प्राचुर्येण कन्याया विविक्त-दर्शनस्यालाभे धात्रेयिकां प्रिय-हिताभ्याम् उपगृह्योपसर्पेत्।
prācuryeṇa kanyāyā vivikta-darśanasyālābhe dhātreyikāṃ priya-hitābhyām upagṛhyopasarpet.
Sanskrit only: no published translation is held for this verse.
सा चैनाम् अ:विदिता नाम नायकस्य भूत्वा तद्-गुणैर् अनुरञ्जयेत्। तस्याश् च रुच्यान् नायक-गुणान् भूयिष्ठम् उपवर्णयेत्।
sā cainām a:viditā nāma nāyakasya bhūtvā tad-guṇair anurañjayet. tasyāś ca rucyān nāyaka-guṇān bhūyiṣṭham upavarṇayet.
Sanskrit only: no published translation is held for this verse.
अन्येषां वरयितॄणां दोषान् अभिप्राय-विरुद्धान् प्रतिपादयेत्॥३।५।४ मातापित्रोश् च गुणान्:अभिज्ञतां लुब्धतां च चपलतां च बान्धवानाम्।
anyeṣāṃ varayitṝṇāṃ doṣān abhiprāya-viruddhān pratipādayet..3.5.4 mātāpitroś ca guṇān:abhijñatāṃ lubdhatāṃ ca capalatāṃ ca bāndhavānām.
Sanskrit only: no published translation is held for this verse.
याश् चान्या अपि समान-जातीयाः कन्याः शकुन्तलाद्याः स्व-बुद्ध्या भर्तारं प्राप्य संप्रयुक्ता मोदन्ते स्म ताश् चास्या निदर्शयेत्।
yāś cānyā api samāna-jātīyāḥ kanyāḥ śakuntalādyāḥ sva-buddhyā bhartāraṃ prāpya saṃprayuktā modante sma tāś cāsyā nidarśayet.
Sanskrit only: no published translation is held for this verse.
महा-कुलेषु सापत्नकैर् बाध्यमाना विद्विष्टाः दुःखिताः परित्यक्ताश् च दृश्यन्ते।
mahā-kuleṣu sāpatnakair bādhyamānā vidviṣṭāḥ duḥkhitāḥ parityaktāś ca dṛśyante.
Sanskrit only: no published translation is held for this verse.
आयतिं चास्य वर्णयेत्।
āyatiṃ cāsya varṇayet.
Sanskrit only: no published translation is held for this verse.
सुखम् अन्:उपहतम् एक-चारितायां नायकानुरागं च वर्णयेत्।
sukham an:upahatam eka-cāritāyāṃ nāyakānurāgaṃ ca varṇayet.
Sanskrit only: no published translation is held for this verse.
स:मनोरथायाश् चास्या अपायं साध्वसं व्रीडां च हेतुभिर् अवच्छिन्द्यात्।
sa:manorathāyāś cāsyā apāyaṃ sādhvasaṃ vrīḍāṃ ca hetubhir avacchindyāt.
Sanskrit only: no published translation is held for this verse.
दूती-कल्पं च सकलम् आचरेत् ।
dūtī-kalpaṃ ca sakalam ācaret .
Sanskrit only: no published translation is held for this verse.
त्वाम् अ:जानतीम् इव नायको बलाद् ग्रहीष्यतीति तथा सु:परिगृहीतं स्याद् इति योजयेत्।
tvām a:jānatīm iva nāyako balād grahīṣyatīti tathā su:parigṛhītaṃ syād iti yojayet.
Sanskrit only: no published translation is held for this verse.
प्रतिपन्नाम् अभिप्रेतावकाश-वर्तिनीं नायकः श्रोत्रियागाराद् अग्निम् आनय्य कुशान् आस्तीर्य यथा-स्मृति हुत्वा च त्रिः परिक्रमेत्।
pratipannām abhipretāvakāśa-vartinīṃ nāyakaḥ śrotriyāgārād agnim ānayya kuśān āstīrya yathā-smṛti hutvā ca triḥ parikramet.
Sanskrit only: no published translation is held for this verse.
ततो मातरि पितरि च प्रकाशयेत्।
tato mātari pitari ca prakāśayet.
Sanskrit only: no published translation is held for this verse.
अग्नि-साक्षिका हि विवाहा न निवर्तन्त इत्य् आचार्य-समयः।
agni-sākṣikā hi vivāhā na nivartanta ity ācārya-samayaḥ.
Sanskrit only: no published translation is held for this verse.
दूषयित्वा चैनां शनैः स्व-जने प्रकाशयेत्।
dūṣayitvā caināṃ śanaiḥ sva-jane prakāśayet.
Sanskrit only: no published translation is held for this verse.
तद्-बान्धवाश् च यथा कुलस्याघं परिहरन्तो दण्ड-भयाच् च तस्मा एवैनां दद्युस् तथा योजयेत्।
tad-bāndhavāś ca yathā kulasyāghaṃ pariharanto daṇḍa-bhayāc ca tasmā evaināṃ dadyus tathā yojayet.
Sanskrit only: no published translation is held for this verse.
अन्:अन्तरं च प्रीत्य्-उपग्रहेण रागेण तद्-बान्धवान् प्रीणयेद् इति।
an:antaraṃ ca prīty-upagraheṇa rāgeṇa tad-bāndhavān prīṇayed iti.
Sanskrit only: no published translation is held for this verse.
गान्धर्वेण विवाहेन वा चेष्टेत।
gāndharveṇa vivāhena vā ceṣṭeta.
Sanskrit only: no published translation is held for this verse.
अ:प्रतिपद्यमानायाम् अन्तश्-चारिणीम् अन्यां कुल-प्रमदां पूर्व संसृष्टां प्रीयमाणां चोपगृह्य तया सह विषह्यम् अवकाशम् एनाम् अन्य-कार्यापदेशेनानाययेत्।
a:pratipadyamānāyām antaś-cāriṇīm anyāṃ kula-pramadāṃ pūrva saṃsṛṣṭāṃ prīyamāṇāṃ copagṛhya tayā saha viṣahyam avakāśam enām anya-kāryāpadeśenānāyayet.
Sanskrit only: no published translation is held for this verse.
ततः श्रोत्रियागाराद् अग्निम् इति समानं पूर्वेण ।
tataḥ śrotriyāgārād agnim iti samānaṃ pūrveṇa .
Sanskrit only: no published translation is held for this verse.
आसन्ने च विवाहे मातरम् अस्यास् तद्-अभिमत-दोषैर् अनुशयं ग्राहयेत्।
āsanne ca vivāhe mātaram asyās tad-abhimata-doṣair anuśayaṃ grāhayet.
Sanskrit only: no published translation is held for this verse.
ततस् तद्-अनुमतेन प्रातिवेश्या-भावने निशि नायकम् आनाय्य श्रोत्रियागाराद् अग्निम् इति सम्ँआनं पूर्वेण।
tatas tad-anumatena prātiveśyā-bhāvane niśi nāyakam ānāyya śrotriyāgārād agnim iti sam~ānaṃ pūrveṇa.
Sanskrit only: no published translation is held for this verse.
भ्रातरम् अस्या वा समान-वयसं वेश्यासु पर-स्त्रीषु वा प्रसक्तम् अ:सुकरेण साहाय्य-दानेन प्रियोपग्रहश् च सु:दीर्घ-कालम् अनुरञ्जयेत्। अन्ते च स्वाभिप्रायं ग्राहयेत्।
bhrātaram asyā vā samāna-vayasaṃ veśyāsu para-strīṣu vā prasaktam a:sukareṇa sāhāyya-dānena priyopagrahaś ca su:dīrgha-kālam anurañjayet. ante ca svābhiprāyaṃ grāhayet.
Sanskrit only: no published translation is held for this verse.
प्रायेण हि युवानः समान-शील-व्यसन-वयसां वयस्यानाम् अर्थे जीवितम् अपि त्यजन्ति। ततस् तेनैवान्य-कार्यात् ताम् आनाययेत्। विषह्यं सावकाशम् इति समानं पूर्वेण।
prāyeṇa hi yuvānaḥ samāna-śīla-vyasana-vayasāṃ vayasyānām arthe jīvitam api tyajanti. tatas tenaivānya-kāryāt tām ānāyayet. viṣahyaṃ sāvakāśam iti samānaṃ pūrveṇa.
Sanskrit only: no published translation is held for this verse.
अष्टमी-चन्द्रिकादिषु च धात्रेयिका मदनीयम् एनां पाययित्वा किं चिद् आत्मनः कार्यम् उद्दिश्य नायकस्य विषह्यं देशम् आनयेत्। तत्रैनां मदात् संज्ञाम् अ:प्रतिपद्यमानां दूषयित्वेति समानं पूर्वेण।
aṣṭamī-candrikādiṣu ca dhātreyikā madanīyam enāṃ pāyayitvā kiṃ cid ātmanaḥ kāryam uddiśya nāyakasya viṣahyaṃ deśam ānayet. tatraināṃ madāt saṃjñām a:pratipadyamānāṃ dūṣayitveti samānaṃ pūrveṇa.
Sanskrit only: no published translation is held for this verse.
सुप्तां चैकचारिणीं धात्रेयिकां वारयित्वा संज्ञाम् अ:प्रतिपद्यमानां दूषयित्वेति समानं पूर्वेण ।
suptāṃ caikacāriṇīṃ dhātreyikāṃ vārayitvā saṃjñām a:pratipadyamānāṃ dūṣayitveti samānaṃ pūrveṇa .
Sanskrit only: no published translation is held for this verse.
ग्रामान्तरम् उद्यानं वा गच्छन्तीं विदित्वा सु:संभृत-सहायो नायकस् तदा रक्षिणो वित्रास्य हत्वा वा कन्याम् अपहरेत् ।
grāmāntaram udyānaṃ vā gacchantīṃ viditvā su:saṃbhṛta-sahāyo nāyakas tadā rakṣiṇo vitrāsya hatvā vā kanyām apaharet .
Sanskrit only: no published translation is held for this verse.