वृन्दावनं झङ्कृतैः शब्द-विशेषैर् मुखरितान्तरं शब्दायमानाभ्यन्तरम् । कीदृशैः ? झङ्कृतैः विकाशिन्याः प्रफुल्लायाः सुमनसः पुष्पस्य यो रसः मधु तस्य यद्-आस्वादनम् अवलेहनं तेन मञ्जुलैर् मनोहरैः । पुनः कीदृशैः ? सञ्चरेति सञ्चरन्तो भ्रमन्तो ये शिलीमुखोद्गतैर् भ्रमरास् तेषां मुखेभ्य उद्गतैः समुत्थितैः । पुनः कीदृशम् ? वृन्दावनं कपोतेति पारावत-शुक-शारिका-कोकिल-प्रभृतिभिः पक्षिभिर् इतस् ततो विराणितं शब्दायितम् । पुनः कीदृशम् ? भुजग-शत्रुर् मयूरस् तस्य नृत्येनाकुलं व्याप्तम् ॥२॥ पुनः कीदृशम् ? कलिन्द-दुहितुश् चलल्-लहरि-विप्रुषां वाहिभिर् विनिद्र-सरसी-रुहोदर-रजश् चयोद्धूसरैः । प्रदीपित-मनोभव-व्रज-विलासिनी-वाससां विलोलन-परैर् निषेवितम् अनारतं मारुतैः
vṛndāvanaṃ jhaṅkṛtaiḥ śabda-viśeṣair mukharitāntaraṃ śabdāyamānābhyantaram | kīdṛśaiḥ ? jhaṅkṛtaiḥ vikāśinyāḥ praphullāyāḥ sumanasaḥ puṣpasya yo rasaḥ madhu tasya yad-āsvādanam avalehanaṃ tena mañjulair manoharaiḥ | punaḥ kīdṛśaiḥ ? sañcareti sañcaranto bhramanto ye śilīmukhodgatair bhramarās teṣāṃ mukhebhya udgataiḥ samutthitaiḥ | punaḥ kīdṛśam ? vṛndāvanaṃ kapoteti pārāvata-śuka-śārikā-kokila-prabhṛtibhiḥ pakṣibhir itas tato virāṇitaṃ śabdāyitam | punaḥ kīdṛśam ? bhujaga-śatrur mayūras tasya nṛtyenākulaṃ vyāptam ||2|| punaḥ kīdṛśam ? kalinda-duhituś calal-lahari-vipruṣāṃ vāhibhir vinidra-sarasī-ruhodara-rajaś cayoddhūsaraiḥ | pradīpita-manobhava-vraja-vilāsinī-vāsasāṃ vilolana-parair niṣevitam anārataṃ mārutaiḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.