प्रथमो ऽध्यायः नमः सरस्वत्यै । सश्रीकं प्रभया युतं रुचिरया प्रोद्भासितं गङ्गया नानावक्त्रविराजितं शशिकलापीडोच्छ्रया ऽलङ्कृतम् । आर्योपेतमुपस्थिताखिलगणस्रक्पूजितं सर्वदा छंदःशास्त्रमिवेश्वरस्य जयति त्रैलोक्यवंद्यं वपुः ॥ १ कृष्णात्रेयस्य गोत्रे समजनि पुरा दाक्षिणात्याग्रणीर्यो वेलादित्याभिधानः सुकविरभवद्भास्वरस्तस्य सूनुः । तत्पुत्रः सुल्हणाख्यः सुललितपदां वृत्तरत्नाकराख्य- छंदोवृत्तिं स चक्रे सुकविहृदयानंदनीनामधेयाम् ॥ २ शास्त्रारंभे शास्त्रकार इष्टाधिकृतदेवतानमस्कारपूर्वकशास्त्रसंबंधप्रयोजनं श्लोकत्रयेणाह । सुखसंतानसिद्ध्यर्थं नत्वा ब्रह्माच्युतार्चितम् । गौरीविनायकोपेतं शंकरं लोकशंकरम्
prathamo 'dhyāyaḥ namaḥ sarasvatyai / saśrīkaṃ prabhayā yutaṃ rucirayā prodbhāsitaṃ gaṅgayā nānāvaktravirājitaṃ śaśikalāpīḍocchrayā 'laṅkṛtam / āryopetamupasthitākhilagaṇasrakpūjitaṃ sarvadā chaṃdaḥśāstramiveśvarasya jayati trailokyavaṃdyaṃ vapuḥ // 1 kṛṣṇātreyasya gotre samajani purā dākṣiṇātyāgraṇīryo velādityābhidhānaḥ sukavirabhavadbhāsvarastasya sūnuḥ / tatputraḥ sulhaṇākhyaḥ sulalitapadāṃ vṛttaratnākarākhya- chaṃdovṛttiṃ sa cakre sukavihṛdayānaṃdanīnāmadheyām // 2 śāstrāraṃbhe śāstrakāra iṣṭādhikṛtadevatānamaskārapūrvakaśāstrasaṃbaṃdhaprayojanaṃ ślokatrayeṇāha / sukhasaṃtānasiddhyarthaṃ natvā brahmācyutārcitam / gaurīvināyakopetaṃ śaṃkaraṃ lokaśaṃkaram
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.