इति कुलालिकाम्नाये श्रीकुब्जिकामते त्रिष्कालज्ञानम् उत्क्रान्तिसम्बन्ध [इति] त्रयोविंशतिमः पटलः श्रीकुब्जिका उवाच देवदेव महादेव शशाङ्ककृतशेखर । तद्ग्रहाख्ये तु ये रुद्राः सृष्टिन्यासेन मे श्रुताः
iti kulālikāmnāye śrīkubjikāmate triṣkālajñānam utkrāntisambandha [iti] trayoviṃśatimaḥ paṭalaḥ śrīkubjikā uvāca devadeva mahādeva śaśāṅkakṛtaśekhara / tadgrahākhye tu ye rudrāḥ sṛṣṭinyāsena me śrutāḥ
Sanskrit only: no published translation is held for this verse.
संहारेण सुरेशान कथयस्व प्रसादतः । निश्चयार्थं महादेव क्षकाराद्या यथास्फुटम्
saṃhāreṇa sureśāna kathayasva prasādataḥ / niścayārthaṃ mahādeva kṣakārādyā yathāsphuṭam
Sanskrit only: no published translation is held for this verse.
श्रीभैरव उवाच कथयामि न सन्देहः स्फुटार्थं तद्ग्रहात्मकम् । पञ्चाशद्व्युत्क्रमेणैव शृणुष्व गदतो मम
śrībhairava uvāca kathayāmi na sandehaḥ sphuṭārthaṃ tadgrahātmakam / pañcāśadvyutkrameṇaiva śṛṇuṣva gadato mama
Sanskrit only: no published translation is held for this verse.
क्ष संवर्तः स्थितः क्रोधे ह प्राणे लाकुली स्थितः । स भृगुः शुक्रतो नित्यं ष श्वेतो मज्जम् आस्थितः
kṣa saṃvartaḥ sthitaḥ krodhe ha prāṇe lākulī sthitaḥ / sa bhṛguḥ śukrato nityaṃ ṣa śveto majjam āsthitaḥ
Sanskrit only: no published translation is held for this verse.
श बकीशो ऽस्थिमध्ये तु व खड्गीशः सिरान्वितः । ल पिनाकी स्थितो मांसे र भुजङ्गो ऽसृगास्थितः
śa bakīśo 'sthimadhye tu va khaḍgīśaḥ sirānvitaḥ / la pinākī sthito māṃse ra bhujaṅgo 'sṛgāsthitaḥ
Sanskrit only: no published translation is held for this verse.
य वालीशस् त्वचामध्ये कथितं तव सुव्रते । महाकालो मकारस् तु हृदये सर्वजन्तुषु
ya vālīśas tvacāmadhye kathitaṃ tava suvrate / mahākālo makāras tu hṛdaye sarvajantuṣu
Sanskrit only: no published translation is held for this verse.
द्विरण्डस् तु भ नाभ्यां तु ब वंशे छगलण्डिनः । फ शिखी वामपार्श्वे तु कथितं तु वरानने
dviraṇḍas tu bha nābhyāṃ tu ba vaṃśe chagalaṇḍinaḥ / pha śikhī vāmapārśve tu kathitaṃ tu varānane
Sanskrit only: no published translation is held for this verse.
पकारो लोहितो रुद्रो दक्षिणे कुक्षिम् आश्रितः । न मेषो वामपादे तु ध मीनो जङ्घम् आश्रितः
pakāro lohito rudro dakṣiṇe kukṣim āśritaḥ / na meṣo vāmapāde tu dha mīno jaṅgham āśritaḥ
Sanskrit only: no published translation is held for this verse.
द धातृ जानुमध्ये तु संस्थितो वरवर्णिनि । थ दिण्डी ऊरुदेशे तु त आषाढी ततोर्ध्वतः
da dhātṛ jānumadhye tu saṃsthito varavarṇini / tha diṇḍī ūrudeśe tu ta āṣāḍhī tatordhvataḥ
Sanskrit only: no published translation is held for this verse.
लोण उमाकान्त पादे तु दक्षिणे च महाबलः ढार्धनारी स्थितो देवि जङ्घिकायां वरानने डकारे दारुको रुद्रो जानुमध्ये प्रकीर्तितः । ठ लाङ्गल्य् ऊरुदेशे तु नात्र कार्यविचारणात्
loṇa umākānta pāde tu dakṣiṇe ca mahābalaḥ ḍhārdhanārī sthito devi jaṅghikāyāṃ varānane ḍakāre dāruko rudro jānumadhye prakīrtitaḥ / ṭha lāṅgaly ūrudeśe tu nātra kāryavicāraṇāt
Sanskrit only: no published translation is held for this verse.
सोमेश्वरस् टकारे तु जङ्घामूले स्थितस् तु सः । ञ हस्ते संस्थितः शर्मा झाजेशो वामबाहुगः
someśvaras ṭakāre tu jaṅghāmūle sthitas tu saḥ / ña haste saṃsthitaḥ śarmā jhājeśo vāmabāhugaḥ
Sanskrit only: no published translation is held for this verse.
ज चतुर्मुख मध्ये तु छ एकाक्षस् तु कक्षगः । चकारः कूर्म एवात्र शिखरे वामके स्थितः
ja caturmukha madhye tu cha ekākṣas tu kakṣagaḥ / cakāraḥ kūrma evātra śikhare vāmake sthitaḥ
Sanskrit only: no published translation is held for this verse.
अतोर्ध्वे दक्षिणे हस्ते ङादिकान्तम् अतः शृणु । ङकार[ः] कर-अग्रे तु एकरुद्रो व्यवस्थितः
atordhve dakṣiṇe haste ṅādikāntam ataḥ śṛṇu / ṅakāra[ḥ] kara-agre tu ekarudro vyavasthitaḥ
Sanskrit only: no published translation is held for this verse.
घ शिवेशः करस्योर्ध्वे ग प्रचण्डश् च कुर्परे । ख चण्डो बाहुमध्ये तु क क्रोधः शिखरे स्थितः
gha śiveśaḥ karasyordhve ga pracaṇḍaś ca kurpare / kha caṇḍo bāhumadhye tu ka krodhaḥ śikhare sthitaḥ
Sanskrit only: no published translation is held for this verse.
अः महासेनरुद्रस् तु विसर्गब्रह्मरन्ध्रगः । अं क्रूरो मध्यघण्टान्ते औ ऽनुग्रहीशोर्ध्व-ओष्ठके
aḥ mahāsenarudras tu visargabrahmarandhragaḥ / aṃ krūro madhyaghaṇṭānte au 'nugrahīśordhva-oṣṭhake
Sanskrit only: no published translation is held for this verse.
ओ ओष्ठे सद्यदेवस् तु ऐ भौक्ती द्विज-म्-ऊर्ध्वगः । ए झण्टीशो ऽ धपङ्क्तिस् तु द्विजभूतो व्यवस्थितः
o oṣṭhe sadyadevas tu ai bhauktī dvija-m-ūrdhvagaḥ / e jhaṇṭīśo ' dhapaṅktis tu dvijabhūto vyavasthitaḥ
Sanskrit only: no published translation is held for this verse.
ॡ हरो वामगण्डे तु ऌ स्थाणुर् दक्षगण्डगः । ॠ तिथीश इडायां तु ऋ भारभूति पिङ्गला
ḹ haro vāmagaṇḍe tu ḷ sthāṇur dakṣagaṇḍagaḥ / ṝ tithīśa iḍāyāṃ tu ṛ bhārabhūti piṅgalā
Sanskrit only: no published translation is held for this verse.
ऊ अर्घीशो वामकर्णे उ अमरीशस् तु दक्षिणे । ई त्रिमूर्तिर् वामचक्षुषि इ सूक्ष्म दक्षचक्षुगः
ū arghīśo vāmakarṇe u amarīśas tu dakṣiṇe / ī trimūrtir vāmacakṣuṣi i sūkṣma dakṣacakṣugaḥ
Sanskrit only: no published translation is held for this verse.
आ अनन्तो मण्डले वक्त्रे अ श्रीकण्ठो ललाटगः । तद्ग्रहे रुद्र-म्-आख्याता मालिन्यां शृणु साम्प्रतम्
ā ananto maṇḍale vaktre a śrīkaṇṭho lalāṭagaḥ / tadgrahe rudra-m-ākhyātā mālinyāṃ śṛṇu sāmpratam
Sanskrit only: no published translation is held for this verse.
वामे फेत्कारिका चैव दहनी दक्षपादगा । सावित्री चैव गायत्री औ ओ जङ्घौ प्रकीर्तितौ
vāme phetkārikā caiva dahanī dakṣapādagā / sāvitrī caiva gāyatrī au o jaṅghau prakīrtitau
Sanskrit only: no published translation is held for this verse.
ए ऐ जानू क्रिया ज्ञानी तारा तकारम् ऊरुगा । शुक्रदेवीत्य् अनुस्वारं शुक्रं देव्यास् तु भैरवि
e ai jānū kriyā jñānī tārā takāram ūrugā / śukradevīty anusvāraṃ śukraṃ devyās tu bhairavi
Sanskrit only: no published translation is held for this verse.
श गुह्यं कुसुमाख्या च महाकाली नितम्बगा । क्ष संहारी स्थिता नाभौ षोदरं लम्बनोदरा
śa guhyaṃ kusumākhyā ca mahākālī nitambagā / kṣa saṃhārī sthitā nābhau ṣodaraṃ lambanodarā
Sanskrit only: no published translation is held for this verse.
ह प्राणे अम्बिका देवी सकारे च परापरा । आमोटी तद्गतं क्षीरम् आ वर्णं परिकीर्तितम्
ha prāṇe ambikā devī sakāre ca parāparā / āmoṭī tadgataṃ kṣīram ā varṇaṃ parikīrtitam
Sanskrit only: no published translation is held for this verse.
पूतना छगलण्डा च ल-छौ स्तनौ प्रकीर्तितौ । पावनी तु प हृल्लग्ना जयन्त्या शूलजा स्मृता
pūtanā chagalaṇḍā ca la-chau stanau prakīrtitau / pāvanī tu pa hṛllagnā jayantyā śūlajā smṛtā
Sanskrit only: no published translation is held for this verse.
दीपनी शूलदण्डा तु रेफं दक्षकरे स्थितम् । कपालिनी वामकरे ट वर्णः परिकीर्तितः
dīpanī śūladaṇḍā tu rephaṃ dakṣakare sthitam / kapālinī vāmakare ṭa varṇaḥ parikīrtitaḥ
Sanskrit only: no published translation is held for this verse.
इच्छाशक्तिर् विसर्गाख्या करपृष्ठाव् उभाव् अपि । कुर्दनी झङ्करी चैव ञ-झाव् अङ्गुलयः क्रमात्
icchāśaktir visargākhyā karapṛṣṭhāv ubhāv api / kurdanī jhaṅkarī caiva ña-jhāv aṅgulayaḥ kramāt
Sanskrit only: no published translation is held for this verse.
सम्पूर्णपूर्णिमा चैव ठवर्णस् तलहस्तयोः । विनायकी च लामा च ड-ढौ बाहुद्वयं प्रिये
sampūrṇapūrṇimā caiva ṭhavarṇas talahastayoḥ / vināyakī ca lāmā ca ḍa-ḍhau bāhudvayaṃ priye
Sanskrit only: no published translation is held for this verse.
वायुवेगा च भीषण्या स्कन्धयोर् उभयोर् अपि । व कण्ठे शिखिवाहिन्या अ वाग् वागेश्वरी मता
vāyuvegā ca bhīṣaṇyā skandhayor ubhayor api / va kaṇṭhe śikhivāhinyā a vāg vāgeśvarī matā
Sanskrit only: no published translation is held for this verse.
माया देवी इ जिह्वा तु जिह्वा देव्या विराजते । खिर्विरा घोरघोषा च शिवा काली च कङ्कटा
māyā devī i jihvā tu jihvā devyā virājate / khirvirā ghoraghoṣā ca śivā kālī ca kaṅkaṭā
Sanskrit only: no published translation is held for this verse.
कवर्गे दशनास् तीक्ष्णा एवं देव्या विराजते । बकारं वदनं तस्या वज्रिणी शक्तिर् अव्यया
kavarge daśanās tīkṣṇā evaṃ devyā virājate / bakāraṃ vadanaṃ tasyā vajriṇī śaktir avyayā
Sanskrit only: no published translation is held for this verse.
ई गुह्यशक्ति नादस्था नासायां नेत्रमध्यतः । प्रज्ञा च मोहनी चैव ऊ उ भूषण-म्-ईक्षगौ
ī guhyaśakti nādasthā nāsāyāṃ netramadhyataḥ / prajñā ca mohanī caiva ū u bhūṣaṇa-m-īkṣagau
Sanskrit only: no published translation is held for this verse.
नारायणी ण कर्णौ तु वामदक्षिणयोर् उभौ । प्रियदर्शना ध नेत्रस्था उभौ नेत्रौ विराजते
nārāyaṇī ṇa karṇau tu vāmadakṣiṇayor ubhau / priyadarśanā dha netrasthā ubhau netrau virājate
Sanskrit only: no published translation is held for this verse.
चामुण्डा च ललाटस्था थ वक्त्रं ग्रसनी स्मृता । ॡ ऌ ऋ ॠ तु शान्त्याद्याः शिरोमाला तु मालिनी
cāmuṇḍā ca lalāṭasthā tha vaktraṃ grasanī smṛtā / ḹ ḷ ṛ ṝ tu śāntyādyāḥ śiromālā tu mālinī
Sanskrit only: no published translation is held for this verse.
नादिनी तु शिखान्तस्था नकाराक्षरसम्भवा । मालिन्यास् तद्ग्रहो ह्य् एष शक्तित्रयम् अतः शृणु
nādinī tu śikhāntasthā nakārākṣarasambhavā / mālinyās tadgraho hy eṣa śaktitrayam ataḥ śṛṇu
Sanskrit only: no published translation is held for this verse.
क्रिया च शुक्रसहिता बिन्दु-अर्धेन्दुसंयुता । नादशक्तिशिखाक्रान्ता प्रथमं बीजम् उत्तमम्
kriyā ca śukrasahitā bindu-ardhendusaṃyutā / nādaśaktiśikhākrāntā prathamaṃ bījam uttamam
Sanskrit only: no published translation is held for this verse.
अम्बिका शूलदण्डस्था गुह्यशक्त्या त्व् अलङ्कृता । बिन्दुयुक्तं द्वितीयं तु तृतीयं शृणु साम्प्रतम्
ambikā śūladaṇḍasthā guhyaśaktyā tv alaṅkṛtā / binduyuktaṃ dvitīyaṃ tu tṛtīyaṃ śṛṇu sāmpratam
Sanskrit only: no published translation is held for this verse.
वाक्तत्त्वं केवलं शुद्धं घोरघोषा तथापरा । दक्षजङ्घासमायुक्ता दीपनी दक्षजानुगा
vāktattvaṃ kevalaṃ śuddhaṃ ghoraghoṣā tathāparā / dakṣajaṅghāsamāyuktā dīpanī dakṣajānugā
Sanskrit only: no published translation is held for this verse.
अम्बिका दीपनीसंस्था गुह्यशक्तीच्छयान्विता । अम्बिका च परारूढा इच्छायुक्तं पदं भवेत्
ambikā dīpanīsaṃsthā guhyaśaktīcchayānvitā / ambikā ca parārūḍhā icchāyuktaṃ padaṃ bhavet
Sanskrit only: no published translation is held for this verse.
अभिन्ना पावनी तद्वच् छूलदण्डं तथैव च । महाकालीस्वरूपेण दशनं तु चतुर्थकम् १
abhinnā pāvanī tadvac chūladaṇḍaṃ tathaiva ca / mahākālīsvarūpeṇa daśanaṃ tu caturthakam 1
Sanskrit only: no published translation is held for this verse.
गायत्र्या भेदितं कार्यं ज्ञानभिन्ना च दीपनी । मोहन्या भेदितं प्राणं महाकाल्या समाहितम्
gāyatryā bheditaṃ kāryaṃ jñānabhinnā ca dīpanī / mohanyā bheditaṃ prāṇaṃ mahākālyā samāhitam
Sanskrit only: no published translation is held for this verse.
षडक्षरं द्वितीयं तु पदं देव्याः समुद्धृतम् । गायत्र्या भेदितं कृत्वा घोरघोषा महाबला
ṣaḍakṣaraṃ dvitīyaṃ tu padaṃ devyāḥ samuddhṛtam / gāyatryā bheditaṃ kṛtvā ghoraghoṣā mahābalā
Sanskrit only: no published translation is held for this verse.
दीपनीं केवलां दद्यात् प्रज्ञया शूलदण्डकम् । ज्ञानभिन्नं तु हृदयं प्राणं जीवसमन्वितम्
dīpanīṃ kevalāṃ dadyāt prajñayā śūladaṇḍakam / jñānabhinnaṃ tu hṛdayaṃ prāṇaṃ jīvasamanvitam
Sanskrit only: no published translation is held for this verse.
सावित्रीसहितं कार्यं पदं विद्यात् तृतीयकम् । दक्षजङ्घासमायुक्ता घोरघोषा कुलेश्वरी
sāvitrīsahitaṃ kāryaṃ padaṃ vidyāt tṛtīyakam / dakṣajaṅghāsamāyuktā ghoraghoṣā kuleśvarī
Sanskrit only: no published translation is held for this verse.
दीपनी केवला चात्र नितम्बं मोहनान्वितम् । कालिका जिह्वया युक्ता चतुर्थं चतुरक्षरम्
dīpanī kevalā cātra nitambaṃ mohanānvitam / kālikā jihvayā yuktā caturthaṃ caturakṣaram
Sanskrit only: no published translation is held for this verse.
भीषणानासमायुक्ता महाकाली तु केवला । भीषणा गुह्यशक्तिस्था लम्बिका केवलाप्य् अतः
bhīṣaṇānāsamāyuktā mahākālī tu kevalā / bhīṣaṇā guhyaśaktisthā lambikā kevalāpy ataḥ
Sanskrit only: no published translation is held for this verse.
नारायणी ज्ञानशक्त्या युक्ता स्यात् पञ्चमं पदम् । वज्रिणी तु महाकाली द्विर् अभ्यासं तु कारयेत्
nārāyaṇī jñānaśaktyā yuktā syāt pañcamaṃ padam / vajriṇī tu mahākālī dvir abhyāsaṃ tu kārayet
Sanskrit only: no published translation is held for this verse.
पावनी मायया भिन्ना अभिन्ना शिखिवाहिनी । द्विर् अभ्यासम् इदं कार्यं प्राणम् इच्छासमन्वितं
pāvanī māyayā bhinnā abhinnā śikhivāhinī / dvir abhyāsam idaṃ kāryaṃ prāṇam icchāsamanvitaṃ
Sanskrit only: no published translation is held for this verse.
षष्ठमं तु पदं देव्या उद्धृतं तु नवाक्षरम् । अम्बिका ज्ञानभिन्ना वै दीपन्या च चतुष्टयम्
ṣaṣṭhamaṃ tu padaṃ devyā uddhṛtaṃ tu navākṣaram / ambikā jñānabhinnā vai dīpanyā ca catuṣṭayam
Sanskrit only: no published translation is held for this verse.
भूषितं भूषणेनैव वामकर्णस्य सुव्रते । दीपन्या केवला चैव चतुर्धा तु प्रकल्पयेत्
bhūṣitaṃ bhūṣaṇenaiva vāmakarṇasya suvrate / dīpanyā kevalā caiva caturdhā tu prakalpayet
Sanskrit only: no published translation is held for this verse.
नववर्णम् इदं देवि सप्तमं पदम् उद्धृतम् । अम्बिका शूलदण्डस्था गुह्यशक्त्या विभूषिता
navavarṇam idaṃ devi saptamaṃ padam uddhṛtam / ambikā śūladaṇḍasthā guhyaśaktyā vibhūṣitā
Sanskrit only: no published translation is held for this verse.
पुनर् एव तथाप्य् एवं शूलदण्डासने स्थिता । प्रज्ञायुक्ता तु कर्तव्या वामपादं ततः पुनः
punar eva tathāpy evaṃ śūladaṇḍāsane sthitā / prajñāyuktā tu kartavyā vāmapādaṃ tataḥ punaḥ
Sanskrit only: no published translation is held for this verse.
शूलदण्डासनासीनं ज्ञानदेव्या ह्य् अलङ्कृतम् । प्राणं जीवसमायुक्तं शूलदण्डासने स्थितम्
śūladaṇḍāsanāsīnaṃ jñānadevyā hy alaṅkṛtam / prāṇaṃ jīvasamāyuktaṃ śūladaṇḍāsane sthitam
Sanskrit only: no published translation is held for this verse.
सावित्र्या सहितं कार्यं भूषितं भूषणेन तु । वामकर्णस्य देवेशि क्रियादेव्या ततः पुनः
sāvitryā sahitaṃ kāryaṃ bhūṣitaṃ bhūṣaṇena tu / vāmakarṇasya deveśi kriyādevyā tataḥ punaḥ
Sanskrit only: no published translation is held for this verse.
बिन्दुयुक्तं तु कर्तव्यं पदं देव्यास् तु चाष्टमम् । कुब्जे ते प्रीतिपूर्वेण कथितं तु विशेषतः
binduyuktaṃ tu kartavyaṃ padaṃ devyās tu cāṣṭamam / kubje te prītipūrveṇa kathitaṃ tu viśeṣataḥ
Sanskrit only: no published translation is held for this verse.
फेत्कारादिनियोगेन नादिफान्तं तु मालिनी । विद्यात्रयं तथाप्य् एवं [ऽ]घोर्याष्टकसमन्वितम्
phetkārādiniyogena nādiphāntaṃ tu mālinī / vidyātrayaṃ tathāpy evaṃ [']ghoryāṣṭakasamanvitam
Sanskrit only: no published translation is held for this verse.
द्वादशाङ्गं तु सुश्रोणि विद्याङ्गाश् च नवात्मकम् । नवात्मा-अङ्गसंयुक्तं मालिन्याङ्गसमन्वितम्
dvādaśāṅgaṃ tu suśroṇi vidyāṅgāś ca navātmakam / navātmā-aṅgasaṃyuktaṃ mālinyāṅgasamanvitam
Sanskrit only: no published translation is held for this verse.
निग्रहस् तु समाख्यातो विलोमेनोपदेशतः । अथान्यं सम्प्रवक्ष्यामि अर्चनं विधिपूर्वकम्
nigrahas tu samākhyāto vilomenopadeśataḥ / athānyaṃ sampravakṣyāmi arcanaṃ vidhipūrvakam
Sanskrit only: no published translation is held for this verse.
कौलिकेन विधानेन यथाशास्त्रविधानतः । सुसमे भूप्रदेशे तु गोमयेनोपलेपिते
kaulikena vidhānena yathāśāstravidhānataḥ / susame bhūpradeśe tu gomayenopalepite
Sanskrit only: no published translation is held for this verse.
योगपीठे ऽथवा रम्ये गन्धधूपसुवासिते । पुष्पप्रकरसङ्कीर्णे सुगुप्ते जनवर्जिते
yogapīṭhe 'thavā ramye gandhadhūpasuvāsite / puṣpaprakarasaṅkīrṇe sugupte janavarjite
Sanskrit only: no published translation is held for this verse.
तत्रार्चनं समारभ्य एकचित्तो दृढव्रतः । शुक्लवस्त्रपरीधानः सुक्लयज्ञोपवीतिनः
tatrārcanaṃ samārabhya ekacitto dṛḍhavrataḥ / śuklavastraparīdhānaḥ suklayajñopavītinaḥ
Sanskrit only: no published translation is held for this verse.
शुचिर् भूत्वा सुसन्नद्धः षोढान्यासेन कुब्जिके । सबाह्याभ्यन्तरे ध्यात्वा एकचित्तो व्यवस्थितः
śucir bhūtvā susannaddhaḥ ṣoḍhānyāsena kubjike / sabāhyābhyantare dhyātvā ekacitto vyavasthitaḥ
Sanskrit only: no published translation is held for this verse.
ततः कर्म समारभ्य पूर्वोक्तेन विधानवित् । कुङ्कुमाक्षतसम्मिश्रैस् त्रिरस्रं वर्तयेत् क्रमम्
tataḥ karma samārabhya pūrvoktena vidhānavit / kuṅkumākṣatasammiśrais trirasraṃ vartayet kramam
Sanskrit only: no published translation is held for this verse.
रक्तचन्दनचूर्णेन सिन्दूरेण-म्-अथाम्बिके । हिङ्गुलेन तथा रक्ते लिख्याक्षरं यथोदितम्
raktacandanacūrṇena sindūreṇa-m-athāmbike / hiṅgulena tathā rakte likhyākṣaraṃ yathoditam
Sanskrit only: no published translation is held for this verse.
नादबिन्दुसमायुक्तं षट्प्रकारसमन्वितम् । सर्वाकारसमोपेतं परमं दिव्यरूपिणम्
nādabindusamāyuktaṃ ṣaṭprakārasamanvitam / sarvākārasamopetaṃ paramaṃ divyarūpiṇam
Sanskrit only: no published translation is held for this verse.
तत्र पूजा प्रकर्तव्या शास्त्रोक्तेन विधानवित् । आदौ पीठानि चत्वारि चत्वारः पीठदेवताः
tatra pūjā prakartavyā śāstroktena vidhānavit / ādau pīṭhāni catvāri catvāraḥ pīṭhadevatāḥ
Sanskrit only: no published translation is held for this verse.
योगिनीपञ्चकं चैव डादियान्ताः क्रमेण तु । पुनर् महान्तारिकाः पञ्च ज्ञानं षड्विधम् उच्यते
yoginīpañcakaṃ caiva ḍādiyāntāḥ krameṇa tu / punar mahāntārikāḥ pañca jñānaṃ ṣaḍvidham ucyate
Sanskrit only: no published translation is held for this verse.
स्रष्टारः सिद्धसद्भावाः सिद्धाश् चत्वार्य् अनुक्रमात् । ॐकारपीठमध्यस्थं देव्याया सह विन्यसेत्
sraṣṭāraḥ siddhasadbhāvāḥ siddhāś catvāry anukramāt / oṃkārapīṭhamadhyasthaṃ devyāyā saha vinyaset
Sanskrit only: no published translation is held for this verse.
दक्षिणे चैव जालाख्यं पूर्णपीठं तथोत्तरे । कामरूपं ततो ऽग्रे तु देव्यासिद्धसमन्वितम्
dakṣiṇe caiva jālākhyaṃ pūrṇapīṭhaṃ tathottare / kāmarūpaṃ tato 'gre tu devyāsiddhasamanvitam
Sanskrit only: no published translation is held for this verse.
षट्प्रकारविधानेन कुलाष्टकम् अतः शृणु । प्रयागे तु महाक्षेत्रे आ-क्षा-मङ्गलसंयुता
ṣaṭprakāravidhānena kulāṣṭakam ataḥ śṛṇu / prayāge tu mahākṣetre ā-kṣā-maṅgalasaṃyutā
Sanskrit only: no published translation is held for this verse.
वैरिञ्ची आदिना पूज्या पूर्वभागे व्यवस्थिता । वाराणस्यां महाक्षेत्रे ई-ला-चर्चिकसंयुता
vairiñcī ādinā pūjyā pūrvabhāge vyavasthitā / vārāṇasyāṃ mahākṣetre ī-lā-carcikasaṃyutā
Sanskrit only: no published translation is held for this verse.
माहेशी कादिना पूज्या आग्नेयीं दिशम् आश्रिता । कोलागिर्ये महाक्षेत्रे ऊ-हा-योगीसमन्विता
māheśī kādinā pūjyā āgneyīṃ diśam āśritā / kolāgirye mahākṣetre ū-hā-yogīsamanvitā
Sanskrit only: no published translation is held for this verse.
कौमारी चादिना पूज्या याम्यायां दिशि संस्थिता । अट्टहासे महाक्षेत्रे ॠ-सा-सिद्धिहरान्विता
kaumārī cādinā pūjyā yāmyāyāṃ diśi saṃsthitā / aṭṭahāse mahākṣetre ṝ-sā-siddhiharānvitā
Sanskrit only: no published translation is held for this verse.
टादिना वैष्णवी ह्य् एवं नैरृत्यकोणम् आश्रिता । जयन्ती च महाक्षेत्रे ॡ-षा-भट्टसमन्विता
ṭādinā vaiṣṇavī hy evaṃ nairṛtyakoṇam āśritā / jayantī ca mahākṣetre ḹ-ṣā-bhaṭṭasamanvitā
Sanskrit only: no published translation is held for this verse.
वाराही तादिना ह्य् एवं वारुण्यां दिशि भूषिता । चरित्रे च महाक्षेत्रे ऐ-शा-किलकिलान्विता
vārāhī tādinā hy evaṃ vāruṇyāṃ diśi bhūṣitā / caritre ca mahākṣetre ai-śā-kilakilānvitā
Sanskrit only: no published translation is held for this verse.
ऐन्द्री पाद्येन सम्पूज्या वायव्यकोणके स्थिता । एकाम्रके महाक्षेत्रे कालरात्र्या च औ-व-का
aindrī pādyena sampūjyā vāyavyakoṇake sthitā / ekāmrake mahākṣetre kālarātryā ca au-va-kā
Sanskrit only: no published translation is held for this verse.
चामुण्डा यादिना पूज्या कौबेरीदिशि संस्थिता । देविकोट्टे महाक्षेत्रे अः-ह्ला-भीषणसंयुता
cāmuṇḍā yādinā pūjyā kauberīdiśi saṃsthitā / devikoṭṭe mahākṣetre aḥ-hlā-bhīṣaṇasaṃyutā
Sanskrit only: no published translation is held for this verse.
लक्ष्मी शाद्येन सम्पूज्या ऐशान्यां दिशि भूषिता । क्षवर्णे कुब्जिनीशानं मध्यसंस्थं प्रपूजयेत्
lakṣmī śādyena sampūjyā aiśānyāṃ diśi bhūṣitā / kṣavarṇe kubjinīśānaṃ madhyasaṃsthaṃ prapūjayet
Sanskrit only: no published translation is held for this verse.
डकारे डाकिनी पूज्या रकारे राक्षसी तथा । लकारे लाकिनी ऽप्य् एवं ककारे कुसुमालिका
ḍakāre ḍākinī pūjyā rakāre rākṣasī tathā / lakāre lākinī 'py evaṃ kakāre kusumālikā
Sanskrit only: no published translation is held for this verse.
शकारे शाकिनी विद्धि यकारे यक्षिणी मता । भ्रामणी मध्यतः पूज्या दक्षषट्कं प्रकीर्तितम्
śakāre śākinī viddhi yakāre yakṣiṇī matā / bhrāmaṇī madhyataḥ pūjyā dakṣaṣaṭkaṃ prakīrtitam
Sanskrit only: no published translation is held for this verse.
उत्तरं सम्प्रवक्ष्यामि यथावद् अनुपूर्वशः । गुह्याख्या च महाख्या च बलाख्या मणिचन्द्रिका
uttaraṃ sampravakṣyāmi yathāvad anupūrvaśaḥ / guhyākhyā ca mahākhyā ca balākhyā maṇicandrikā
Sanskrit only: no published translation is held for this verse.
मालिनी विद्यया सार्धं षट्कम् उत्तरसंज्ञकम् । ऊर्ध्वतः सिद्धसन्तानं मित्रादौ गुरवावधिम्
mālinī vidyayā sārdhaṃ ṣaṭkam uttarasaṃjñakam / ūrdhvataḥ siddhasantānaṃ mitrādau guravāvadhim
Sanskrit only: no published translation is held for this verse.
आधारीशस् तु ॐकारे कुरङ्गीशस् तु जालके । चक्रीशः पूर्णगिर्यायां मथनं कामरूपके
ādhārīśas tu oṃkāre kuraṅgīśas tu jālake / cakrīśaḥ pūrṇagiryāyāṃ mathanaṃ kāmarūpake
Sanskrit only: no published translation is held for this verse.
योगिन्यश् च युगाश् चैव क्रमशः सम्प्रपूजयेत् । चण्डा घण्टा महानासा सुमुखी दुर्मुखी बला
yoginyaś ca yugāś caiva kramaśaḥ samprapūjayet / caṇḍā ghaṇṭā mahānāsā sumukhī durmukhī balā
Sanskrit only: no published translation is held for this verse.
रेवती प्रथमा घोरा भौम्या भीमा महाबला । जया च विजया चैव ऽजिता चैवापराजिता
revatī prathamā ghorā bhaumyā bhīmā mahābalā / jayā ca vijayā caiva 'jitā caivāparājitā
Sanskrit only: no published translation is held for this verse.
महोत्कटा विरूपाक्षी शुष्का चाकाशमातरा । सेहारी जातहारी च दंष्ट्राली शुष्करेवती
mahotkaṭā virūpākṣī śuṣkā cākāśamātarā / sehārī jātahārī ca daṃṣṭrālī śuṣkarevatī
Sanskrit only: no published translation is held for this verse.
पिपीलिका पुष्पहारी अशनी शस्पहारिका । भद्रकाली सुभद्रा च भद्रभीमा सुभद्रिका
pipīlikā puṣpahārī aśanī śaspahārikā / bhadrakālī subhadrā ca bhadrabhīmā subhadrikā
Sanskrit only: no published translation is held for this verse.
कादिवर्णैः प्रपूज्यैताः स्वरैः पीठाधिपास् तथा । सिद्धक्रमम् इदं देवि सिद्धमात्ट्ः प्रपूजयेत्
kādivarṇaiḥ prapūjyaitāḥ svaraiḥ pīṭhādhipās tathā / siddhakramam idaṃ devi siddhamātṭḥ prapūjayet
Sanskrit only: no published translation is held for this verse.
गोपनीयं प्रयत्नेन यदीच्छेच् छिरजीवितम् । न देयं दुष्टबुद्धीनाम् इत्य् आज्ञा पारमेश्वरी
gopanīyaṃ prayatnena yadīcchec chirajīvitam / na deyaṃ duṣṭabuddhīnām ity ājñā pārameśvarī
Sanskrit only: no published translation is held for this verse.
पूजनीयं प्रयत्नेन नित् यम् एव न संशयः । योगाचारसमो योगी मानसं सम्प्रपूजयेत्
pūjanīyaṃ prayatnena nit yam eva na saṃśayaḥ / yogācārasamo yogī mānasaṃ samprapūjayet
Sanskrit only: no published translation is held for this verse.
त्रिकालम् एककालं वा षोढान्यासप्रपूर्वकम् । षट्प्रकारम् इदं देवि त्रिसन्ध्यं सम्प्रपूजयेत्
trikālam ekakālaṃ vā ṣoḍhānyāsaprapūrvakam / ṣaṭprakāram idaṃ devi trisandhyaṃ samprapūjayet
Sanskrit only: no published translation is held for this verse.
स्वरैः षोडशभिर् देव्यः सिद्धाश् चैव प्रपूजयेत्
svaraiḥ ṣoḍaśabhir devyaḥ siddhāś caiva prapūjayet
Sanskrit only: no published translation is held for this verse.
पीठं पीठेश्वरीम् ईशं पीठाधिपसपालकम् । नाथदेव्या समायुक्तं सिद्धदेव्यान्वितं यजेत्
pīṭhaṃ pīṭheśvarīm īśaṃ pīṭhādhipasapālakam / nāthadevyā samāyuktaṃ siddhadevyānvitaṃ yajet
Sanskrit only: no published translation is held for this verse.
पञ्चमं पीठमध्यस्थं देवीचतुष्टयान्वितम् । सिद्धैश् चतुर्भिः संयुक्तं पूजयेत् समनुक्रमात्
pañcamaṃ pīṭhamadhyasthaṃ devīcatuṣṭayānvitam / siddhaiś caturbhiḥ saṃyuktaṃ pūjayet samanukramāt
Sanskrit only: no published translation is held for this verse.
षडङ्गभोगसंस्थानं पङ्क्ति रत्नं च पञ्चकम् । गुह्यषट्कं तथा डादि स्थानषट्कम् अतः परम्
ṣaḍaṅgabhogasaṃsthānaṃ paṅkti ratnaṃ ca pañcakam / guhyaṣaṭkaṃ tathā ḍādi sthānaṣaṭkam ataḥ param
Sanskrit only: no published translation is held for this verse.
योगिनीषट्कम् एतद् धि पञ्चकं च ततः पुनः । क्षेत्राष्ट-म्-अष्टकं चैव अष्टकं च चतुष्टयम्
yoginīṣaṭkam etad dhi pañcakaṃ ca tataḥ punaḥ / kṣetrāṣṭa-m-aṣṭakaṃ caiva aṣṭakaṃ ca catuṣṭayam
Sanskrit only: no published translation is held for this verse.
षट्कम् अन्यत् ततो बाह्ये पूजनीयं प्रयत्नतः । यो वेत्ति योग्यता तस्य अन्यथा नामधारकः
ṣaṭkam anyat tato bāhye pūjanīyaṃ prayatnataḥ / yo vetti yogyatā tasya anyathā nāmadhārakaḥ
Sanskrit only: no published translation is held for this verse.
षोढान्यासं ततः पश्चाद् वाचनीयं प्रयत्नतः । स्वभ्रा चैव निरभ्रा च भूचरी खेचरी तथा
ṣoḍhānyāsaṃ tataḥ paścād vācanīyaṃ prayatnataḥ / svabhrā caiva nirabhrā ca bhūcarī khecarī tathā
Sanskrit only: no published translation is held for this verse.
गोचरी गणमुख्या च योगिन्यः षट् कुले स्थिताः । सूक्ष्मा चैव सुसूक्ष्मा च अन्तिमामृत-म्-अन्तिमा
gocarī gaṇamukhyā ca yoginyaḥ ṣaṭ kule sthitāḥ / sūkṣmā caiva susūkṣmā ca antimāmṛta-m-antimā
Sanskrit only: no published translation is held for this verse.
कामरूपादितः कृत्वा योगिन्यः सिद्धसंयुताः । कमला बर्बरा चैव महान्तारी तृतीयका
kāmarūpāditaḥ kṛtvā yoginyaḥ siddhasaṃyutāḥ / kamalā barbarā caiva mahāntārī tṛtīyakā
Sanskrit only: no published translation is held for this verse.
लघ्विनी च चतुर्थी स्याद् बिम्बाख्या वृद्धपञ्चकम् । रक्ताख्या च करालाख्या चण्डा उच्छुष्मसंज्ञिका
laghvinī ca caturthī syād bimbākhyā vṛddhapañcakam / raktākhyā ca karālākhyā caṇḍā ucchuṣmasaṃjñikā
Sanskrit only: no published translation is held for this verse.
खण्डिका पञ्चमी ज्ञेया पञ्च देव्या उदाहृताः । मातङ्गी च पुलिन्दा च शबरी चम्पका तथा
khaṇḍikā pañcamī jñeyā pañca devyā udāhṛtāḥ / mātaṅgī ca pulindā ca śabarī campakā tathā
Sanskrit only: no published translation is held for this verse.
मध्यतः कुब्जनामा तु रत्नभूषणभूषिता । विशुद्धानाहतं चैव तथा च मणिपूरकम्
madhyataḥ kubjanāmā tu ratnabhūṣaṇabhūṣitā / viśuddhānāhataṃ caiva tathā ca maṇipūrakam
Sanskrit only: no published translation is held for this verse.
स्वाधिष्ठानं तथाधारं पञ्चरत्नं प्रपूजयेत् । षोढान्यासस्य तत्त्वज्ञो अन्यथा च विलोमकृत्
svādhiṣṭhānaṃ tathādhāraṃ pañcaratnaṃ prapūjayet / ṣoḍhānyāsasya tattvajño anyathā ca vilomakṛt
Sanskrit only: no published translation is held for this verse.
पूज्यपूजकदिग्भागे क्रमशुद्धिक्रमेण तु । स च योग्यो ऽन्वयी शिष्यो अन्यथा नामधारकः
pūjyapūjakadigbhāge kramaśuddhikrameṇa tu / sa ca yogyo 'nvayī śiṣyo anyathā nāmadhārakaḥ
Sanskrit only: no published translation is held for this verse.
गन्धैश् च विविधैः पुष्पैर् जवाबन्धूकपाटलैः । करवीरकुब्जकुण्डैश् च जातीमल्लिकचम्पकैः
gandhaiś ca vividhaiḥ puṣpair javābandhūkapāṭalaiḥ / karavīrakubjakuṇḍaiś ca jātīmallikacampakaiḥ
Sanskrit only: no published translation is held for this verse.
सैवल्योत्पलयूथीभिः सिन्दूरैः किंशुकैस् तथा । एभिश् च बहुभिश् चान्यैः सुगन्धैर् धूपगुग्गुलैः
saivalyotpalayūthībhiḥ sindūraiḥ kiṃśukais tathā / ebhiś ca bahubhiś cānyaiḥ sugandhair dhūpaguggulaiḥ
Sanskrit only: no published translation is held for this verse.
वामामृतादिभिर् द्रव्यैः कुण्डगोलोद्भवैस् तथा । पञ्चामृतैस् तथा चान्यैर् अलिफल्गुसमन्वितैः
vāmāmṛtādibhir dravyaiḥ kuṇḍagolodbhavais tathā / pañcāmṛtais tathā cānyair aliphalgusamanvitaiḥ
Sanskrit only: no published translation is held for this verse.
महापिशितधूपैस् तु नालाजैर् दीपकैः सह । एवं कुर्याद् विधानेन अर्चनं विधिपूर्वकम्
mahāpiśitadhūpais tu nālājair dīpakaiḥ saha / evaṃ kuryād vidhānena arcanaṃ vidhipūrvakam
Sanskrit only: no published translation is held for this verse.
महाशङ्खार्घपात्रेण अर्घं दत्त्वा यथाक्रमम् । तस्यापि पूर्वतो देवि मण्डलानां चतुष्टयम्
mahāśaṅkhārghapātreṇa arghaṃ dattvā yathākramam / tasyāpi pūrvato devi maṇḍalānāṃ catuṣṭayam
Sanskrit only: no published translation is held for this verse.
पीतपुष्पैः समभ्यर्च्य एकैकस्य क्रमेण तु । पुनर् दक्षिणतो देवि चत्वारः कृष्णपुष्पकैः
pītapuṣpaiḥ samabhyarcya ekaikasya krameṇa tu / punar dakṣiṇato devi catvāraḥ kṛṣṇapuṣpakaiḥ
Sanskrit only: no published translation is held for this verse.
उत्तरे चैव चत्वारि रक्तपुष्पैः प्रपूजयेत् । चत्वारः पश्चिमे देवि श्वेतपुष्पैः प्रपूजयेत्
uttare caiva catvāri raktapuṣpaiḥ prapūjayet / catvāraḥ paścime devi śvetapuṣpaiḥ prapūjayet
Sanskrit only: no published translation is held for this verse.
प्रणामः क्रियते पश्चाद् अष्टाङ्गं मानसेन तु । स्तोत्रं पश्चात् प्रकुर्वीत तच् च देवि वदाम्य् अह् अम्
praṇāmaḥ kriyate paścād aṣṭāṅgaṃ mānasena tu / stotraṃ paścāt prakurvīta tac ca devi vadāmy ah am
Sanskrit only: no published translation is held for this verse.
नमो ऽस्तु ते महामाये सूक्ष्मदेहे परापरे । एकाकिनि विशुद्धात्मे नादाख्ये बिन्दुमालिनि
namo 'stu te mahāmāye sūkṣmadehe parāpare / ekākini viśuddhātme nādākhye bindumālini
Sanskrit only: no published translation is held for this verse.
अदेहाच् च समुत्पन्ने अचले विश्वधारिणि । महाकुण्डलिनी नित्ये हंसमध्ये व्यवस्थिते
adehāc ca samutpanne acale viśvadhāriṇi / mahākuṇḍalinī nitye haṃsamadhye vyavasthite
Sanskrit only: no published translation is held for this verse.
सोमसूर्याग्निमध्यस्थे व्योमव्यापी परापरे । ॐकारविग्रहावस्थे हकारार्धार्धधारिणि
somasūryāgnimadhyasthe vyomavyāpī parāpare / oṃkāravigrahāvasthe hakārārdhārdhadhāriṇi
Sanskrit only: no published translation is held for this verse.
वालाग्रशतधासूक्ष्मे अनन्ते चाक्षये ऽव्यये । हकारार्धकलाधारे पद्मकिञ्जल्कम् आश्रिते
vālāgraśatadhāsūkṣme anante cākṣaye 'vyaye / hakārārdhakalādhāre padmakiñjalkam āśrite
Sanskrit only: no published translation is held for this verse.
सकलाख्ये महामाये वरदे लोकपूजिते । एकैकनाडिमध्यस्थे मर्म-म्-एकैकभेदिनि
sakalākhye mahāmāye varade lokapūjite / ekaikanāḍimadhyasthe marma-m-ekaikabhedini
Sanskrit only: no published translation is held for this verse.
अष्टत्रिंशत्कला देवि भेदिनि ब्रह्मरन्ध्रगे । ब्रह्मा विष्णुश् च रुद्रश् च ईश्वरश् च सदासिवः
aṣṭatriṃśatkalā devi bhedini brahmarandhrage / brahmā viṣṇuś ca rudraś ca īśvaraś ca sadāsivaḥ
Sanskrit only: no published translation is held for this verse.
एते पञ्च महाप्रेताः पादमूले व्यवस्थिताः । त्रैलोक्यजननी देवि नमस् ते शक्तिरूपिणी
ete pañca mahāpretāḥ pādamūle vyavasthitāḥ / trailokyajananī devi namas te śaktirūpiṇī
Sanskrit only: no published translation is held for this verse.
इडापिङ्गलमध्यस्थे मृणालतन्तुरूपिणि । बिन्दुमध्यगते देवि कुटिले चार्धचन्द्रिके
iḍāpiṅgalamadhyasthe mṛṇālatanturūpiṇi / bindumadhyagate devi kuṭile cārdhacandrike
Sanskrit only: no published translation is held for this verse.