पादान्तलघोर्गुरुत्वं प्रयोक्तव्यम् । न सर्वत्र , न सर्वस्मिन् वृत्त इति । यथा ---- यासां बलिर्भवति मद्गृहदेहलीनां हंसैश्च सारसगणैश्च विलुप्तपूर्वः । तास्वेव पूर्वबलिरूढयवाङ्कुरासु बीजाञ्जलिः पतति कीटमुखावलीढः ॥ एवंप्रायेष्वेव वृत्तेष्विति । न पुनः ---- वरूथिनीनां रजसि प्रसर्पति समस्तमासीद्विनिमीलितं जगत् । इत्यादिषु । चकारोऽर्धान्तवर्जमित्यस्यानुकर्पणार्थः
pādāntalaghorgurutvaṃ prayoktavyam / na sarvatra , na sarvasmin vṛtta iti / yathā ---- yāsāṃ balirbhavati madgṛhadehalīnāṃ haṃsaiśca sārasagaṇaiśca viluptapūrvaḥ / tāsveva pūrvabalirūḍhayavāṅkurāsu bījāñjaliḥ patati kīṭamukhāvalīḍhaḥ // evaṃprāyeṣveva vṛtteṣviti / na punaḥ ---- varūthinīnāṃ rajasi prasarpati samastamāsīdvinimīlitaṃ jagat / ityādiṣu / cakāro'rdhāntavarjamityasyānukarpaṇārthaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.