धर्मार्थ-कामेभ्यो नमः।
dharmārtha-kāmebhyo namaḥ.
Sanskrit only: no published translation is held for this verse.
शास्त्रे प्रकृतत्वात् ।
śāstre prakṛtatvāt .
Sanskrit only: no published translation is held for this verse.
तत्समयावबोधकेभ्यश् च आचार्येभ्यः। इति।
tatsamayāvabodhakebhyaś ca ācāryebhyaḥ. iti.
Sanskrit only: no published translation is held for this verse.
तत्-संबन्धात्। इति।
tat-saṃbandhāt. iti.
Sanskrit only: no published translation is held for this verse.
प्रजापतिर् हि प्रजाः सृष्ट्वा तासां स्थिति-निबन्धनं त्रिवर्गस्य साधनम् अध्यायानां शतसहस्रेणाग्रे प्रोवाच।
prajāpatir hi prajāḥ sṛṣṭvā tāsāṃ sthiti-nibandhanaṃ trivargasya sādhanam adhyāyānāṃ śatasahasreṇāgre provāca.
Sanskrit only: no published translation is held for this verse.
तस्यैकदेशिकं मनुः स्वायंभुवो धर्माधिकारिकं पृथक् चकार।
tasyaikadeśikaṃ manuḥ svāyaṃbhuvo dharmādhikārikaṃ pṛthak cakāra.
Sanskrit only: no published translation is held for this verse.
बृहस्पतिर् अर्थाधिकारिकम्।
bṛhaspatir arthādhikārikam.
Sanskrit only: no published translation is held for this verse.
महादेवानुचरश् च नन्दी सहस्रेणाध्यायानां पृथक् काम-सूत्रं प्रोवाच।
mahādevānucaraś ca nandī sahasreṇādhyāyānāṃ pṛthak kāma-sūtraṃ provāca.
Sanskrit only: no published translation is held for this verse.
तद् एव तु पञ्चभिर् अध्याय-शतैर् औद्दालिकिः श्वेतकेतुः संचिक्षेप।
tad eva tu pañcabhir adhyāya-śatair auddālikiḥ śvetaketuḥ saṃcikṣepa.
Sanskrit only: no published translation is held for this verse.
तद् एव तु पुनर् अध्य्:अर्धेनाध्यायशतेन [१]साधारण-[२]सांप्रयोगिक-[३]कन्या-संप्रयुक्तक-[ ४]भार्याधिकारिक-[५]पारदारिक-[६]वैशिक-[७]औपनिषदिकैः सप्तभिर् अधिकरणैर् बाभ्रव्यः पाञ्चालः संचिक्षेप।
tad eva tu punar adhy:ardhenādhyāyaśatena [1]sādhāraṇa-[2]sāṃprayogika-[3]kanyā-saṃprayuktaka-[ 4]bhāryādhikārika-[5]pāradārika-[6]vaiśika-[7]aupaniṣadikaiḥ saptabhir adhikaraṇair bābhravyaḥ pāñcālaḥ saṃcikṣepa.
Sanskrit only: no published translation is held for this verse.
तस्य षष्टं वैशिकम् अधिकरणं पाटलिपुत्रकाणां गणिकानां नियोगाद् दत्तकः पृथक् चकार।
tasya ṣaṣṭaṃ vaiśikam adhikaraṇaṃ pāṭaliputrakāṇāṃ gaṇikānāṃ niyogād dattakaḥ pṛthak cakāra.
Sanskrit only: no published translation is held for this verse.
तत्-प्रसङ्गाच् चारायणः साधारणम् अधिकरणं प्रोवाच। सुवर्णनाभः सांप्रयोगिकम्। घोटकमुखः कन्या-संप्रयुक्तकम्। गोनर्दीयो भार्याधिकारिकम्। गोणिकापुत्रः पारदारिकम्। कुचुमार औपनिषदिकम् इति।
tat-prasaṅgāc cārāyaṇaḥ sādhāraṇam adhikaraṇaṃ provāca. suvarṇanābhaḥ sāṃprayogikam. ghoṭakamukhaḥ kanyā-saṃprayuktakam. gonardīyo bhāryādhikārikam. goṇikāputraḥ pāradārikam. kucumāra aupaniṣadikam iti.
Sanskrit only: no published translation is held for this verse.
एवं बहुभिर् आचार्यैस् तच् छास्त्रं खण्डशः प्रणीतम् उत्सन्न-कल्पम् अभूत्।
evaṃ bahubhir ācāryais tac chāstraṃ khaṇḍaśaḥ praṇītam utsanna-kalpam abhūt.
Sanskrit only: no published translation is held for this verse.
तत्र दत्तकादिभिः प्रणीतानां शास्त्रावयवानाम् एकदेशत्वात् महद् इति च बाभ्रवीयस्य दुर्:आध्येयत्वात् संक्षिप्य सर्वम् अर्थम् अल्पेन ग्रन्थेन कामसूत्रम् इदं प्रणीतम्।
tatra dattakādibhiḥ praṇītānāṃ śāstrāvayavānām ekadeśatvāt mahad iti ca bābhravīyasya dur:ādhyeyatvāt saṃkṣipya sarvam artham alpena granthena kāmasūtram idaṃ praṇītam.
Sanskrit only: no published translation is held for this verse.
तस्यायं प्रकरणाधिकरण-समुद्देशः
tasyāyaṃ prakaraṇādhikaraṇa-samuddeśaḥ
Sanskrit only: no published translation is held for this verse.
शास्त्र-संग्रहः। त्रिवर्ग-प्रतिपत्तिः। विद्यासमुद्देशः। नागरक-वृत्तम्। नायक-सहाय-दूती-कर्मविमर्शः। इति साधारणं प्रथमाधिकरणम् अध्यायः पञ्च प्रकरणानि पञ्च।
śāstra-saṃgrahaḥ. trivarga-pratipattiḥ. vidyāsamuddeśaḥ. nāgaraka-vṛttam. nāyaka-sahāya-dūtī-karmavimarśaḥ. iti sādhāraṇaṃ prathamādhikaraṇam adhyāyaḥ pañca prakaraṇāni pañca.
Sanskrit only: no published translation is held for this verse.
प्रमाण-काला-भावेभ्यो रतावस्थापनम्। प्रीति-विशेषाः। आलिङ्गन-विचाराः। चुम्बन-विकल्पाः॥नखरदन-जातयः। दशन-च्छेद्य-विधयः। देश्या उपचाराः संवेशन-प्रकाराः चित्र-रतानि प्रहण-योगः तद्-युक्ताश् च सीत्कृतोपक्रमाः पुरुषायितम् पुरुषोपसृप्तानि औपरिष्टकम् रतारम्भावसानिकम् रत-विशेषाः प्रणय-कलहः इति सांप्रयोगिकं द्वितीयम् अधिकरणम्। अध्यया दश प्रकरणानि सप्तदश।
pramāṇa-kālā-bhāvebhyo ratāvasthāpanam. prīti-viśeṣāḥ. āliṅgana-vicārāḥ. cumbana-vikalpāḥ..nakharadana-jātayaḥ. daśana-cchedya-vidhayaḥ. deśyā upacārāḥ saṃveśana-prakārāḥ citra-ratāni prahaṇa-yogaḥ tad-yuktāś ca sītkṛtopakramāḥ puruṣāyitam puruṣopasṛptāni aupariṣṭakam ratārambhāvasānikam rata-viśeṣāḥ praṇaya-kalahaḥ iti sāṃprayogikaṃ dvitīyam adhikaraṇam. adhyayā daśa prakaraṇāni saptadaśa.
Sanskrit only: no published translation is held for this verse.
वरण-विधानम् सम्बन्ध-निर्णयः कन्या-विस्रम्भणम् बालायाः उपक्रमाः इङ्गिताकार-सूचनम् एक-पुरुषाभियोगः प्रयोज्यस्योपावर्तणम् अभियोगतश् च कन्यायाः प्रतिपत्तिः विवाह-योगः इति कन्या-संप्रयुक्तकं तृतीयाधिकरणम्। अध्यायाः पञ्च प्रकरणानि नव
varaṇa-vidhānam sambandha-nirṇayaḥ kanyā-visrambhaṇam bālāyāḥ upakramāḥ iṅgitākāra-sūcanam eka-puruṣābhiyogaḥ prayojyasyopāvartaṇam abhiyogataś ca kanyāyāḥ pratipattiḥ vivāha-yogaḥ iti kanyā-saṃprayuktakaṃ tṛtīyādhikaraṇam. adhyāyāḥ pañca prakaraṇāni nava
Sanskrit only: no published translation is held for this verse.
एकचारिणी-वृत्तम् प्रवासचार्या सपत्नीषु ज्येष्ठा-वृत्तम् कनिष्ठा-वृत्तम् पुनर्भू-वृत्तम् दुर्भगा-वृत्तम् आन्तःपुरिकम् पुरुषस्य बह्वीषु प्रतिपत्तिः इति भार्याधिकारिकं चतुर्थम् अधिकरणम् अध्यायौ द्वौ प्रकरणान्य् अष्टौ
ekacāriṇī-vṛttam pravāsacāryā sapatnīṣu jyeṣṭhā-vṛttam kaniṣṭhā-vṛttam punarbhū-vṛttam durbhagā-vṛttam āntaḥpurikam puruṣasya bahvīṣu pratipattiḥ iti bhāryādhikārikaṃ caturtham adhikaraṇam adhyāyau dvau prakaraṇāny aṣṭau
Sanskrit only: no published translation is held for this verse.
स्त्री-पुरुष-शीलावस्थापनम् व्यावर्त्तन-कारणानि स्त्रीषु सिद्धाः पुरुषाः अ:यत्न-साध्या योषितः परिचय-कारणानि अभियोगाः भाव-परीक्षा दूती-कर्माणि ईश्वरकामितम् अन्तःपुरिकं दार-रक्षितकम् इति पारदारिकं पञ्चमम् अधिकरणम् अध्यायाः षट् प्रकरणानि दश
strī-puruṣa-śīlāvasthāpanam vyāvarttana-kāraṇāni strīṣu siddhāḥ puruṣāḥ a:yatna-sādhyā yoṣitaḥ paricaya-kāraṇāni abhiyogāḥ bhāva-parīkṣā dūtī-karmāṇi īśvarakāmitam antaḥpurikaṃ dāra-rakṣitakam iti pāradārikaṃ pañcamam adhikaraṇam adhyāyāḥ ṣaṭ prakaraṇāni daśa
Sanskrit only: no published translation is held for this verse.
गम्य-चिन्ता गमन-कारणानि उपावर्तन-विधिः कान्तानुवर्तनम् अर्थागमोपायाः विरक्त-लिङ्गानि विरक्त-प्रतिपत्तिः निष्कासन-प्रकाराः विशीर्ण-प्रतिसंधानम्लाभविशेषः अर्थानर्थानुबन्ध-संशय-विचारः वेश्या-विशेषाश् च इति वैशिकं षष्टम् अधिकरणम् अध्यायः षट् प्रकरणानि द्वादश।
gamya-cintā gamana-kāraṇāni upāvartana-vidhiḥ kāntānuvartanam arthāgamopāyāḥ virakta-liṅgāni virakta-pratipattiḥ niṣkāsana-prakārāḥ viśīrṇa-pratisaṃdhānam.lābhaviśeṣaḥ arthānarthānubandha-saṃśaya-vicāraḥ veśyā-viśeṣāś ca iti vaiśikaṃ ṣaṣṭam adhikaraṇam adhyāyaḥ ṣaṭ prakaraṇāni dvādaśa.
Sanskrit only: no published translation is held for this verse.
सुभगं-करणम् वशी-करणम् वृष्याश् च योगाः नष्ट-राग-प्रत्यानयनम् वृद्धि-विधयः चित्राश् च योगाः इत्य् औपनिषदिकं सप्तमम् अधिकरणम् अध्यायौ द्वौ प्रकरणानि षट्।
subhagaṃ-karaṇam vaśī-karaṇam vṛṣyāś ca yogāḥ naṣṭa-rāga-pratyānayanam vṛddhi-vidhayaḥ citrāś ca yogāḥ ity aupaniṣadikaṃ saptamam adhikaraṇam adhyāyau dvau prakaraṇāni ṣaṭ.
Sanskrit only: no published translation is held for this verse.
एवं षट्त्रिंशद् अध्यायाः चतुःशष्टिः प्रकरणानि अधिकरणानि सप्त स:पादं श्लोक-सहस्रम् इति शास्त्रस्य संग्रहः।
evaṃ ṣaṭtriṃśad adhyāyāḥ catuḥśaṣṭiḥ prakaraṇāni adhikaraṇāni sapta sa:pādaṃ śloka-sahasram iti śāstrasya saṃgrahaḥ.
Sanskrit only: no published translation is held for this verse.