ऽअयं देवानाम्ऽ इति सूक्तेन घटे दर्भपिञ्जुलीः प्रक्षिप्येकविंशतिगृहतृणानि च प्रक्षिप्य तं घटमभिमन्त्र्य ततो व्याधितं सिञ्चति । ततो मार्जनं च । दर्भत्रयमेकत्र बद्धं पिञ्जूलीत्युच्यते । समाप्तं जलोदरभैषज्यम् । अभ्यासेन कर्मसिद्धिः । दिनेदिने कुर्यात् जलोदरनाशनार्थम् ॥ भैषज्ये प्रथमा कण्डिका समाप्ता
'ayaṃ devānām' iti sūktena ghaṭe darbhapiñjulīḥ prakṣipyekaviṃśatigṛhatṛṇāni ca prakṣipya taṃ ghaṭamabhimantrya tato vyādhitaṃ siñcati | tato mārjanaṃ ca | darbhatrayamekatra baddhaṃ piñjūlītyucyate | samāptaṃ jalodarabhaiṣajyam | abhyāsena karmasiddhiḥ | dinedine kuryāt jalodaranāśanārtham || bhaiṣajye prathamā kaṇḍikā samāptā
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.