धर्मार्थाङ्गविद्या-कालान् अन्:उपरोधयन् काम-सूत्रं तद्-अङ्ग-विद्याश् च पुरुषो ऽधीयीत।
dharmārthāṅgavidyā-kālān an:uparodhayan kāma-sūtraṃ tad-aṅga-vidyāś ca puruṣo 'dhīyīta.
Sanskrit only: no published translation is held for this verse.
प्राग् यौवनात् स्त्री। प्रत्ता च पत्युर् अभिप्रायात्।
prāg yauvanāt strī. prattā ca patyur abhiprāyāt.
Sanskrit only: no published translation is held for this verse.
योषितां शास्त्र-ग्रहणस्याभावाद् अन्:अर्थकम् इह शास्त्रे स्त्री-शासनम् इत्य् आचार्याः।
yoṣitāṃ śāstra-grahaṇasyābhāvād an:arthakam iha śāstre strī-śāsanam ity ācāryāḥ.
Sanskrit only: no published translation is held for this verse.
प्रयोग-ग्रहणं त्व् आसाम्। प्रयोगस्य च शास्त्र-पूर्वकत्वाद् इति वात्स्यायनः।
prayoga-grahaṇaṃ tv āsām. prayogasya ca śāstra-pūrvakatvād iti vātsyāyanaḥ.
Sanskrit only: no published translation is held for this verse.
तन् न केवलम् इहैव। सर्वत्र हि लोके कति चिद् एव शास्त्र-ज्ञाः। सर्व-जन-विषयश् च प्रयोगः।
tan na kevalam ihaiva. sarvatra hi loke kati cid eva śāstra-jñāḥ. sarva-jana-viṣayaś ca prayogaḥ.
Sanskrit only: no published translation is held for this verse.
प्रयोगस्य च दूरस्थम् अपि शास्त्रम् एव हेतुः।
prayogasya ca dūrastham api śāstram eva hetuḥ.
Sanskrit only: no published translation is held for this verse.
अस्ति व्याकरणम् इत्य् अवैयाकरणा अपि याज्ञिका ऊहं क्रतुषु प्रयुञ्जते।
asti vyākaraṇam ity avaiyākaraṇā api yājñikā ūhaṃ kratuṣu prayuñjate.
Sanskrit only: no published translation is held for this verse.
अस्ति ज्यौतिषम् इति पुण्याहेषु कर्म कुर्वते।
asti jyautiṣam iti puṇyāheṣu karma kurvate.
Sanskrit only: no published translation is held for this verse.
तथाश्वारोहा गजारोहाश् चाश्वान् गजांश् चान्:अधिगत-शास्त्रा अपि विनयन्ते।
tathāśvārohā gajārohāś cāśvān gajāṃś cān:adhigata-śāstrā api vinayante.
Sanskrit only: no published translation is held for this verse.
तथास्ति राजेति दूरस्था अपि जनपदा न मर्यादाम् अतिवर्तन्ते तद्वद् एतत्।
tathāsti rājeti dūrasthā api janapadā na maryādām ativartante tadvad etat.
Sanskrit only: no published translation is held for this verse.
सन्त्य् अपि खलु शास्त्र-प्रहत-बुद्धयो गणिका राज-पुत्र्यो महामात्र-दुहितरश् च।
santy api khalu śāstra-prahata-buddhayo gaṇikā rāja-putryo mahāmātra-duhitaraś ca.
Sanskrit only: no published translation is held for this verse.
तस्माद् वैश्वासिकाज् जनाद् रहसि प्रयोगाञ् छास्त्रम् एकदेशं वा स्त्री गृह्णीयात्।
tasmād vaiśvāsikāj janād rahasi prayogāñ chāstram ekadeśaṃ vā strī gṛhṇīyāt.
Sanskrit only: no published translation is held for this verse.
अभ्यास-प्रयोज्यांश् च चातुःषष्टिकान् योगान् कन्या रहस्य् एकाकिन्य् अभ्यसेत्।
abhyāsa-prayojyāṃś ca cātuḥṣaṣṭikān yogān kanyā rahasy ekākiny abhyaset.
Sanskrit only: no published translation is held for this verse.
आचार्यास् तु कन्यानां प्रवृत्त-पुरुष-संप्रयोगा सह:संप्रवृद्धा धात्रेयिका। तथा:भूता वा निर्:अत्यय-संभाषणा सखी। सवयाश् च मातृ-श्वसा। विस्रब्धा तत्-स्थानीया वृद्ध-दासी। पूर्व-संसृष्टा वा भिक्षुकी। स्वसा च विश्वास-प्रयोगात्।
ācāryās tu kanyānāṃ pravṛtta-puruṣa-saṃprayogā saha:saṃpravṛddhā dhātreyikā. tathā:bhūtā vā nir:atyaya-saṃbhāṣaṇā sakhī. savayāś ca mātṛ-śvasā. visrabdhā tat-sthānīyā vṛddha-dāsī. pūrva-saṃsṛṣṭā vā bhikṣukī. svasā ca viśvāsa-prayogāt.
Sanskrit only: no published translation is held for this verse.
गीतम् (१), वाद्यम् (२), नृत्यम् (३), आलेख्यम् (४), विशेषकच्छेद्यम् (५), तण्डुल-कुसुम-वलि विकाराः (६), पुष्पास्तरणम् (७), दशन-वसनागरागः (८), मणि-भूमिका-कर्म (९), शयन-रचनम् (१०), उदक-वाद्यम् (११), उदकाघातः (), चित्राश् च योगाः (१३), माल्य-ग्रथन विकल्पाः (१४), शेखरकापीड-योजनम् (१५), नेपथ्य-प्रयोगाः (१६), कर्ण-पत्त्र भङ्गाः (१७), गन्ध-युक्तिः (१८), भूषण-योजनम् (१९), ऐन्द्रजालाः (२०), कौचुमाराश् च (२१), हस्त-लाघवम् (२२), विचित्र-शाक-यूष-भक्ष्य-विकार-क्रिया (२३),।पानकरसरागासव-योजनम् (२४), सूचीवान-कर्माणि (२५), सूत्रक्रीडा (२६), वीणा-डमरुक-वाद्यानि (२७), प्रहेलिका (२८), प्रतिमाला (२९), दुर्वाचक-योगाः (३०), पुस्तक-वाचनम् (३१), नाटकाख्यायिका-दर्शनम् (३२), काव्य-समस्यापूरणम् (३३), पट्टिकावान-वेत्र-विकल्पाः (३४),तक्ष-कर्माणि (३५), तक्षणम् (३६), वास्तु-विद्या (३७), रूप्य-परीक्षा (३८), धातु-वादः (३९), मणि-रागाकर-ज्ञानम् (४०), वृक्षायुर्वेद-योगाः (४१), मेष-कुक्कुट-लावक-युद्ध-विधिः (४२), शुक-सारिका-प्रलापनम् (४३), उत्सादने संवाहने केशमर्दने च कौशलम् (४४),अक्षर-मुष्तिकाकथनम्
gītam (1), vādyam (2), nṛtyam (3), ālekhyam (4), viśeṣakacchedyam (5), taṇḍula-kusuma-vali vikārāḥ (6), puṣpāstaraṇam (7), daśana-vasanāgarāgaḥ (8), maṇi-bhūmikā-karma (9), śayana-racanam (10), udaka-vādyam (11), udakāghātaḥ (), citrāś ca yogāḥ (13), mālya-grathana vikalpāḥ (14), śekharakāpīḍa-yojanam (15), nepathya-prayogāḥ (16), karṇa-pattra bhaṅgāḥ (17), gandha-yuktiḥ (18), bhūṣaṇa-yojanam (19), aindrajālāḥ (20), kaucumārāś ca (21), hasta-lāghavam (22), vicitra-śāka-yūṣa-bhakṣya-vikāra-kriyā (23),.pānakarasarāgāsava-yojanam (24), sūcīvāna-karmāṇi (25), sūtrakrīḍā (26), vīṇā-ḍamaruka-vādyāni (27), prahelikā (28), pratimālā (29), durvācaka-yogāḥ (30), pustaka-vācanam (31), nāṭakākhyāyikā-darśanam (32), kāvya-samasyāpūraṇam (33), paṭṭikāvāna-vetra-vikalpāḥ (34),takṣa-karmāṇi (35), takṣaṇam (36), vāstu-vidyā (37), rūpya-parīkṣā (38), dhātu-vādaḥ (39), maṇi-rāgākara-jñānam (40), vṛkṣāyurveda-yogāḥ (41), meṣa-kukkuṭa-lāvaka-yuddha-vidhiḥ (42), śuka-sārikā-pralāpanam (43), utsādane saṃvāhane keśamardane ca kauśalam (44),akṣara-muṣtikākathanam
Sanskrit only: no published translation is held for this verse.
पाञ्चालिकी च चतुःषष्टिर् अपरा। तस्याः प्रयोगान् अन्ववेत्य सांप्रयोगिके वक्ष्यामः। कामस्य तद्-आत्मकत्वात्।
pāñcālikī ca catuḥṣaṣṭir aparā. tasyāḥ prayogān anvavetya sāṃprayogike vakṣyāmaḥ. kāmasya tad-ātmakatvāt.
Sanskrit only: no published translation is held for this verse.