तस्मिन् कलश-जले उडुप-कलाश् चन्द्र-कलाः वसु-युग-सङ्ख्याः षोडश-सङ्ख्याः स्वर-गण-पूर्वा अ-कारादि-वर्ण-पूर्वा न्यसतु । तद्-अनु तद्-अनन्तरं ताश् चन्द्र-कलास् तथैव तेनैव क्रमेण पुष्पाञ्जलिभिः पूजयेत् । ताश् चोक्ताः- अमृता मानदा पूषा तुष्टिः पुष्टी रतिर् धृतिः । शशिनी चन्द्रिका कान्तिर् ज्योत्स्ना श्रीः प्रीतिर् अङ्गदा । पूर्णा पूर्णामृता च ॥ इति । अधुना वैष्णव-गन्धाष्टकम् आह- उदीच्य-कुष्ट-कुङ्कुमाम्बु-लोह-सज्जटामुरैः । सशीतम् इत्य् उदीरितं हरेः प्रियाष्ट-गन्धकम्
tasmin kalaśa-jale uḍupa-kalāś candra-kalāḥ vasu-yuga-saṅkhyāḥ ṣoḍaśa-saṅkhyāḥ svara-gaṇa-pūrvā a-kārādi-varṇa-pūrvā nyasatu | tad-anu tad-anantaraṃ tāś candra-kalās tathaiva tenaiva krameṇa puṣpāñjalibhiḥ pūjayet | tāś coktāḥ- amṛtā mānadā pūṣā tuṣṭiḥ puṣṭī ratir dhṛtiḥ | śaśinī candrikā kāntir jyotsnā śrīḥ prītir aṅgadā | pūrṇā pūrṇāmṛtā ca || iti | adhunā vaiṣṇava-gandhāṣṭakam āha- udīcya-kuṣṭa-kuṅkumāmbu-loha-sajjaṭāmuraiḥ | saśītam ity udīritaṃ hareḥ priyāṣṭa-gandhakam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.