Kesava: Kausikapaddhati 13.25

अथ मक्षिकाशान्तिरुच्यते- [अथ यत्रैतन्नीलमक्षा अनाचाररूपा दृश्यन्ते तत्र जुहुयात्

atha makṣikāśāntirucyate- [atha yatraitannīlamakṣā anācārarūpā dṛśyante tatra juhuyāt

Sanskrit only: no published translation is held for this verse.

या मत्यैः सरथं यान्ति घोरा मृत्योर्दूत्यः क्रविशः सं बभूवुः । शिवं चक्षुरुत घोषः शिवानां शं नो अस्तु द्विपदे शं चतुष्पदे ॥ शान्तं चक्षुरुत वायसीनां या चासां घोरा मनसो विसृष्टिः । मनसस्पते तन्वा मा पाहि घोरान्मा वि रिक्षि तन्वा मा प्रजया मा पशुभिर्वायवे स्वाहा इति हुत्वा

yā matyaiḥ sarathaṃ yānti ghorā mṛtyordūtyaḥ kraviśaḥ saṃ babhūvuḥ | śivaṃ cakṣuruta ghoṣaḥ śivānāṃ śaṃ no astu dvipade śaṃ catuṣpade || śāntaṃ cakṣuruta vāyasīnāṃ yā cāsāṃ ghorā manaso visṛṣṭiḥ | manasaspate tanvā mā pāhi ghorānmā vi rikṣi tanvā mā prajayā mā paśubhirvāyave svāhā iti hutvā

Sanskrit only: no published translation is held for this verse.

वात आ वातु भेषजम् इत्येतेन सूक्तेन जुहुयात्

vāta ā vātu bheṣajam ityetena sūktena juhuyāt

Sanskrit only: no published translation is held for this verse.

वात आ वातु भेषजं शम्भु मयोभु नो हृदे । प्र ण आयूंषि तार्षत् ॥ उत वात पितासि न उत भ्रातोत नः सखा । स नो जीवातवे कृधि ॥ यददो वात ते गृहे निहितं भेषजं गुहा । तस्य नो धेहि जीवसे इत्येतेन सूक्तेन जुहुयात्

vāta ā vātu bheṣajaṃ śambhu mayobhu no hṛde | pra ṇa āyūṃṣi tārṣat || uta vāta pitāsi na uta bhrātota naḥ sakhā | sa no jīvātave kṛdhi || yadado vāta te gṛhe nihitaṃ bheṣajaṃ guhā | tasya no dhehi jīvase ityetena sūktena juhuyāt

Sanskrit only: no published translation is held for this verse.