Ksemendra: Narmamala 1

प्रथमः परिहासः येनेदं स्वेच्छया सर्वं मायया मोहितं जगत् । स जयत्यजितः श्रीमान् कायस्थः परमेश्वरः

prathamaḥ parihāsaḥ yenedaṃ svecchayā sarvaṃ māyayā mohitaṃ jagat / sa jayatyajitaḥ śrīmān kāyasthaḥ parameśvaraḥ

Sanskrit only: no published translation is held for this verse.

अस्ति स्वस्तिमतामग्र्यं मण्डितं बुधमण्डलैः । खण्डिताखण्डलावासदर्पं कश्मीरमण्डलम्

asti svastimatāmagryaṃ maṇḍitaṃ budhamaṇḍalaiḥ / khaṇḍitākhaṇḍalāvāsadarpaṃ kaśmīramaṇḍalam

Sanskrit only: no published translation is held for this verse.

यस्मिन् प्राज्यभुजस्तम्भस्तम्भिताहितविक्रमः । त्रिविक्रम इव श्रीमाननन्तो बलिजिन्नृपः

yasmin prājyabhujastambhastambhitāhitavikramaḥ / trivikrama iva śrīmānananto balijinnṛpaḥ

Sanskrit only: no published translation is held for this verse.

तेन प्रजोपसर्गेषु वारितेषु विवेकिना । दुर्नियोगिषु ॥ ॥ ॥ नीतेषु स्मृतिशेषताम्

tena prajopasargeṣu vāriteṣu vivekinā / durniyogiṣu .. .. .. nīteṣu smṛtiśeṣatām

Sanskrit only: no published translation is held for this verse.

विदग्धचूडामणिना केनचित्केलिशालिना । विद्वद्गोष्ठीगरिष्ठेन कश्चित्सहृदयो जनः

vidagdhacūḍāmaṇinā kenacitkeliśālinā / vidvadgoṣṭhīgariṣṭhena kaścitsahṛdayo janaḥ

Sanskrit only: no published translation is held for this verse.

हासायातीतकायस्थचरितं कर्तुमीरितः । करोति तत्प्रसङ्गेन दुराचारविडम्बनाम्

hāsāyātītakāyasthacaritaṃ kartumīritaḥ / karoti tatprasaṅgena durācāraviḍambanām

Sanskrit only: no published translation is held for this verse.

कृतविश्वप्रपञ्चाय नमो मायाविधायिने । उत्पत्तिस्थितिसंहारकारिणे पुरहारिणे

kṛtaviśvaprapañcāya namo māyāvidhāyine / utpattisthitisaṃhārakāriṇe purahāriṇe

Sanskrit only: no published translation is held for this verse.

व्यापिने जन्महीनाय निर्गुणाय कलाभृते । सर्वाधिकारिणे सर्वकालकूटाशनाय ते

vyāpine janmahīnāya nirguṇāya kalābhṛte / sarvādhikāriṇe sarvakālakūṭāśanāya te

Sanskrit only: no published translation is held for this verse.

पुरा हतेषु दैत्येषु विष्णुना प्रभविष्णुना । दुःखितो दीर्घवैराग्यस्तद्गेहगणनापतिः

purā hateṣu daityeṣu viṣṇunā prabhaviṣṇunā / duḥkhito dīrghavairāgyastadgehagaṇanāpatiḥ

Sanskrit only: no published translation is held for this verse.

गत्वा वैतरणीतीरं तपो वार्षसहस्रकम् । स्वमूत्रचुलकाहारः सुरवैराच्चकार सः

gatvā vaitaraṇītīraṃ tapo vārṣasahasrakam / svamūtraculakāhāraḥ suravairāccakāra saḥ

Sanskrit only: no published translation is held for this verse.

तुष्टस्तमेत्य वरदः कलिः साक्षादभाषत । सर्वदेवविनाशाय गच्छ वत्स महीतलम्

tuṣṭastametya varadaḥ kaliḥ sākṣādabhāṣata / sarvadevavināśāya gaccha vatsa mahītalam

Sanskrit only: no published translation is held for this verse.

अनेन कलमास्त्रेण मद्दत्तेन प्रहारिणा । विच्छिन्नदीपकुसुमान्धूपहीनान्निरम्बरान्

anena kalamāstreṇa maddattena prahāriṇā / vicchinnadīpakusumāndhūpahīnānnirambarān

Sanskrit only: no published translation is held for this verse.

भ्रष्टालयान्धूलिलिप्तान्हाहाभूतान्श्वभिर्वृतान् । करिष्यसि सुरान्सर्वान्भक्तपानीयकाङ्क्षिणः

bhraṣṭālayāndhūliliptānhāhābhūtānśvabhirvṛtān / kariṣyasi surānsarvānbhaktapānīyakāṅkṣiṇaḥ

Sanskrit only: no published translation is held for this verse.

जगति ब्राह्मणानां च वृत्तिच्छेदे त्वया कृते । यज्ञच्छेदाद्विनङ्क्ष्यन्ति दिवि देवा न संशयः

jagati brāhmaṇānāṃ ca vṛtticchede tvayā kṛte / yajñacchedādvinaṅkṣyanti divi devā na saṃśayaḥ

Sanskrit only: no published translation is held for this verse.

दैत्यक्षये कृते यस्माद्भवता दिवि रोदितम् । तस्मात्त्वं दिविरो नाम भुवि ख्यातो भविष्यसि

daityakṣaye kṛte yasmādbhavatā divi roditam / tasmāttvaṃ diviro nāma bhuvi khyāto bhaviṣyasi

Sanskrit only: no published translation is held for this verse.

मषी सकलमा यस्य काली कवलिताखिला । सदा सकलमायस्य तस्य सर्वार्थसिद्धिदा

maṣī sakalamā yasya kālī kavalitākhilā / sadā sakalamāyasya tasya sarvārthasiddhidā

Sanskrit only: no published translation is held for this verse.

त्वद्वंशे ऽत्र भविष्यन्ति दैत्या दिविररूपिणः । यैरियं लब्धविभवैः पृथिवी न भविष्यति

tvadvaṃśe 'tra bhaviṣyanti daityā divirarūpiṇaḥ / yairiyaṃ labdhavibhavaiḥ pṛthivī na bhaviṣyati

Sanskrit only: no published translation is held for this verse.

इत्युक्त्वान्तर्हिते तस्मिन्कलौ कल्मषमानसः । याति काले सुविपुले महीमवततार सः

ityuktvāntarhite tasminkalau kalmaṣamānasaḥ / yāti kāle suvipule mahīmavatatāra saḥ

Sanskrit only: no published translation is held for this verse.

सौनिकेन प्रजातो ऽथ भूतले मर्मघातिना । स *कुद्दालिकभार्यायां जगदुन्मूलनव्रतः

saunikena prajāto 'tha bhūtale marmaghātinā / sa *kuddālikabhāryāyāṃ jagadunmūlanavrataḥ

Sanskrit only: no published translation is held for this verse.

तीक्ष्णैस्तदन्वये जातैः सर्ववृत्तिविलोपिभिः । रूक्षैर्न कस्यचिन्मित्रैः पापैः सर्वापहारिभिः

tīkṣṇaistadanvaye jātaiḥ sarvavṛttivilopibhiḥ / rūkṣairna kasyacinmitraiḥ pāpaiḥ sarvāpahāribhiḥ

Sanskrit only: no published translation is held for this verse.

कल्पान्तैरिव सर्वत्र ग्रस्तस्थावरजङ्गमैः । मषीविलिप्तसर्वाङ्गैः कालेनालिङ्गितैरिव

kalpāntairiva sarvatra grastasthāvarajaṅgamaiḥ / maṣīviliptasarvāṅgaiḥ kālenāliṅgitairiva

Sanskrit only: no published translation is held for this verse.

अधोगतैर्मृदुतरैः स्तब्धैरभ्युद्गतैः क्षणात् । पुरीषैरिव कायस्थैः कायस्थैर्दोषकारिभिः

adhogatairmṛdutaraiḥ stabdhairabhyudgataiḥ kṣaṇāt / purīṣairiva kāyasthaiḥ kāyasthairdoṣakāribhiḥ

Sanskrit only: no published translation is held for this verse.

सेवाकाले बहुमुखैर्लुब्धकैर्बहुबाहुभिः । वञ्चने बहुमायैश्च बहुरूपैः सुरारिभिः

sevākāle bahumukhairlubdhakairbahubāhubhiḥ / vañcane bahumāyaiśca bahurūpaiḥ surāribhiḥ

Sanskrit only: no published translation is held for this verse.

व्याप्तासु नगरग्रामपुरपत्तनभूमिषु । तस्मिन्काले मषीलिप्तकलमेन खमुल्लिखन्

vyāptāsu nagaragrāmapurapattanabhūmiṣu / tasminkāle maṣīliptakalamena khamullikhan

Sanskrit only: no published translation is held for this verse.

ननर्त कर्तरीहस्तो भूर्जप्रावरणः कलिः । भस्त्राकक्ष्याभिधानो ऽयं सर्वभक्षो महासुरः । जातो जगत्क्षयायेति पिशाचनिचया जगुः

nanarta kartarīhasto bhūrjaprāvaraṇaḥ kaliḥ / bhastrākakṣyābhidhāno 'yaṃ sarvabhakṣo mahāsuraḥ / jāto jagatkṣayāyeti piśācanicayā jaguḥ

Sanskrit only: no published translation is held for this verse.

देवापहारिणा तेन गोघासलवणच्छिदा । भुज्यते पीयते भूरि दिविरेण दिवानिशम्

devāpahāriṇā tena goghāsalavaṇacchidā / bhujyate pīyate bhūri divireṇa divāniśam

Sanskrit only: no published translation is held for this verse.

भक्त्या भगवतो विष्णोस्त्रैलोक्याक्रमणे पुरा । धर्मः प्रयातो द्रवतां मषीरूपेण तिष्ठति

bhaktyā bhagavato viṣṇostrailokyākramaṇe purā / dharmaḥ prayāto dravatāṃ maṣīrūpeṇa tiṣṭhati

Sanskrit only: no published translation is held for this verse.

देवनागमनुष्याणां नित्यनैमित्तिकच्छिदः । तस्य कायस्थनाथस्य त्रैलोक्याक्रमणे पुनः

devanāgamanuṣyāṇāṃ nityanaimittikacchidaḥ / tasya kāyasthanāthasya trailokyākramaṇe punaḥ

Sanskrit only: no published translation is held for this verse.

कलिः प्रयातो द्रवतां मषीरूपेण तिष्ठति । यथा स्वर्गप्रदा गङ्गा तथैषा नरकप्रदा

kaliḥ prayāto dravatāṃ maṣīrūpeṇa tiṣṭhati / yathā svargapradā gaṅgā tathaiṣā narakapradā

Sanskrit only: no published translation is held for this verse.

व्यथितः प्रथितैर्ग्रामैर्निगडैर्लगुडैस्तथा । भयाद्वैराग्यमापन्नः स बभूव महाव्रती

vyathitaḥ prathitairgrāmairnigaḍairlaguḍaistathā / bhayādvairāgyamāpannaḥ sa babhūva mahāvratī

Sanskrit only: no published translation is held for this verse.

भग्नव्यथो ऽथ सन्त्यज्य व्रतं प्रायाद्दिगन्तरम् । कालेन विस्मृतो ऽभ्येत्य भूर्जज्ञो ऽलीकनिःस्पृहः

bhagnavyatho 'tha santyajya vrataṃ prāyāddigantaram / kālena vismṛto 'bhyetya bhūrjajño 'līkaniḥspṛhaḥ

Sanskrit only: no published translation is held for this verse.

क्रमाद्ग्रामनियोगेन नगरे गणनापतेः । दम्भसम्भावितः प्राप गृहकृत्यं विधेर्वशात्

kramādgrāmaniyogena nagare gaṇanāpateḥ / dambhasambhāvitaḥ prāpa gṛhakṛtyaṃ vidhervaśāt

Sanskrit only: no published translation is held for this verse.

तस्यानुजीविभिः क्रूरैरनुवर्तनजीविभिः । वसुहीना वसुमती कृता प्रकटतस्करैः

tasyānujīvibhiḥ krūrairanuvartanajīvibhiḥ / vasuhīnā vasumatī kṛtā prakaṭataskaraiḥ

Sanskrit only: no published translation is held for this verse.

दम्भध्वजो निष्प्रपञ्चो लुब्धकः कलमाकरः । सूचीमुखो भूर्जगुप्तो महीमण्डश्च दुःसहाः

dambhadhvajo niṣprapañco lubdhakaḥ kalamākaraḥ / sūcīmukho bhūrjagupto mahīmaṇḍaśca duḥsahāḥ

Sanskrit only: no published translation is held for this verse.

दैत्यावताराः सप्तैते तन्माहात्म्यान्नियोगिनः । लुण्ठ्या वध्याश्च पूज्या ये सर्व इत्यवदन्मदात्

daityāvatārāḥ saptaite tanmāhātmyānniyoginaḥ / luṇṭhyā vadhyāśca pūjyā ye sarva ityavadanmadāt

Sanskrit only: no published translation is held for this verse.

उपतापो वज्रपातः परिघो द्वारभञ्जकः । धूमकेतुः कपिमुखः कुक्षिभेदो गृहोल्मुकः

upatāpo vajrapātaḥ parigho dvārabhañjakaḥ / dhūmaketuḥ kapimukhaḥ kukṣibhedo gṛholmukaḥ

Sanskrit only: no published translation is held for this verse.

अष्टौ पिशाचास्तस्यैते भटमुख्याः पुरःसराः । मर्त्यलोकविनाशाय बभ्रमुर्यष्टिपाणयः

aṣṭau piśācāstasyaite bhaṭamukhyāḥ puraḥsarāḥ / martyalokavināśāya babhramuryaṣṭipāṇayaḥ

Sanskrit only: no published translation is held for this verse.

स वृतः सेवकशतैः सदा दम्भहरार्चने । स्तोत्रं पठति हाहेति कुर्वन्सास्रुविलोचनः

sa vṛtaḥ sevakaśataiḥ sadā dambhaharārcane / stotraṃ paṭhati hāheti kurvansāsruvilocanaḥ

Sanskrit only: no published translation is held for this verse.

सुगिरा चित्तहारिण्या पश्यन्त्या दृश्यमानया । ह्यः कियन्तो मया दत्ताः प्रायस्था विजयेश्वरे

sugirā cittahāriṇyā paśyantyā dṛśyamānayā / hyaḥ kiyanto mayā dattāḥ prāyasthā vijayeśvare

Sanskrit only: no published translation is held for this verse.

जयत्युल्लासितानन्तमहिमा परमेश्वरः । आदौ स्थितानामुपरि प्रयान्त्वेते त्रिसप्ततिः

jayatyullāsitānantamahimā parameśvaraḥ / ādau sthitānāmupari prayāntvete trisaptatiḥ

Sanskrit only: no published translation is held for this verse.

यः स्फीतः श्रीदयाबोधपरमानन्दसम्पदा । प्रायस्थाने मृता भट्टाः कृष्यन्तां गुल्फदामभिः

yaḥ sphītaḥ śrīdayābodhaparamānandasampadā / prāyasthāne mṛtā bhaṭṭāḥ kṛṣyantāṃ gulphadāmabhiḥ

Sanskrit only: no published translation is held for this verse.

विद्योद्द्योतितमाहात्म्यः स जयत्यपराजितः । निर्धामधूमकर्तारो ग्रामान्यान्तु नियोगिनः

vidyoddyotitamāhātmyaḥ sa jayatyaparājitaḥ / nirdhāmadhūmakartāro grāmānyāntu niyoginaḥ

Sanskrit only: no published translation is held for this verse.

सर्वानन्दस्वरूपाय सर्वमङ्गल्यहेतवे । सर्वस्वहरणं कृत्वा वध्या दण्डनिषेधिनः

sarvānandasvarūpāya sarvamaṅgalyahetave / sarvasvaharaṇaṃ kṛtvā vadhyā daṇḍaniṣedhinaḥ

Sanskrit only: no published translation is held for this verse.

सर्वक्लेशापहर्त्रे च चिद्रूपब्रह्मणे नमः । पीडिताः प्रस्रवन्त्येव प्रजा गुग्गुलुबीजवत्

sarvakleśāpahartre ca cidrūpabrahmaṇe namaḥ / pīḍitāḥ prasravantyeva prajā guggulubījavat

Sanskrit only: no published translation is held for this verse.

इत्यादिस्तोत्रमुखरो घण्टाबधिरिताखिलः । समादिश्याविशच्चाशु नियोगिनिबिडां सभाम्

ityādistotramukharo ghaṇṭābadhiritākhilaḥ / samādiśyāviśaccāśu niyoginibiḍāṃ sabhām

Sanskrit only: no published translation is held for this verse.

मरीचः प्रथितस्थानमास्थितो जनदुष्कृतैः । ददर्श दूरादायान्तं कार्यदूतं नियोगिनम्

marīcaḥ prathitasthānamāsthito janaduṣkṛtaiḥ / dadarśa dūrādāyāntaṃ kāryadūtaṃ niyoginam

Sanskrit only: no published translation is held for this verse.

पदाल[ग्ना]शिवं देवगृहोच्चाटनचाक्रिकम् । सुसूक्ष्मदलविन्यासविभागोन्नतटुप्पिकम्

padāla[gnā]śivaṃ devagṛhoccāṭanacākrikam / susūkṣmadalavinyāsavibhāgonnataṭuppikam

Sanskrit only: no published translation is held for this verse.

अतसीकुसुमच्छायं मृदुस्पर्शाङ्गरक्षिकम् । जात्यकस्तूरिकामोदस्थूलतूलपटीवृतम्

atasīkusumacchāyaṃ mṛdusparśāṅgarakṣikam / jātyakastūrikāmodasthūlatūlapaṭīvṛtam

Sanskrit only: no published translation is held for this verse.

हस्ताङ्गुलीन्यस्तहैमत्रिगुणावर्तवालिकम् । दूराध्वक्लमसोच्छ्वासात्कुर्वाणं विकृतीर्मुखे

hastāṅgulīnyastahaimatriguṇāvartavālikam / dūrādhvaklamasocchvāsātkurvāṇaṃ vikṛtīrmukhe

Sanskrit only: no published translation is held for this verse.

दृष्ट्वा पिशुनमायान्तं तं भागवतमन्तिके । उत्थाय हर्षादालम्ब्य पाणौ पार्श्वे न्यवेशयत्

dṛṣṭvā piśunamāyāntaṃ taṃ bhāgavatamantike / utthāya harṣādālambya pāṇau pārśve nyaveśayat

Sanskrit only: no published translation is held for this verse.

इति गृहकृत्याधिपतिः । पिशुनेभ्यो नमस्तेभ्यो यत्प्रसादान्नियोगिनः । दूरस्था अपि जायन्ते सहस्रश्रोत्रचक्षुषः

iti gṛhakṛtyādhipatiḥ / piśunebhyo namastebhyo yatprasādānniyoginaḥ / dūrasthā api jāyante sahasraśrotracakṣuṣaḥ

Sanskrit only: no published translation is held for this verse.

सो ऽब्रवीत्त्वामहं श्रुत्वा स्थितं शक्तिमतां धुरि । प्राप्तो देवगृहादेष राशिमार्गप्रदर्शकः

so 'bravīttvāmahaṃ śrutvā sthitaṃ śaktimatāṃ dhuri / prāpto devagṛhādeṣa rāśimārgapradarśakaḥ

Sanskrit only: no published translation is held for this verse.

वस्त्रालङ्काररत्नादि यत्किंचिद्देववेश्मसु । विद्यमानमशेषं तत्करिष्ये प्रकटं तव

vastrālaṅkāraratnādi yatkiṃciddevaveśmasu / vidyamānamaśeṣaṃ tatkariṣye prakaṭaṃ tava

Sanskrit only: no published translation is held for this verse.

विजयेश्वरवाराहमार्तण्डादिषु विद्यते । त्वद्भाग्योपचयाद्राशिरपोष्यपरिपूरकः

vijayeśvaravārāhamārtaṇḍādiṣu vidyate / tvadbhāgyopacayādrāśirapoṣyaparipūrakaḥ

Sanskrit only: no published translation is held for this verse.

अभीरुरपवादेषु निःशङ्कः पातकेषु च । तत्र तीक्ष्णो भृशं शश्वत्क्रियतां परिपालकः

abhīrurapavādeṣu niḥśaṅkaḥ pātakeṣu ca / tatra tīkṣṇo bhṛśaṃ śaśvatkriyatāṃ paripālakaḥ

Sanskrit only: no published translation is held for this verse.

स चास्ति भुवि विख्यातः कायस्थो भवता समः । विना धनं विनायासं सर्वस्वहरणं विना

sa cāsti bhuvi vikhyātaḥ kāyastho bhavatā samaḥ / vinā dhanaṃ vināyāsaṃ sarvasvaharaṇaṃ vinā

Sanskrit only: no published translation is held for this verse.

ब्रह्महत्या न गण्यन्ते गोवधेषु कथैव का । प्रभुभक्तिकृता येन मूलादुन्मूल्यते जनः

brahmahatyā na gaṇyante govadheṣu kathaiva kā / prabhubhaktikṛtā yena mūlādunmūlyate janaḥ

Sanskrit only: no published translation is held for this verse.

अन्ये ऽपि सन्ति सर्वत्र तद्विधस्तु न लभ्यते । नीतः स्वजनको येन निधनं बन्धने धनी

anye 'pi santi sarvatra tadvidhastu na labhyate / nītaḥ svajanako yena nidhanaṃ bandhane dhanī

Sanskrit only: no published translation is held for this verse.

यदि नाम भवत्पुण्यैः स समेष्यति मद्गिरा । तत्स्वगेहं निधानानां विद्धि स्वच्छन्दमन्दिरम्

yadi nāma bhavatpuṇyaiḥ sa sameṣyati madgirā / tatsvagehaṃ nidhānānāṃ viddhi svacchandamandiram

Sanskrit only: no published translation is held for this verse.

इति ब्रुवाणमसकृत्कर्णे विहितसंविदम् । महत्तमस्तमवदत्तूर्णमानीयतामिति

iti bruvāṇamasakṛtkarṇe vihitasaṃvidam / mahattamastamavadattūrṇamānīyatāmiti

Sanskrit only: no published translation is held for this verse.

ततः स सत्वरं द्वित्रैरादराय गतागतैः । तमानिनाय निश्चित्य पापिनं परिपालकम्

tataḥ sa satvaraṃ dvitrairādarāya gatāgataiḥ / tamānināya niścitya pāpinaṃ paripālakam

Sanskrit only: no published translation is held for this verse.

इति चाक्रिकः पुंश्चलको वा । काष्ठस्तब्धोन्नतग्रीवः सनिःस्पन्दोर्ध्वलोचनः । कामलाहरितच्छायशिरःशाटककञ्चुकः

iti cākrikaḥ puṃścalako vā / kāṣṭhastabdhonnatagrīvaḥ saniḥspandordhvalocanaḥ / kāmalāharitacchāyaśiraḥśāṭakakañcukaḥ

Sanskrit only: no published translation is held for this verse.

लम्बमानेन महतामेध्यक्रोडानुकारिणा । *उदरेण दरेणेव व्याप्तः पिशितवेश्मना

lambamānena mahatāmedhyakroḍānukāriṇā / *udareṇa dareṇeva vyāptaḥ piśitaveśmanā

Sanskrit only: no published translation is held for this verse.

तीव्रदर्पो महाकोपः प्राणहृन्निष्प्रतिक्रियः । सोपद्रवः सोपतापः सन्निपात इव ज्वरः

tīvradarpo mahākopaḥ prāṇahṛnniṣpratikriyaḥ / sopadravaḥ sopatāpaḥ sannipāta iva jvaraḥ

Sanskrit only: no published translation is held for this verse.

स महान्तं समासाद्य दुःसहं दंशनं विटम् । लीलयैव वशीकृत्य लेभे देवगृहान्बहून्

sa mahāntaṃ samāsādya duḥsahaṃ daṃśanaṃ viṭam / līlayaiva vaśīkṛtya lebhe devagṛhānbahūn

Sanskrit only: no published translation is held for this verse.

ततो मूर्तैरिवायासैः सहसैव पुरःसरैः । अर्घ वेलां ययौ कर्तुमसङ्ख्यैः परिवारितः

tato mūrtairivāyāsaiḥ sahasaiva puraḥsaraiḥ / argha velāṃ yayau kartumasaṅkhyaiḥ parivāritaḥ

Sanskrit only: no published translation is held for this verse.

काचरो ऽयं हिरण्याक्षः पूर्ववैरमनुस्मरन् । देवानवाप्तः संहर्तुमिति तं बुबुधे जनः

kācaro 'yaṃ hiraṇyākṣaḥ pūrvavairamanusmaran / devānavāptaḥ saṃhartumiti taṃ bubudhe janaḥ

Sanskrit only: no published translation is held for this verse.

भयात्पलाय्य यातेषु धनिकेषु सुरालयात् । तमयुः पुनरक्षीणा देवागारनिवासिनः

bhayātpalāyya yāteṣu dhanikeṣu surālayāt / tamayuḥ punarakṣīṇā devāgāranivāsinaḥ

Sanskrit only: no published translation is held for this verse.

भटैरर्गलितद्वारकवाटस्फोटनाकुलैः । प्रारब्धे गृहभाण्डादिविलुण्ठनमहोत्सवे

bhaṭairargalitadvārakavāṭasphoṭanākulaiḥ / prārabdhe gṛhabhāṇḍādiviluṇṭhanamahotsave

Sanskrit only: no published translation is held for this verse.

सहसा हृतवस्त्राणां गृहिणीनां समाययौ । सन्त्रस्तबालकानां च करुणो रोदनध्वनिः

sahasā hṛtavastrāṇāṃ gṛhiṇīnāṃ samāyayau / santrastabālakānāṃ ca karuṇo rodanadhvaniḥ

Sanskrit only: no published translation is held for this verse.

इति परिपालकः । अथाययौ चिरावाप्तबहुहर्षस्खलद्गतिः । कृशः शनैश्चराकारो धूसरः क्षुत्क्षतोदरः

iti paripālakaḥ / athāyayau cirāvāptabahuharṣaskhaladgatiḥ / kṛśaḥ śanaiścarākāro dhūsaraḥ kṣutkṣatodaraḥ

Sanskrit only: no published translation is held for this verse.

बहुच्छिद्रशिरःशाटलडत्पर्यन्ततूस्तकः । शतचक्रलिकास्यूतमललिप्ताङ्गरक्षकः

bahucchidraśiraḥśāṭalaḍatparyantatūstakaḥ / śatacakralikāsyūtamalaliptāṅgarakṣakaḥ

Sanskrit only: no published translation is held for this verse.

शीर्णजीर्णपटीगुप्तकक्ष्यानियमिताञ्चलः । याचितानीतसंशुष्कपाद[त्र]व्यथितः खलः

śīrṇajīrṇapaṭīguptakakṣyāniyamitāñcalaḥ / yācitānītasaṃśuṣkapāda[tra]vyathitaḥ khalaḥ

Sanskrit only: no published translation is held for this verse.

लेखाधिकारी निःस्वो ऽपि लेखसंस्कारगर्वितः । परिपालकनिर्दिष्टो वायुभक्ष इवोरगः

lekhādhikārī niḥsvo 'pi lekhasaṃskāragarvitaḥ / paripālakanirdiṣṭo vāyubhakṣa ivoragaḥ

Sanskrit only: no published translation is held for this verse.

तद्गेहिनी शीर्णवस्त्रख[ण्डा]वृतकटीतटा । कज्जलालिप्तनासाग्रा लडन्मृत्कर्णभूषणा

tadgehinī śīrṇavastrakha[ṇḍā]vṛtakaṭītaṭā / kajjalāliptanāsāgrā laḍanmṛtkarṇabhūṣaṇā

Sanskrit only: no published translation is held for this verse.

क्षुधितापत्यकुपिता शूर्पार्धावृतमस्तका । समुत्थाय सशूत्कारं कषन्ती बहुशः स्फिजौ

kṣudhitāpatyakupitā śūrpārdhāvṛtamastakā / samutthāya saśūtkāraṃ kaṣantī bahuśaḥ sphijau

Sanskrit only: no published translation is held for this verse.

पत्यौ चिरात्प्राप्तपदे हृष्टादाय यतस्ततः । ॥क्षेपापूपधूपाद्यैर्गणाधिपमपूजयत्

patyau cirātprāptapade hṛṣṭādāya yatastataḥ / ..kṣepāpūpadhūpādyairgaṇādhipamapūjayat

Sanskrit only: no published translation is held for this verse.

सो ऽप्यनेकार्थसन्देशानाकर्ण्यावहितः प्रभोः । दाप्यप्रसारितकरो लेखानस्खलितो ऽलिखत्

so 'pyanekārthasandeśānākarṇyāvahitaḥ prabhoḥ / dāpyaprasāritakaro lekhānaskhalito 'likhat

Sanskrit only: no published translation is held for this verse.

धावत्कलमचीत्कारतारः कपिरिवाहतः । दीनारान्गणयन्नाशु ददौ लेखशतद्वयम्

dhāvatkalamacītkāratāraḥ kapirivāhataḥ / dīnārāngaṇayannāśu dadau lekhaśatadvayam

Sanskrit only: no published translation is held for this verse.

परिपालकपादानां यत्किंचिदुपयुज्यते । दर्वी बृसी पटलिका कुण्डभाण्डकरण्डिका

paripālakapādānāṃ yatkiṃcidupayujyate / darvī bṛsī paṭalikā kuṇḍabhāṇḍakaraṇḍikā

Sanskrit only: no published translation is held for this verse.

इत्यादिलेखदानेन प्रसिद्धिं परमां गतः । सो ऽचिरेणाभवत्पुष्टः पूर्णपाणिर्मदोद्धतः

ityādilekhadānena prasiddhiṃ paramāṃ gataḥ / so 'cireṇābhavatpuṣṭaḥ pūrṇapāṇirmadoddhataḥ

Sanskrit only: no published translation is held for this verse.

लेखपत्त्राणि विगलल्लोचनः परिवाचयन् । चकार विकृतीस्तास्ता नानाभ्रूनेत्रकुञ्चनैः

lekhapattrāṇi vigalallocanaḥ parivācayan / cakāra vikṛtīstāstā nānābhrūnetrakuñcanaiḥ

Sanskrit only: no published translation is held for this verse.

इति लेखकोपाध्यायः । ततो गृहीतमध्यस्थच्छत्त्रभङ्गव्यवस्थया (?) । आययौ गञ्जदिविरो भट्टभागवतार्थितः

iti lekhakopādhyāyaḥ / tato gṛhītamadhyasthacchattrabhaṅgavyavasthayā (?) / āyayau gañjadiviro bhaṭṭabhāgavatārthitaḥ

Sanskrit only: no published translation is held for this verse.

स प्रायस्थखलीकारान्मानी सन्त्यक्तकर्पटः । शिरःशाटकविन्यासश्वित्रितार्धललाटभूः

sa prāyasthakhalīkārānmānī santyaktakarpaṭaḥ / śiraḥśāṭakavinyāsaśvitritārdhalalāṭabhūḥ

Sanskrit only: no published translation is held for this verse.

सर्वदेवगृहग्रामराशिसंहारतत्परः । रज्जुशेषीकृताशेषनिर्जर॥रिपालकः

sarvadevagṛhagrāmarāśisaṃhāratatparaḥ / rajjuśeṣīkṛtāśeṣanirjara..ripālakaḥ

Sanskrit only: no published translation is held for this verse.

स प्राप्य प्रददौ दीर्घां शरत्षण्मासकल्पनाम् । यस्या मध्ये ऽस्ति लिखितं सार्धं लक्षचतुष्टयम्

sa prāpya pradadau dīrghāṃ śaratṣaṇmāsakalpanām / yasyā madhye 'sti likhitaṃ sārdhaṃ lakṣacatuṣṭayam

Sanskrit only: no published translation is held for this verse.

स्वार्थोपायं ततः पृष्टस्तेन स्वीकारसंविदा । उवाच भागसन्तोषात्किंचित्सद्भावमास्थितः

svārthopāyaṃ tataḥ pṛṣṭastena svīkārasaṃvidā / uvāca bhāgasantoṣātkiṃcitsadbhāvamāsthitaḥ

Sanskrit only: no published translation is held for this verse.

अस्मिन्देवगृहे ते ते प्रसिद्धाः परिपालकाः । विक्रीतनिजसर्वस्वाः प्रयाता मद्विरोधिनः

asmindevagṛhe te te prasiddhāḥ paripālakāḥ / vikrītanijasarvasvāḥ prayātā madvirodhinaḥ

Sanskrit only: no published translation is held for this verse.

भवतो ऽद्य तु कर्तव्या स्नेहादुपकृतिर्मया । कुलाचार्यः स भगवानेको हि गुरुरावयोः

bhavato 'dya tu kartavyā snehādupakṛtirmayā / kulācāryaḥ sa bhagavāneko hi gururāvayoḥ

Sanskrit only: no published translation is held for this verse.

स्वीकृतैरिह दानेन पञ्चषैश्चाक्रिकाशिवैः । भुज्यते निखिलं देवद्रव्यं भुक्तिश्च पार्षदी

svīkṛtairiha dānena pañcaṣaiścākrikāśivaiḥ / bhujyate nikhilaṃ devadravyaṃ bhuktiśca pārṣadī

Sanskrit only: no published translation is held for this verse.

विक्रीतशेषं यत्किञ्चिद्विद्यते सुरमण्डले । तन्मतेनैव तत्सर्वं भुज्यते निजवत्त्वया

vikrītaśeṣaṃ yatkiñcidvidyate suramaṇḍale / tanmatenaiva tatsarvaṃ bhujyate nijavattvayā

Sanskrit only: no published translation is held for this verse.

तथा हि ताम्रजः पूर्वं महान् नीतो घटो मया । भक्तितस्तच्छतांशेन कृता घण्टा सुरालये

tathā hi tāmrajaḥ pūrvaṃ mahān nīto ghaṭo mayā / bhaktitastacchatāṃśena kṛtā ghaṇṭā surālaye

Sanskrit only: no published translation is held for this verse.

कालेन घण्टां विक्रीय तदंशेन कृता घटी । क्रमेण भक्षिता सापि कृता शेषेण घण्टिका

kālena ghaṇṭāṃ vikrīya tadaṃśena kṛtā ghaṭī / krameṇa bhakṣitā sāpi kṛtā śeṣeṇa ghaṇṭikā

Sanskrit only: no published translation is held for this verse.

चिरं सञ्चूर्णिता सापि कृता सूक्ष्मझिलीमली । इति कृत्वा ततः स्तोकघण्टांशः परिपालितः

ciraṃ sañcūrṇitā sāpi kṛtā sūkṣmajhilīmalī / iti kṛtvā tataḥ stokaghaṇṭāṃśaḥ paripālitaḥ

Sanskrit only: no published translation is held for this verse.

एवं चतुर्भुजा लुण्ठिः क्रियते शिवपूजया । सन्ति धान्यसहस्राणि क्रियतां भवतात्र तु । क्रयविक्रयिका नाम ततो विज्ञप्यसे मया

evaṃ caturbhujā luṇṭhiḥ kriyate śivapūjayā / santi dhānyasahasrāṇi kriyatāṃ bhavatātra tu / krayavikrayikā nāma tato vijñapyase mayā

Sanskrit only: no published translation is held for this verse.

इत्युपायशतैस्तैस्तैस्तदुक्तैः परिपालकः । *जरठाखुरिवाक्षोटं शून्यं चक्रे सुरालयम्

ityupāyaśataistaistaistaduktaiḥ paripālakaḥ / *jaraṭhākhurivākṣoṭaṃ śūnyaṃ cakre surālayam

Sanskrit only: no published translation is held for this verse.

इति गञ्जदिविरः । अथान्यराशिप्रवणः प्रवीणः साधुलुण्ठने । आपत्प्रशमनं प्राप ग्रामं तस्मान्नियोगवित्

iti gañjadiviraḥ / athānyarāśipravaṇaḥ pravīṇaḥ sādhuluṇṭhane / āpatpraśamanaṃ prāpa grāmaṃ tasmānniyogavit

Sanskrit only: no published translation is held for this verse.

तस्यावस्करसंछन्नमहारौरवसोदरे । खण्डस्फुटितनासाग्रवारिधानीमहाधने

tasyāvaskarasaṃchannamahārauravasodare / khaṇḍasphuṭitanāsāgravāridhānīmahādhane

Sanskrit only: no published translation is held for this verse.

दामप्रोतजरद्द्वारस्खलत्खडखडारवे । यस्य स्थितिरभूद्गेहे कुकुट्टीकोटरोदरे

dāmaprotajaraddvāraskhalatkhaḍakhaḍārave / yasya sthitirabhūdgehe kukuṭṭīkoṭarodare

Sanskrit only: no published translation is held for this verse.

दग्धकम्बलिकाखण्डकृतमुण्डावगुण्ठनः । श्वजग्धजीर्णशीर्णाग्रोपानत्खञ्जः शनैर्व्रजन्

dagdhakambalikākhaṇḍakṛtamuṇḍāvaguṇṭhanaḥ / śvajagdhajīrṇaśīrṇāgropānatkhañjaḥ śanairvrajan

Sanskrit only: no published translation is held for this verse.

कर्पटीतिलमृद्दर्भपवित्रार्घसमुद्गकैः । दारुपात्त्रीं वहन्पूर्णां भग्नामाखुविखण्डिताम्

karpaṭītilamṛddarbhapavitrārghasamudgakaiḥ / dārupāttrīṃ vahanpūrṇāṃ bhagnāmākhuvikhaṇḍitām

Sanskrit only: no published translation is held for this verse.

स्नायी जपोच्चलत्कूर्चः सदाचारपदे स्थितः । दिनार्धमपठत्स्तोत्रं गत्वा यः सुरमन्दिरम्

snāyī japoccalatkūrcaḥ sadācārapade sthitaḥ / dinārdhamapaṭhatstotraṃ gatvā yaḥ suramandiram

Sanskrit only: no published translation is held for this verse.

गोप्रदक्षिणकृद्विप्रप्रणतो द्वादशीव्रतः । ददौ दीनजने मार्गे यत्नेनैककपर्दिकाम्

gopradakṣiṇakṛdviprapraṇato dvādaśīvrataḥ / dadau dīnajane mārge yatnenaikakapardikām

Sanskrit only: no published translation is held for this verse.

तस्यैव दैवादायातकार्यस्याशु नियोगिनः । उपस्करणभाण्डादिपरिपूर्णमभूद्गृहम्

tasyaiva daivādāyātakāryasyāśu niyoginaḥ / upaskaraṇabhāṇḍādiparipūrṇamabhūdgṛham

Sanskrit only: no published translation is held for this verse.

शिशिरे यस्य नाङ्गारं प्रददुः प्रातिवेश्मिनः । अयाचितं ददुस्तस्य वस्त्रालङ्करणेप्सितम्

śiśire yasya nāṅgāraṃ pradaduḥ prātiveśminaḥ / ayācitaṃ dadustasya vastrālaṅkaraṇepsitam

Sanskrit only: no published translation is held for this verse.

ततः सुधाधवलितं तस्य सम्मार्जिताङ्गनम् । बहुदासमभूद्गेहं सिन्दूरोदरमन्दिरम्

tataḥ sudhādhavalitaṃ tasya sammārjitāṅganam / bahudāsamabhūdgehaṃ sindūrodaramandiram

Sanskrit only: no published translation is held for this verse.

मिष्टभोजनसञ्जातनवलावण्यसच्छविः । तस्याभूत्तरुणी भार्या दि[नै]रप्सरसः समा

miṣṭabhojanasañjātanavalāvaṇyasacchaviḥ / tasyābhūttaruṇī bhāryā di[nai]rapsarasaḥ samā

Sanskrit only: no published translation is held for this verse.

ततो ऽपि व्रजतो ग्रामं करण्डशयनादिकम् । निर्ययौ पुरतश्छत्त्रं कलशं ताम्रकुण्डकम्

tato 'pi vrajato grāmaṃ karaṇḍaśayanādikam / niryayau purataśchattraṃ kalaśaṃ tāmrakuṇḍakam

Sanskrit only: no published translation is held for this verse.

शक्तिः पतद्ग्रहो घण्टा ताम्रपात्रमुपानहौ । करिका भगवत्पादा भूर्जभस्त्राथ स्रुक्स्रुवौ

śaktiḥ patadgraho ghaṇṭā tāmrapātramupānahau / karikā bhagavatpādā bhūrjabhastrātha sruksruvau

Sanskrit only: no published translation is held for this verse.

अक्षसूत्रं मषीभाण्डं दर्पणः स्नानशाटिका । सम्पुटीटुप्पिकाखड्गाः पादुके मन्त्रपुस्तिका

akṣasūtraṃ maṣībhāṇḍaṃ darpaṇaḥ snānaśāṭikā / sampuṭīṭuppikākhaḍgāḥ pāduke mantrapustikā

Sanskrit only: no published translation is held for this verse.

नक्षत्रपत्त्रिका खड्गपत्रं लोहितकम्बलः । पवित्रसूत्रकं तन्त्री सूची कलमकर्तरी

nakṣatrapattrikā khaḍgapatraṃ lohitakambalaḥ / pavitrasūtrakaṃ tantrī sūcī kalamakartarī

Sanskrit only: no published translation is held for this verse.

वचा जतुमयी रक्षा क्षुरिका योगपट्टकः । स्तोत्रमन्त्राणि गङ्गामृद्बिल्वमुच्छिष्टफालकम्

vacā jatumayī rakṣā kṣurikā yogapaṭṭakaḥ / stotramantrāṇi gaṅgāmṛdbilvamucchiṣṭaphālakam

Sanskrit only: no published translation is held for this verse.

इत्येकीकृत्य तस्याग्रे भाण्डोपस्करणं ययौ । इतस्ततः समानीतमपुनर्दानचेतसा

ityekīkṛtya tasyāgre bhāṇḍopaskaraṇaṃ yayau / itastataḥ samānītamapunardānacetasā

Sanskrit only: no published translation is held for this verse.

उच्चैःकृतलतापाणिर्भाटकानीतघोटकः । झाङ्कारपार्ष्णिप्रहतिर्वदनेनाञ्चता मुहुः

uccaiḥkṛtalatāpāṇirbhāṭakānītaghoṭakaḥ / jhāṅkārapārṣṇiprahatirvadanenāñcatā muhuḥ

Sanskrit only: no published translation is held for this verse.

सन्तर्जयन्निव जनं ज्यो॥र्तमिव कुर्वता । शिथिलस्थूलवसनः स ययौ पुरमुत्फलन्

santarjayanniva janaṃ jyo..rtamiva kurvatā / śithilasthūlavasanaḥ sa yayau puramutphalan

Sanskrit only: no published translation is held for this verse.

प्रविवेश ततो ग्रामं सुधौतसितकर्पटः । क्षयाय ग्राम्यमत्स्यानां वृद्धो बक इवागतः

praviveśa tato grāmaṃ sudhautasitakarpaṭaḥ / kṣayāya grāmyamatsyānāṃ vṛddho baka ivāgataḥ

Sanskrit only: no published translation is held for this verse.

अथ भोजनचर्यादिव्यपदेशैः सहस्रशः । तस्य यक्षेश्वरस्येव निधानान्याययुः पुरः

atha bhojanacaryādivyapadeśaiḥ sahasraśaḥ / tasya yakṣeśvarasyeva nidhānānyāyayuḥ puraḥ

Sanskrit only: no published translation is held for this verse.

योगी हरणचिन्तासु प्रयोगी भूर्जयोजने । वियोगी निजदाराणां भोगी नरकसम्पदाम्

yogī haraṇacintāsu prayogī bhūrjayojane / viyogī nijadārāṇāṃ bhogī narakasampadām

Sanskrit only: no published translation is held for this verse.

नोपयोगी फलोत्पत्तौ दोषोद्योगी तु केवलम् । अशो[कः] सततं रोगी नियोगी जयति प्रभुः

nopayogī phalotpattau doṣodyogī tu kevalam / aśo[kaḥ] satataṃ rogī niyogī jayati prabhuḥ

Sanskrit only: no published translation is held for this verse.

वृक्षारोहसहस्रेषु प्रायःक्लान्तशतेषु च । ग्रामे तस्य विपन्नेषु नरकप्रतिमाभवत्

vṛkṣārohasahasreṣu prāyaḥklāntaśateṣu ca / grāme tasya vipanneṣu narakapratimābhavat

Sanskrit only: no published translation is held for this verse.