तृतीय-पटलः इदानीं मन्त्र-द्वय-साधारणं देवता-ध्यानम् आह- अथ प्रकट-सौरभोद्गलित-माध्वीकोत्फुल्लसत्- प्रसून-नव-पल्लव-प्रकर-नम्र-शाखैर् द्रुमैः । प्रफुल्ल-नव-मञ्जरी-ललित-वल्लरी-वेष्टितैः स्मरेच् छिशिरितं शिवं सित-मतिस् तु वृन्दावनम्
tṛtīya-paṭalaḥ idānīṃ mantra-dvaya-sādhāraṇaṃ devatā-dhyānam āha- atha prakaṭa-saurabhodgalita-mādhvīkotphullasat- prasūna-nava-pallava-prakara-namra-śākhair drumaiḥ | praphulla-nava-mañjarī-lalita-vallarī-veṣṭitaiḥ smarec chiśiritaṃ śivaṃ sita-matis tu vṛndāvanam
Sanskrit only: no published translation is held for this verse.
सनातनः: इतः-प्रभृति ये ३६-श्लोकाः प्राप्यन्ते ते श्री-हरि-भक्ति-विलासे उद्दृताः श्री-सनातन-गोस्वामि-प्रभुपादानां व्याख्याताश् च । तेषां व्याख्यायास् तु अत्रत्याया नातिविसादृश्यत्वात् सात्र नोद्ध्रियते । तत्रैव ते द्रष्टव्याः । पुनः कीदृशम् ? विकाशि-सुमनो-रसास्वादन-मञ्जुलैः सञ्चरच्- छिलीमुखोद्गतैर् मुखरितान्तरं झङ्कृतैः । कपोत-शुक-शारिकापर-भृतादिभिः पत्रिभिर् विराणितम् इतस् ततो भुजग-शत्रु-नृत्याकुलम्
sanātanaḥ: itaḥ-prabhṛti ye 36-ślokāḥ prāpyante te śrī-hari-bhakti-vilāse uddṛtāḥ śrī-sanātana-gosvāmi-prabhupādānāṃ vyākhyātāś ca | teṣāṃ vyākhyāyās tu atratyāyā nātivisādṛśyatvāt sātra noddhriyate | tatraiva te draṣṭavyāḥ | punaḥ kīdṛśam ? vikāśi-sumano-rasāsvādana-mañjulaiḥ sañcarac- chilīmukhodgatair mukharitāntaraṃ jhaṅkṛtaiḥ | kapota-śuka-śārikāpara-bhṛtādibhiḥ patribhir virāṇitam itas tato bhujaga-śatru-nṛtyākulam
Sanskrit only: no published translation is held for this verse.
वृन्दावनं झङ्कृतैः शब्द-विशेषैर् मुखरितान्तरं शब्दायमानाभ्यन्तरम् । कीदृशैः ? झङ्कृतैः विकाशिन्याः प्रफुल्लायाः सुमनसः पुष्पस्य यो रसः मधु तस्य यद्-आस्वादनम् अवलेहनं तेन मञ्जुलैर् मनोहरैः । पुनः कीदृशैः ? सञ्चरेति सञ्चरन्तो भ्रमन्तो ये शिलीमुखोद्गतैर् भ्रमरास् तेषां मुखेभ्य उद्गतैः समुत्थितैः । पुनः कीदृशम् ? वृन्दावनं कपोतेति पारावत-शुक-शारिका-कोकिल-प्रभृतिभिः पक्षिभिर् इतस् ततो विराणितं शब्दायितम् । पुनः कीदृशम् ? भुजग-शत्रुर् मयूरस् तस्य नृत्येनाकुलं व्याप्तम् ॥२॥ पुनः कीदृशम् ? कलिन्द-दुहितुश् चलल्-लहरि-विप्रुषां वाहिभिर् विनिद्र-सरसी-रुहोदर-रजश् चयोद्धूसरैः । प्रदीपित-मनोभव-व्रज-विलासिनी-वाससां विलोलन-परैर् निषेवितम् अनारतं मारुतैः
vṛndāvanaṃ jhaṅkṛtaiḥ śabda-viśeṣair mukharitāntaraṃ śabdāyamānābhyantaram | kīdṛśaiḥ ? jhaṅkṛtaiḥ vikāśinyāḥ praphullāyāḥ sumanasaḥ puṣpasya yo rasaḥ madhu tasya yad-āsvādanam avalehanaṃ tena mañjulair manoharaiḥ | punaḥ kīdṛśaiḥ ? sañcareti sañcaranto bhramanto ye śilīmukhodgatair bhramarās teṣāṃ mukhebhya udgataiḥ samutthitaiḥ | punaḥ kīdṛśam ? vṛndāvanaṃ kapoteti pārāvata-śuka-śārikā-kokila-prabhṛtibhiḥ pakṣibhir itas tato virāṇitaṃ śabdāyitam | punaḥ kīdṛśam ? bhujaga-śatrur mayūras tasya nṛtyenākulaṃ vyāptam ||2|| punaḥ kīdṛśam ? kalinda-duhituś calal-lahari-vipruṣāṃ vāhibhir vinidra-sarasī-ruhodara-rajaś cayoddhūsaraiḥ | pradīpita-manobhava-vraja-vilāsinī-vāsasāṃ vilolana-parair niṣevitam anārataṃ mārutaiḥ
Sanskrit only: no published translation is held for this verse.
पुनः कीदृशम् ? प्रवाल-नव-पल्लवं मरकत-च्छदं वज्र-मौ- क्तिक-प्रकर-कोरकं कमल-राग-नाना-फलम् । स्थविष्ठम् अखिल-र्तुभिः सतत-सेवितं कामदं तद्-अन्तरम् अपि कल्पकाङ्घ्रिपम् उदञ्चितं चिन्तयेत्
punaḥ kīdṛśam ? pravāla-nava-pallavaṃ marakata-cchadaṃ vajra-mau- ktika-prakara-korakaṃ kamala-rāga-nānā-phalam | sthaviṣṭham akhila-rtubhiḥ satata-sevitaṃ kāmadaṃ tad-antaram api kalpakāṅghripam udañcitaṃ cintayet
Sanskrit only: no published translation is held for this verse.
सुहेम-शिखरावलेर् उदित-भानुवद्-भास्वराम् अधो ऽस्य कनक-स्थलीम् अमृत-शीकरासारिणः । प्रदीप्त-मणि-कुट्टिमां कुसुम-रेणु-पुञ्जोज्ज्वलां स्मरेत् पुनर् अतन्द्रितो विगत-षट्तनङ्गां बुधः
suhema-śikharāvaler udita-bhānuvad-bhāsvarām adho 'sya kanaka-sthalīm amṛta-śīkarāsāriṇaḥ | pradīpta-maṇi-kuṭṭimāṃ kusuma-reṇu-puñjojjvalāṃ smaret punar atandrito vigata-ṣaṭtanaṅgāṃ budhaḥ
Sanskrit only: no published translation is held for this verse.
तद्-रत्न-कुट्टिम-निविष्ट-महिष्ठ-योग- पीठे ऽष्ट-पत्रम् अरुणं कमलं विचिन्त्य । उद्यद्-विरोचन-सरोचिर् अमुष्य मध्ये सञ्चिन्तयेत् सुख-निविष्ठम् अथो मुकुन्दम्
tad-ratna-kuṭṭima-niviṣṭa-mahiṣṭha-yoga- pīṭhe 'ṣṭa-patram aruṇaṃ kamalaṃ vicintya | udyad-virocana-sarocir amuṣya madhye sañcintayet sukha-niviṣṭham atho mukundam
Sanskrit only: no published translation is held for this verse.
पुनः कीदृशम् ? सूत्राम-रत्न-दलिताञ्जन-मेघ-पुञ्ज- प्रत्यग्र-नील-जलजन्म-समान-भासम् । सुस्निग्ध-नील-घन-कुञ्चित-केश-जालं राजन्-मनोज्ञ-शिति-कण्ठ-शिखण्ड-चूडम्
punaḥ kīdṛśam ? sūtrāma-ratna-dalitāñjana-megha-puñja- pratyagra-nīla-jalajanma-samāna-bhāsam | susnigdha-nīla-ghana-kuñcita-keśa-jālaṃ rājan-manojña-śiti-kaṇṭha-śikhaṇḍa-cūḍam
Sanskrit only: no published translation is held for this verse.
पुनः कीदृशम् ? रोलम्बलालित-सुर-द्रुम-सूनु-कल्पि- तोत्तंसम् उत्कच-नवोत्पल-कर्ण-पूरम् । लोलालक-स्फुरित-भाल-तल-प्रदीप्त- गोरोचना-तिलकम् उच्चल-चिल्लि-मालम्
punaḥ kīdṛśam ? rolambalālita-sura-druma-sūnu-kalpi- tottaṃsam utkaca-navotpala-karṇa-pūram | lolālaka-sphurita-bhāla-tala-pradīpta- gorocanā-tilakam uccala-cilli-mālam
Sanskrit only: no published translation is held for this verse.
पुनः कीदृशम् ? आपूर्ण-शारद-गताङ्क-शशाङ्क-बिम्ब- कान्ताननं कमल-पत्र-विशाल-नेत्रम् । रत्न-स्फुरन्-मकर-कुण्डल-रश्मि-दीप्त- गण्ड-स्थली-मुकुरम् उन्नत-चारु-नासम्
punaḥ kīdṛśam ? āpūrṇa-śārada-gatāṅka-śaśāṅka-bimba- kāntānanaṃ kamala-patra-viśāla-netram | ratna-sphuran-makara-kuṇḍala-raśmi-dīpta- gaṇḍa-sthalī-mukuram unnata-cāru-nāsam
Sanskrit only: no published translation is held for this verse.
पुनः कीदृशम् ? सिन्दूर-सुन्दरतराधरम् इन्दु-कुन्द- मन्दार-मन्द-हसित-द्युति-दीपिताङ्गम् । वन्य-प्रवाल-कुसुम-प्रचयावक्प्त- ग्रैवेयकोज्ज्वल-मनोहर-कम्बु-कण्ठम्
punaḥ kīdṛśam ? sindūra-sundaratarādharam indu-kunda- mandāra-manda-hasita-dyuti-dīpitāṅgam | vanya-pravāla-kusuma-pracayāvakpta- graiveyakojjvala-manohara-kambu-kaṇṭham
Sanskrit only: no published translation is held for this verse.
पुनः कीदृशम् ? मत्त-भ्रमर-जुष्ट-विलम्बमान- सन्तान-कप्र-सव-दाम-परिष्कृतांसम् । हारावली-भगण-राजित-पीवरोरो- व्योम-स्थली-लसित-कौस्तुभ-भानुमन्तम्
punaḥ kīdṛśam ? matta-bhramara-juṣṭa-vilambamāna- santāna-kapra-sava-dāma-pariṣkṛtāṃsam | hārāvalī-bhagaṇa-rājita-pīvaroro- vyoma-sthalī-lasita-kaustubha-bhānumantam
Sanskrit only: no published translation is held for this verse.
पुनः कीदृशम् ? श्रीवत्स-लक्षण-सुलक्षितम् उन्नतांसम् आजानु-पीन-परिवृत्त-सुजात-बाहुम् । आबन्धुरोदरम् उदार-गम्भीर-नाभिं भृङ्गाङ्गना-निकर-मञ्जुल-रोम-राजिम्
punaḥ kīdṛśam ? śrīvatsa-lakṣaṇa-sulakṣitam unnatāṃsam ājānu-pīna-parivṛtta-sujāta-bāhum | ābandhurodaram udāra-gambhīra-nābhiṃ bhṛṅgāṅganā-nikara-mañjula-roma-rājim
Sanskrit only: no published translation is held for this verse.
पुनः कीदृशम् ? नाना-मणि-प्रघटिताङ्गद-कङ्कणोर्मि- ग्रैवेय-सार-सन-नूपुर-तुन्द-बन्धम् । द्व्याङ्ग-राग-परिपञ्जरिताङ्ग-यष्टिम् आपीत-वस्त्र-परिवीत-नितम्ब-बिम्बम्
punaḥ kīdṛśam ? nānā-maṇi-praghaṭitāṅgada-kaṅkaṇormi- graiveya-sāra-sana-nūpura-tunda-bandham | dvyāṅga-rāga-paripañjaritāṅga-yaṣṭim āpīta-vastra-parivīta-nitamba-bimbam
Sanskrit only: no published translation is held for this verse.
पुनः कीदृशम् ? चारूरु-जानुम् अनुवृत्त-मनोज्ञ-जङ्घ- कान्तोन्नत-प्रपद-निन्दित-कूर्म-कान्तिम् । माणिक्य-दर्पण-लसन्-नखराजि-राजद्- रक्ताङ्गुलि-च्छदन्-सुन्दर-पाद-पद्मम्
punaḥ kīdṛśam ? cārūru-jānum anuvṛtta-manojña-jaṅgha- kāntonnata-prapada-nindita-kūrma-kāntim | māṇikya-darpaṇa-lasan-nakharāji-rājad- raktāṅguli-cchadan-sundara-pāda-padmam
Sanskrit only: no published translation is held for this verse.
पुनः कीदृशम् ? मत्स्याङ्कुशार-दर-केतु-यवाब्ज-वज्र- संलक्षितारुण-कराङ्घ्रि-तलाभिरामम् । लावण्य-सार-समुदाय-विनिर्मिताङ्ग- सौन्दर्य-निर्जित-मनोभव-देह-कान्तिम्
punaḥ kīdṛśam ? matsyāṅkuśāra-dara-ketu-yavābja-vajra- saṃlakṣitāruṇa-karāṅghri-talābhirāmam | lāvaṇya-sāra-samudāya-vinirmitāṅga- saundarya-nirjita-manobhava-deha-kāntim
Sanskrit only: no published translation is held for this verse.
पुनः कीदृशम् ? आस्यारविन्द-परिपूरित-वेणु-रन्ध्र- लोलत्-कराङ्गुलि-समीरित-दिव्य-रागैः । शश्वद्-द्रवी-कृत-विकृष्ट-समस्त-जन्तु- सन्तान-सन्ततिम् अनन्त-सुखाम्बु-राशिम्
punaḥ kīdṛśam ? āsyāravinda-paripūrita-veṇu-randhra- lolat-karāṅguli-samīrita-divya-rāgaiḥ | śaśvad-dravī-kṛta-vikṛṣṭa-samasta-jantu- santāna-santatim ananta-sukhāmbu-rāśim
Sanskrit only: no published translation is held for this verse.
पुनः कीदृशम् ? गोभिर् मुखाम्बुज-विलीन-विलोचनाभि- रूधोभर-स्खलित-मन्थर-मन्दगाभिः । दन्ताग्र-दष्ट-परिशिष्ट-तृणाङ्कुराभिर् आलम्बि-वालधि-लताभिर् अथाभिवीतम्
punaḥ kīdṛśam ? gobhir mukhāmbuja-vilīna-vilocanābhi- rūdhobhara-skhalita-manthara-mandagābhiḥ | dantāgra-daṣṭa-pariśiṣṭa-tṛṇāṅkurābhir ālambi-vāladhi-latābhir athābhivītam
Sanskrit only: no published translation is held for this verse.
पुनः कीदृशम् ? स-प्रस्रव-स्तन-विचूषण-पूर्ण-निश्च- लास्यावट-क्षरित-फेनिल-दुग्ध-मुग्धैः । वेणु-प्रवर्तित-मनोहर-मन्द्र-गीत- दत्तोच्च-कर्ण-युगलैर् अपि तर्णकैश् च
punaḥ kīdṛśam ? sa-prasrava-stana-vicūṣaṇa-pūrṇa-niśca- lāsyāvaṭa-kṣarita-phenila-dugdha-mugdhaiḥ | veṇu-pravartita-manohara-mandra-gīta- dattocca-karṇa-yugalair api tarṇakaiś ca
Sanskrit only: no published translation is held for this verse.
पुनः कीदृशम् ? प्रत्यग्र-शृङ्ग-मृदु-मस्तक-सम्प्रहार- संरम्भ-वल्गन-विलोल-खुराग्र-पातैः । आमेदुरैर् बहुल-सास्न-गलैर् उदग्र- पुच्छैश् च वत्सतर-वत्सतरी-निकायैः
punaḥ kīdṛśam ? pratyagra-śṛṅga-mṛdu-mastaka-samprahāra- saṃrambha-valgana-vilola-khurāgra-pātaiḥ | āmedurair bahula-sāsna-galair udagra- pucchaiś ca vatsatara-vatsatarī-nikāyaiḥ
Sanskrit only: no published translation is held for this verse.
पुनः कीदृशम् ? हम्बा-रव-क्षुभित-दिग्-वलयैर् महद्भि- रप्य् उक्षभिः पृथु-ककुद्भर-भार-खिन्नैः । उत्तम्भित-श्रुति-पुटी-परिपीत-वंश- ध्वानामृतोद्धृत-विकाशि-विशाल-घोणैः
punaḥ kīdṛśam ? hambā-rava-kṣubhita-dig-valayair mahadbhi- rapy ukṣabhiḥ pṛthu-kakudbhara-bhāra-khinnaiḥ | uttambhita-śruti-puṭī-paripīta-vaṃśa- dhvānāmṛtoddhṛta-vikāśi-viśāla-ghoṇaiḥ
Sanskrit only: no published translation is held for this verse.
पुनः कीदृशम् ? गोपैः समान-गुण-शील-वयो-विलास- वेशैश् च मूर्च्छित-कल-स्वन-वेणु-वीणैः । मन्द्रोच्चतार-पट-गान-परैर् विलोल- दोर्-वल्लरी-ललित-लास्य-विधान-दक्षैः
punaḥ kīdṛśam ? gopaiḥ samāna-guṇa-śīla-vayo-vilāsa- veśaiś ca mūrcchita-kala-svana-veṇu-vīṇaiḥ | mandroccatāra-paṭa-gāna-parair vilola- dor-vallarī-lalita-lāsya-vidhāna-dakṣaiḥ
Sanskrit only: no published translation is held for this verse.
पुनः कीदृशम् ? जङ्घान्त-पीवर-कटीर-तटी-निबद्ध- व्यालोल-किङ्किणि-घटारटितैर् अटद्भिः । मुग्धैस् तरक्षु-नख-कल्पित-कण्ठ-भूषैर् अव्यक्त-मञ्जु-वचनैः पृथुकैः परीतम्
punaḥ kīdṛśam ? jaṅghānta-pīvara-kaṭīra-taṭī-nibaddha- vyālola-kiṅkiṇi-ghaṭāraṭitair aṭadbhiḥ | mugdhais tarakṣu-nakha-kalpita-kaṇṭha-bhūṣair avyakta-mañju-vacanaiḥ pṛthukaiḥ parītam
Sanskrit only: no published translation is held for this verse.
पुनः कीदृशम् ? अथ सुललित-गोप-सुन्दरीणां पृथु-निविरीष-नितम्ब-मन्थराणाम् । गुरु-कुच-भर-भङ्गुरावलग्न- त्रिवलि-विजृम्भित-रोम-राजि-भाजाम्
punaḥ kīdṛśam ? atha sulalita-gopa-sundarīṇāṃ pṛthu-nivirīṣa-nitamba-mantharāṇām | guru-kuca-bhara-bhaṅgurāvalagna- trivali-vijṛmbhita-roma-rāji-bhājām
Sanskrit only: no published translation is held for this verse.
पुनः कीदृशीनाम् ? तद्-अतिमधुर-चारु-वेणु-वाद्या- मृत-रस-पल्लविताङ्गजाङ्घ्रि-पानाम् । मुकुल-विसर-रम्य-रूढ-रोमोद्- गम-समलङ्कृत-गात्र-वल्लरीणाम्
punaḥ kīdṛśīnām ? tad-atimadhura-cāru-veṇu-vādyā- mṛta-rasa-pallavitāṅgajāṅghri-pānām | mukula-visara-ramya-rūḍha-romod- gama-samalaṅkṛta-gātra-vallarīṇām
Sanskrit only: no published translation is held for this verse.
पुनः किम्भूतानाम् ? तद्-अतिरुचिर-मन्द-हास-चन्द्रा- तप-परिजृम्भित-राग-वारिणाशेः । तरलतर-तरङ्ग-भङ्ग-विप्रुट्- प्रकर-सम-श्रम-बिन्दु-सन्ततानाम्
punaḥ kimbhūtānām ? tad-atirucira-manda-hāsa-candrā- tapa-parijṛmbhita-rāga-vāriṇāśeḥ | taralatara-taraṅga-bhaṅga-vipruṭ- prakara-sama-śrama-bindu-santatānām
Sanskrit only: no published translation is held for this verse.
पुनः किम्भूतानाम् ? तद्-अतिललित-मन्द-चिल्लि-चाप च्युत-निशितेक्षण-मार-वाण-वृष्ट्या । दलित-सकल-मर्म-विह्वलाङ्ग- प्रविसृत-दुःसह-वेपथु-व्यथानाम्
punaḥ kimbhūtānām ? tad-atilalita-manda-cilli-cāpa cyuta-niśitekṣaṇa-māra-vāṇa-vṛṣṭyā | dalita-sakala-marma-vihvalāṅga- pravisṛta-duḥsaha-vepathu-vyathānām
Sanskrit only: no published translation is held for this verse.
पुनः किम्भूतानाम् ? तद्-अतिरुचिर-कर्म-रूप-शोभा- मृत-रस-पान-विधान-लालसाभ्याम् । प्रणय-सलिल-पूर-वाहिनीनाम् अलस-विलोल-विलोचनाम्बुजाभ्याम्
punaḥ kimbhūtānām ? tad-atirucira-karma-rūpa-śobhā- mṛta-rasa-pāna-vidhāna-lālasābhyām | praṇaya-salila-pūra-vāhinīnām alasa-vilola-vilocanāmbujābhyām
Sanskrit only: no published translation is held for this verse.
पुनः किम्भूतानाम् ? विश्रंसत्-कवरी-कलाप-विगलत्-फुल्ल-प्रसून-श्रवन्- माध्वी-लम्पट-चञ्चरीक-घटया संसेवितानां मुहुः । मारोन्माद-मद-स्खलन्-मृदु-गिराम् आलोल-काञ्च्य्-उछ्वसन्- नीवी-विश्लथमान-चीन-सिचयान्ताविर्नितम्ब-त्विषाम्
punaḥ kimbhūtānām ? viśraṃsat-kavarī-kalāpa-vigalat-phulla-prasūna-śravan- mādhvī-lampaṭa-cañcarīka-ghaṭayā saṃsevitānāṃ muhuḥ | māronmāda-mada-skhalan-mṛdu-girām ālola-kāñcy-uchvasan- nīvī-viślathamāna-cīna-sicayāntāvirnitamba-tviṣām
Sanskrit only: no published translation is held for this verse.
पुनः किम्भूतानाम् ? स्खलित-ललित-पादाम्भोज-मन्दाभिघात- क्वणित-मणि-तुलाकोट्याकुलाशा-मुखानाम् । चलद्-अधर-दलानां कुड्मलत्-पक्ष्मलाक्षि- द्वय-सरसि-रुहणाम् उल्लसत्-कुण्डलानाम्
punaḥ kimbhūtānām ? skhalita-lalita-pādāmbhoja-mandābhighāta- kvaṇita-maṇi-tulākoṭyākulāśā-mukhānām | calad-adhara-dalānāṃ kuḍmalat-pakṣmalākṣi- dvaya-sarasi-ruhaṇām ullasat-kuṇḍalānām
Sanskrit only: no published translation is held for this verse.
पुनः किम्भूतानाम् ? द्राघिष्ठ-श्वसन-समीरणाभि-ताप- प्रम्लानी-भवद्-अरुणोष्ठ-पल्लवानाम् । नानोपायन-विलसत्-कराम्बुजानाम् आलीभिः सतत-निषेवितं समन्तात्
punaḥ kimbhūtānām ? drāghiṣṭha-śvasana-samīraṇābhi-tāpa- pramlānī-bhavad-aruṇoṣṭha-pallavānām | nānopāyana-vilasat-karāmbujānām ālībhiḥ satata-niṣevitaṃ samantāt
Sanskrit only: no published translation is held for this verse.
पुनः कीदृशम् ? तासाम् आयत-लोल-नील-नयन-व्याकोश-नीलाम्बुज- स्रग्भिः सम्परिपूजिताखिल-तनुं नाना-विलासास्पदम् । तन्-मुग्धानन-पङ्कज-प्रविगलन्-माध्वी-रसास्वादनीं बिभ्राणं प्रणयोन्मदाक्षि-मधुकृन्-मालां मनोहारिणीम्
punaḥ kīdṛśam ? tāsām āyata-lola-nīla-nayana-vyākośa-nīlāmbuja- sragbhiḥ samparipūjitākhila-tanuṃ nānā-vilāsāspadam | tan-mugdhānana-paṅkaja-pravigalan-mādhvī-rasāsvādanīṃ bibhrāṇaṃ praṇayonmadākṣi-madhukṛn-mālāṃ manohāriṇīm
Sanskrit only: no published translation is held for this verse.
अधुना परमेश्वर-ध्यानानन्तरम् उपासकामर-प्रभृतीनां ध्यानम् आह- गोपी-गोप-पशूनां बहिः स्मरेद् अग्रतो ऽस्य गीर्वाण-घटां । वित्तार्थिनीं विरिञ्चि-त्रिनयन- शतमन्यु-पूर्विकां स्तोत्र-पराम्
adhunā parameśvara-dhyānānantaram upāsakāmara-prabhṛtīnāṃ dhyānam āha- gopī-gopa-paśūnāṃ bahiḥ smared agrato 'sya gīrvāṇa-ghaṭāṃ | vittārthinīṃ viriñci-trinayana- śatamanyu-pūrvikāṃ stotra-parām
Sanskrit only: no published translation is held for this verse.
तद्-दक्षिणतो मुनि-निकरं दृढ-धर्म-वाञ्छम् आम्नाय-परम् । योगीन्द्रान् अथ पृष्ठे मुमुक्ष- माणान् समाधिना सनकाद्यान्
tad-dakṣiṇato muni-nikaraṃ dṛḍha-dharma-vāñcham āmnāya-param | yogīndrān atha pṛṣṭhe mumukṣa- māṇān samādhinā sanakādyān
Sanskrit only: no published translation is held for this verse.
सव्ये सकान्तान् अथ यक्ष-सिद्ध- गन्धर्व-विद्याधर-चारणांश् च । सकिन्नरान् अप्सरसश् च मुख्याः कामार्थिनो नर्तन-गीत-वाद्यैः
savye sakāntān atha yakṣa-siddha- gandharva-vidyādhara-cāraṇāṃś ca | sakinnarān apsarasaś ca mukhyāḥ kāmārthino nartana-gīta-vādyaiḥ
Sanskrit only: no published translation is held for this verse.
शङ्खेन्दु-कुन्द-धवलं सकलागमज्ञं सौदामनी-तति-पिशङ्ग-जटा-कलापम् । तत्-पाद-पङ्कज-गताम् अचलाञ्च भक्तिं वाञ्छन्तम् उज्झिततरान्य-समस्त-सङ्गम्
śaṅkhendu-kunda-dhavalaṃ sakalāgamajñaṃ saudāmanī-tati-piśaṅga-jaṭā-kalāpam | tat-pāda-paṅkaja-gatām acalāñca bhaktiṃ vāñchantam ujjhitatarānya-samasta-saṅgam
Sanskrit only: no published translation is held for this verse.
पुनः कीदृशम् ? नाना-विध-श्रुति-गणान्वित-सप्त-राग- ग्राम-त्रयी-गत-मनोहर-मूर्छनाभिः । संप्रीणयन्तम् उदिताभिर् अमुं महत्या सञ्चिन्तयेन् नभसि धातृ-सुतं मुनीन्द्रम्
punaḥ kīdṛśam ? nānā-vidha-śruti-gaṇānvita-sapta-rāga- grāma-trayī-gata-manohara-mūrchanābhiḥ | saṃprīṇayantam uditābhir amuṃ mahatyā sañcintayen nabhasi dhātṛ-sutaṃ munīndram
Sanskrit only: no published translation is held for this verse.
अधुना प्रकृतम् उपसंहरन् आत्म-पूजा-क्रमम् आह- इति ध्यात्वात्मानं पटु-विशद-धीर् नन्द-तनयं पुरो बुद्ध्यैवार्घ्य-प्रभृतिभिर् अनिन्द्योपहृतिभिः । यजेद् भूयो भक्त्या स्व-वपुषि बहिष्ठैश् च विभवैर् विधानं तद् ब्रूमो वयम् अतुल-सान्निध्य-कृद् अथ
adhunā prakṛtam upasaṃharan ātma-pūjā-kramam āha- iti dhyātvātmānaṃ paṭu-viśada-dhīr nanda-tanayaṃ puro buddhyaivārghya-prabhṛtibhir anindyopahṛtibhiḥ | yajed bhūyo bhaktyā sva-vapuṣi bahiṣṭhaiś ca vibhavair vidhānaṃ tad brūmo vayam atula-sānnidhya-kṛd atha
Sanskrit only: no published translation is held for this verse.
शङ्ख-पूरण-विधिं दर्शयति- आरचय्य भुवि गोमयाम्भसा स्थण्डिलं निजम् अमुत्र विष्टरम् । न्यस्य तत्र विहितास्पदो ऽम्भसा शङ्खम् अस्त्र-मनुना विशोधयेत्
śaṅkha-pūraṇa-vidhiṃ darśayati- āracayya bhuvi gomayāmbhasā sthaṇḍilaṃ nijam amutra viṣṭaram | nyasya tatra vihitāspado 'mbhasā śaṅkham astra-manunā viśodhayet
Sanskrit only: no published translation is held for this verse.
तत्र गन्ध-सुमनोक्षतान् अथो निक्षिपेद् धृदय-मन्त्रम् उच्चरन् । पूरयेद् विमल-पाथसा सुधीर् अक्षरैः प्रतिगतैः शिरो ऽन्तकैः
tatra gandha-sumanokṣatān atho nikṣiped dhṛdaya-mantram uccaran | pūrayed vimala-pāthasā sudhīr akṣaraiḥ pratigataiḥ śiro 'ntakaiḥ
Sanskrit only: no published translation is held for this verse.
पीठेति- पीठ-शङ्ख-सलिलेषु मन्त्र-विद् वह्नि-वासर-निशा-कृतां क्रमात् । मण्डलानि विषकश्रवोक्षरैर् अर्चयेद् वदन-पूर्व-दीपितैः
pīṭheti- pīṭha-śaṅkha-salileṣu mantra-vid vahni-vāsara-niśā-kṛtāṃ kramāt | maṇḍalāni viṣakaśravokṣarair arcayed vadana-pūrva-dīpitaiḥ
Sanskrit only: no published translation is held for this verse.
तत्र तीर्थ-मनुनभिवाहयेत् तीर्थम् उष्ण-रुचि-मण्डलात् ततः । स्वीय-हृत्-कमलतो हरिं तथा गालिनीं च शिखया प्रदर्शयेत्
tatra tīrtha-manunabhivāhayet tīrtham uṣṇa-ruci-maṇḍalāt tataḥ | svīya-hṛt-kamalato hariṃ tathā gālinīṃ ca śikhayā pradarśayet
Sanskrit only: no published translation is held for this verse.
तज्-जलं नयन-मन्त्र-वीक्षितं वर्मणा समवगुण्ठ्य दोर्-युजा । मूल-मन्त्र-सकलीकृतं न्यसेद् अङ्गकैश् च कलयोद्दिशो ऽस्त्रतः
taj-jalaṃ nayana-mantra-vīkṣitaṃ varmaṇā samavaguṇṭhya dor-yujā | mūla-mantra-sakalīkṛtaṃ nyased aṅgakaiś ca kalayoddiśo 'strataḥ
Sanskrit only: no published translation is held for this verse.
अक्षतादि-युतम् अच्युतीकृतं संस्पृशन् जपतु मन्त्रम् अष्टशः । किं च निक्षिपतु वर्धनी-जले प्रोक्षयेन् निज-तनुं ततो ऽम्बुना
akṣatādi-yutam acyutīkṛtaṃ saṃspṛśan japatu mantram aṣṭaśaḥ | kiṃ ca nikṣipatu vardhanī-jale prokṣayen nija-tanuṃ tato 'mbunā
Sanskrit only: no published translation is held for this verse.
त्रिः करेण मनुनाखिलं तथा साधनं कुसुम-चन्दनादिकम् । शङ्ख-पूरण-विधिः समीरितो गुप्त एष यजनाग्रणीर् इह
triḥ kareṇa manunākhilaṃ tathā sādhanaṃ kusuma-candanādikam | śaṅkha-pūraṇa-vidhiḥ samīrito gupta eṣa yajanāgraṇīr iha
Sanskrit only: no published translation is held for this verse.
अधुना तीर्थ-मन्त्रं दर्शयति- गङ्गे च यमुने चैव गोदावरि सरस्वति । नर्मदे सिन्धु-कावेरि जले ऽस्मिन् सन्निधिं कुरु
adhunā tīrtha-mantraṃ darśayati- gaṅge ca yamune caiva godāvari sarasvati | narmade sindhu-kāveri jale 'smin sannidhiṃ kuru
Sanskrit only: no published translation is held for this verse.
एष तीर्थम् अनुप्रोक्तो दुरितौघ-निवारणः । कनिष्ठाङ्गुष्ठकौ सक्तौ करयोर् इतरेतरम्
eṣa tīrtham anuprokto duritaugha-nivāraṇaḥ | kaniṣṭhāṅguṣṭhakau saktau karayor itaretaram
Sanskrit only: no published translation is held for this verse.
तर्जनी-मध्यमानामाः संहता भुग्न-संजिताः । मुद्रैषा गालिनी प्रोक्ता शङ्खस्योपरि चालिता
tarjanī-madhyamānāmāḥ saṃhatā bhugna-saṃjitāḥ | mudraiṣā gālinī proktā śaṅkhasyopari cālitā
Sanskrit only: no published translation is held for this verse.
अधुना स्व-देहे पीठ-पूजा-क्रमम् आह- अथ मूर्धनि मूल-चक्र-मध्ये निज-नाथान् गण-नायकं समर्च्य । न्यसन-क्रमतश् च पीठ-मन्त्रैर् जल-गन्धाक्षत-पुष्प-धूप-दीपैः
adhunā sva-dehe pīṭha-pūjā-kramam āha- atha mūrdhani mūla-cakra-madhye nija-nāthān gaṇa-nāyakaṃ samarcya | nyasana-kramataś ca pīṭha-mantrair jala-gandhākṣata-puṣpa-dhūpa-dīpaiḥ
Sanskrit only: no published translation is held for this verse.
प्रयजेद् अथ मूल-मन्त्र-तेजो निज-मूले हृदये भ्रुवोश् च मध्ये । त्रितयं स्मरतः स्मरेत् तद्-एकी- कृतम् आनन्द-घनं तडिल्-लताभम्
prayajed atha mūla-mantra-tejo nija-mūle hṛdaye bhruvoś ca madhye | tritayaṃ smarataḥ smaret tad-ekī- kṛtam ānanda-ghanaṃ taḍil-latābham
Sanskrit only: no published translation is held for this verse.
तत्-तेजो ऽङ्गैः सावयवी-कृत्य विभूत्याद्य्- अङ्गान्तं विन्यस्य यजेद् आसन-पूर्वैः । भूषान्तैर् भूयो जल-गन्धादिभिर् अर्चां कुर्याद् भूत्य्-आद्य्-अङ्ग-विधानावधि मन्त्री
tat-tejo 'ṅgaiḥ sāvayavī-kṛtya vibhūtyādy- aṅgāntaṃ vinyasya yajed āsana-pūrvaiḥ | bhūṣāntair bhūyo jala-gandhādibhir arcāṃ kuryād bhūty-ādy-aṅga-vidhānāvadhi mantrī
Sanskrit only: no published translation is held for this verse.
भूयो वेणुं वदन-स्थं वक्षो-देशे वन-मालाम् । वक्षोजो ऽर्धं प्रयजेच् च श्रीवत्सं कौस्तुभ-रत्नम्
bhūyo veṇuṃ vadana-sthaṃ vakṣo-deśe vana-mālām | vakṣojo 'rdhaṃ prayajec ca śrīvatsaṃ kaustubha-ratnam
Sanskrit only: no published translation is held for this verse.
श्रीखण्ड-निःस्यन्द-विचर्चिताङ्गो मूलेन भालादिषु चित्रकाणि । लिख्याद् अथो पञ्जर-मूर्ति-मन्त्र- रनामया दीप-शिखाकृतीनि
śrīkhaṇḍa-niḥsyanda-vicarcitāṅgo mūlena bhālādiṣu citrakāṇi | likhyād atho pañjara-mūrti-mantra- ranāmayā dīpa-śikhākṛtīni
Sanskrit only: no published translation is held for this verse.
अधुना पुष्पाञ्जलि-विधिं दर्शयति- पुष्पाञ्जलिं वितनुयाद् अथ पञ्च-कृत्वो मूलेन पाद-युगले तुलसी-द्वयेन । मध्ये हयारि-युगलेन च मूर्ध्नि पद्म- द्वन्द्वेन षड्भिर् अपि सर्व-तनौ च सर्वैः
adhunā puṣpāñjali-vidhiṃ darśayati- puṣpāñjaliṃ vitanuyād atha pañca-kṛtvo mūlena pāda-yugale tulasī-dvayena | madhye hayāri-yugalena ca mūrdhni padma- dvandvena ṣaḍbhir api sarva-tanau ca sarvaiḥ
Sanskrit only: no published translation is held for this verse.
अधुना श्वेत-कृष्ण-तुलस्य्-आदीनां प्रदान-विभागं दर्शयति- श्वेतानि दक्ष-भागे सित-चन्दन-पङ्किलानि कुसुमानि । रक्तानि वाम-भागे ऽरुण-चन्दन-पङ्क-सिक्तानि
adhunā śveta-kṛṣṇa-tulasy-ādīnāṃ pradāna-vibhāgaṃ darśayati- śvetāni dakṣa-bhāge sita-candana-paṅkilāni kusumāni | raktāni vāma-bhāge 'ruṇa-candana-paṅka-siktāni
Sanskrit only: no published translation is held for this verse.
उपचारं दर्शयति- तद्वच् च धूप-दीपौ समर्प्य धिनुयात् सुधा-रसैः कृष्णम् । मुख-वासाद्यं दत्त्वा समर्चयेत् साधु-गन्धाद्यैः
upacāraṃ darśayati- tadvac ca dhūpa-dīpau samarpya dhinuyāt sudhā-rasaiḥ kṛṣṇam | mukha-vāsādyaṃ dattvā samarcayet sādhu-gandhādyaiḥ
Sanskrit only: no published translation is held for this verse.
ताम्बूल-गीत-नर्तन-वाद्यैः सन्तोष्य चुलुक-सलिलेन । ब्रह्मार्पणाख्य-मनुना कुर्यात् स्वात्मार्पणं मन्त्री
tāmbūla-gīta-nartana-vādyaiḥ santoṣya culuka-salilena | brahmārpaṇākhya-manunā kuryāt svātmārpaṇaṃ mantrī
Sanskrit only: no published translation is held for this verse.
विमर्शः : ब्रह्मार्पण-मन्त्रो, यथा- ब्रह्मार्पणं ब्रह्म-हविर् ब्रह्माग्नौ ब्रह्मणा हुतम् । ब्रह्मैव तेन गन्तव्यं ब्रह्म-कर्म समाधिना ॥ इति ॥ अथाशक्तं प्रत्य् आह- अथवा सङ्कुचित-धियाम् अयं विधिर् मूर्ति-पञ्जरारब्धः । यद्य् अष्टादश-लिपिना सार्ण-पदाङ्गैश् च वेणु-पूर्वैः प्रोक्तः
vimarśaḥ : brahmārpaṇa-mantro, yathā- brahmārpaṇaṃ brahma-havir brahmāgnau brahmaṇā hutam | brahmaiva tena gantavyaṃ brahma-karma samādhinā || iti || athāśaktaṃ praty āha- athavā saṅkucita-dhiyām ayaṃ vidhir mūrti-pañjarārabdhaḥ | yady aṣṭādaśa-lipinā sārṇa-padāṅgaiś ca veṇu-pūrvaiḥ proktaḥ
Sanskrit only: no published translation is held for this verse.
जप-विधिं दर्शयति- सुप्रसन्नम् अथ नन्द-तनूजं भावयन् जपतु मन्त्रम् अनन्यः । सार्थ-संस्मृति-यथाविधि-सङ्ख्या- पूरणे ऽसुयमनं विधधीत
japa-vidhiṃ darśayati- suprasannam atha nanda-tanūjaṃ bhāvayan japatu mantram ananyaḥ | sārtha-saṃsmṛti-yathāvidhi-saṅkhyā- pūraṇe 'suyamanaṃ vidhadhīta
Sanskrit only: no published translation is held for this verse.
प्रयोग-पूर्व-कृत्यम् आह- प्रणव-पुटितं बीजं जप्त्वा शतं सहिताष्टकं निज-गुरु-मुखाद् आत्तान् योगान् युनक्तु महामतिः । सद्-अमृत-चिद्-आनन्दात्माथो जपं च समापयेद् इति जप-विधिः सम्यक् प्रोक्तो मनु-द्वितयाश्रितः
prayoga-pūrva-kṛtyam āha- praṇava-puṭitaṃ bījaṃ japtvā śataṃ sahitāṣṭakaṃ nija-guru-mukhād āttān yogān yunaktu mahāmatiḥ | sad-amṛta-cid-ānandātmātho japaṃ ca samāpayed iti japa-vidhiḥ samyak prokto manu-dvitayāśritaḥ
Sanskrit only: no published translation is held for this verse.
य इमं भजते विधिं नरो भवितासौ दयितः शरीरिणाम् । अपि वाक्-कमलैक-मन्दिरं परमं ते समुपैति तन्-महः
ya imaṃ bhajate vidhiṃ naro bhavitāsau dayitaḥ śarīriṇām | api vāk-kamalaika-mandiraṃ paramaṃ te samupaiti tan-mahaḥ
Sanskrit only: no published translation is held for this verse.