Library·Kesava Kasmiri: Kramadipika·7
सप्तम-पटलम् अनेक-मन्त्र-कथनार्थं सप्तम-पटलम् उपक्रामति-वक्ष्य इत्य् आदिना । वक्ष्ये ऽक्षय-धनावाप्त्यै प्रतिपत्तिं श्रियः पतेः । सुगुप्तां धन-नाथाद्यैर् धन्यैर् या क्रियते सदा
saptama-paṭalam aneka-mantra-kathanārthaṃ saptama-paṭalam upakrāmati-vakṣya ity ādinā | vakṣye 'kṣaya-dhanāvāptyai pratipattiṃ śriyaḥ pateḥ | suguptāṃ dhana-nāthādyair dhanyair yā kriyate sadā
Sanskrit only: no published translation is held for this verse.
द्वारवत्याम् इत्य् आदि सप्त-श्लोकैर् मध्य-कुलकम् । द्वारवत्यां सहस्रार्क-भास्वरैर् भवनोत्तमैः । अनल्पैः कल्प-वृक्षैश् च परीते मण्डपोत्तमे
dvāravatyām ity ādi sapta-ślokair madhya-kulakam | dvāravatyāṃ sahasrārka-bhāsvarair bhavanottamaiḥ | analpaiḥ kalpa-vṛkṣaiś ca parīte maṇḍapottame
Sanskrit only: no published translation is held for this verse.
ज्वलद्-रत्न-मय-स्तम्भ-द्वार-तोरण-कुड्यके । फुल्ल-स्रग्-उल्लसच्-चित्र-वितानालम्बि-मौक्तिके
jvalad-ratna-maya-stambha-dvāra-toraṇa-kuḍyake | phulla-srag-ullasac-citra-vitānālambi-mauktike
Sanskrit only: no published translation is held for this verse.
पुनः कीदृशे मणि-मण्डपे ? पद्म-राग-स्थली-राजद्-रत्न-नद्योश् च मध्यतः । अनारत-गलद्-रत्न-सुधस्य स्वस्-तरोर् अधः
punaḥ kīdṛśe maṇi-maṇḍape ? padma-rāga-sthalī-rājad-ratna-nadyoś ca madhyataḥ | anārata-galad-ratna-sudhasya svas-taror adhaḥ
Sanskrit only: no published translation is held for this verse.
पुनः कीदृशे मणि-मण्डपे ? रत्न-प्रदीपावलिभिः प्रदीपित-दिग्-अन्तरे । उद्यद्-आदित्य-सङ्काशे मणि-सिंहासनाम्बुजे
punaḥ kīdṛśe maṇi-maṇḍape ? ratna-pradīpāvalibhiḥ pradīpita-dig-antare | udyad-āditya-saṅkāśe maṇi-siṃhāsanāmbuje
Sanskrit only: no published translation is held for this verse.
अच्युतः किम्भूतह् ? समासीनो ऽच्युतो ध्येयो द्रुत-हाटक-संनिभः । समानोदित-चन्द्रार्क-तडित्-कोटि-सम-द्युतिः
acyutaḥ kimbhūtah ? samāsīno 'cyuto dhyeyo druta-hāṭaka-saṃnibhaḥ | samānodita-candrārka-taḍit-koṭi-sama-dyutiḥ
Sanskrit only: no published translation is held for this verse.
पुनः किम्भूतह् ? सर्वाङ्ग-सुन्दरः सौम्यः सर्वाभरण-भूषितः । पीत-वासाश् चक्र-शङ्ख-गदा-पद्मोज्ज्वलद्-भुजः
punaḥ kimbhūtah ? sarvāṅga-sundaraḥ saumyaḥ sarvābharaṇa-bhūṣitaḥ | pīta-vāsāś cakra-śaṅkha-gadā-padmojjvalad-bhujaḥ
Sanskrit only: no published translation is held for this verse.
पुनः कीदृशः ? अनारतोच्छ्लद्-रत्न-धारौध-कलशं स्पृशन् । वाम-पादाम्बुजाग्रेण मुष्णता पल्लव-च्छविम्
punaḥ kīdṛśaḥ ? anāratocchlad-ratna-dhāraudha-kalaśaṃ spṛśan | vāma-pādāmbujāgreṇa muṣṇatā pallava-cchavim
Sanskrit only: no published translation is held for this verse.
अष्ट-महिषी-ध्यानम् आह- रुक्मिणी-सत्यभामे ऽस्य मूर्ध्नि रत्नौघ-धारया । सिञ्चन्त्यौ दक्ष-वाम-स्थे स्व-दोः-स्थ-कलशोत्थया
aṣṭa-mahiṣī-dhyānam āha- rukmiṇī-satyabhāme 'sya mūrdhni ratnaugha-dhārayā | siñcantyau dakṣa-vāma-sthe sva-doḥ-stha-kalaśotthayā
Sanskrit only: no published translation is held for this verse.
नाग्नजिती-सुनन्दे च ध्येये । एते कीदृशे ? नाग्नजिती सुनन्दा च दिशन्त्या कलशौ तयोः । ताभ्यां च दक्ष-वाम-स्थे मित्रविन्दा-सुलक्ष्मणे
nāgnajitī-sunande ca dhyeye | ete kīdṛśe ? nāgnajitī sunandā ca diśantyā kalaśau tayoḥ | tābhyāṃ ca dakṣa-vāma-sthe mitravindā-sulakṣmaṇe
Sanskrit only: no published translation is held for this verse.
रत्न-नद्या समुद्धृत्य रत्न-पूर्णौ घटौ तयोः । जाम्बवती सुशीला च दिशन्त्यौ दक्ष-वाम-गे
ratna-nadyā samuddhṛtya ratna-pūrṇau ghaṭau tayoḥ | jāmbavatī suśīlā ca diśantyau dakṣa-vāma-ge
Sanskrit only: no published translation is held for this verse.
बहिः षोडश-साहस्र-सङ्ख्याताः परितः स्त्रियः । ध्येयाः सकल-रत्नौघ-धारा-युक्-कलशोज्ज्वलाः
bahiḥ ṣoḍaśa-sāhasra-saṅkhyātāḥ paritaḥ striyaḥ | dhyeyāḥ sakala-ratnaugha-dhārā-yuk-kalaśojjvalāḥ
Sanskrit only: no published translation is held for this verse.
तद्-बहिश् चाष्ट-निधयो ध्येयाः । कीद्र्शाः ? तद् बहिश् चाष्ट-निधयः पूरयन्तो धनैर् धराम् । तद्-बहिर् वृष्णयः सर्वे पुरोवच् च सुरादयः
tad-bahiś cāṣṭa-nidhayo dhyeyāḥ | kīdrśāḥ ? tad bahiś cāṣṭa-nidhayaḥ pūrayanto dhanair dharām | tad-bahir vṛṣṇayaḥ sarve purovac ca surādayaḥ
Sanskrit only: no published translation is held for this verse.
ध्यात्वैवं परमात्मानं विंसत्य्-अर्णं मनुं जपेत् । चतुर्-लक्षं हुनेद् आज्यैश् चत्वारिंशत्-सहस्रकम्
dhyātvaivaṃ paramātmānaṃ viṃsaty-arṇaṃ manuṃ japet | catur-lakṣaṃ huned ājyaiś catvāriṃśat-sahasrakam
Sanskrit only: no published translation is held for this verse.
विंशत्य्-अक्षर-मन्त्रम् उद्धरति- शक्ति-श्री-पूर्वको ऽष्टादशार्णो विंशति-वर्णकः । मत्रेणानेन सदृशो मनुर् नहि जगत् त्रये
viṃśaty-akṣara-mantram uddharati- śakti-śrī-pūrvako 'ṣṭādaśārṇo viṃśati-varṇakaḥ | matreṇānena sadṛśo manur nahi jagat traye
Sanskrit only: no published translation is held for this verse.
ऋष्य्-आदिकं दर्शयति- ऋषिर् ब्रह्मा च गायत्री-च्छन्दः कृष्णस् तु देवता । पूर्वोक्तवद् एवास्य बीज-शक्त्य्-आदि-कल्पना
ṛṣy-ādikaṃ darśayati- ṛṣir brahmā ca gāyatrī-cchandaḥ kṛṣṇas tu devatā | pūrvoktavad evāsya bīja-śakty-ādi-kalpanā
Sanskrit only: no published translation is held for this verse.
पूजा-प्रकारम् आह- कल्पः सनत्-कुमारोक्तो मन्त्रस्यास्योच्यते ऽधुना । पीठ-न्यासादिकं कृत्वा पूर्वोक्त-क्रमतः सुधीः
pūjā-prakāram āha- kalpaḥ sanat-kumārokto mantrasyāsyocyate 'dhunā | pīṭha-nyāsādikaṃ kṛtvā pūrvokta-kramataḥ sudhīḥ
Sanskrit only: no published translation is held for this verse.
कर-द्वन्द्वाङ्गुलि-तलेष्व् अङ्ग-षट्कं प्रविन्यसेत् । मन्त्रेण व्यापकं कृत्वा मातृकां मनु-सम्पुटाम्
kara-dvandvāṅguli-taleṣv aṅga-ṣaṭkaṃ pravinyaset | mantreṇa vyāpakaṃ kṛtvā mātṛkāṃ manu-sampuṭām
Sanskrit only: no published translation is held for this verse.
संहार-सृष्टि-मार्गेण दश-तत्त्वानि विन्यसेत् । पुनश् च व्यापकं कृत्वा मन्त्र-वर्णास् तनौ न्यसेत्
saṃhāra-sṛṣṭi-mārgeṇa daśa-tattvāni vinyaset | punaś ca vyāpakaṃ kṛtvā mantra-varṇās tanau nyaset
Sanskrit only: no published translation is held for this verse.
अक्षर-न्यास-स्थानान्य् आह- मूर्ध्नि भाले भ्रुवोर् मध्ये नेत्रयोः कर्णयोर् नसोः । आनने चिबुके कण्ठे दोर्-मूले हृदि तन्दुके
akṣara-nyāsa-sthānāny āha- mūrdhni bhāle bhruvor madhye netrayoḥ karṇayor nasoḥ | ānane cibuke kaṇṭhe dor-mūle hṛdi tanduke
Sanskrit only: no published translation is held for this verse.
नाभौ लिङ्गे तथाधारे कट्योर् जान्वोश् च जङ्घयोः । गुल्फयोः पादयोर् न्यसेत् सृष्टिर् एषा समीरिता
nābhau liṅge tathādhāre kaṭyor jānvoś ca jaṅghayoḥ | gulphayoḥ pādayor nyaset sṛṣṭir eṣā samīritā
Sanskrit only: no published translation is held for this verse.
स्थितिर् हृद्-आदिकं सान्ता संहृतिश् चरणादिका । विधायैवं पञ्च-कृत्वः स्थित्य्-अन्तं मूर्ति-पञ्जरम् । सृष्टि-स्थिती च विन्यस्य षड्-अङ्ग-न्यासम् आचरेत्
sthitir hṛd-ādikaṃ sāntā saṃhṛtiś caraṇādikā | vidhāyaivaṃ pañca-kṛtvaḥ sthity-antaṃ mūrti-pañjaram | sṛṣṭi-sthitī ca vinyasya ṣaḍ-aṅga-nyāsam ācaret
Sanskrit only: no published translation is held for this verse.
षड्-अङ्गानि दर्शयति- गुणाग्नि-वेद-करण-करणाक्ष्य्-अक्षरैर् मनोः । मुद्रां बद्ध्वा किरीटाख्यां दिग्-बन्धं पूर्ववच् चरेत् । ध्यात्वा जप्त्वार्चयेद् देहे मूर्ति-पञ्जर-पूर्वकम्
ṣaḍ-aṅgāni darśayati- guṇāgni-veda-karaṇa-karaṇākṣy-akṣarair manoḥ | mudrāṃ baddhvā kirīṭākhyāṃ dig-bandhaṃ pūrvavac caret | dhyātvā japtvārcayed dehe mūrti-pañjara-pūrvakam
Sanskrit only: no published translation is held for this verse.
मनोर् मन्त्रस्य गुणास् त्रयः अग्नयस् त्रयः वेदाश् चत्वारः करणम् अन्तः-करण-चतुष्टयं । पुनः करण-चतुष्टयम् अक्षि-द्वयम् एतैर् अक्षरैर् मन्त्र-सम्भवैः षड्-अङ्गानि कार्याणीत्य् अर्थः । मुद्राम् इति किरीटाख्यां किरीटाभिधां बद्ध्वा कृत्वा किरीटाद्याम् इति पाठे कौस्तुभ-श्रीवत्स-मुद्रयोः परिग्रहः पूर्ववद् अस्त्र-मन्त्रेण दिग्-बन्धनं कुर्यात् । आत्म-पूजाम् आह-ध्यात्वेति । पूर्वोदितं ध्यानं कृत्वा अष्टोत्तर-शतं च जप्त्वा मूर्ति-पञ्जर-पूर्वकम् देहे पूजयेत् तथाचाभ्यन्तरे प्रथमं परमेश्वरा-राधनं तद् अनु मूर्ति-पञ्जरस्य तद् अनु सृष्टि-स्थिति-न्यासं तद् अनु षड्-अङ्गस्येति ॥२३॥ बाह्य-पूजा-प्रकारम् आह- अथवा ह्ये ऽर्चयेद् विष्णुं तद्-अर्थं यन्त्रम् उच्यते । गोमयेनोपलिप्योर्वीं तत्र पीठं निधापयेत्
manor mantrasya guṇās trayaḥ agnayas trayaḥ vedāś catvāraḥ karaṇam antaḥ-karaṇa-catuṣṭayaṃ | punaḥ karaṇa-catuṣṭayam akṣi-dvayam etair akṣarair mantra-sambhavaiḥ ṣaḍ-aṅgāni kāryāṇīty arthaḥ | mudrām iti kirīṭākhyāṃ kirīṭābhidhāṃ baddhvā kṛtvā kirīṭādyām iti pāṭhe kaustubha-śrīvatsa-mudrayoḥ parigrahaḥ pūrvavad astra-mantreṇa dig-bandhanaṃ kuryāt | ātma-pūjām āha-dhyātveti | pūrvoditaṃ dhyānaṃ kṛtvā aṣṭottara-śataṃ ca japtvā mūrti-pañjara-pūrvakam dehe pūjayet tathācābhyantare prathamaṃ parameśvarā-rādhanaṃ tad anu mūrti-pañjarasya tad anu sṛṣṭi-sthiti-nyāsaṃ tad anu ṣaḍ-aṅgasyeti ||23|| bāhya-pūjā-prakāram āha- athavā hye 'rcayed viṣṇuṃ tad-arthaṃ yantram ucyate | gomayenopalipyorvīṃ tatra pīṭhaṃ nidhāpayet
Sanskrit only: no published translation is held for this verse.
विलिप्य गन्ध-पङ्केन लिखेद् अष्ट-दलाम्बुजम् । कर्णिकायां तु षट्-कोणं स-साध्यं तत्र मन्मथम्
vilipya gandha-paṅkena likhed aṣṭa-dalāmbujam | karṇikāyāṃ tu ṣaṭ-koṇaṃ sa-sādhyaṃ tatra manmatham
Sanskrit only: no published translation is held for this verse.
शिष्टैस् तं सप्तदशभिर् अक्षरैर् वेष्टयेत् स्मरम् । प्राग्-रक्षो ऽनिल-कोणेषु श्रियं शिष्टेषु संविदम्
śiṣṭais taṃ saptadaśabhir akṣarair veṣṭayet smaram | prāg-rakṣo 'nila-koṇeṣu śriyaṃ śiṣṭeṣu saṃvidam
Sanskrit only: no published translation is held for this verse.
षड्-अक्षरं सन्धिषु च केशरेषु त्रिशस् त्रिशः । विलिखेत् स्मर-गायत्रीं माला-मन्त्रं दलाष्टके
ṣaḍ-akṣaraṃ sandhiṣu ca keśareṣu triśas triśaḥ | vilikhet smara-gāyatrīṃ mālā-mantraṃ dalāṣṭake
Sanskrit only: no published translation is held for this verse.
षड्शः संलिख्य तद्-बाह्ये वेष्टयेन् मातृकाक्षरैः । भू-बिम्बं च लिखेद् बाह्ये श्री-माये दिग्-विदिक्ष्व् अपि
ṣaḍśaḥ saṃlikhya tad-bāhye veṣṭayen mātṛkākṣaraiḥ | bhū-bimbaṃ ca likhed bāhye śrī-māye dig-vidikṣv api
Sanskrit only: no published translation is held for this verse.
एतद्-यन्त्रं हाटकादि-पट्टेष्व् आलिख्य पूर्ववत् । साधितं धारयेद् यो वै सो ऽर्च्येत त्रदशैर् अपि
etad-yantraṃ hāṭakādi-paṭṭeṣv ālikhya pūrvavat | sādhitaṃ dhārayed yo vai so 'rcyeta tradaśair api
Sanskrit only: no published translation is held for this verse.
काम-गायत्रीम् उद्धरति- स्याद् गायत्री काम-देव-पुष्प-बाणौ च ङे ऽन्तकौ । विद्महे-धीमहि-युतौ तन् नो ऽङ्गः प्रचोदयात् । जप्याज् जपादौ गोपाल-मनूनां जन-रञ्जनीम्
kāma-gāyatrīm uddharati- syād gāyatrī kāma-deva-puṣpa-bāṇau ca ṅe 'ntakau | vidmahe-dhīmahi-yutau tan no 'ṅgaḥ pracodayāt | japyāj japādau gopāla-manūnāṃ jana-rañjanīm
Sanskrit only: no published translation is held for this verse.
माला-मन्त्रम् उद्धरति-नत्य्-अन्त इत्य् आदिना । नत्य्-अन्ते काम-देवाय ङे ऽन्तं सर्व-जन-प्रियम् । उक्त्वा सर्व-जनान्ते तु संमोहन-पदं तथा
mālā-mantram uddharati-naty-anta ity ādinā | naty-ante kāma-devāya ṅe 'ntaṃ sarva-jana-priyam | uktvā sarva-janānte tu saṃmohana-padaṃ tathā
Sanskrit only: no published translation is held for this verse.
ज्वल ज्वल प्रज्वलेति प्रोक्तो सर्व-जनस्य च । हृदयं च मम ब्रूयात् वशं कुरु-युगं शिरः । प्रोक्तो मदन-मन्त्रो ऽष्त-चत्वारिंशद्भिर् अक्षरैः
jvala jvala prajvaleti prokto sarva-janasya ca | hṛdayaṃ ca mama brūyāt vaśaṃ kuru-yugaṃ śiraḥ | prokto madana-mantro 'ṣta-catvāriṃśadbhir akṣaraiḥ
Sanskrit only: no published translation is held for this verse.
विनियोगं दर्शयति- जपादौ मार-बीजाद्यो जगत्-त्रय-वशीकरः । भू-गृहं चतुरस्रं स्यात् कोण-वज्राद्य्-अलङ्कृतम्
viniyogaṃ darśayati- japādau māra-bījādyo jagat-traya-vaśīkaraḥ | bhū-gṛhaṃ caturasraṃ syāt koṇa-vajrādy-alaṅkṛtam
Sanskrit only: no published translation is held for this verse.
यन्त्रे पूजा-प्रकारम् आह- पीठं पूर्ववद् अभ्यर्च्य मूर्ति-सङ्कल्प्य पौरषीम् । तत्रावाह्याच्युतं भक्त्या सकलीकृत्य पूजयेत्
yantre pūjā-prakāram āha- pīṭhaṃ pūrvavad abhyarcya mūrti-saṅkalpya pauraṣīm | tatrāvāhyācyutaṃ bhaktyā sakalīkṛtya pūjayet
Sanskrit only: no published translation is held for this verse.
आसनादि भूषणान्तं पुनर् न्यास-क्रमात् यजेत् । सृष्टि-स्थिती षड्-अङ्गं च किरीटं कुण्डल-द्वयम्
āsanādi bhūṣaṇāntaṃ punar nyāsa-kramāt yajet | sṛṣṭi-sthitī ṣaḍ-aṅgaṃ ca kirīṭaṃ kuṇḍala-dvayam
Sanskrit only: no published translation is held for this verse.
चक्र-शङ्ख-गदा-पद्म-माला-श्रीवत्स-कौस्तुभान् । गन्धाक्षत-प्रसूनैश् च मूलेनाभ्यर्च्य पूर्ववत्
cakra-śaṅkha-gadā-padma-mālā-śrīvatsa-kaustubhān | gandhākṣata-prasūnaiś ca mūlenābhyarcya pūrvavat
Sanskrit only: no published translation is held for this verse.
आवरणान्य् आह- आदौ वह्नि-पुर-द्वन्द्व-कोणेष्व् अङ्गानि पूजयेत् । सहृच्-छिरः शिखा-वर्म-नेत्रम् अस्त्रम् इति क्रमात्
āvaraṇāny āha- ādau vahni-pura-dvandva-koṇeṣv aṅgāni pūjayet | sahṛc-chiraḥ śikhā-varma-netram astram iti kramāt
Sanskrit only: no published translation is held for this verse.
द्वितीयावरणम् आह वासुदेव इति- वासुदेवः सङ्कर्षणः प्रद्य्म्नश् चानिरुद्धकः । अग्न्य्-आदि-दल-मूलेषु शान्तिः श्रीश् च सरस्वती
dvitīyāvaraṇam āha vāsudeva iti- vāsudevaḥ saṅkarṣaṇaḥ pradymnaś cāniruddhakaḥ | agny-ādi-dala-mūleṣu śāntiḥ śrīś ca sarasvatī
Sanskrit only: no published translation is held for this verse.
रतिश् च दिग्-दलेष्व् अर्च्यास् ततो ऽष्तौ महिषीर् यजेत् । रुक्मिण्य्-आद्या दक्ष-सव्ये क्रमात् पत्राग्रकेषु च
ratiś ca dig-daleṣv arcyās tato 'ṣtau mahiṣīr yajet | rukmiṇy-ādyā dakṣa-savye kramāt patrāgrakeṣu ca
Sanskrit only: no published translation is held for this verse.
चतुर्थावरणम् आह-तत इति । ततः षोडश-साहस्रं सकृद् एवार्चयेत् प्रियाः । इन्द्रनील-मुकुन्दाद्यान् मकरानङ्ग-कच्छपान्
caturthāvaraṇam āha-tata iti | tataḥ ṣoḍaśa-sāhasraṃ sakṛd evārcayet priyāḥ | indranīla-mukundādyān makarānaṅga-kacchapān
Sanskrit only: no published translation is held for this verse.
पद्म-शङ्खादिकांश् चापि निधीन् अष्टौ क्रमाद् यजेत् । तद् बहिश् चेन्द्र-वज्राद् ये आवृती सम्प्रपूजयेत्
padma-śaṅkhādikāṃś cāpi nidhīn aṣṭau kramād yajet | tad bahiś cendra-vajrād ye āvṛtī samprapūjayet
Sanskrit only: no published translation is held for this verse.
आवरणानि सन्दर्श्य नैवेद्यं दर्शयति- इति सप्तावृत्ति-वृतम् अभ्यर्च्याच्युतम् आदरात् । प्रीणयेद् दधि-खण्डाज्य-मिश्रेण तु पयो ऽन्धसा
āvaraṇāni sandarśya naivedyaṃ darśayati- iti saptāvṛtti-vṛtam abhyarcyācyutam ādarāt | prīṇayed dadhi-khaṇḍājya-miśreṇa tu payo 'ndhasā
Sanskrit only: no published translation is held for this verse.
राजोपचारं दत्त्वाथ स्तुत्वा नत्वा च केशवम् । उद्वासयेत् स्व-हृदये परिवार-गणैः सह
rājopacāraṃ dattvātha stutvā natvā ca keśavam | udvāsayet sva-hṛdaye parivāra-gaṇaiḥ saha
Sanskrit only: no published translation is held for this verse.
न्यस्त्वात्मानं समभ्यर्च्य तन्-मयः प्रजपेन् मनुम् । रत्नाभिषेक-ध्यानेज्या-विंशत्य्-अर्णाश्रितेरिता
nyastvātmānaṃ samabhyarcya tan-mayaḥ prajapen manum | ratnābhiṣeka-dhyānejyā-viṃśaty-arṇāśriteritā
Sanskrit only: no published translation is held for this verse.
जप-होमार्चनैर् ध्यानैर् यो ऽमुं प्रभजते मनुम् । तद् वेश्म पूर्यते रत्नैः स्वर्ण-धान्यैर् अनारतम्
japa-homārcanair dhyānair yo 'muṃ prabhajate manum | tad veśma pūryate ratnaiḥ svarṇa-dhānyair anāratam
Sanskrit only: no published translation is held for this verse.
पृथ्वी पृथ्वी करे तस्य सवसस्य् अकुलाकुला । पुत्रैर् मित्रैः सुसम्पन्नः प्रयात्य् अन्ते परां गतिम्
pṛthvī pṛthvī kare tasya savasasy akulākulā | putrair mitraiḥ susampannaḥ prayāty ante parāṃ gatim
Sanskrit only: no published translation is held for this verse.
प्रयोगं दर्शयति- वह्नाव् अभ्यर्च्य गोविन्दं शुक्ल-पुष्पैः स-तण्डुलैः । आज्याक्तैर् अयुतं हुत्वा भस्म तन्-मूर्ध्नि धारयेत् । तस्यान्नादि-समृद्धिः स्यात् तद्-वशे सर्व-योषितः
prayogaṃ darśayati- vahnāv abhyarcya govindaṃ śukla-puṣpaiḥ sa-taṇḍulaiḥ | ājyāktair ayutaṃ hutvā bhasma tan-mūrdhni dhārayet | tasyānnādi-samṛddhiḥ syāt tad-vaśe sarva-yoṣitaḥ
Sanskrit only: no published translation is held for this verse.
प्रयोगान्तरम् आह- आज्यैर् लक्षं हुनेद् रक्त-पद्मैर् वा मधुराप्लुतैः । श्रिया तस्यैन्द्रम् ऐश्वर्यं तृणलेशायते ध्रुवम्
prayogāntaram āha- ājyair lakṣaṃ huned rakta-padmair vā madhurāplutaiḥ | śriyā tasyaindram aiśvaryaṃ tṛṇaleśāyate dhruvam
Sanskrit only: no published translation is held for this verse.
प्रयोगान्तरम् आह- शुक्लादि-वस्त्र-लाभाय शुक्लादि-कुसुमैर् हुनेत् । त्रिमध्वक्तैर् दश-शतम् आज्याक्तैर् वाष्ट-संयुतम्
prayogāntaram āha- śuklādi-vastra-lābhāya śuklādi-kusumair hunet | trimadhvaktair daśa-śatam ājyāktair vāṣṭa-saṃyutam
Sanskrit only: no published translation is held for this verse.
प्रयोगान्तरम् आह- क्षौद्र-सिक्तैः सितैः पुष्पैर् अष्टोत्तर-सहस्रकम् । हुनेन् नित्यं स षड्-मासान् पुरोधा नृपतेर् भवेत्
prayogāntaram āha- kṣaudra-siktaiḥ sitaiḥ puṣpair aṣṭottara-sahasrakam | hunen nityaṃ sa ṣaḍ-māsān purodhā nṛpater bhavet
Sanskrit only: no published translation is held for this verse.
दशाष्टादश-वर्णोक्तं जप-ध्यान-हुतादिकम् । विदध्यात् कर्म चानेन ताभ्याम् अप्य् अत्र कीर्तितम्
daśāṣṭādaśa-varṇoktaṃ japa-dhyāna-hutādikam | vidadhyāt karma cānena tābhyām apy atra kīrtitam
Sanskrit only: no published translation is held for this verse.
मन्त्रान्तरम् आह- श्री-शक्ति-स्मर-कृष्णाय गोविन्दाय शिरो मनुः । रव्य्-अर्णो ब्रह्म-गायत्री-कृष्ण-र्ष्य्-आदिर् अथास्य तु
mantrāntaram āha- śrī-śakti-smara-kṛṣṇāya govindāya śiro manuḥ | ravy-arṇo brahma-gāyatrī-kṛṣṇa-rṣy-ādir athāsya tu
Sanskrit only: no published translation is held for this verse.
बीजैस् त्रिवेद-युग्मार्णैर् अङ्ग-षट्कम् इहोदितम् । विंशत्य्-अर्णोदित-जप-ध्यान-होमार्चन-क्रियाः । मन्त्रो ऽयं सकलैश्वर्य-काङ्क्षिभिः सेव्यताम्बुधैः
bījais triveda-yugmārṇair aṅga-ṣaṭkam ihoditam | viṃśaty-arṇodita-japa-dhyāna-homārcana-kriyāḥ | mantro 'yaṃ sakalaiśvarya-kāṅkṣibhiḥ sevyatāmbudhaiḥ
Sanskrit only: no published translation is held for this verse.
मन्त्रान्तरम् आह- श्री-शक्ति-काम-पूर्वो ऽङ्गजन्म-शक्ति-रमान्तकः । दशाक्षरः सरावादौ स्याच् चेच् छक्ति-रमा-युतः । मन्त्रौ विकृतिर् अव्यर्णावाचक्राद्य्-अङ्गिनाव् इमौ
mantrāntaram āha- śrī-śakti-kāma-pūrvo 'ṅgajanma-śakti-ramāntakaḥ | daśākṣaraḥ sarāvādau syāc cec chakti-ramā-yutaḥ | mantrau vikṛtir avyarṇāvācakrādy-aṅgināv imau
Sanskrit only: no published translation is held for this verse.
विंशत्य्-अर्णोक्त-यजन-विधौ ध्यायेद् अथाच्युतम् । वरदाभय-हस्ताभ्यां श्लिष्यन्तं स्वाङ्कगे प्रिये । पद्मोत्पल-करे ताभ्यां श्लिष्टं चक्र-दरोज्ज्वलम्
viṃśaty-arṇokta-yajana-vidhau dhyāyed athācyutam | varadābhaya-hastābhyāṃ śliṣyantaṃ svāṅkage priye | padmotpala-kare tābhyāṃ śliṣṭaṃ cakra-darojjvalam
Sanskrit only: no published translation is held for this verse.
पुरश्चरण-जपादिकम् आह- दश-लक्षं जपेद् आज्यैस् तावत्-सहस्र-होमतः । सिद्धाव् इमौ मनू सर्व-सम्पत्-सौभाग्यदौ नृणाम्
puraścaraṇa-japādikam āha- daśa-lakṣaṃ japed ājyais tāvat-sahasra-homataḥ | siddhāv imau manū sarva-sampat-saubhāgyadau nṛṇām
Sanskrit only: no published translation is held for this verse.
इदानीं क्रमेण मन्त्रम् उद्धरति- मार-शक्ति-रमा-पूर्वः शक्ति-श्री-मार-पूर्वकः । श्री-शक्ति-मार-पूर्वश् च दशार्णो मनवस् त्रयः
idānīṃ krameṇa mantram uddharati- māra-śakti-ramā-pūrvaḥ śakti-śrī-māra-pūrvakaḥ | śrī-śakti-māra-pūrvaś ca daśārṇo manavas trayaḥ
Sanskrit only: no published translation is held for this verse.
अन्नाद्यः काम-भुवनेश्वरी-श्री-बीज-पूर्वा दशाक्षरः भुवनेश्वरी श्रीर् मारः पूर्वो यस्येति द्वितीयः श्री- भुवनेश्वरी-काम-बीज-पूर्वो दशाक्षर इति तृतीयः ॥ एतेषां मनु-वर्याणाम् अङ्ग-र्ष्यादि-दशार्णवत् । शङ्ख-चक्र-धनुर्-बाण-पाशाङ्कुश-धरो ऽरुणः । वेणुं धमन् धृतं दोर्भ्यां कृष्णो ध्येयो दिवाकरे
annādyaḥ kāma-bhuvaneśvarī-śrī-bīja-pūrvā daśākṣaraḥ bhuvaneśvarī śrīr māraḥ pūrvo yasyeti dvitīyaḥ śrī- bhuvaneśvarī-kāma-bīja-pūrvo daśākṣara iti tṛtīyaḥ || eteṣāṃ manu-varyāṇām aṅga-rṣyādi-daśārṇavat | śaṅkha-cakra-dhanur-bāṇa-pāśāṅkuśa-dharo 'ruṇaḥ | veṇuṃ dhaman dhṛtaṃ dorbhyāṃ kṛṣṇo dhyeyo divākare
Sanskrit only: no published translation is held for this verse.
आद्ये मनौ ध्यानम् एवं द्वितीये विंशद्-अर्णवत् । दशार्णवत् तृतीये ऽङ्ग-दिक्-पालाद्यैः समर्चना
ādye manau dhyānam evaṃ dvitīye viṃśad-arṇavat | daśārṇavat tṛtīye 'ṅga-dik-pālādyaiḥ samarcanā
Sanskrit only: no published translation is held for this verse.
पञ्च-लक्षं जपेत् तावद् अयुतं पायसैर् हुनेत् । ततः सिध्यन्ति मनवो नृणां सम्पत्ति-कान्ति-दाः
pañca-lakṣaṃ japet tāvad ayutaṃ pāyasair hunet | tataḥ sidhyanti manavo nṛṇāṃ sampatti-kānti-dāḥ
Sanskrit only: no published translation is held for this verse.
स्पष्टं मन्त्रान्तरम् उद्धरति- अष्टादशार्णो भारान्तो मनुः सुत-धन-प्रदः । ऋष्य्-आद्य्-अष्टादशार्णोक्तं मारारूढ-स्वरैः क्रमात् । अङ्गान्य् अस्य मनोर् अङ्ग दिक्पालाद्यैः समर्चना
spaṣṭaṃ mantrāntaram uddharati- aṣṭādaśārṇo bhārānto manuḥ suta-dhana-pradaḥ | ṛṣy-ādy-aṣṭādaśārṇoktaṃ mārārūḍha-svaraiḥ kramāt | aṅgāny asya manor aṅga dikpālādyaiḥ samarcanā
Sanskrit only: no published translation is held for this verse.
ध्यानम् आह- पाणौ पायस-पक्वम् आहित-रसं बिभ्रन् मुदा दक्षिणे सव्ये शारद-चन्द्र-मण्डल-निभं हैयङ्गवीनं दधत् । कण्ठे कल्पित-पुण्डरीक-नखरम् उमत्य् उद्दाम-दीप्तिं वहन् देवो दिव्य-दिगम्बरो दिशतु वः सौख्यं यशोदा-शिशुः
dhyānam āha- pāṇau pāyasa-pakvam āhita-rasaṃ bibhran mudā dakṣiṇe savye śārada-candra-maṇḍala-nibhaṃ haiyaṅgavīnaṃ dadhat | kaṇṭhe kalpita-puṇḍarīka-nakharam umaty uddāma-dīptiṃ vahan devo divya-digambaro diśatu vaḥ saukhyaṃ yaśodā-śiśuḥ
Sanskrit only: no published translation is held for this verse.
दिनशो ऽभ्यर्च्य गोविन्दं द्वात्रिंशल्-लक्षमानतः । जप्त्वा दशांशं जुहुयात् सिताज्येन पयो ऽन्धसा
dinaśo 'bhyarcya govindaṃ dvātriṃśal-lakṣamānataḥ | japtvā daśāṃśaṃ juhuyāt sitājyena payo 'ndhasā
Sanskrit only: no published translation is held for this verse.
पद्मस्थं देवम् अभ्यर्च्य तर्पयेत् तन्-मुखाम्बुजे । क्षीरेण कदली-पक्वैर् दध्ना हैयङ्गवेन च
padmasthaṃ devam abhyarcya tarpayet tan-mukhāmbuje | kṣīreṇa kadalī-pakvair dadhnā haiyaṅgavena ca
Sanskrit only: no published translation is held for this verse.
सुतार्थी तर्पयेद् एवं वत्सराल् लभते सुतम् । यद् यद् इच्छति तत् सर्वं तर्पणाद् एव सिद्ध्यति
sutārthī tarpayed evaṃ vatsarāl labhate sutam | yad yad icchati tat sarvaṃ tarpaṇād eva siddhyati
Sanskrit only: no published translation is held for this verse.
मन्त्रान्तरम् उद्धरति- वाग्-भवं मार-बीजं च कृष्णाय भुवनेश्वरी । गोविन्दाय रमा गोपीजनवल्लभ-ङे-शिरः
mantrāntaram uddharati- vāg-bhavaṃ māra-bījaṃ ca kṛṣṇāya bhuvaneśvarī | govindāya ramā gopījanavallabha-ṅe-śiraḥ
Sanskrit only: no published translation is held for this verse.
चतुर्दशस्व् अरोपेतः शुक्लः सर्गी तद्-ऊर्ध्वतः । द्वाविंशत्य्-अक्षरो मन्त्रो वाग्-ईशत्वस्य साधकः
caturdaśasv aropetaḥ śuklaḥ sargī tad-ūrdhvataḥ | dvāviṃśaty-akṣaro mantro vāg-īśatvasya sādhakaḥ
Sanskrit only: no published translation is held for this verse.
अष्टादशार्णवत् सर्वं अङ्ग-र्ष्य्-आदिकम् अस्य तु । पूजा च विंशत्य्-अर्णोक्ता प्रतिपत्तिस् तु कथ्यते
aṣṭādaśārṇavat sarvaṃ aṅga-rṣy-ādikam asya tu | pūjā ca viṃśaty-arṇoktā pratipattis tu kathyate
Sanskrit only: no published translation is held for this verse.
वामोर्ध्व-हस्ते दधतं विद्या-सर्वस्व-पुस्तकम् । अक्षमालां च दक्षोर्ध्वे स्फाटिकीं मातृका-मयीम्
vāmordhva-haste dadhataṃ vidyā-sarvasva-pustakam | akṣamālāṃ ca dakṣordhve sphāṭikīṃ mātṛkā-mayīm
Sanskrit only: no published translation is held for this verse.
शब्द-ब्रह्म-मयं वेणुम् अधः-पाणि-द्वयेरितम् । गायन्तं पीत-वसनं श्यामलं कोमल-च्छविम्
śabda-brahma-mayaṃ veṇum adhaḥ-pāṇi-dvayeritam | gāyantaṃ pīta-vasanaṃ śyāmalaṃ komala-cchavim
Sanskrit only: no published translation is held for this verse.
बर्हि-वर्ह-कृतोत्तंसं सर्वज्ञं सर्व-वेदिभिः । उपासितं मुनि-गणैर् उपतिष्ठेद् धरिं सदा
barhi-varha-kṛtottaṃsaṃ sarvajñaṃ sarva-vedibhiḥ | upāsitaṃ muni-gaṇair upatiṣṭhed dhariṃ sadā
Sanskrit only: no published translation is held for this verse.
पुरश्चरणम् आह- ध्यात्वैवं प्रमदा-वेश-विलासं भुवनेश्वरम् । चतुर्लक्षं जपेन् मन्त्रम् इमं मन्त्री सुसंयतः
puraścaraṇam āha- dhyātvaivaṃ pramadā-veśa-vilāsaṃ bhuvaneśvaram | caturlakṣaṃ japen mantram imaṃ mantrī susaṃyataḥ
Sanskrit only: no published translation is held for this verse.
होमम् आह- पलाश-पुष्पैः स्वाद्वक्तैश् चत्वारिंशत् सहस्रकम् । जुह्यात् कर्मणानेन मनुः सिद्धो भवेद् ध्रुवम्
homam āha- palāśa-puṣpaiḥ svādvaktaiś catvāriṃśat sahasrakam | juhyāt karmaṇānena manuḥ siddho bhaved dhruvam
Sanskrit only: no published translation is held for this verse.
फलं दर्शयति- यो ऽस्मिन् निष्णात-धीर् मन्त्री वर्तते वक्त्र-गह्वरम् । गद्य-पद्य-मयी वाणी तस्य गङ्गा-प्रवाहवत्
phalaṃ darśayati- yo 'smin niṣṇāta-dhīr mantrī vartate vaktra-gahvaram | gadya-padya-mayī vāṇī tasya gaṅgā-pravāhavat
Sanskrit only: no published translation is held for this verse.
सर्व-वेदेषु शास्त्रेषु सङ्गीतेषु च पण्डितः । संवित्तिं परमां लब्ध्वा चान्ते भूयात् परं पदम्
sarva-vedeṣu śāstreṣu saṅgīteṣu ca paṇḍitaḥ | saṃvittiṃ paramāṃ labdhvā cānte bhūyāt paraṃ padam
Sanskrit only: no published translation is held for this verse.
मन्त्रान्तरम् आह- तारं हृद् भगवान् ङे ऽन्तो नन्द-पुत्र-पदं तथा । अनन्दान्ते वपुषे ऽस्थ्य्-अग्निम् आयान्ते दश-वर्णकः
mantrāntaram āha- tāraṃ hṛd bhagavān ṅe 'nto nanda-putra-padaṃ tathā | anandānte vapuṣe 'sthy-agnim āyānte daśa-varṇakaḥ
Sanskrit only: no published translation is held for this verse.
अष्टाविंशत्य् अक्षरो ऽयं ब्रुवे द्वात्रिंशद्-अक्षरम् । नन्द-पुत्र-पद ङे ऽन्तं श्यामलाङ्गं पदं तथा । ङे ऽन्ता बाल-वपुः कृष्ण-गोविन्दा दश-वर्णकः
aṣṭāviṃśaty akṣaro 'yaṃ bruve dvātriṃśad-akṣaram | nanda-putra-pada ṅe 'ntaṃ śyāmalāṅgaṃ padaṃ tathā | ṅe 'ntā bāla-vapuḥ kṛṣṇa-govindā daśa-varṇakaḥ
Sanskrit only: no published translation is held for this verse.
ऋष्य्-आदिकं दर्शयति । अनयोर् नारद ऋषिः छन्दस् त्रिष्टुब्-अनुष्टुभौ । आचक्राद्यैर् अङ्गम् अङ्ग-दिक्-पालाद्यैश् च पूजनम्
ṛṣy-ādikaṃ darśayati | anayor nārada ṛṣiḥ chandas triṣṭub-anuṣṭubhau | ācakrādyair aṅgam aṅga-dik-pālādyaiś ca pūjanam
Sanskrit only: no published translation is held for this verse.
ध्यानं दर्शयति- दक्षिणे रत्न-चषकं वामे सौवर्ण-वेत्रकम् । करे दधानं देवीभ्याम् आश्लिष्टं चिन्तयेद् धरिम्
dhyānaṃ darśayati- dakṣiṇe ratna-caṣakaṃ vāme sauvarṇa-vetrakam | kare dadhānaṃ devībhyām āśliṣṭaṃ cintayed dharim
Sanskrit only: no published translation is held for this verse.
जपेल् लक्षं मनु-वरौ पायसैर् अयुतं हुनेत् । एवं सिद्ध-मनुर् मन्त्री त्रैलोक्यैश्वर्य-भाग् भवेत्
japel lakṣaṃ manu-varau pāyasair ayutaṃ hunet | evaṃ siddha-manur mantrī trailokyaiśvarya-bhāg bhavet
Sanskrit only: no published translation is held for this verse.
मन्त्रान्तरम् आह- तार-श्री-शक्ति-बीजाढ्यं नमो भगवते पदम् । नन्द-पुत्र-पद-ङे ऽन्तं भूधरो मुख-वृत्त-युक् । मासान्ते वपुषे मन्त्र ऊनविंशति-वर्णकः
mantrāntaram āha- tāra-śrī-śakti-bījāḍhyaṃ namo bhagavate padam | nanda-putra-pada-ṅe 'ntaṃ bhūdharo mukha-vṛtta-yuk | māsānte vapuṣe mantra ūnaviṃśati-varṇakaḥ
Sanskrit only: no published translation is held for this verse.
मन्त्रोद्धारः: ॐ श्रीं ह्रीं नमो भगवते नन्द-पुत्राय बाल-वपुषे ॥ ऋषिर् ब्रह्मानुष्टुप्-छन्दस् तथान्यद् उदितं समम् । अयं च सर्व-सम्पत्ति-सिद्धये सेव्यताम्बुधैः
mantroddhāraḥ: oṃ śrīṃ hrīṃ namo bhagavate nanda-putrāya bāla-vapuṣe || ṛṣir brahmānuṣṭup-chandas tathānyad uditaṃ samam | ayaṃ ca sarva-sampatti-siddhaye sevyatāmbudhaiḥ
Sanskrit only: no published translation is held for this verse.
मन्त्रम् उद्धरति- तारं हृत् भगवान् ङे ऽन्तो रुक्मिणी-वल्लभस् तथा । शिरो ऽन्तः षोडशार्णो ऽयं रुक्मिणी-वल्लभाह्वयः
mantram uddharati- tāraṃ hṛt bhagavān ṅe 'nto rukmiṇī-vallabhas tathā | śiro 'ntaḥ ṣoḍaśārṇo 'yaṃ rukmiṇī-vallabhāhvayaḥ
Sanskrit only: no published translation is held for this verse.
विमर्शः : ॐ नमो भगवते रुक्मिणी-वल्लभाय स्वाहा ॥ सर्व-सम्पत्-प्रदो मन्त्रो नारदो ऽस्य मुनिः स्मृतः । छन्दो ऽनुष्टिप् देवता च रुक्मिणी-वल्लभो हरिः । एक-दृग्-वेद-मुनि-दृग्-वर्णैर् अस्याङ्ग-पञ्चकम्
vimarśaḥ : oṃ namo bhagavate rukmiṇī-vallabhāya svāhā || sarva-sampat-prado mantro nārado 'sya muniḥ smṛtaḥ | chando 'nuṣṭip devatā ca rukmiṇī-vallabho hariḥ | eka-dṛg-veda-muni-dṛg-varṇair asyāṅga-pañcakam
Sanskrit only: no published translation is held for this verse.
ध्यानम् आह- तापिच्छ-च्छवि-रङ्ग-गाम् प्रियतमां सर्वण-प्रभाम् अम्बुज- प्रोद्यद्-वाम-भुजां स्व-वाम-भुजयाश्लिष्यन् सचिन्ताश्मना । श्लिष्यन्तीं स्वयम् अन्य-हस्त-विलसत्-सौवर्ण-वेत्रश् चिरं पायाद् वो ऽसन-प्रसून-पीत-वसनो नाना-विभूषो हरिः
dhyānam āha- tāpiccha-cchavi-raṅga-gām priyatamāṃ sarvaṇa-prabhām ambuja- prodyad-vāma-bhujāṃ sva-vāma-bhujayāśliṣyan sacintāśmanā | śliṣyantīṃ svayam anya-hasta-vilasat-sauvarṇa-vetraś ciraṃ pāyād vo 'sana-prasūna-pīta-vasano nānā-vibhūṣo hariḥ
Sanskrit only: no published translation is held for this verse.
पुरश्चरणम् आह- ध्यात्वैवं रुक्मिणी-नाथं जप्याल् लक्षम् इमं मनुम् । अयुतं जुहुयात् पद्मैर् अरुणैर् मधुराप्लुतैः
puraścaraṇam āha- dhyātvaivaṃ rukmiṇī-nāthaṃ japyāl lakṣam imaṃ manum | ayutaṃ juhuyāt padmair aruṇair madhurāplutaiḥ
Sanskrit only: no published translation is held for this verse.
पूजां दर्शयति- अर्चयेन् नित्यम् अङ्गैस् तं नारदाद्यैर् दिशाधिपैः । वज्राद्यैर् अपि धर्मार्थ-काम-मोक्षाप्तये नरः
pūjāṃ darśayati- arcayen nityam aṅgais taṃ nāradādyair diśādhipaiḥ | vajrādyair api dharmārtha-kāma-mokṣāptaye naraḥ
Sanskrit only: no published translation is held for this verse.
मन्त्रान्तरम् उद्धरति- लीला-दण्डावधौ गोपी-जन-संसक्त-दोः पदम् । दण्डान्ते बाल-रूपेति मेघ-श्याम-पदं ततः
mantrāntaram uddharati- līlā-daṇḍāvadhau gopī-jana-saṃsakta-doḥ padam | daṇḍānte bāla-rūpeti megha-śyāma-padaṃ tataḥ
Sanskrit only: no published translation is held for this verse.
भगवान् विष्णुर् इत्य् उक्त्वा वह्नि-जायान्तको मनुः । एकोनत्रिंशद्-अर्णो ऽस्य मुनिर् नारद ईरितः
bhagavān viṣṇur ity uktvā vahni-jāyāntako manuḥ | ekonatriṃśad-arṇo 'sya munir nārada īritaḥ
Sanskrit only: no published translation is held for this verse.
छन्दो ऽनुष्टुप् देवता च लीला-दण्ड-धरो हरिः । मन्व्-अब्धि-करणाग्न्य्-अब्धि-वर्णैर् अङ्ग-क्रिया मता
chando 'nuṣṭup devatā ca līlā-daṇḍa-dharo hariḥ | manv-abdhi-karaṇāgny-abdhi-varṇair aṅga-kriyā matā
Sanskrit only: no published translation is held for this verse.
मन्त्रोद्धारः : लीला-दण्ड-गोपी-जन-संसक्त-दोर्-दण्ड-बाल-रूप-मेघ-श्याम भगवन् विष्णो स्वाहा । ध्यानम् आह- संमोहयन् निज-कवामकरस्थ-लीला- दण्डेन गोप-युवतीः सुर-सुन्दरीश् च । दिश्यान् निज-प्रियतमांसग-दक्ष-हस्तो देवः श्रियं निहत-कंस उरुक्रमो वः
mantroddhāraḥ : līlā-daṇḍa-gopī-jana-saṃsakta-dor-daṇḍa-bāla-rūpa-megha-śyāma bhagavan viṣṇo svāhā | dhyānam āha- saṃmohayan nija-kavāmakarastha-līlā- daṇḍena gopa-yuvatīḥ sura-sundarīś ca | diśyān nija-priyatamāṃsaga-dakṣa-hasto devaḥ śriyaṃ nihata-kaṃsa urukramo vaḥ
Sanskrit only: no published translation is held for this verse.
पुरश्चरणम् आह- ध्यात्वैवं प्रजपेल् लक्षम् अयुतं तिल-तण्डुलैः । त्रि-मध्व्-अक्तैर् हुनेद् अङ्ग-दिक्-पालाद्यैः समर्चयेत्
puraścaraṇam āha- dhyātvaivaṃ prajapel lakṣam ayutaṃ tila-taṇḍulaiḥ | tri-madhv-aktair huned aṅga-dik-pālādyaiḥ samarcayet
Sanskrit only: no published translation is held for this verse.
प्रात्याहिक-पूजा-फलम् आह- लीला-दण्डं हरिं यो वै भजते नित्यम् आदरात् । स पूज्यते सर्व-लोकैस् तं भजेद् इन्दिरा सदा
prātyāhika-pūjā-phalam āha- līlā-daṇḍaṃ hariṃ yo vai bhajate nityam ādarāt | sa pūjyate sarva-lokais taṃ bhajed indirā sadā
Sanskrit only: no published translation is held for this verse.
मन्त्रान्तरम् उद्धरति- त्रयोदश-स्वर-युतैः शार्ङ्गी भेदः सकेशवः । तथा मांस-युगं भाय शिरः सप्ताक्षरो मनुः
mantrāntaram uddharati- trayodaśa-svara-yutaiḥ śārṅgī bhedaḥ sakeśavaḥ | tathā māṃsa-yugaṃ bhāya śiraḥ saptākṣaro manuḥ
Sanskrit only: no published translation is held for this verse.
मन्त्र-स्वरूपः : गो-वल्लभाय स्वाहा ॥ ऋष्य्-आदिकम् आह- आचक्राद्यैर् अङ्ग-क्प्तिर् नारदो ऽस्य मुनिः स्मृतः । छन्द उष्णिग्-देवता च गो-वल्लभ उदाहृतः
mantra-svarūpaḥ : go-vallabhāya svāhā || ṛṣy-ādikam āha- ācakrādyair aṅga-kptir nārado 'sya muniḥ smṛtaḥ | chanda uṣṇig-devatā ca go-vallabha udāhṛtaḥ
Sanskrit only: no published translation is held for this verse.
ध्यानम् आह- ध्येयो ऽच्युतः स कपिला-गण-मध्य-संस्थः ता आह्वयन् दधद् अदक्षिण-दोष्णि वेणुम् । पाशं सयष्टिम् अपरत्र पयोदनीलः पीताम्बरो ऽहि-रिपु-पिच्छ-कृतावतंसः
dhyānam āha- dhyeyo 'cyutaḥ sa kapilā-gaṇa-madhya-saṃsthaḥ tā āhvayan dadhad adakṣiṇa-doṣṇi veṇum | pāśaṃ sayaṣṭim aparatra payodanīlaḥ pītāmbaro 'hi-ripu-piccha-kṛtāvataṃsaḥ
Sanskrit only: no published translation is held for this verse.
पुरश्चरणम् आह- मुनि-लक्षं जपेद् एतद् धुनेत् सप्त-सहस्रकम् । गो-क्षीर-रङ्ग-दिक्-पाल-मध्ये ऽर्च्ये गो-गणाष्टकम्
puraścaraṇam āha- muni-lakṣaṃ japed etad dhunet sapta-sahasrakam | go-kṣīra-raṅga-dik-pāla-madhye 'rcye go-gaṇāṣṭakam
Sanskrit only: no published translation is held for this verse.
प्रयोगान्तरम् आह- अष्टोत्तर-सहस्रं यः पयोभिर् दिनशो हुनेत् । पक्षात् स गो-गणैर् आढ्यो दशार्णेनैष वा विधिः
prayogāntaram āha- aṣṭottara-sahasraṃ yaḥ payobhir dinaśo hunet | pakṣāt sa go-gaṇair āḍhyo daśārṇenaiṣa vā vidhiḥ
Sanskrit only: no published translation is held for this verse.
मन्त्रान्तरम् आह- स-लवो वासुदेवो हृत् ङे ऽन्तं च भगवत्-पदम् । श्री-गोविन्द-पदं तद्वत् द्वादशार्णो ऽयम् ईरितः
mantrāntaram āha- sa-lavo vāsudevo hṛt ṅe 'ntaṃ ca bhagavat-padam | śrī-govinda-padaṃ tadvat dvādaśārṇo 'yam īritaḥ
Sanskrit only: no published translation is held for this verse.
मन्त्र-स्वरूपः : ॐ नमो भगवते श्री-गोविन्दाय ॥ ऋष्य्-आदिकम् आह- मनुर् नारद-गायत्री-कृष्ण-र्ष्य्-आदिर् अथाङ्गकम् । एकाक्षि-वेद-भूतार्णैः समस्तैर् अपि कल्पयेत्
mantra-svarūpaḥ : oṃ namo bhagavate śrī-govindāya || ṛṣy-ādikam āha- manur nārada-gāyatrī-kṛṣṇa-rṣy-ādir athāṅgakam | ekākṣi-veda-bhūtārṇaiḥ samastair api kalpayet
Sanskrit only: no published translation is held for this verse.
ध्यानम् आह- वन्दे कल्प-द्रु-मूलाश्रित-मणि-मय-सिंहासने सन्निविष्टं नीलाभं पीत-वस्त्रं कर-कमल-लसच्-छङ्ख-वेत्रं मुरारिम् । गोभिः स-प्रश्रवाभिर् वृतम् अमर-पति-प्रौढ-हस्त-स्थ-कुम्भ- प्रच्योतत्-सौध-धारा-स्नपितम् अभिनवाम्भोज-पत्राभ-नेत्रम्
dhyānam āha- vande kalpa-dru-mūlāśrita-maṇi-maya-siṃhāsane sanniviṣṭaṃ nīlābhaṃ pīta-vastraṃ kara-kamala-lasac-chaṅkha-vetraṃ murārim | gobhiḥ sa-praśravābhir vṛtam amara-pati-prauḍha-hasta-stha-kumbha- pracyotat-saudha-dhārā-snapitam abhinavāmbhoja-patrābha-netram
Sanskrit only: no published translation is held for this verse.
पुरश्चरणम् आह- ध्यात्वैवम् अच्युतं जप्त्वा रवि-लक्षं हुनेत् ततः । दुग्धैर् द्वादश-साहस्रं दिनशो ऽमुं समर्चयेत्
puraścaraṇam āha- dhyātvaivam acyutaṃ japtvā ravi-lakṣaṃ hunet tataḥ | dugdhair dvādaśa-sāhasraṃ dinaśo 'muṃ samarcayet
Sanskrit only: no published translation is held for this verse.
आयतनादिषु पूजा-विशेषं दर्शयति- गोष्ठे प्रतिष्ठितं चात्म-गेहे वा प्रतिमादिषु । समस्त-परिवारार्चास् ताः पुनर् विष्णु-पार्षदाः
āyatanādiṣu pūjā-viśeṣaṃ darśayati- goṣṭhe pratiṣṭhitaṃ cātma-gehe vā pratimādiṣu | samasta-parivārārcās tāḥ punar viṣṇu-pārṣadāḥ
Sanskrit only: no published translation is held for this verse.
द्वाराग्रे बलि-पीठे ऽर्च्याः पक्षीन्द्रश् च तद्-अग्रतः । चण्ड-प्रचण्डौ प्राग् धातृ-विधातारौ च दक्षिणे
dvārāgre bali-pīṭhe 'rcyāḥ pakṣīndraś ca tad-agrataḥ | caṇḍa-pracaṇḍau prāg dhātṛ-vidhātārau ca dakṣiṇe
Sanskrit only: no published translation is held for this verse.
जयः स-विजयः पश्चाद् बलः प्रबल उत्तरे । ऊर्ध्वं द्वार-श्रियं चेष्ट्वा द्वास्थेशान् युग्मशो ऽर्चयेत्
jayaḥ sa-vijayaḥ paścād balaḥ prabala uttare | ūrdhvaṃ dvāra-śriyaṃ ceṣṭvā dvāstheśān yugmaśo 'rcayet
Sanskrit only: no published translation is held for this verse.
पूज्यो वास्तु-पुमांस् तत्र तत्र द्वाः-पीथ-मध्य-गः । द्वारान्तः-पार्श्वयोर् अर्च्या गङ्गा च यमुना निधी
pūjyo vāstu-pumāṃs tatra tatra dvāḥ-pītha-madhya-gaḥ | dvārāntaḥ-pārśvayor arcyā gaṅgā ca yamunā nidhī
Sanskrit only: no published translation is held for this verse.
कोणेषु विघ्नं दुर्गां च वाणीं क्षेत्रेशम् अर्चयेत् । अर्चयेद् वास्तु-पुरुषं वेश्म-मध्ये समाहितः । देवतार्चानुरोधेन नैरृत्यां वा विचक्षणः
koṇeṣu vighnaṃ durgāṃ ca vāṇīṃ kṣetreśam arcayet | arcayed vāstu-puruṣaṃ veśma-madhye samāhitaḥ | devatārcānurodhena nairṛtyāṃ vā vicakṣaṇaḥ
Sanskrit only: no published translation is held for this verse.
अस्त्रम् उद्धरति- तारं शार्ङ्ग-पदं ङे ऽन्तं स-पूर्वं च शरासनम् । हुं फट् नतिर् इत्य् उक्त्वास्त्र-मुद्रयाग्रे स्थितो हरेः
astram uddharati- tāraṃ śārṅga-padaṃ ṅe 'ntaṃ sa-pūrvaṃ ca śarāsanam | huṃ phaṭ natir ity uktvāstra-mudrayāgre sthito hareḥ
Sanskrit only: no published translation is held for this verse.
पुष्पाक्षतं क्षिपेद् दिक्षु समासीनासने ततः । विधेयम् एतत् सर्वत्र स्थापितेषु विशेषतः
puṣpākṣataṃ kṣiped dikṣu samāsīnāsane tataḥ | vidheyam etat sarvatra sthāpiteṣu viśeṣataḥ
Sanskrit only: no published translation is held for this verse.
पीठ-पूजाम् आह- आत्मार्चनान्तं कृत्वाथ गुरु-पङ्क्ति-पुरोक्तवत् । श्री-गुरून् परमाद्यांश् च महास्मत्-सर्व-पूर्वकान्
pīṭha-pūjām āha- ātmārcanāntaṃ kṛtvātha guru-paṅkti-puroktavat | śrī-gurūn paramādyāṃś ca mahāsmat-sarva-pūrvakān
Sanskrit only: no published translation is held for this verse.
तत्-पादुकान् आरदादीन् पूर्व-सिद्धान् अनन्तरम् । ततो भागवतांश् चेष्ट्वा विघ्नं दक्षिणतो ऽर्चयेत्
tat-pādukān āradādīn pūrva-siddhān anantaram | tato bhāgavatāṃś ceṣṭvā vighnaṃ dakṣiṇato 'rcayet
Sanskrit only: no published translation is held for this verse.
पूर्ववत् पीठम् अभ्यर्च्य श्री-गोविन्दम् अथार्चयेत् । रुक्मिणीं सत्यभामां च पार्श्वयोर् इन्द्रम् अग्रतः
pūrvavat pīṭham abhyarcya śrī-govindam athārcayet | rukmiṇīṃ satyabhāmāṃ ca pārśvayor indram agrataḥ
Sanskrit only: no published translation is held for this verse.
पृष्ठतः सुरभिं चेष्ट्वा केशरेष्व् अङ्ग-देवताः । अर्च्या हृदादि-वर्मान्ता दिक्ष्व् अस्त्रं कोणकेषु च
pṛṣṭhataḥ surabhiṃ ceṣṭvā keśareṣv aṅga-devatāḥ | arcyā hṛdādi-varmāntā dikṣv astraṃ koṇakeṣu ca
Sanskrit only: no published translation is held for this verse.
कालिन्दी-रोहिणी-नाग्नजित्य्-आद्याः षट् च शक्तयः । दलेषु पीठ-कोणेषु वह्न्य्-आद्य्-अर्च्याश् च किङ्किणीः
kālindī-rohiṇī-nāgnajity-ādyāḥ ṣaṭ ca śaktayaḥ | daleṣu pīṭha-koṇeṣu vahny-ādy-arcyāś ca kiṅkiṇīḥ
Sanskrit only: no published translation is held for this verse.
दामानि यष्टि-वेणुश् च पुरः श्रीवत्स-कौस्तुभौ । अग्रतो वनमालां च दिक्ष्व् अष्टासु ततो ऽर्चयेत्
dāmāni yaṣṭi-veṇuś ca puraḥ śrīvatsa-kaustubhau | agrato vanamālāṃ ca dikṣv aṣṭāsu tato 'rcayet
Sanskrit only: no published translation is held for this verse.
पाञ्चजन्यं गदां चक्रं वसुदेवं च देवकीम् । नन्द-गोपं यशोदां च स-गो-गोपाल-गोपिकाः
pāñcajanyaṃ gadāṃ cakraṃ vasudevaṃ ca devakīm | nanda-gopaṃ yaśodāṃ ca sa-go-gopāla-gopikāḥ
Sanskrit only: no published translation is held for this verse.
इन्द्राद्याः कुमुदाद्याश् च विश्वक्सेनं तथोत्तरे । कुमुदः कुमुदाक्षश् च पुण्डरीको ऽथ वामनः । शङ्कु-कर्णः सर्व-नेत्रः सुमुखः सुप्रतिष्ठितः
indrādyāḥ kumudādyāś ca viśvaksenaṃ tathottare | kumudaḥ kumudākṣaś ca puṇḍarīko 'tha vāmanaḥ | śaṅku-karṇaḥ sarva-netraḥ sumukhaḥ supratiṣṭhitaḥ
Sanskrit only: no published translation is held for this verse.
पूजा-फलम् आह- एक-कालं द्विकालं वा त्रि-कालं चेति गोष्ठगम् । श्री-गोविन्दं यजेन् नित्यं गोभ्यश् च यवस-प्रदः
pūjā-phalam āha- eka-kālaṃ dvikālaṃ vā tri-kālaṃ ceti goṣṭhagam | śrī-govindaṃ yajen nityaṃ gobhyaś ca yavasa-pradaḥ
Sanskrit only: no published translation is held for this verse.
दीर्घ-जीवी निरातङ्को धेनु-धान्य-धनादिभिः । पुत्रैर् मित्रैर् इहाढो ऽन्ते प्रयाति परं पदम्
dīrgha-jīvī nirātaṅko dhenu-dhānya-dhanādibhiḥ | putrair mitrair ihāḍho 'nte prayāti paraṃ padam
Sanskrit only: no published translation is held for this verse.
मन्त्रान्तरम् आह- ऊर्ध्वद्-अन्त-युतः शार्ङ्गी चक्री दक्षिण-कर्ण-युक् । मांसं नाथाय नत्य्-अन्तो मूल-मन्त्रो ऽष्त-वर्णकः
mantrāntaram āha- ūrdhvad-anta-yutaḥ śārṅgī cakrī dakṣiṇa-karṇa-yuk | māṃsaṃ nāthāya naty-anto mūla-mantro 'ṣta-varṇakaḥ
Sanskrit only: no published translation is held for this verse.