Library·Kesava: Kausikapaddhati·13·13.41
अथ लौकिकाग्निः शालां दहति तत्र शान्तिरुच्यते- [अथ यत्रैतद्ग्राम्योऽग्निः शालां दहति अपमित्यमप्रतीत्तम् (६।११७-११९) इत्येतैस्त्रिभिः सूक्तैर्मैश्रधान्यस्य पूर्णाञ्जलिं हुत्वा
atha laukikāgniḥ śālāṃ dahati tatra śāntirucyate- [atha yatraitadgrāmyo'gniḥ śālāṃ dahati apamityamapratīttam (6.117-119) ityetaistribhiḥ sūktairmaiśradhānyasya pūrṇāñjaliṃ hutvā
Sanskrit only: no published translation is held for this verse.
ममोभा मित्रावरुणा, मह्यमापो मधुमदरयन्ताम् (६।६१) इत्येताभ्यां सूक्ताभ्यां जुहुयात्
mamobhā mitrāvaruṇā, mahyamāpo madhumadarayantām (6.61) ityetābhyāṃ sūktābhyāṃ juhuyāt
Sanskrit only: no published translation is held for this verse.
ममोभा मित्रावरुणा ममोभेन्द्राबृहस्पती । मम त्वष्टा च पूषा च ममैव सविता वशे ॥ मम विष्णुश्च सोमश्च ममैव मरुतो भवन् । सरस्वांश्च भगश्च विश्वे देवा वशे मम ॥ ममोभा द्यावापृथिवी अन्तरिक्षं स्वर्मम । ममेमाः सर्वा ओषधीरापः सर्वा वशे मम ॥ मम गावो ममाश्वा ममाजाश्चावयश्च ममैव पुरुषा भवन् । ममेदं सर्वमात्मन्वदेजत् प्राणद्वशे मम इति
mamobhā mitrāvaruṇā mamobhendrābṛhaspatī | mama tvaṣṭā ca pūṣā ca mamaiva savitā vaśe || mama viṣṇuśca somaśca mamaiva maruto bhavan | sarasvāṃśca bhagaśca viśve devā vaśe mama || mamobhā dyāvāpṛthivī antarikṣaṃ svarmama | mamemāḥ sarvā oṣadhīrāpaḥ sarvā vaśe mama || mama gāvo mamāśvā mamājāścāvayaśca mamaiva puruṣā bhavan | mamedaṃ sarvamātmanvadejat prāṇadvaśe mama iti
Sanskrit only: no published translation is held for this verse.
अरणी प्रताप्य स्थण्डिलं परिमृज्य
araṇī pratāpya sthaṇḍilaṃ parimṛjya
Sanskrit only: no published translation is held for this verse.
अथाग्निं जनयेत्
athāgniṃ janayet
Sanskrit only: no published translation is held for this verse.
इत एव प्रथमं जज्ञे अग्निराभ्यो योनिभ्यो अधि जातवेदाः । स गायत्र्या त्रिष्टुभा जगत्यानुष्टुभा देवो देवेभ्यो हव्यं वहतु प्रजानन् इति जनयित्वा
ita eva prathamaṃ jajñe agnirābhyo yonibhyo adhi jātavedāḥ | sa gāyatryā triṣṭubhā jagatyānuṣṭubhā devo devebhyo havyaṃ vahatu prajānan iti janayitvā
Sanskrit only: no published translation is held for this verse.
भवतं नः समनसौ समोकसौ (कौश्स् १०८।२) इत्येतेन सूक्तेन जुहुयात्
bhavataṃ naḥ samanasau samokasau (KauśS 108.2) ityetena sūktena juhuyāt
Sanskrit only: no published translation is held for this verse.