Kalidasa: Abhijnanasakuntalam 2

* कामं प्रिया न सुलभा मनस् तु तद्भावदर्शनाश्वासि । * अकृतार्थे ऽपि मनसिजे रतिम् उभयप्रार्थना कुरुते

* kāmaṃ priyā na sulabhā manas tu tadbhāvadarśanāśvāsi / * akṛtārthe 'pi manasije ratim ubhayaprārthanā kurute

Sanskrit only: no published translation is held for this verse.

* स्निग्धं वीक्षितम् अन्यतो ऽपि नयने यत् प्रेरयन्त्या तया * यातं यच् च नितम्बयोर् गुरुतया मन्दं विलासाद् इव । * मा गा इत्य् उपरुद्धया यद् अपि सा सासूयम् उक्ता सखी * सर्वं तत् किल मत्परायणम् अहो कामी स्वतां पश्यति

* snigdhaṃ vīkṣitam anyato 'pi nayane yat prerayantyā tayā * yātaṃ yac ca nitambayor gurutayā mandaṃ vilāsād iva / * mā gā ity uparuddhayā yad api sā sāsūyam uktā sakhī * sarvaṃ tat kila matparāyaṇam aho kāmī svatāṃ paśyati

Sanskrit only: no published translation is held for this verse.

* न नमयितुम् अधिज्यम् अस्मि शक्तो धनुर् इदम् आहितसायकं मृगेषु । * सहवसतिम् उपेत्य यैः प्रियायाः कृत इव मुग्धविलोकोपदेशः

* na namayitum adhijyam asmi śakto dhanur idam āhitasāyakaṃ mṛgeṣu / * sahavasatim upetya yaiḥ priyāyāḥ kṛta iva mugdhavilokopadeśaḥ

Sanskrit only: no published translation is held for this verse.

* अनवरतधनुर् ज्यास्फालनक्रूरपूर्व रविकिरणसहिष्णु स्वेदलेशैर् अभिनम् । * अपचितम् अपि गात्रं व्यायतत्वाद् अलक्ष्यं गिरिचर इव नागः प्राणसारं बिभर्ति

* anavaratadhanur jyāsphālanakrūrapūrva ravikiraṇasahiṣṇu svedaleśair abhinam / * apacitam api gātraṃ vyāyatatvād alakṣyaṃ giricara iva nāgaḥ prāṇasāraṃ bibharti

Sanskrit only: no published translation is held for this verse.

* मेदश्छेदकृशोदरं लघु भवत्य् उत्थानयोग्यं वपुः * सत्त्वानाम् अपि लक्ष्यते विकृतिमच् चित्तं भयक्रोधयोः । * उत्कर्षः स च धन्विनां यद् इषवः सिध्यन्ति लक्ष्ये चले * मिथ्या एव व्यसनं वदन्ति मृगयाम् ईदृग् विनोदः कुतः

* medaśchedakṛśodaraṃ laghu bhavaty utthānayogyaṃ vapuḥ * sattvānām api lakṣyate vikṛtimac cittaṃ bhayakrodhayoḥ / * utkarṣaḥ sa ca dhanvināṃ yad iṣavaḥ sidhyanti lakṣye cale * mithyā eva vyasanaṃ vadanti mṛgayām īdṛg vinodaḥ kutaḥ

Sanskrit only: no published translation is held for this verse.

* गाहन्तां महिषा निपानसलिलं शृङ्गैर् मुहुस् ताडितम् * छायाबद्धकदम्बकं मृगकुलं रोमन्थम् अभ्यस्यतु । * विश्रब्धं क्रियतां वहारततिभिर् मुस्ताक्षतिः पल्वले * विश्रामं लभताम् इदं च शिथितलज्याबन्धम् अस्मद्धनुः

* gāhantāṃ mahiṣā nipānasalilaṃ śṛṅgair muhus tāḍitam * chāyābaddhakadambakaṃ mṛgakulaṃ romantham abhyasyatu / * viśrabdhaṃ kriyatāṃ vahāratatibhir mustākṣatiḥ palvale * viśrāmaṃ labhatām idaṃ ca śithitalajyābandham asmaddhanuḥ

Sanskrit only: no published translation is held for this verse.

* शमप्रधानेषु तपोधनेषु गूढं हि दातात्मकम् अस्ति तेजः । * स्पर्शानुकूलेव सूर्यकान्तास् तदन्यतेजो ऽभिभवाद् वमन्ति

* śamapradhāneṣu tapodhaneṣu gūḍhaṃ hi dātātmakam asti tejaḥ / * sparśānukūleva sūryakāntās tadanyatejo 'bhibhavād vamanti

Sanskrit only: no published translation is held for this verse.

* सुरयुवतिसंभवं किल मुनेर् अपत्यं तद् उज्झिताधिगतम् । * अर्कस्योपरि शिथिलं च्युतम् इव नवमालिकाकुसुमम्

* surayuvatisaṃbhavaṃ kila muner apatyaṃ tad ujjhitādhigatam / * arkasyopari śithilaṃ cyutam iva navamālikākusumam

Sanskrit only: no published translation is held for this verse.

* चित्रे निवेश्ये परिकल्पितसत्त्वयोगा * रूपोच्चयेन मनसा विधिना कृता नु । * स्त्रीरत्नसृष्टिर् अपरा प्रतिभाति सा मे * धातुर् विभुत्वम् अनुचिन्त्य वपुश् च तस्याः

* citre niveśye parikalpitasattvayogā * rūpoccayena manasā vidhinā kṛtā nu / * strīratnasṛṣṭir aparā pratibhāti sā me * dhātur vibhutvam anucintya vapuś ca tasyāḥ

Sanskrit only: no published translation is held for this verse.

* अनाघ्रातं पुष्पं किसलयम् अलूनं कररुहैर् अनाविद्धं रत्नं मधु नवम् अनास्वादितरसम् । * अखण्डं पुष्यानां फलम् इव च तद्रूपम् अनघं न जाने भोक्तारं कम् इह समुपस्थास्यति विधिः

* anāghrātaṃ puṣpaṃ kisalayam alūnaṃ kararuhair anāviddhaṃ ratnaṃ madhu navam anāsvāditarasam / * akhaṇḍaṃ puṣyānāṃ phalam iva ca tadrūpam anaghaṃ na jāne bhoktāraṃ kam iha samupasthāsyati vidhiḥ

Sanskrit only: no published translation is held for this verse.

* अभिमुखे मयि संहृतम् ईक्षितं हसितम् अन्यनिमितकृतोदयम् । * विनयवारितवृत्तिर् अतस् तया न विवृतो मदनो न च संवृतः

* abhimukhe mayi saṃhṛtam īkṣitaṃ hasitam anyanimitakṛtodayam / * vinayavāritavṛttir atas tayā na vivṛto madano na ca saṃvṛtaḥ

Sanskrit only: no published translation is held for this verse.

* दर्भाङ्कुरेण चरणः क्षत इत्य् अखाण्डे तन्वी स्थिता कतिचिद् एव पदानि गत्वा । * आसीद् विवृत्तवदना च विमोचयन्ती शाखासु वल्कलम् असक्तम् अपि द्रुमाणाम्

* darbhāṅkureṇa caraṇaḥ kṣata ity akhāṇḍe tanvī sthitā katicid eva padāni gatvā / * āsīd vivṛttavadanā ca vimocayantī śākhāsu valkalam asaktam api drumāṇām

Sanskrit only: no published translation is held for this verse.

* यद् उत्तिष्ठति वर्णेभ्यो नृपाणां क्षयि तत् फलम् । * तपःषड्भागम् अक्षय्यं ददत्य् आरण्यका हि नः

* yad uttiṣṭhati varṇebhyo nṛpāṇāṃ kṣayi tat phalam / * tapaḥṣaḍbhāgam akṣayyaṃ dadaty āraṇyakā hi naḥ

Sanskrit only: no published translation is held for this verse.

* अध्याक्रान्ता वसतिर् अमुना अप्य् आश्रमे सर्वभोग्ये * रक्षायोगाद् अयम् अपि तपः प्रत्यहं संचिनोति । * अस्यापि द्यां स्पृशति वशिनश् चारणद्वन्द्वगीतः * पुण्यःशब्दो मुनिर् इति मुहुह्ः केवलं राजपूर्वः

* adhyākrāntā vasatir amunā apy āśrame sarvabhogye * rakṣāyogād ayam api tapaḥ pratyahaṃ saṃcinoti / * asyāpi dyāṃ spṛśati vaśinaś cāraṇadvandvagītaḥ * puṇyaḥśabdo munir iti muhuhḥ kevalaṃ rājapūrvaḥ

Sanskrit only: no published translation is held for this verse.

* नैतच् चित्रं यद् अयम् उदधिश्यामसीमां धरित्रीम् एकः कृत्स्नां नगरपरिघप्रांशुबाहुर् भुनक्ति ।प्।७८ * आशंसन्ते समितिषु सुरा बद्धवैरा हि दैत्यैर् अस्याधिज्ये धनुषि विजयं पौरुहूते च वज्रे

* naitac citraṃ yad ayam udadhiśyāmasīmāṃ dharitrīm ekaḥ kṛtsnāṃ nagaraparighaprāṃśubāhur bhunakti /p.78 * āśaṃsante samitiṣu surā baddhavairā hi daityair asyādhijye dhanuṣi vijayaṃ pauruhūte ca vajre

Sanskrit only: no published translation is held for this verse.

* कृत्ययोर् भिन्नदेशत्वाद् द्वैधीभवति मे मनः । * पुरः पतिहतं शैले स्रोतः स्रोतोवहो यथा

* kṛtyayor bhinnadeśatvād dvaidhībhavati me manaḥ / * puraḥ patihataṃ śaile srotaḥ srotovaho yathā

Sanskrit only: no published translation is held for this verse.

* क्व वयं क्व परोक्षमन्मथो मृगशावैः समम् एधितो जनः । * परिहासविजल्पितं सखे परमार्थेन न गृह्यतां वचः

* kva vayaṃ kva parokṣamanmatho mṛgaśāvaiḥ samam edhito janaḥ / * parihāsavijalpitaṃ sakhe paramārthena na gṛhyatāṃ vacaḥ

Sanskrit only: no published translation is held for this verse.