Kesava: Kausikapaddhati 13.5

अथ कुलकलहे अद्भुतशान्तिरुच्यते- [अथ यत्रैतत् कुलं कलहि भवति तन्निरृतिगृहीतमित्याचक्षते

atha kulakalahe adbhutaśāntirucyate- [atha yatraitat kulaṃ kalahi bhavati tannirṛtigṛhītamityācakṣate

Sanskrit only: no published translation is held for this verse.

तत्र जुहुयात्

tatra juhuyāt

Sanskrit only: no published translation is held for this verse.

आरादरातिम् (८।२।१२-१३) इति द्वे

ārādarātim (8.2.12-13) iti dve

Sanskrit only: no published translation is held for this verse.

अयाश्चाग्नेऽस्यनभिशस्तिश्च सत्यमित्त्वमया असि । अयासा मनसा कृतोऽयास्यं हव्यमूहिषे । अया नो धेहि भेषजं स्वाहा इत्यग्नौ हुत्वा

ayāścāgne'syanabhiśastiśca satyamittvamayā asi | ayāsā manasā kṛto'yāsyaṃ havyamūhiṣe | ayā no dhehi bheṣajaṃ svāhā ityagnau hutvā

Sanskrit only: no published translation is held for this verse.

तत्रैवैतान् होमाञ्जुहुयात्

tatraivaitān homāñjuhuyāt

Sanskrit only: no published translation is held for this verse.

आरादग्निं क्रव्यादे निरूहञ्जीवातवे ते परिधिं दधामि । इन्द्राग्नी त्वा ब्राह्मणा वावृधानावायुष्मन्तावुत्तमं त्वा कराथः ॥ इन्द्राग्निभ्यां स्वाहा इति हुत्वा

ārādagniṃ kravyāde nirūhañjīvātave te paridhiṃ dadhāmi | indrāgnī tvā brāhmaṇā vāvṛdhānāvāyuṣmantāvuttamaṃ tvā karāthaḥ || indrāgnibhyāṃ svāhā iti hutvā

Sanskrit only: no published translation is held for this verse.

अपेत एतु निरृतिः इत्येतेन सूक्तेन जुहुयात्

apeta etu nirṛtiḥ ityetena sūktena juhuyāt

Sanskrit only: no published translation is held for this verse.

अपेत एतु निरृतिर्नेहास्या अपि किञ्चन । अपास्याः सत्वनः पाशान् मृत्यूनेकशतं नुदे ॥ ये ते पाशा एकशतं मृत्यो मर्त्याय हन्तवे । तांस्ते यज्ञस्य मायया सर्वा;म् अप यजामसि ॥ निरितो यन्तु नैरृत्या मृत्यव एकशतं परः । सेधामैषां यत्तमः प्राणं ज्योतिश्च दध्महे ॥ ये ते शतं वरुण ये सहस्रं यज्ञियाः पाशा वितता महान्तः । तेभ्यो अस्मान् वरुणः सोम इन्द्रो विश्वे मुञ्चन्तु मरुतः स्वर्काः ॥ ब्रह्म भ्राजदुदगादन्तरिक्षं दिवं च ब्रह्मावाधूष्टामृतेन मृत्युम् । ब्रह्मोपद्रष्टा सुकृतस्य साक्षाद् ब्रह्मास्मदप हन्तु शमलं तमश्च

apeta etu nirṛtirnehāsyā api kiñcana | apāsyāḥ satvanaḥ pāśān mṛtyūnekaśataṃ nude || ye te pāśā ekaśataṃ mṛtyo martyāya hantave | tāṃste yajñasya māyayā sarvā;m apa yajāmasi || nirito yantu nairṛtyā mṛtyava ekaśataṃ paraḥ | sedhāmaiṣāṃ yattamaḥ prāṇaṃ jyotiśca dadhmahe || ye te śataṃ varuṇa ye sahasraṃ yajñiyāḥ pāśā vitatā mahāntaḥ | tebhyo asmān varuṇaḥ soma indro viśve muñcantu marutaḥ svarkāḥ || brahma bhrājadudagādantarikṣaṃ divaṃ ca brahmāvādhūṣṭāmṛtena mṛtyum | brahmopadraṣṭā sukṛtasya sākṣād brahmāsmadapa hantu śamalaṃ tamaśca

Sanskrit only: no published translation is held for this verse.