Kesava: Kausikapaddhati 9.5

समतीते सन्धिवर्णेऽथ हावयेत् सुसमिद्धे पावक आहुतीषहिः

samatīte sandhivarṇe'tha hāvayet susamiddhe pāvaka āhutīṣahiḥ

Sanskrit only: no published translation is held for this verse.

अग्नये च प्रजापतये च रात्रावादित्यश्च दिवा प्रजापतिश्च। उदकं च समिधश्च होमेहोमे पुरो वरम्

agnaye ca prajāpataye ca rātrāvādityaśca divā prajāpatiśca. udakaṃ ca samidhaśca homehome puro varam

Sanskrit only: no published translation is held for this verse.

होम्यैः समिद्भिः पयसा स्थालीपाकेन सर्पिषा। सायम्प्रातर्होम एतेषामेकेनापि सिध्यति

homyaiḥ samidbhiḥ payasā sthālīpākena sarpiṣā. sāyamprātarhoma eteṣāmekenāpi sidhyati

Sanskrit only: no published translation is held for this verse.

भूयो दत्त्वा स्वयमल्पं च भुक्त्वापराह्णे व्रतमुपैति याज्ञिकम्

bhūyo dattvā svayamalpaṃ ca bhuktvāparāhṇe vratamupaiti yājñikam

Sanskrit only: no published translation is held for this verse.

अनशनं ब्रह्मचर्यं च भूमौ शुचिरग्निमुपशेते सुगन्धिः

anaśanaṃ brahmacaryaṃ ca bhūmau śuciragnimupaśete sugandhiḥ

Sanskrit only: no published translation is held for this verse.

अग्नीषोमाभ्यां दर्शन इन्द्राग्निभ्यामदर्शने। आग्नेयं तु पूर्वं नित्यमन्वाहार्यं प्रजापतेः

agnīṣomābhyāṃ darśana indrāgnibhyāmadarśane. āgneyaṃ tu pūrvaṃ nityamanvāhāryaṃ prajāpateḥ

Sanskrit only: no published translation is held for this verse.

अर्घाहुतिस्तु सौविष्टकृती सर्वेषां हविषां स्मृता। आनुमती वा भवति स्थालीपाकेष्वथर्वणाम्

arghāhutistu sauviṣṭakṛtī sarveṣāṃ haviṣāṃ smṛtā. ānumatī vā bhavati sthālīpākeṣvatharvaṇām

Sanskrit only: no published translation is held for this verse.

उभौ च सन्धिजौ यौ वैश्वदेवौ यथऋत्विजौ। वर्जयित्वा सबर्हिषः साज्या यज्ञाः सदक्षिणाः

ubhau ca sandhijau yau vaiśvadevau yathaṛtvijau. varjayitvā sabarhiṣaḥ sājyā yajñāḥ sadakṣiṇāḥ

Sanskrit only: no published translation is held for this verse.

यथाशक्ति यथाबलं ॥ हुतादोऽन्ये अहुतादोऽन्ये। वैश्वदेवं हविरुभये सञ्चरन्ति

yathāśakti yathābalaṃ || hutādo'nye ahutādo'nye. vaiśvadevaṃ havirubhaye sañcaranti

Sanskrit only: no published translation is held for this verse.

ते सम्यञ्च इह मादयन्तामिषमूर्जं यजमाना यमिछत। विश्वे देवा इदं हविरादित्यासः सपर्यत। अस्मिन् यज्ञे मा व्यथिष्यमृताय हविष्कृतम्

te samyañca iha mādayantāmiṣamūrjaṃ yajamānā yamichata. viśve devā idaṃ havirādityāsaḥ saparyata. asmin yajñe mā vyathiṣyamṛtāya haviṣkṛtam

Sanskrit only: no published translation is held for this verse.

वैश्वदेवस्य हविषः सायम्प्रातर्जुहोति। सायमाशप्रातराशौ यज्ञावेतौ स्मृतावुभौ

vaiśvadevasya haviṣaḥ sāyamprātarjuhoti. sāyamāśaprātarāśau yajñāvetau smṛtāvubhau

Sanskrit only: no published translation is held for this verse.

अप्रतिभुक्तौ शुचिकार्यौ च नित्यं वैश्वदेवौ जानता यज्ञश्रेष्ठौ। नाश्रोत्रियो नानवनिक्तपाणिर्नामन्त्रविज्जुहुयान्नाविपश्चित्

apratibhuktau śucikāryau ca nityaṃ vaiśvadevau jānatā yajñaśreṣṭhau. nāśrotriyo nānavaniktapāṇirnāmantravijjuhuyānnāvipaścit

Sanskrit only: no published translation is held for this verse.

बीभत्सवः शुचिकामा हि देवा नाश्रद्दधानस्य हविर्जुषन्ते। ब्राह्मणेन ब्रह्मविदा तु हावयेन्न स्त्रीहुतं शूद्रहुतं च देवगम्

bībhatsavaḥ śucikāmā hi devā nāśraddadhānasya havirjuṣante. brāhmaṇena brahmavidā tu hāvayenna strīhutaṃ śūdrahutaṃ ca devagam

Sanskrit only: no published translation is held for this verse.