इति कुलालिकाम्नाये श्रीकुब्जिकामते समस्तव्यस्तव्याप्तिर् नाम द्वाविंशतिमः पटलः श्रीभैरव उवाच कालचक्रं वरारोहे आत्मनश् च परस्य च । ज्ञात्वा व्यपोहयेत् कालम् उत्क्रान्तिं वा सलक्षणम्
iti kulālikāmnāye śrīkubjikāmate samastavyastavyāptir nāma dvāviṃśatimaḥ paṭalaḥ śrībhairava uvāca kālacakraṃ varārohe ātmanaś ca parasya ca / jñātvā vyapohayet kālam utkrāntiṃ vā salakṣaṇam
Sanskrit only: no published translation is held for this verse.
येन जानाति देवेशि साधको निश्चयात्मकः । शृणु त्वं परमानन्दं सुगोप्यं प्रकटामि ते
yena jānāti deveśi sādhako niścayātmakaḥ / śṛṇu tvaṃ paramānandaṃ sugopyaṃ prakaṭāmi te
Sanskrit only: no published translation is held for this verse.
कालं तु त्रिविधं प्रोक्तं परं चैव परापरम् । अपरं तु कलाधारं कालस्य वशसंस्थितम्
kālaṃ tu trividhaṃ proktaṃ paraṃ caiva parāparam / aparaṃ tu kalādhāraṃ kālasya vaśasaṃsthitam
Sanskrit only: no published translation is held for this verse.
त्रुटिलवात् परः कालः कालोन्मेषात् परापरः । मन्वन्तरादिकाष्ठादौ स कालः कलते तनुम्
truṭilavāt paraḥ kālaḥ kālonmeṣāt parāparaḥ / manvantarādikāṣṭhādau sa kālaḥ kalate tanum
Sanskrit only: no published translation is held for this verse.
कल्पे परापरे काले स्थित्वा कालस्य वञ्चनम् । परात् परतरे काले स्थितौ कालस्य कालकृत्
kalpe parāpare kāle sthitvā kālasya vañcanam / parāt paratare kāle sthitau kālasya kālakṛt
Sanskrit only: no published translation is held for this verse.
इति मत्वा परं कालं मानभूतं गुरोर् मुखात् । ततः कुर्वन्ति सर्वत्र ज्ञानक्रीडाम् अशङ्किताम्
iti matvā paraṃ kālaṃ mānabhūtaṃ guror mukhāt / tataḥ kurvanti sarvatra jñānakrīḍām aśaṅkitām
Sanskrit only: no published translation is held for this verse.
परं तु षण्णवत्योर्ध्वं षण्णवत्या परापरम् । चतुराशीतिप्रमाणेन अपरं कलनात्मकम्
paraṃ tu ṣaṇṇavatyordhvaṃ ṣaṇṇavatyā parāparam / caturāśītipramāṇena aparaṃ kalanātmakam
Sanskrit only: no published translation is held for this verse.
पञ्चकेन निबद्धं तु पञ्चत्वं याति शीघ्रतः । नन्दाभद्रादियोगेन जयारिक्तादिपौर्णिमा
pañcakena nibaddhaṃ tu pañcatvaṃ yāti śīghrataḥ / nandābhadrādiyogena jayāriktādipaurṇimā
Sanskrit only: no published translation is held for this verse.
पञ्च पञ्च तथा पञ्च मासा-ऋत्वयनावधिम् । संवत्सरं युगं चेति मन्वन्तरसकल्पकम्
pañca pañca tathā pañca māsā-ṛtvayanāvadhim / saṃvatsaraṃ yugaṃ ceti manvantarasakalpakam
Sanskrit only: no published translation is held for this verse.
एवं कलन्ति तं कालं पञ्चपञ्चान्तकावधिम् । कालावधिस्थितान् द्वीपान् द्वीपैः पीठान् विदुर् बुधाः
evaṃ kalanti taṃ kālaṃ pañcapañcāntakāvadhim / kālāvadhisthitān dvīpān dvīpaiḥ pīṭhān vidur budhāḥ
Sanskrit only: no published translation is held for this verse.
पीठान्तस्थानि तत्त्वानि पञ्च भूतानि तेषु वै । एकैकं पञ्चकावृत्तं पञ्चविंशान्तकाविधिम्
pīṭhāntasthāni tattvāni pañca bhūtāni teṣu vai / ekaikaṃ pañcakāvṛttaṃ pañcaviṃśāntakāvidhim
Sanskrit only: no published translation is held for this verse.
स्वरपञ्चकयुक्तानि संसरन्ति कलार्णवे । पद्मनाडीनिबद्धेताः कालयन्त्रोपरिष्ठिताः
svarapañcakayuktāni saṃsaranti kalārṇave / padmanāḍīnibaddhetāḥ kālayantropariṣṭhitāḥ
Sanskrit only: no published translation is held for this verse.
जीवतोयं हरत्य् आशु शोषयन्ति क्षणे क्षणे । चन्द्रसूर्यकरैः कृत्वा कृतान्तो वाहने क्षमः
jīvatoyaṃ haraty āśu śoṣayanti kṣaṇe kṣaṇe / candrasūryakaraiḥ kṛtvā kṛtānto vāhane kṣamaḥ
Sanskrit only: no published translation is held for this verse.
जीवार्णवं समस्तेदम् आकृष्य च पुनः पुनः । सिञ्चयेत् क्षयवृक्षाणि जरामृत्युफलार्थिनः
jīvārṇavaṃ samastedam ākṛṣya ca punaḥ punaḥ / siñcayet kṣayavṛkṣāṇi jarāmṛtyuphalārthinaḥ
Sanskrit only: no published translation is held for this verse.
एवं ते त्रिविधः कालः कथितस् तु सुविस्तरः । लक्ष्यते यै रुतैः सो हि तन् निबोधयतः शृणु
evaṃ te trividhaḥ kālaḥ kathitas tu suvistaraḥ / lakṣyate yai rutaiḥ so hi tan nibodhayataḥ śṛṇu
Sanskrit only: no published translation is held for this verse.
बहिरङ्गान्तरङ्गानि ज्ञात्वा वञ्चयते यथा । वञ्चितुं यो न शक्येत स याति गुरुसन्निधौ
bahiraṅgāntaraṅgāni jñātvā vañcayate yathā / vañcituṃ yo na śakyeta sa yāti gurusannidhau
Sanskrit only: no published translation is held for this verse.
स्वप्ने वा यदि प्रत्यक्षं समाधिगुणयोगतः । विवर्णां पश्यते छायां जीवेद् वर्षत्रयं तु सः
svapne vā yadi pratyakṣaṃ samādhiguṇayogataḥ / vivarṇāṃ paśyate chāyāṃ jīved varṣatrayaṃ tu saḥ
Sanskrit only: no published translation is held for this verse.
उत्तराभिमुखो भूत्वा पश्यते दक्षिणादिशम् । विवर्णं पूर्वम् आख्यातं मासैकं त्रिदिनोज्झितम्
uttarābhimukho bhūtvā paśyate dakṣiṇādiśam / vivarṇaṃ pūrvam ākhyātaṃ māsaikaṃ tridinojjhitam
Sanskrit only: no published translation is held for this verse.
शुद्धनिर्मलम् आदित्यं विरश्मिं यदि पश्यति । वर्षद्वयेन मन्तव्यं मृत्युम् आत्मनि विन्दति
śuddhanirmalam ādityaṃ viraśmiṃ yadi paśyati / varṣadvayena mantavyaṃ mṛtyum ātmani vindati
Sanskrit only: no published translation is held for this verse.
अरुन्धतीं ध्रुवं चैव सोमच्छायां महापथम् । यो न पश्यति देवेशि न जीवेद् वत्सरात् परम्
arundhatīṃ dhruvaṃ caiva somacchāyāṃ mahāpatham / yo na paśyati deveśi na jīved vatsarāt param
Sanskrit only: no published translation is held for this verse.
मध्ये छिद्रं चन्द्रमसि यस् तु पश्यति भामिनि । मृत्युं तस्य विजानीयान् मासे चैकादशे तथा
madhye chidraṃ candramasi yas tu paśyati bhāmini / mṛtyuṃ tasya vijānīyān māse caikādaśe tathā
Sanskrit only: no published translation is held for this verse.
भग्नशाखाद्रुमं पश्येद् गन्धर्वनगरं तथा । पश्येत् प्रेतपिशाचांश् च दश मासान् स जीवति
bhagnaśākhādrumaṃ paśyed gandharvanagaraṃ tathā / paśyet pretapiśācāṃś ca daśa māsān sa jīvati
Sanskrit only: no published translation is held for this verse.
यस्य वै स्नातमात्रस्य हृदि पादौ च शुष्यति । धूमो वा मस्तके वास्ति अष्टमासान् स जीवति
yasya vai snātamātrasya hṛdi pādau ca śuṣyati / dhūmo vā mastake vāsti aṣṭamāsān sa jīvati
Sanskrit only: no published translation is held for this verse.
अग्रतः पृष्ठतो वापि खण्डं यस्य पदं भवेत् । पांसौ वा कर्दमे वापि सप्त मासान् स जीवति
agrataḥ Pṛṣṭhato vāpi khaṇḍaṃ yasya padaṃ bhavet / pāṃsau vā kardame vāpi sapta māsān sa jīvati
Sanskrit only: no published translation is held for this verse.
रक्तमाल्यानुलेपानि रक्तकृष्णं च वाससम् । लभते स्वप्नयोगेन षण्मासांस् तु स जीवति
raktamālyānulepāni raktakṛṣṇaṃ ca vāsasam / labhate svapnayogena ṣaṇmāsāṃs tu sa jīvati
Sanskrit only: no published translation is held for this verse.
आरुह्य मस्तके यस्य कृकलासः स्थिरीभवेत् । धारयेत् त्रीणि रूपाणि पञ्चमासान् स जीवति
āruhya mastake yasya kṛkalāsaḥ sthirībhavet / dhārayet trīṇi rūpāṇi pañcamāsān sa jīvati
Sanskrit only: no published translation is held for this verse.
पुरुषो लोहदण्डेन कृष्णो यस्य परिच्छदः । पश्यते स्वप्नयोगेन चतुर्मासान् स जीवति
puruṣo lohadaṇḍena kṛṣṇo yasya paricchadaḥ / paśyate svapnayogena caturmāsān sa jīvati
Sanskrit only: no published translation is held for this verse.
चन्द्रबिम्बप्रतीकाशम् उदयन्तं दिवाकरम् । विरश्मिमण्डलं पश्येत् त्रीणि मासान् स जीवति
candrabimbapratīkāśam udayantaṃ divākaram / viraśmimaṇḍalaṃ paśyet trīṇi māsān sa jīvati
Sanskrit only: no published translation is held for this verse.
दीपम् आरक्तताम्राभम् आकाशे रविमण्डलम् । मञ्जिष्ठां मेदिनीं पश्येज् जीवेन् मासद्वयं तु सः
dīpam āraktatāmrābham ākāśe ravimaṇḍalam / mañjiṣṭhāṃ medinīṃ paśyej jīven māsadvayaṃ tu saḥ
Sanskrit only: no published translation is held for this verse.
अप्सु वा यदि वादर्शे यद्य् आत्मानं न पश्यति । विशिरां पश्यते छायां मासम् एकं स जीवति
apsu vā yadi vādarśe yady ātmānaṃ na paśyati / viśirāṃ paśyate chāyāṃ māsam ekaṃ sa jīvati
Sanskrit only: no published translation is held for this verse.
यदि नेत्रं स्रवेद् एकं कण्ठस्थानं विशुष्यति । वाचाद्यं कम्पते यस्य स्वाङ्गं वह्निसमप्रभम्
yadi netraṃ sraved ekaṃ kaṇṭhasthānaṃ viśuṣyati / vācādyaṃ kampate yasya svāṅgaṃ vahnisamaprabham
Sanskrit only: no published translation is held for this verse.
वेदना भवते तीव्रा अब्दम् एकं स जीवति । ललाटं चलते यस्य विवर्णं जायते मुखम्
vedanā bhavate tīvrā abdam ekaṃ sa jīvati / lalāṭaṃ calate yasya vivarṇaṃ jāyate mukham
Sanskrit only: no published translation is held for this verse.
ध्रुवस्थाने तु प्रस्वेदं जायते यस्य सर्वदा । एकादश स मासानि जीवतेत्य् अविचारतः
dhruvasthāne tu prasvedaṃ jāyate yasya sarvadā / ekādaśa sa māsāni jīvatety avicārataḥ
Sanskrit only: no published translation is held for this verse.
हृदये यस्य सन्तापं स्वकं कायं न पश्यति । वाचा च चलते यस्य दन्ताश् च परिशुष्यति
hṛdaye yasya santāpaṃ svakaṃ kāyaṃ na paśyati / vācā ca calate yasya dantāś ca pariśuṣyati
Sanskrit only: no published translation is held for this verse.
विस्मृतिर् नित्य चित्तस्य दश मासान् स जीवति । हृदयं शुष्यते यस्य स्वकं कार्यं न जानति
vismṛtir nitya cittasya daśa māsān sa jīvati / hṛdayaṃ śuṣyate yasya svakaṃ kāryaṃ na jānati
Sanskrit only: no published translation is held for this verse.
गुह्यं च शुष्यते शीघ्रं नव मासान् स जीवति । शुष्यते दक्षिणाङ्गं तु वामाङ्गं चैव शुष्यति
guhyaṃ ca śuṣyate śīghraṃ nava māsān sa jīvati / śuṣyate dakṣiṇāṅgaṃ tu vāmāṅgaṃ caiva śuṣyati
Sanskrit only: no published translation is held for this verse.
घूर्मते महता नित् यम् अष्ट मासान् स जीवति । अकस्माज् जायते स्थूलः स्थूलो ऽपि कृषतां गतः
ghūrmate mahatā nit yam aṣṭa māsān sa jīvati / akasmāj jāyate sthūlaḥ sthūlo 'pi kṛṣatāṃ gataḥ
Sanskrit only: no published translation is held for this verse.
धूसरो धूम्रवर्णश् च सप्त मासान् स जीवति । पूर्वे तु उदिते सूर्ये छायां पश्यैव दक्षिणाम्
dhūsaro dhūmravarṇaś ca sapta māsān sa jīvati / pūrve tu udite sūrye chāyāṃ paśyaiva dakṣiṇām
Sanskrit only: no published translation is held for this verse.
मुहूर्तं जीवते सो वै सत्येदं कुलनन्दिनि । वक्रनासा भवेद् यस्य मासाद् ऊर्ध्वं न जीवति
muhūrtaṃ jīvate so vai satyedaṃ kulanandini / vakranāsā bhaved yasya māsād ūrdhvaṃ na jīvati
Sanskrit only: no published translation is held for this verse.
छागगन्धं भवेद् गात्रं दन्ताश् चिटिचिटायते । छायात्मां विकृतां पश्येत् सप्तरात्रं स जीवति
chāgagandhaṃ bhaved gātraṃ dantāś ciṭiciṭāyate / chāyātmāṃ vikṛtāṃ paśyet saptarātraṃ sa jīvati
Sanskrit only: no published translation is held for this verse.
यस्य कृष्णा भवेज् जिह्वा पद्मवर्णं मुखं भवेत् । गण्डपृष्ठौ सुरक्ताभौ त्रिरात्रं च स जीवति
yasya kṛṣṇā bhavej jihvā padmavarṇaṃ mukhaṃ bhavet / gaṇḍapṛṣṭhau suraktābhau trirātraṃ ca sa jīvati
Sanskrit only: no published translation is held for this verse.
श्यामदन्तं मुखं चैव प्रकृतिर् यस्य दृश्यते । विपरीतेन्द्रियग्रामं अहोरात्रं स जीवति
śyāmadantaṃ mukhaṃ caiva prakṛtir yasya dṛśyate / viparītendriyagrāmaṃ ahorātraṃ sa jīvati
Sanskrit only: no published translation is held for this verse.
घोषं न शृणुते यस् तु दीपवर्तिं न पश्यति । विशिरां पश्यते छायां क्षणम् एकं स जीवति
ghoṣaṃ na śṛṇute yas tu dīpavartiṃ na paśyati / viśirāṃ paśyate chāyāṃ kṣaṇam ekaṃ sa jīvati
Sanskrit only: no published translation is held for this verse.
अन्यच् च परमोपायं शृणुष्व वरवर्णिनि । येन विज्ञातमात्रेण कालं जानाति तत्त्वतः
anyac ca paramopāyaṃ śṛṇuṣva varavarṇini / yena vijñātamātreṇa kālaṃ jānāti tattvataḥ
Sanskrit only: no published translation is held for this verse.
षोडशद्वादशाराभ्यां या गतिस् त्व् अर्कसोमयोः । तस्मिन् निरीक्षयेज् ज्योतिं दीप्यमाने हुताशने
ṣoḍaśadvādaśārābhyāṃ yā gatis tv arkasomayoḥ / tasmin nirīkṣayej jyotiṃ dīpyamāne hutāśane
Sanskrit only: no published translation is held for this verse.
षोडशान्तर्गतं यच् च पूर्वोक्तं यच् चतुर्दलम् । तस्य मध्ये विजानीयात् कालज्ञः काललक्षणम्
ṣoḍaśāntargataṃ yac ca pūrvoktaṃ yac caturdalam / tasya madhye vijānīyāt kālajñaḥ kālalakṣaṇam
Sanskrit only: no published translation is held for this verse.
सोमाधस्ताद् दले नष्टे षण्मासान् म्रियते ध्रुवम् । त्रीणि मासांस् तथा चोर्ध्वे द्वौ मासौ ध्वनिसन्निधौ
somādhastād dale naṣṭe ṣaṇmāsān mriyate dhruvam / trīṇi māsāṃs tathā cordhve dvau māsau dhvanisannidhau
Sanskrit only: no published translation is held for this verse.
मासैकं वायुसामीप्ये तच् च पूषोदयं विदुः । सोमचक्रम् इदं प्रोक्तं सृणु सूर्यं च साम्प्रतम्
māsaikaṃ vāyusāmīpye tac ca pūṣodayaṃ viduḥ / somacakram idaṃ proktaṃ sṛṇu sūryaṃ ca sāmpratam
Sanskrit only: no published translation is held for this verse.
यदा न दृस्यते ज्योतिर् द्वादशारे चतुर्दले । पक्षैकं तस्य देवेशि दिनानि दश पञ्चकैः
yadā na dṛsyate jyotir dvādaśāre caturdale / pakṣaikaṃ tasya deveśi dināni daśa pañcakaiḥ
Sanskrit only: no published translation is held for this verse.
तत्रैव तेन मार्गेण यदा ज्योतिर् न दृश्यते । दश पञ्च तथा त्रीणि एकाहं तस्य जीवितम्
tatraiva tena mārgeṇa yadā jyotir na dṛśyate / daśa pañca tathā trīṇi ekāhaṃ tasya jīvitam
Sanskrit only: no published translation is held for this verse.
अथान्यत् परमं वक्ष्ये निश्चितं काललक्षणम् । जीवन्ति च तदभ्यासात् तदभावान् म्रियन्ति ते
athānyat paramaṃ vakṣye niścitaṃ kālalakṣaṇam / jīvanti ca tadabhyāsāt tadabhāvān mriyanti te
Sanskrit only: no published translation is held for this verse.
निश्चितं तद् वरारोहे कालयोगः स एव हि । विस्मृतिर् जायते यस्य सा वारा मृत्युकाङ्क्षिणी
niścitaṃ tad varārohe kālayogaḥ sa eva hi / vismṛtir jāyate yasya sā vārā mṛtyukāṅkṣiṇī
Sanskrit only: no published translation is held for this verse.
देहमध्यगतं सर्वं म्रियते कालचोदितम् । परापरेण कालेन भेदयित्वा समभ्यसेत्
dehamadhyagataṃ sarvaṃ mriyate kālacoditam / parāpareṇa kālena bhedayitvā samabhyaset
Sanskrit only: no published translation is held for this verse.
वामावर्तादियोगेन दक्षिणान्तम् अनुक्रमात् । शुक्लकृष्णप्रयोगेण कदहान्तम् अपश्चिमम्
vāmāvartādiyogena dakṣiṇāntam anukramāt / śuklakṛṣṇaprayogeṇa kadahāntam apaścimam
Sanskrit only: no published translation is held for this verse.
पूर्णमावास्यमध्यस्थं कालचक्रं समभ्यसेत् । पञ्च पञ्च तथा पञ्च प्रतिपव्छुक्लम् आदितः
pūrṇamāvāsyamadhyasthaṃ kālacakraṃ samabhyaset / pañca pañca tathā pañca pratipavchuklam āditaḥ
Sanskrit only: no published translation is held for this verse.
स्वरवर्णसमायोगं शुक्लादौ कृष्णकावधिम् । पुद्गलात्मा समाश्रित्य अभ्यसेदम् अहर् अहः
svaravarṇasamāyogaṃ śuklādau kṛṣṇakāvadhim / pudgalātmā samāśritya abhyasedam ahar ahaḥ
Sanskrit only: no published translation is held for this verse.
जरामृत्युविनाशार्थे शीघ्रेदं पिण्डसाधनम् । कथयन्ति महाविद्याः कालस्य काललक्षणम्
jarāmṛtyuvināśārthe śīghredaṃ piṇḍasādhanam / kathayanti mahāvidyāḥ kālasya kālalakṣaṇam
Sanskrit only: no published translation is held for this verse.
कथम् अप्य् एष तन्निष्ठो यदि सिद्धिं न गच्छति । आकृष्टो योगिनीचक्रे तदा विस्मृतिकारिका
katham apy eṣa tanniṣṭho yadi siddhiṃ na gacchati / ākṛṣṭo yoginīcakre tadā vismṛtikārikā
Sanskrit only: no published translation is held for this verse.
विस्मृतिर् वा तिथिर् याति अभ्यसन्तो मुहुर् मुहुः । सा वारा सा तिथिर् देवि निश्चितेदं मयोदितम्
vismṛtir vā tithir yāti abhyasanto muhur muhuḥ / sā vārā sā tithir devi niścitedaṃ mayoditam
Sanskrit only: no published translation is held for this verse.
एतत् ते परमं कालं परमार्थं प्रकीर्तितम् । सविस्मयकरं देवि अभेद्यं सम्प्रकाशितम्
etat te paramaṃ kālaṃ paramārthaṃ prakīrtitam / savismayakaraṃ devi abhedyaṃ samprakāśitam
Sanskrit only: no published translation is held for this verse.
यदीच्छसि चिरं देवि जीवितं परमार्थतः । देहमध्यं परित्यज्य तिष्ठस्वान्यत्र भाविता
yadīcchasi ciraṃ devi jīvitaṃ paramārthataḥ / dehamadhyaṃ parityajya tiṣṭhasvānyatra bhāvitā
Sanskrit only: no published translation is held for this verse.
देहामृतं परं योगं न देयम् अपरीक्षिते । यावज् ज्ञानविरागाभ्यां पूरितं स्यात् तनुर् न हि
dehāmṛtaṃ paraṃ yogaṃ na deyam aparīkṣite / yāvaj jñānavirāgābhyāṃ pūritaṃ syāt tanur na hi
Sanskrit only: no published translation is held for this verse.
परापरस्य कालस्य ज्ञातृत्वं भवते यथा । लेखनादिप्रयोगेण विधियोगेन भाविनि
parāparasya kālasya jñātṛtvaṃ bhavate yathā / lekhanādiprayogeṇa vidhiyogena bhāvini
Sanskrit only: no published translation is held for this verse.
मार्गशीर्षस्य मासस्य कृष्णायां पञ्चमी भवेत् । तस्यां सम्भारसम्पन्नो रात्रौ जागरणं यजेत्
mārgaśīrṣasya māsasya kṛṣṇāyāṃ pañcamī bhavet / tasyāṃ sambhārasampanno rātrau jāgaraṇaṃ yajet
Sanskrit only: no published translation is held for this verse.
आहरेन् निर्व्रणं भूर्जं रोचनासृक् सकुङ्कुमम् । लिखेत् पूर्वमुखो भूत्वा द्वादशैव स्वरान् शुभान्
āharen nirvraṇaṃ bhūrjaṃ rocanāsṛk sakuṅkumam / likhet pūrvamukho bhūtvā dvādaśaiva svarān śubhān
Sanskrit only: no published translation is held for this verse.
मात्राबिन्दुसुसम्पन्नान् रक्षयित्वा पुनः पुनः । संवरेच् छुक्लसूत्रेण जप्तविद्यः समालभेत्
mātrābindususampannān rakṣayitvā punaḥ punaḥ / saṃvarec chuklasūtreṇa japtavidyaḥ samālabhet
Sanskrit only: no published translation is held for this verse.
सितचन्दननैवेद्यैर् जातीपुष्पैर् मनोरमैः । पूजयित्वा क्रमाम्नायं दीपमन्त्रसुसंयुतम्
sitacandananaivedyair jātīpuṣpair manoramaiḥ / pūjayitvā kramāmnāyaṃ dīpamantrasusaṃyutam
Sanskrit only: no published translation is held for this verse.
शरावसम्पुटस्थं तु जातीकुसुममध्यतः । स्थापयित्वा जपेन् मन्त्रं यावद् रात्रिक्षयं गतः
śarāvasampuṭasthaṃ tu jātīkusumamadhyataḥ / sthāpayitvā japen mantraṃ yāvad rātrikṣayaṃ gataḥ
Sanskrit only: no published translation is held for this verse.
ततः प्रभातसमये पूजयित्वा पुनः क्रमम् । कुमार्यो वै प्रतर्पेत विद्या लब्धा तथा शृणु
tataḥ prabhātasamaye pūjayitvā punaḥ kramam / kumāryo vai pratarpeta vidyā labdhā tathā śṛṇu
Sanskrit only: no published translation is held for this verse.
ह्रीं हूं स्व्लें स्वाहापतये रक्ष रक्षामृतोद्भवे । स्व्लें हूं ह्रीं च पुनर् जाप्यं सम्पुटीकृत्य मन्त्रयेत्
hrīṃ hūṃ svleṃ svāhāpataye rakṣa rakṣāmṛtodbhave / svleṃ hūṃ hrīṃ ca punar jāpyaṃ sampuṭīkṛtya mantrayet
Sanskrit only: no published translation is held for this verse.
जप्तविद्यास् तु स्तुभ्यन्ते कथयन्ति शुभाशुभम् । न स्तुभ्यन्ति यदा देव्यो जप्तविद्यास्य सम्पुटम्
japtavidyās tu stubhyante kathayanti śubhāśubham / na stubhyanti yadā devyo japtavidyāsya sampuṭam
Sanskrit only: no published translation is held for this verse.
दर्शयन्ति महाहानिं भ्रष्टत्वं योगिनीकुले । सामर्थ्यतो न मृत्युः स्याद् भ्रष्टसिद्धिं न यास्यति
darśayanti mahāhāniṃ bhraṣṭatvaṃ yoginīkule / sāmarthyato na mṛtyuḥ syād bhraṣṭasiddhiṃ na yāsyati
Sanskrit only: no published translation is held for this verse.
एवं कृत्वा ततः पश्चाद् भूर्जपत्त्रे स्थिताक्षरान् । वाचयन् सन्निरूपेत समं हीनं सुवृद्धिदम्
evaṃ kṛtvā tataḥ paścād bhūrjapattre sthitākṣarān / vācayan sannirūpeta samaṃ hīnaṃ suvṛddhidam
Sanskrit only: no published translation is held for this verse.
अक्षराभ्यधिके यत्र तत्र राज्यं विनिर्दिशेत् । मात्रयाभ्यधिके लाभं समे चारोग्यवत्सलम्
akṣarābhyadhike yatra tatra rājyaṃ vinirdiśet / mātrayābhyadhike lābhaṃ same cārogyavatsalam
Sanskrit only: no published translation is held for this verse.
बिन्दुहीनं यदा पश्येद् हानिम् अर्थस्य तत्र वै । मात्राहीने भवेद् व्याधिर् मृत्युः स्याद् अक्षरं विना
binduhīnaṃ yadā paśyed hānim arthasya tatra vai / mātrāhīne bhaved vyādhir mṛtyuḥ syād akṣaraṃ vinā
Sanskrit only: no published translation is held for this verse.
वामादिक्रमयोगेन लक्षयेद् उपदेशतः । विद्याकुम्भं सवर्धन्या तत्काले पूजितं तु यत्
vāmādikramayogena lakṣayed upadeśataḥ / vidyākumbhaṃ savardhanyā tatkāle pūjitaṃ tu yat
Sanskrit only: no published translation is held for this verse.
ततः पुनः समालब्धं ग्रामस्य च पुरस्य च । भ्रामयेत् षोडशवारं दह्यते न तदम्भसा
tataḥ punaḥ samālabdhaṃ grāmasya ca purasya ca / bhrāmayet ṣoḍaśavāraṃ dahyate na tadambhasā
Sanskrit only: no published translation is held for this verse.
एतत् ते कथितं देवि शुभाशुभविलक्षणम् । न देयं दुष्टबुद्धीनाम् आगमं गोपयेत् सदा
etat te kathitaṃ devi śubhāśubhavilakṣaṇam / na deyaṃ duṣṭabuddhīnām āgamaṃ gopayet sadā
Sanskrit only: no published translation is held for this verse.
कालावबोधनं देवि पूषाकालोपलक्षितम् । समसप्तगते सूर्ये जन्म-ऋक्षे च चन्द्रमाः
kālāvabodhanaṃ devi pūṣākālopalakṣitam / samasaptagate sūrye janma-ṛkṣe ca candramāḥ
Sanskrit only: no published translation is held for this verse.
मकरोदयवेलायां पूषाकालस् तु कुब्जिके । अरिष्टदर्शनं नाथे जपहोमोपशाम्यति
makarodayavelāyāṃ pūṣākālas tu kubjike / ariṣṭadarśanaṃ nāthe japahomopaśāmyati
Sanskrit only: no published translation is held for this verse.
मृत्युञ्जयेन योगेन तच् छृणुष्व परिस्फुटम् । जुं सः सम्पुटनामाद्यं सः जुं अन्ते नियोजयेत्
mṛtyuñjayena yogena tac chṛṇuṣva parisphuṭam / juṃ saḥ sampuṭanāmādyaṃ saḥ juṃ ante niyojayet
Sanskrit only: no published translation is held for this verse.
चन्द्रोदयामृतान्तस्थं पुद्गलात्मा विचिन्तयेत् । जपेन् मृतुञ्जयं देवि परापरतनौ स्थितः
candrodayāmṛtāntasthaṃ pudgalātmā vicintayet / japen mṛtuñjayaṃ devi parāparatanau sthitaḥ
Sanskrit only: no published translation is held for this verse.
अक्षसूत्रेण दिव्येन नेतरेण प्रशस्यते
akṣasūtreṇa divyena netareṇa praśasyate
Sanskrit only: no published translation is held for this verse.
श्रीकुब्जिकोवाच सविस्मयकरं वाक्यम् अत्यद्भुतम् अकारणम् । अक्षसूत्रं पुरा ज्ञातं दिव्याक्षं वद साम्प्रतम्
śrīkubjikovāca savismayakaraṃ vākyam atyadbhutam akāraṇam / akṣasūtraṃ purā jñātaṃ divyākṣaṃ vada sāmpratam
Sanskrit only: no published translation is held for this verse.
श्रीभैरव उवाच शृणु देवि प्रवक्ष्यामि दिव्याक्षसूत्रनिर्णयम् । यन् न कस्यचिद् आख्यातं सिद्धिदं परमं पदम्
śrībhairava uvāca śṛṇu devi pravakṣyāmi divyākṣasūtranirṇayam / yan na kasyacid ākhyātaṃ siddhidaṃ paramaṃ padam
Sanskrit only: no published translation is held for this verse.
यन् न भिद्यति चक्रेण यन् न दह्यति चाग्निना । यन् न प्रोतापरे सूत्रे पट्टकार्पासिके ऽपि वा
yan na bhidyati cakreṇa yan na dahyati cāgninā / yan na protāpare sūtre paṭṭakārpāsike 'pi vā
Sanskrit only: no published translation is held for this verse.
यस्य मध्ये स्थितो मेरुर् ग्रन्थयश् च न तत्र वै । पञ्चाशाक्षमया तन्तु[र्] यस्मात् सर्वं चराचरम्
yasya madhye sthito merur granthayaś ca na tatra vai / pañcāśākṣamayā tantu[r] yasmāt sarvaṃ carācaram
Sanskrit only: no published translation is held for this verse.
छिन्नभिन्नेषु मन्त्रेषु लुब्धक्रुद्धेषु सुप्तके । जप्तानेन तु सूत्रेण असिद्धं साधयेद् ध्रुवम्
chinnabhinneṣu mantreṣu lubdhakruddheṣu suptake / japtānena tu sūtreṇa asiddhaṃ sādhayed dhruvam
Sanskrit only: no published translation is held for this verse.
अक्षसूत्रम् इदं सिद्धं सर्वमार्गप्रबोधकम् । सर्वमार्गेषु गुप्तेदम् ऽनुष्ठेयं परमेश्वरि
akṣasūtram idaṃ siddhaṃ sarvamārgaprabodhakam / sarvamārgeṣu guptedam 'nuṣṭheyaṃ parameśvari
Sanskrit only: no published translation is held for this verse.
प्रस्तुतायातमार्गेण वर्णितं सूत्रनिर्णयम्
prastutāyātamārgeṇa varṇitaṃ sūtranirṇayam
Sanskrit only: no published translation is held for this verse.
श्रीकुब्जिका उवाच डाकिनी राक्षसी लामा काकिनी शाकिनी तथा । यक्षिणी भ्रामणी चैव वद मन्त्रं सुराधिप
śrīkubjikā uvāca ḍākinī rākṣasī lāmā kākinī śākinī tathā / yakṣiṇī bhrāmaṇī caiva vada mantraṃ surādhipa
Sanskrit only: no published translation is held for this verse.
श्रीभैरव उवाच ऊ-ढ-मध्यगतं गृह्य ण-ट-मध्यगतं तथा । व-ख-पूर्वद्वयोद्धृत्य ध-ह-मध्यगतं पुनः
śrībhairava uvāca ū-ḍha-madhyagataṃ gṛhya ṇa-ṭa-madhyagataṃ tathā / va-kha-pūrvadvayoddhṛtya dha-ha-madhyagataṃ punaḥ
Sanskrit only: no published translation is held for this verse.
य-स-मध्यगतं गृह्य एतत् षट्कं समुद्धृतम् । ञपश्चिमं समुद्धृत्य दीर्घस्वरयुतं कुरु
ya-sa-madhyagataṃ gṛhya etat ṣaṭkaṃ samuddhṛtam / ñapaścimaṃ samuddhṛtya dīrghasvarayutaṃ kuru
Sanskrit only: no published translation is held for this verse.
षट्प्रकारविधानेन षट्कं षट्कं नियोजयेत् । प्रभुर् वै भ्रामणी प्रोक्ता षट्स्वराधिष्ठिता तु सा
ṣaṭprakāravidhānena ṣaṭkaṃ ṣaṭkaṃ niyojayet / prabhur vai bhrāmaṇī proktā ṣaṭsvarādhiṣṭhitā tu sā
Sanskrit only: no published translation is held for this verse.
सर्वकार्ये नियोक्तव्या निग्रहानुग्रहं प्रति । अन्यद् वै हृदयं वक्ष्ये शाकिनीनां यशस्विनि
sarvakārye niyoktavyā nigrahānugrahaṃ prati / anyad vai hṛdayaṃ vakṣye śākinīnāṃ yaśasvini
Sanskrit only: no published translation is held for this verse.
ऊ-पश्चिमं समुद्धृत्य ह-पूर्व-म्-आसने स्थितम् । रेफाक्रान्तं तु कर्तव्यं द-उत्तरयुतं तथा
ū-paścimaṃ samuddhṛtya ha-pūrva-m-āsane sthitam / rephākrāntaṃ tu kartavyaṃ da-uttarayutaṃ tathā
Sanskrit only: no published translation is held for this verse.
झ-पूर्वेण समायुक्तं कूटं बिन्दुसमन्वितम् । प्रस्तारायातमार्गेण उद्धृतं षट्कनिर्णयम्
jha-pūrveṇa samāyuktaṃ kūṭaṃ bindusamanvitam / prastārāyātamārgeṇa uddhṛtaṃ ṣaṭkanirṇayam
Sanskrit only: no published translation is held for this verse.
प्रस्तुतं शृणु कल्याणि उच्यमानं निगद्यते । अरिष्टदर्शनाद्य् एवम् अभ्यस्यन्तो ऽन्यथा यदि
prastutaṃ śṛṇu kalyāṇi ucyamānaṃ nigadyate / ariṣṭadarśanādy evam abhyasyanto 'nyathā yadi
Sanskrit only: no published translation is held for this verse.
शुष्यते घण्टिकास्थानं तदा ध्यानं परित्यजेत् । जपध्यानार्चनाद् एव सञ्जातोपशमं न हि
śuṣyate ghaṇṭikāsthānaṃ tadā dhyānaṃ parityajet / japadhyānārcanād eva sañjātopaśamaṃ na hi
Sanskrit only: no published translation is held for this verse.
तदात्र निश्चितं जातं पञ्चाहान् मृत्युलक्षणम् । निश्चयेन तदा काले गुरुदेवं समाश्रयेत्
tadātra niścitaṃ jātaṃ pañcāhān mṛtyulakṣaṇam / niścayena tadā kāle gurudevaṃ samāśrayet
Sanskrit only: no published translation is held for this verse.
पुत्रदारादिबन्धूनां व्याहरित्वा वदेद् इदम् । पञ्चाहावान्तरे काले कुर्याद् उत्क्रान्तिकारणम्
putradārādibandhūnāṃ vyāharitvā vaded idam / pañcāhāvāntare kāle kuryād utkrāntikāraṇam
Sanskrit only: no published translation is held for this verse.
अन्यथा कुरुते यस् तु स पापी ह्य् आत्मभेदकः । न दुःखितो न कोपेन कुर्याद् उत्क्रान्तिकारणम्
anyathā kurute yas tu sa pāpī hy ātmabhedakaḥ / na duḥkhito na kopena kuryād utkrāntikāraṇam
Sanskrit only: no published translation is held for this verse.
कीर्तिहेतोः शरीरस्य यदि शक्तो न रक्षणे । गुरुणापि हि दातव्यं ज्ञात्वा शिष्यं सलक्षणम्
kīrtihetoḥ śarīrasya yadi śakto na rakṣaṇe / guruṇāpi hi dātavyaṃ jñātvā śiṣyaṃ salakṣaṇam
Sanskrit only: no published translation is held for this verse.
अन्यथा ददते यस् तु लिङ्गभेदी गुरुस् तु सः । पञ्चप्रकारको ह्य् आत्मा येन ज्ञातः स्वदेहतः
anyathā dadate yas tu liṅgabhedī gurus tu saḥ / pañcaprakārako hy ātmā yena jñātaḥ svadehataḥ
Sanskrit only: no published translation is held for this verse.
सर्वतीर्थमयः सो हि तीर्थानि कृतकान्य् अपि । सुसिद्धपुम्भिः सर्वैस् तु यत्र बद्धास्पदं क्वचित्
sarvatīrthamayaḥ so hi tīrthāni kṛtakāny api / susiddhapumbhiḥ sarvais tu yatra baddhāspadaṃ kvacit
Sanskrit only: no published translation is held for this verse.
तत्प्रभावाद् भवेत् तीर्थं न तीर्थं जलपूरितम् । ज्ञानावबोधसम्पन्ना ज्ञानसम्पादने क्षमाः
tatprabhāvād bhavet tīrthaṃ na tīrthaṃ jalapūritam / jñānāvabodhasampannā jñānasampādane kṣamāḥ
Sanskrit only: no published translation is held for this verse.
यत्र तिष्ठन्ति ते स्थाने तत् तीर्थं परमार्थतः । वाराणसी कुरुक्षेत्रं नैमिषं भैरवं तथा
yatra tiṣṭhanti te sthāne tat tīrthaṃ paramārthataḥ / vārāṇasī kurukṣetraṃ naimiṣaṃ bhairavaṃ tathā
Sanskrit only: no published translation is held for this verse.
सन्निधानो गुरुर् यत्र सर्वतीर्थानि तत्र वै । तीर्थानि तोयपूर्णानि देवाः पाषाणमृण्मयाः
sannidhāno gurur yatra sarvatīrthāni tatra vai / tīrthāni toyapūrṇāni devāḥ pāṣāṇamṛṇmayāḥ
Sanskrit only: no published translation is held for this verse.
आत्मविदो न मन्यन्ते तत् तीर्थम् इतरे जनाः । बलिनोपद्रुते स्थाने गुरोर् मानम् उपागते
ātmavido na manyante tat tīrtham itare janāḥ / balinopadrute sthāne guror mānam upāgate
Sanskrit only: no published translation is held for this verse.
ज्ञानिनो ऽपि न दोषोऽस्ति आत्मनो हनने कृते । तीर्थङ्करो गुरुर् यस्मात् तत्कार्योज्झितजीविते
jñānino 'pi na doṣo'sti ātmano hanane kṛte / tīrthaṅkaro gurur yasmāt tatkāryojjhitajīvite
Sanskrit only: no published translation is held for this verse.
तिर्यग्योनिं ह्य् असौ याति दुःखान्तं फलम् अश्नुते । अन्यत्काले न कर्तव्यम् उत्क्रान्त्युत्क्रमणं प्रिये
tiryagyoniṃ hy asau yāti duḥkhāntaṃ phalam aśnute / anyatkāle na kartavyam utkrāntyutkramaṇaṃ priye
Sanskrit only: no published translation is held for this verse.
कीर्तिहेतोः प्रकर्तव्या सा यथा कथ्यते ऽ धुना । द्वारेष्व् अर्गलसंयोगं कुर्याच् चोद्घाटनं क्वचित्
kīrtihetoḥ prakartavyā sā yathā kathyate ' dhunā / dvāreṣv argalasaṃyogaṃ kuryāc codghāṭanaṃ kvacit
Sanskrit only: no published translation is held for this verse.
जीवाधारं छिनेद् ग्रन्थिम् एतद् उत्क्रान्तिलक्षणम् । गुदं लिङ्गं तथा नाभिर् मुखं नासा श्रुतीक्षणौ
jīvādhāraṃ chined granthim etad utkrāntilakṣaṇam / gudaṃ liṅgaṃ tathā nābhir mukhaṃ nāsā śrutīkṣaṇau
Sanskrit only: no published translation is held for this verse.
एषु स्थाने ऽर्गलं योज्य कुञ्चिकोर्ध्वं नियोजयेत् । अर्गलान्य् उपदेशेन शृणु त्वं करणं यथा
eṣu sthāne 'rgalaṃ yojya kuñcikordhvaṃ niyojayet / argalāny upadeśena śṛṇu tvaṃ karaṇaṃ yathā
Sanskrit only: no published translation is held for this verse.
गुदाधारोपरि स्थित्वा कृत्वा वै कुक्कुटासनम् । समपादोरुजङ्घस् तु कुर्परौ तु तदूर्ध्वगौ
gudādhāropari sthitvā kṛtvā vai kukkuṭāsanam / samapādorujaṅghas tu kurparau tu tadūrdhvagau
Sanskrit only: no published translation is held for this verse.
भग्नपृष्ठशिरःस्कन्धो ह्य् उत्तानोर्ध्वमुखः स्थितः । मुष्टिभ्यां पीडयेत् स्कन्धौ कण्ठस्थौ चानुनासिकौ
bhagnapṛṣṭhaśiraḥskandho hy uttānordhvamukhaḥ sthitaḥ / muṣṭibhyāṃ pīḍayet skandhau kaṇṭhasthau cānunāsikau
Sanskrit only: no published translation is held for this verse.
उच्चरेत् क्षुरिकामूले ग्रन्थिच्छेदं भवेत् क्षणात् । घाटयित्वा तु द्वाराणि नित्यम् एव समभ्यसेत्
uccaret kṣurikāmūle granthicchedaṃ bhavet kṣaṇāt / ghāṭayitvā tu dvārāṇi nityam eva samabhyaset
Sanskrit only: no published translation is held for this verse.
घण्टिकायां तु देवेशि षण्मासावधिपूर्वकम् । नित्यम् एवाभ्यसन्तस्य प्रत्ययानि भवन्ति हि
ghaṇṭikāyāṃ tu deveśi ṣaṇmāsāvadhipūrvakam / nityam evābhyasantasya pratyayāni bhavanti hi
Sanskrit only: no published translation is held for this verse.
ब्रह्मरन्ध्रं स्फुरन्तीव निर्जीवं कण्ठकावधिम् । एवम् अभ्यासयेन् नित्यं यत्र बन्धतनु[ः] स्थितः
brahmarandhraṃ sphurantīva nirjīvaṃ kaṇṭhakāvadhim / evam abhyāsayen nityaṃ yatra bandhatanu[ḥ] sthitaḥ
Sanskrit only: no published translation is held for this verse.
गुदाधारे मृदुं दत्त्वा पृष्ठाधारं सुशोभनम् । जानूरुभ्यां तु पार्श्वे तु कीलकौ द्वौ निधापयेत्
gudādhāre mṛduṃ dattvā pṛṣṭhādhāraṃ suśobhanam / jānūrubhyāṃ tu pārśve tu kīlakau dvau nidhāpayet
Sanskrit only: no published translation is held for this verse.