्योदार्यमश्विनौ । प्रशशंसतुराश्चर्य- निर्माणातिशयं विधेः
vicārya tasyā maryādaṃ saundaryodāryamaśvinau / praśaśaṃsaturāścarya- nirmāṇātiśayaṃ vidheḥ
Sanskrit only: no published translation is held for this verse.
स तौ कृताञ्जलिः प्रीत्या कृतासनपरिग्रहौ । पप्रच्छ स्वच्छहृदयस्त्व् अरागमनकारणम्
sa tau kṛtāñjaliḥ prītyā kṛtāsanaparigrahau / papraccha svacchahṛdayastv arāgamanakāraṇam
Sanskrit only: no published translation is held for this verse.
तावूचतुः क्षितिपते महीकुसुमधन्वनः । त्रैलोक्याभरणं रूपं तवावां द्रष्टुमागतौ
tāvūcatuḥ kṣitipate mahīkusumadhanvanaḥ / trailokyābharaṇaṃ rūpaṃ tavāvāṃ draṣṭumāgatau
Sanskrit only: no published translation is held for this verse.
निसर्गेण जगत्सर्ग- निरर्गलगुणादरात् । कौतुकालोकसारेव दृष्ट्वा सृष्टिः प्रजापतेः
nisargeṇa jagatsarga- nirargalaguṇādarāt / kautukālokasāreva dṛṣṭvā sṛṣṭiḥ prajāpateḥ
Sanskrit only: no published translation is held for this verse.
विलोकितस्त्वं वसुधा- सुधांशुः पूर्णमण्डलः । रूपपीयूषपानेन प्राप्ता प्रीतिः किमुच्यते
vilokitastvaṃ vasudhā- sudhāṃśuḥ pūrṇamaṇḍalaḥ / rūpapīyūṣapānena prāptā prītiḥ kimucyate
Sanskrit only: no published translation is held for this verse.
इत्युक्तः प्रणयात्ताभ्यां किंचित्कुसुमितस्मितः ।* तावूचे नृपतिर्मान्यमानेनाभ्यधिकारः ॥ क्दर्प् ४।४९ ॥* भवत्संदर्शनेनाहम् अस्म्यनुग्रहभाजनम् । द्रष्टव्या द्रष्टुमायान्ति पुण्यपुण्येन केवलम्
ityuktaḥ praṇayāttābhyāṃ kiṃcitkusumitasmitaḥ /* tāvūce nṛpatirmānyamānenābhyadhikāraḥ // KDarp 4.49 //* bhavatsaṃdarśanenāham asmyanugrahabhājanam / draṣṭavyā draṣṭumāyānti puṇyapuṇyena kevalam
Sanskrit only: no published translation is held for this verse.
तीर्थाप्तिः साधुसंपर्कः पूज्यपूजामहोत्सवः । अस्मिन्विरसनिःसारे संसारे सारसंग्रहः
tīrthāptiḥ sādhusaṃparkaḥ pūjyapūjāmahotsavaḥ / asminvirasaniḥsāre saṃsāre sārasaṃgrahaḥ
Sanskrit only: no published translation is held for this verse.
स्नानाभ्यक्तेन न मया युवयोरुचितः कृतः । पुण्यसाफल्यनिःशल्य- कल्याणायार्चनादरः
snānābhyaktena na mayā yuvayorucitaḥ kṛtaḥ / puṇyasāphalyaniḥśalya- kalyāṇāyārcanādaraḥ
Sanskrit only: no published translation is held for this verse.
अग्न्यागारान्तरे तावन् मुहूर्तं क्रियतां स्थितिः । कृतस्नानः समेष्यामि पूजाप्रणयपात्रताम्
agnyāgārāntare tāvan muhūrtaṃ kriyatāṃ sthitiḥ / kṛtasnānaḥ sameṣyāmi pūjāpraṇayapātratām
Sanskrit only: no published translation is held for this verse.
इयुक्तौ तेन ययतुस् तौ हुताशनमन्दिरम् । स्नातं विभूषितं भूपं द्रक्ष्याव इति कौतुकात्
iyuktau tena yayatus tau hutāśanamandiram / snātaṃ vibhūṣitaṃ bhūpaṃ drakṣyāva iti kautukāt
Sanskrit only: no published translation is held for this verse.
अथ राजा कृतस्नानः सर्वाभरणभूषितः । पुरोहितेन सहितस् तत्समीपमुपाययौ
atha rājā kṛtasnānaḥ sarvābharaṇabhūṣitaḥ / purohitena sahitas tatsamīpamupāyayau
Sanskrit only: no published translation is held for this verse.
तौ दृष्ट्वा पृथिवीपालं तारहारं किरीटिनम् । क्षणं नैवोचतुः किंचिद् विषण्णौ विनताननौ
tau dṛṣṭvā pṛthivīpālaṃ tārahāraṃ kirīṭinam / kṣaṇaṃ naivocatuḥ kiṃcid viṣaṇṇau vinatānanau
Sanskrit only: no published translation is held for this verse.
कृतार्चने नरपतौ तौ पप्रच्छ पुरोहितः । अकस्माद्युवयोः कस्माद् अप्रसाद इवेक्ष्यते
kṛtārcane narapatau tau papraccha purohitaḥ / akasmādyuvayoḥ kasmād aprasāda ivekṣyate
Sanskrit only: no published translation is held for this verse.
विनयातिक्रमो ऽस्माकं यातः कचिन्न हेतुताम् । पृष्टौ पुरोहितेनेति तौ शनैस्तमभाषताम्
vinayātikramo 'smākaṃ yātaḥ kacinna hetutām / pṛṣṭau purohiteneti tau śanaistamabhāṣatām
Sanskrit only: no published translation is held for this verse.
आवयोर्नाप्रसन्नत्वं न युष्माकमतिक्रमः । किं तु कालगलत्सर्व- भावालोकनविस्मयः
āvayornāprasannatvaṃ na yuṣmākamatikramaḥ / kiṃ tu kālagalatsarva- bhāvālokanavismayaḥ
Sanskrit only: no published translation is held for this verse.
अधुनैव नरेन्द्रो ऽयं दृष्टो ऽभ्यङ्गे ऽपि यादृशः । क्षणपाकेन कालस्य दृश्यते नैव तादृशः
adhunaiva narendro 'yaṃ dṛṣṭo 'bhyaṅge 'pi yādṛśaḥ / kṣaṇapākena kālasya dṛśyate naiva tādṛśaḥ
Sanskrit only: no published translation is held for this verse.
दिनेन्धनवने नित्यं दह्यमाने ऽर्कवह्निना । नीयते कालधूमेन रूपचित्रमचित्रताम्
dinendhanavane nityaṃ dahyamāne 'rkavahninā / nīyate kāladhūmena rūpacitramacitratām
Sanskrit only: no published translation is held for this verse.
निश्चित्य सर्वभावानां नित्यमेतामनित्यताम् । रूपे ऽभिमानं कः कुर्यात् स्वप्नचित्रपटोपमे
niścitya sarvabhāvānāṃ nityametāmanityatām / rūpe 'bhimānaṃ kaḥ kuryāt svapnacitrapaṭopame
Sanskrit only: no published translation is held for this verse.
जराजीर्णानि रूपाणि रोगार्तानि वपूंषि च । आयूंषि काललीढानि दृष्ट्वा कस्य भवेन्मदः
jarājīrṇāni rūpāṇi rogārtāni vapūṃṣi ca / āyūṃṣi kālalīḍhāni dṛṣṭvā kasya bhavenmadaḥ
Sanskrit only: no published translation is held for this verse.
यो ऽयं विकोक्यते लोकः स्फाराकारविकारवान् । उच्छूनतामुपगतास् त एते शुक्रबिन्दवः
yo 'yaṃ vikokyate lokaḥ sphārākāravikāravān / ucchūnatāmupagatās ta ete śukrabindavaḥ
Sanskrit only: no published translation is held for this verse.
अहो कालस्य सूक्ष्मो ऽयं को ऽप्यलक्ष्यक्रमः क्रमः । यत्पाकपरिणामेन सर्वं यात्यन्यरूपताम्
aho kālasya sūkṣmo 'yaṃ ko 'pyalakṣyakramaḥ kramaḥ / yatpākapariṇāmena sarvaṃ yātyanyarūpatām
Sanskrit only: no published translation is held for this verse.
राज्ञः स्नानक्षणे याभूल् लावण्यलहरी तनोः । पीता क्षणेन सा तेन प्रवृत्तान्यक्षणोचिता
rājñaḥ snānakṣaṇe yābhūl lāvaṇyalaharī tanoḥ / pītā kṣaṇena sā tena pravṛttānyakṣaṇocitā
Sanskrit only: no published translation is held for this verse.
संपूर्णस्यायुषो मात्रा रूपस्य विभवस्य च । होरायात्राम्बुधारेव गलत्येवानिशं नृणाम्
saṃpūrṇasyāyuṣo mātrā rūpasya vibhavasya ca / horāyātrāmbudhāreva galatyevāniśaṃ nṛṇām
Sanskrit only: no published translation is held for this verse.
कलाकाष्ठामुहुर्तानां कालस्य व्रजतां जवात् । न लक्ष्यते विभागेन दीपस्येवार्चिषां गतिः
kalākāṣṭhāmuhurtānāṃ kālasya vrajatāṃ javāt / na lakṣyate vibhāgena dīpasyevārciṣāṃ gatiḥ
Sanskrit only: no published translation is held for this verse.
बालः प्रभाते मध्याह्ने तरुणः स्थविरो ऽस्तगः । दिने दिने दिनेशो ऽपि क्रियते काललीलया
bālaḥ prabhāte madhyāhne taruṇaḥ sthaviro 'stagaḥ / dine dine dineśo 'pi kriyate kālalīlayā
Sanskrit only: no published translation is held for this verse.
शुष्यन्त्यम्बुधयस्तरङ्गगहनैरालिङ्गिताशाङ्गना गच्छन्त्युद्गततुङ्गशृङ्गमुकुटोदग्रा गिरीन्द्राः क्षयम् । भ्रश्यत्येव वसुंधरापि सहिता दिग्दन्तिभिर्यद्वशात् सर्वाशी सततं प्रधावति महाकालः स को ऽप्याकुलः
śuṣyantyambudhayastaraṅgagahanairāliṅgitāśāṅganā gacchantyudgatatuṅgaśṛṅgamukuṭodagrā girīndrāḥ kṣayam / bhraśyatyeva vasuṃdharāpi sahitā digdantibhiryadvaśāt sarvāśī satataṃ pradhāvati mahākālaḥ sa ko 'pyākulaḥ
Sanskrit only: no published translation is held for this verse.
इत्युक्त्वा नृपमामन्त्र्य दिवं जग्मतुरश्विनौ । नृपश्च तद्वचश्चिन्ता- शान्तरूपमदो ऽभवत्
ityuktvā nṛpamāmantrya divaṃ jagmaturaśvinau / nṛpaśca tadvacaścintā- śāntarūpamado 'bhavat
Sanskrit only: no published translation is held for this verse.
तस्मान्न कार्यः सुधिया विचार्य साश्चर्यसौन्दर्यविलासदर्पः । संसारमोहप्रसरे घने ऽस्मिन् विद्युल्लताविस्फुरितं हि रूपम्
tasmānna kāryaḥ sudhiyā vicārya sāścaryasaundaryavilāsadarpaḥ / saṃsāramohaprasare ghane 'smin vidyullatāvisphuritaṃ hi rūpam
Sanskrit only: no published translation is held for this verse.
प्रातर्बालतरो ऽथ कुद्मलतया कान्ताकुचाभः शनैर् हेलाहासविकाससुन्दररुचिः संपूर्णकोषस्ततः । पश्चान्म्लानवपुर्विलोलशिथिलः पद्मः प्रकीर्णे ऽनिलैस् तस्मिन्नेव दिने स पङ्ककलिलक्लिन्नस्तटे शुष्यति
prātarbālataro 'tha kudmalatayā kāntākucābhaḥ śanair helāhāsavikāsasundararuciḥ saṃpūrṇakoṣastataḥ / paścānmlānavapurvilolaśithilaḥ padmaḥ prakīrṇe 'nilais tasminneva dine sa paṅkakalilaklinnastaṭe śuṣyati
Sanskrit only: no published translation is held for this verse.
वैरूप्यं सहजं जराहृतरुचिर्यातो ययातिः पुरा कान्त्या तर्जितकामकीर्तिरभवद्दुर्दर्शमूर्तिर्नलः । सौदासस्य मनोहरं वपुरभूत्संत्रासनं देहिनां रूपे कस्य भविष्यति प्रतिदिनम्लायिन्यनित्ये धृतिः
vairūpyaṃ sahajaṃ jarāhṛtaruciryāto yayātiḥ purā kāntyā tarjitakāmakīrtirabhavaddurdarśamūrtirnalaḥ / saudāsasya manoharaṃ vapurabhūtsaṃtrāsanaṃ dehināṃ rūpe kasya bhaviṣyati pratidinamlāyinyanitye dhṛtiḥ
Sanskrit only: no published translation is held for this verse.