Kalidasa: Abhijnanasakuntalam 3

* का कथा बाणसंधाने ज्याशब्देनैव दूरतः । * हुंकारेणेव धनुषः स हि विघ्नान् अपोहति

* kā kathā bāṇasaṃdhāne jyāśabdenaiva dūrataḥ / * huṃkāreṇeva dhanuṣaḥ sa hi vighnān apohati

Sanskrit only: no published translation is held for this verse.

* जाने तपसो वीर्यं सा बाला परवतीति मे विदितम् । * अलम् अस्मि ततो हृदयं तथापि नेदं निवर्तयितुम्

* jāne tapaso vīryaṃ sā bālā paravatīti me viditam / * alam asmi tato hṛdayaṃ tathāpi nedaṃ nivartayitum

Sanskrit only: no published translation is held for this verse.

* तव कुसुमशरत्वं शीतरश्मित्वम् इन्दोर् * द्वयम् इदम् अयथार्थं दृश्यते मद्विधेषु । * विसृजति हिमगर्भैर् अग्निम् इन्दुर् मयूखैस् * त्वम् अपि कुसुमबाणान् वज्रसारीकरोषि

* tava kusumaśaratvaṃ śītaraśmitvam indor * dvayam idam ayathārthaṃ dṛśyate madvidheṣu / * visṛjati himagarbhair agnim indur mayūkhais * tvam api kusumabāṇān vajrasārīkaroṣi

Sanskrit only: no published translation is held for this verse.

* अद्य अपि नूनं हरकोपवह्निनस् त्वयि ज्वलत्य् और्व इवाम्बुराशौ । * त्वम् अन्यथा मन्मथ मद्विधानां भस्मावशेषः कथम् इत्थम् उष्णः ॥ क्सक् ३।३अ ॥ प्।८८ * अनिशम् अपि मकरकेतुर् मनओर् रुजम् आवहन्न् अभिमतो मे । * यदि मदिरायतनयनां ताम् अधिकृत्य प्रहरतीति

* adya api nūnaṃ harakopavahninas tvayi jvalaty aurva ivāmburāśau / * tvam anyathā manmatha madvidhānāṃ bhasmāvaśeṣaḥ katham ittham uṣṇaḥ // KSak 3.3a // p.88 * aniśam api makaraketur manaor rujam āvahann abhimato me / * yadi madirāyatanayanāṃ tām adhikṛtya praharatīti

Sanskrit only: no published translation is held for this verse.

* शक्यम् अरविन्दसुरभिः कणवाही मालिनीतरङ्गाणाम् । * अङ्गैर् अनङ्गतप्तैर् अविरलम् आलिङ्गितुं पवनः

* śakyam aravindasurabhiḥ kaṇavāhī mālinītaraṅgāṇām / * aṅgair anaṅgataptair aviralam āliṅgituṃ pavanaḥ

Sanskrit only: no published translation is held for this verse.

* अब्न्युन्नता पुरस्ताद् अवगाढा जघनगौरवात् पश्चात् । * द्वारे ऽस्य पाण्डुसिकते पदपङ्क्तिर् दृश्यते ऽभिनवा

* abnyunnatā purastād avagāḍhā jaghanagauravāt paścāt / * dvāre 'sya pāṇḍusikate padapaṅktir dṛśyate 'bhinavā

Sanskrit only: no published translation is held for this verse.

* क्षामक्षामकपोलम् आननम् उरः काठिन्यम् उक्तस्तनम् * मध्यः क्लान्ततरः प्रकामविनताव् अंसौ छविः पाण्डुरा । * शोच्या च प्रियदर्शना च मदनक्लिष्टेयम् आलक्ष्यते * पत्राणाम् इव शोषणेन मरुता स्पृष्टा लता माधवी

* kṣāmakṣāmakapolam ānanam uraḥ kāṭhinyam uktastanam * madhyaḥ klāntataraḥ prakāmavinatāv aṃsau chaviḥ pāṇḍurā / * śocyā ca priyadarśanā ca madanakliṣṭeyam ālakṣyate * patrāṇām iva śoṣaṇena marutā spṛṣṭā latā mādhavī

Sanskrit only: no published translation is held for this verse.

* पृष्टा जनेन समदुःखसुखेन बाला * नेयं न वक्ष्यति मनोगतम् आधिहेतुम् । * दृष्टो विवृत्य बहुशो ऽप्य् अनया सतृष्णम् * अत्रान्तरे श्रवणकातरतां गतो ऽस्मि

* pṛṣṭā janena samaduḥkhasukhena bālā * neyaṃ na vakṣyati manogatam ādhihetum / * dṛṣṭo vivṛtya bahuśo 'py anayā satṛṣṇam * atrāntare śravaṇakātaratāṃ gato 'smi

Sanskrit only: no published translation is held for this verse.

* इदम् अशिशिरैर् अन्तस्तापाद् विवर्णम् अणीकृतम् * निशि निशि भुजन्यस्तापाङ्गप्रसारिभिर् अश्रुभिः । * अलभिलुलितज्याघाताङ्कं मुहुर् मणिबन्धनात् * कनकवलयं स्रस्तं स्रस्तं मया प्रतिसार्यते

* idam aśiśirair antastāpād vivarṇam aṇīkṛtam * niśi niśi bhujanyastāpāṅgaprasāribhir aśrubhiḥ / * alabhilulitajyāghātāṅkaṃ muhur maṇibandhanāt * kanakavalayaṃ srastaṃ srastaṃ mayā pratisāryate

Sanskrit only: no published translation is held for this verse.

* अयं स ते तिष्ठति संगमोत्सुको * विशङ्कसे भीरु यतो ऽवधीरणाम् । * लभेत वा प्रार्थयिता न वा श्रियम् * श्रिया दुरापः कथम् ईप्सितो भवेत्

* ayaṃ sa te tiṣṭhati saṃgamotsuko * viśaṅkase bhīru yato 'vadhīraṇām / * labheta vā prārthayitā na vā śriyam * śriyā durāpaḥ katham īpsito bhavet

Sanskrit only: no published translation is held for this verse.

* उन्नमितैकभ्रूलतम् आननम् अस्याः पदानि रचयन्त्याः । * कण्टकितेन प्रथयति मय् अनुरागं कपोलेन

* unnamitaikabhrūlatam ānanam asyāḥ padāni racayantyāḥ / * kaṇṭakitena prathayati may anurāgaṃ kapolena

Sanskrit only: no published translation is held for this verse.

* तव न जाने हृदयं मम पुनः कामो दिवा अपि रात्राव् अपि । * निर्घृण तपति बलीयस् त्वयि वृत्तमनोरथाया अङ्गानि

* tava na jāne hṛdayaṃ mama punaḥ kāmo divā api rātrāv api / * nirghṛṇa tapati balīyas tvayi vṛttamanorathāyā aṅgāni

Sanskrit only: no published translation is held for this verse.

* तपति तनुगात्रि मदनस् त्वाम् अनिशं मां पुनर् दहत्य् एव । * ग्लपयति यथा शशाङ्कं न तथा हि कुमुद्वतीं दिवसः

* tapati tanugātri madanas tvām aniśaṃ māṃ punar dahaty eva / * glapayati yathā śaśāṅkaṃ na tathā hi kumudvatīṃ divasaḥ

Sanskrit only: no published translation is held for this verse.

* संदष्टसुकुमशयनान्य् आशुक्तान्तबिसभङ्गसुरभीणि । * गुरुपरितापानि न ते गात्राण्य् उपचारम् अर्हन्ति

* saṃdaṣṭasukumaśayanāny āśuktāntabisabhaṅgasurabhīṇi / * guruparitāpāni na te gātrāṇy upacāram arhanti

Sanskrit only: no published translation is held for this verse.

* इदम् अनन्यपरायणम् अन्यथा हृदयसंनिहिते हृदयं मम । * यदि समर्थयसे मदिरेक्षणे मदनबाणहतो ऽस्मि हतः पुनः

* idam ananyaparāyaṇam anyathā hṛdayasaṃnihite hṛdayaṃ mama / * yadi samarthayase madirekṣaṇe madanabāṇahato 'smi hataḥ punaḥ

Sanskrit only: no published translation is held for this verse.

* परिग्रहबहुत्वे ऽपि द्वे प्रतिष्ठे कुलस्य मे । * समुद्ररसना चोर्वी सखी च युवयोर् इयम्

* parigrahabahutve 'pi dve pratiṣṭhe kulasya me / * samudrarasanā corvī sakhī ca yuvayor iyam

Sanskrit only: no published translation is held for this verse.

* किं शीतलैः क्लमविनोदिभिर् आर्द्रवातान् * सञ्चारयामि नलिनीदलतालवृन्तैः । * अङ्के निधाय करभोरु यथासुखं ते * संवाहयामि चरणाव् उत पद्मतांरौ

* kiṃ śītalaiḥ klamavinodibhir ārdravātān * sañcārayāmi nalinīdalatālavṛntaiḥ / * aṅke nidhāya karabhoru yathāsukhaṃ te * saṃvāhayāmi caraṇāv uta padmatāṃrau

Sanskrit only: no published translation is held for this verse.

* उत्सृज्य कुसुमशयनं नलिनीदलकल्पितस्तनावरणम् । * कथम् आतपे गमिष्यसि परिबाधापेलवैर् अङ्गैः

* utsṛjya kusumaśayanaṃ nalinīdalakalpitastanāvaraṇam / * katham ātape gamiṣyasi paribādhāpelavair aṅgaiḥ

Sanskrit only: no published translation is held for this verse.

* गान्धर्वेण विवाहेन बह्व्यो राजर्षिकन्यकाः । * श्रूयन्ते परिणीतास् ताः पितृभिश् चाभिनन्दिताः

* gāndharveṇa vivāhena bahvyo rājarṣikanyakāḥ / * śrūyante pariṇītās tāḥ pitṛbhiś cābhinanditāḥ

Sanskrit only: no published translation is held for this verse.

* अपरिक्षतकोमलस्य यावत् कुसुमस्येव नवस्य षट्पदेन । * अधरस्य पिपासता मया ते सदयं सुन्दरि गृह्यते रसो ऽस्य

* aparikṣatakomalasya yāvat kusumasyeva navasya ṣaṭpadena / * adharasya pipāsatā mayā te sadayaṃ sundari gṛhyate raso 'sya

Sanskrit only: no published translation is held for this verse.

* मुहुर् अङ्गुलिसंवृताधरौष्ठं प्रतिषेधाक्षरविक्लवाभिरामम् । * मुखम् अंसविवर्ति पक्ष्मलाक्ष्याः कथम् अप्य् उन्नमितं न चुम्बितं तु

* muhur aṅgulisaṃvṛtādharauṣṭhaṃ pratiṣedhākṣaraviklavābhirāmam / * mukham aṃsavivarti pakṣmalākṣyāḥ katham apy unnamitaṃ na cumbitaṃ tu

Sanskrit only: no published translation is held for this verse.

* तस्याः पुष्पमयी शरीरलुलिता शय्या शिलायाम् इयम् * क्लान्तो मन्मथलेख एष नलिनीपत्रे नखैर् अर्पितः । * हस्ताद् भ्रष्टम् इदं बिसाभरणम् इत्य् आसज्यमानेक्षणो * निर्गन्तुं सहसा न वेतसगृहाच् छक्नोमि शून्याद् अपि

* tasyāḥ puṣpamayī śarīralulitā śayyā śilāyām iyam * klānto manmathalekha eṣa nalinīpatre nakhair arpitaḥ / * hastād bhraṣṭam idaṃ bisābharaṇam ity āsajyamānekṣaṇo * nirgantuṃ sahasā na vetasagṛhāc chaknomi śūnyād api

Sanskrit only: no published translation is held for this verse.

* सायंतने सदनकर्मणि संप्रवृत्ते * वेदिं हुताशनवतीं परितः प्रयस्ताः । * छायाश् चरन्ति बहुधा भयम् आदधानाः * संध्यापयोदकपिशाः पिशिताशनानाम्

* sāyaṃtane sadanakarmaṇi saṃpravṛtte * vediṃ hutāśanavatīṃ paritaḥ prayastāḥ / * chāyāś caranti bahudhā bhayam ādadhānāḥ * saṃdhyāpayodakapiśāḥ piśitāśanānām

Sanskrit only: no published translation is held for this verse.