अमुष्य पूर्वोक्त-मन्त्रस्य मुनिः ऋषिर् नारदः कीर्तितः कथितः । ऋषिभिर् गौतमादिभिर् विराट्-छन्द उक्तम् । देवता नन-गोप-तनयः श्री-गोपाल-कृष्ण उक्तः । कीदृशः ? सकल-लोक-मङ्गलः सर्व-जन-कल्याण-हेतुः । एतेन ऋष्य्-आदीनां शिरसि रसनायां हृदि क्रमेण न्यासः कार्य इति सूचितं प्रपञ्च-सारे । तथा विधानात् प्रयोगश् च दशाक्षर-गोपाल-मन्त्रस्य नारद-ऋसये नमः शिरसि । विराट्-छन्दसे नमो मुखे । श्री-गोपाल-कृष्णाय देवतायै नमः हृदि इत्य् एवम्भूतः । अस्य मन्त्रस्य नारद-ऋषिः । एवं छन्दो-देवतयोर् अपि योज्यम् इति केचित्
amuṣya pūrvokta-mantrasya muniḥ ṛṣir nāradaḥ kīrtitaḥ kathitaḥ | ṛṣibhir gautamādibhir virāṭ-chanda uktam | devatā nana-gopa-tanayaḥ śrī-gopāla-kṛṣṇa uktaḥ | kīdṛśaḥ ? sakala-loka-maṅgalaḥ sarva-jana-kalyāṇa-hetuḥ | etena ṛṣy-ādīnāṃ śirasi rasanāyāṃ hṛdi krameṇa nyāsaḥ kārya iti sūcitaṃ prapañca-sāre | tathā vidhānāt prayogaś ca daśākṣara-gopāla-mantrasya nārada-ṛsaye namaḥ śirasi | virāṭ-chandase namo mukhe | śrī-gopāla-kṛṣṇāya devatāyai namaḥ hṛdi ity evambhūtaḥ | asya mantrasya nārada-ṛṣiḥ | evaṃ chando-devatayor api yojyam iti kecit
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.