Saddharmalankavatarasutra 10

भावाभावेन निर्वाणं बालानां चित्तमोहनम् । आर्यदर्शनसद्भावाद्यथावस्थानदर्शनात्

bhāvābhāvena nirvāṇaṃ bālānāṃ cittamohanam / āryadarśanasadbhāvādyathāvasthānadarśanāt

Sanskrit only: no published translation is held for this verse.

उत्पादभङ्गरहितं भावाभावविवर्जितम् । लक्ष्यलक्षणनिर्मुक्तं परिणामं विभावयेत्

utpādabhaṅgarahitaṃ bhāvābhāvavivarjitam / lakṣyalakṣaṇanirmuktaṃ pariṇāmaṃ vibhāvayet

Sanskrit only: no published translation is held for this verse.

तीर्थ्यवादविनिर्मुक्तं नामसंस्थानवर्जितम् । अध्यात्मदृष्टिनिलयं परिणामं विभावयेत्

tīrthyavādavinirmuktaṃ nāmasaṃsthānavarjitam / adhyātmadṛṣṭinilayaṃ pariṇāmaṃ vibhāvayet

Sanskrit only: no published translation is held for this verse.

संस्पर्शपीडनाभ्यां वै देवानां नारकाणि च । अन्तराभविका नास्ति विज्ञानेन प्रवर्तिता

saṃsparśapīḍanābhyāṃ vai devānāṃ nārakāṇi ca / antarābhavikā nāsti vijñānena pravartitā

Sanskrit only: no published translation is held for this verse.

जरजाण्डजसंस्वेदाद्या अन्तराभवसंभवाः । सत्त्वकाया यथा चित्रा गत्यागत्यां विभावयेत्

jarajāṇḍajasaṃsvedādyā antarābhavasaṃbhavāḥ / sattvakāyā yathā citrā gatyāgatyāṃ vibhāvayet

Sanskrit only: no published translation is held for this verse.

युक्त्यागमव्यपेतानि निःक्लेशपक्षक्षयावहा । तीर्थ्यदृष्टिप्रलापानि मतिमान्न समाचरेत्

yuktyāgamavyapetāni niḥkleśapakṣakṣayāvahā / tīrthyadṛṣṭipralāpāni matimānna samācaret

Sanskrit only: no published translation is held for this verse.

आदौ निर्धार्यते आत्मा उपादानाद्विशेषयेत् । अनिर्धार्य विशेषन्ति वन्ध्यापुत्रं विशिष्यते

ādau nirdhāryate ātmā upādānādviśeṣayet / anirdhārya viśeṣanti vandhyāputraṃ viśiṣyate

Sanskrit only: no published translation is held for this verse.

पश्यामि सत्त्वान् दिव्येन प्रज्ञामांसविवर्जितम् । संसारस्कन्धनिर्मुक्तं मूर्तिमान् सर्वदेहिनाम्

paśyāmi sattvān divyena prajñāmāṃsavivarjitam / saṃsāraskandhanirmuktaṃ mūrtimān sarvadehinām

Sanskrit only: no published translation is held for this verse.

दुर्वर्णसुवर्णगतं मुक्तामुक्तविशेषणम् । दिव्यं संस्कारविगतं संस्कारस्थं प्रपश्यते

durvarṇasuvarṇagataṃ muktāmuktaviśeṣaṇam / divyaṃ saṃskāravigataṃ saṃskārasthaṃ prapaśyate

Sanskrit only: no published translation is held for this verse.

मूर्तिमान् गतिसंधौ वै तार्किकाणामगोचरम् । अतिक्रान्तमानुष्यगतिमहं नान्ये कुतार्किकाः

mūrtimān gatisaṃdhau vai tārkikāṇāmagocaram / atikrāntamānuṣyagatimahaṃ nānye kutārkikāḥ

Sanskrit only: no published translation is held for this verse.

नास्त्यात्मा जायते चित्तं कस्मादेतत्प्रवर्तते । नदीदीपबीजवत्तस्य निर्गमः किं न कथ्यते

nāstyātmā jāyate cittaṃ kasmādetatpravartate / nadīdīpabījavattasya nirgamaḥ kiṃ na kathyate

Sanskrit only: no published translation is held for this verse.

अनुत्पन्ने च विज्ञाने अज्ञानादि न विद्यते । तदभावे न विज्ञानं संतत्या जायते कथम्

anutpanne ca vijñāne ajñānādi na vidyate / tadabhāve na vijñānaṃ saṃtatyā jāyate katham

Sanskrit only: no published translation is held for this verse.

अध्वत्रयमनध्वश्च अवक्तव्यश्च पञ्चमः । ज्ञेयमेतद्धि बुद्धानां तार्किकैः संप्रकीर्त्यते

adhvatrayamanadhvaśca avaktavyaśca pañcamaḥ / jñeyametaddhi buddhānāṃ tārkikaiḥ saṃprakīrtyate

Sanskrit only: no published translation is held for this verse.

अवक्तव्यश्च संस्कारैर्ज्ञानं संस्कारहेतुकम् । गृह्णाति संस्कारगतं ज्ञानं संस्कारशब्दितम्

avaktavyaśca saṃskārairjñānaṃ saṃskārahetukam / gṛhṇāti saṃskāragataṃ jñānaṃ saṃskāraśabditam

Sanskrit only: no published translation is held for this verse.

अस्मिन् सतीदं भवति प्रत्ययाश्चाप्यहेतुकाः । व्यञ्जकेनोपदिश्यन्ते तदभावान्न कारकम्

asmin satīdaṃ bhavati pratyayāścāpyahetukāḥ / vyañjakenopadiśyante tadabhāvānna kārakam

Sanskrit only: no published translation is held for this verse.

पवनं हि वह्नेर्दहनं प्रेरणे न तु संभवे । प्रेर्य निर्वायते तेन कथं सत्त्वप्रसाधकाः

pavanaṃ hi vahnerdahanaṃ preraṇe na tu saṃbhave / prerya nirvāyate tena kathaṃ sattvaprasādhakāḥ

Sanskrit only: no published translation is held for this verse.

संस्कृतासंस्कृतं वाच्यमुपादानविवर्जितम् । कथं हि साधकस्तस्य वह्निर्बालैर्विकल्प्यते

saṃskṛtāsaṃskṛtaṃ vācyamupādānavivarjitam / kathaṃ hi sādhakastasya vahnirbālairvikalpyate

Sanskrit only: no published translation is held for this verse.

अन्योन्यस्य बलाधानाद्वह्निर्वै जायते नृणाम् । सत्त्वः प्रवर्तितः केन वह्निवत्कल्प्यते यतः

anyonyasya balādhānādvahnirvai jāyate nṛṇām / sattvaḥ pravartitaḥ kena vahnivatkalpyate yataḥ

Sanskrit only: no published translation is held for this verse.

स्कन्धायतनकदम्बस्य मनाद्याकारणो नु वै । नैरात्मा सार्थवन्नित्यं चित्तेन सह वर्तते

skandhāyatanakadambasya manādyākāraṇo nu vai / nairātmā sārthavannityaṃ cittena saha vartate

Sanskrit only: no published translation is held for this verse.

द्वावेतौ भास्वरौ नित्यं कार्यकारणवर्जितौ । अग्निर्ह्यसाधकस्तेषां न च बुध्यन्ति तार्किकाः

dvāvetau bhāsvarau nityaṃ kāryakāraṇavarjitau / agnirhyasādhakasteṣāṃ na ca budhyanti tārkikāḥ

Sanskrit only: no published translation is held for this verse.

चित्तं सत्त्वाश्च निर्वाणं प्रकृत्या भासुरा नु वै । दोषैरनादिकैः क्लिष्टा अभिन्ना गगनोपमाः

cittaṃ sattvāśca nirvāṇaṃ prakṛtyā bhāsurā nu vai / doṣairanādikaiḥ kliṣṭā abhinnā gaganopamāḥ

Sanskrit only: no published translation is held for this verse.

हस्तिशय्यादिवच्छाया(?) स्तीर्थ्यदृष्ट्या मलीकृताः । मनोविज्ञानसंछन्ना अग्निराद्यैर्विशोधिताः

hastiśayyādivacchāyā(?) stīrthyadṛṣṭyā malīkṛtāḥ / manovijñānasaṃchannā agnirādyairviśodhitāḥ

Sanskrit only: no published translation is held for this verse.

दृष्टाश्च ते यथाभूतं दृष्ट्वा क्लेशा विदारिताः । दृष्टान्तगहनं हित्वा गतास्ते आर्यगोचरम्

dṛṣṭāśca te yathābhūtaṃ dṛṣṭvā kleśā vidāritāḥ / dṛṣṭāntagahanaṃ hitvā gatāste āryagocaram

Sanskrit only: no published translation is held for this verse.

ज्ञानज्ञेयविभागेन अन्यत्वं कल्प्यते यतः । न च बुध्यन्ति दुर्मेधा अवक्तव्यश्च कथ्यते

jñānajñeyavibhāgena anyatvaṃ kalpyate yataḥ / na ca budhyanti durmedhā avaktavyaśca kathyate

Sanskrit only: no published translation is held for this verse.

भेरी यथा चन्दनजा बालैः कुर्वन्ति नान्यथा । चन्दनागरुसंकाशं तथा ज्ञानं कुतार्किकैः

bherī yathā candanajā bālaiḥ kurvanti nānyathā / candanāgarusaṃkāśaṃ tathā jñānaṃ kutārkikaiḥ

Sanskrit only: no published translation is held for this verse.

उत्थितः खलुभक्तश्च पात्रसंश्रितमात्रकम् । दोषैर्मुखविकाराद्यैः शुद्धं भक्तं समाचरेत्

utthitaḥ khalubhaktaśca pātrasaṃśritamātrakam / doṣairmukhavikārādyaiḥ śuddhaṃ bhaktaṃ samācaret

Sanskrit only: no published translation is held for this verse.

इमं नयं यो ऽनुमिनोति युक्तितः प्रसादवान् योगपरो ह्यकल्पनः । अनाश्रितो ह्यर्थपरो भवेदसौ हिरण्मयीं धर्मगतिं प्रदीपयेत्

imaṃ nayaṃ yo 'numinoti yuktitaḥ prasādavān yogaparo hyakalpanaḥ / anāśrito hyarthaparo bhavedasau hiraṇmayīṃ dharmagatiṃ pradīpayet

Sanskrit only: no published translation is held for this verse.

भावाभावप्रत्ययमोहकल्पना कुदृष्टिजालं समलं हि तस्य तु । सरागदोषप्रतिघं निवर्तते निरञ्जनो बुद्धकरैश्च सिच्यते

bhāvābhāvapratyayamohakalpanā kudṛṣṭijālaṃ samalaṃ hi tasya tu / sarāgadoṣapratighaṃ nivartate nirañjano buddhakaraiśca sicyate

Sanskrit only: no published translation is held for this verse.

तीर्थ्या कारणदिग्मूढा अन्ये प्रत्ययविह्वलाः । अन्ये अहेतुसद्भावादुच्छेदं आर्यमास्थिताः

tīrthyā kāraṇadigmūḍhā anye pratyayavihvalāḥ / anye ahetusadbhāvāducchedaṃ āryamāsthitāḥ

Sanskrit only: no published translation is held for this verse.

विपाकपरिणामश्च विज्ञानस्य मनस्य च । मनो ह्यालयसंभूतं विज्ञानं च मनोभवम्

vipākapariṇāmaśca vijñānasya manasya ca / mano hyālayasaṃbhūtaṃ vijñānaṃ ca manobhavam

Sanskrit only: no published translation is held for this verse.

आलयात्सर्वचित्तानि प्रवर्तन्ति तरंगवत् । वासनाहेतुकाः सर्वे यथाप्रत्ययसंभवाः

ālayātsarvacittāni pravartanti taraṃgavat / vāsanāhetukāḥ sarve yathāpratyayasaṃbhavāḥ

Sanskrit only: no published translation is held for this verse.

क्षणभेदसंकलाबद्धाः स्वचित्तार्थविग्राहिणः । संस्थानलक्षणाकारा मनोचक्ष्वादिसंभवाः

kṣaṇabhedasaṃkalābaddhāḥ svacittārthavigrāhiṇaḥ / saṃsthānalakṣaṇākārā manocakṣvādisaṃbhavāḥ

Sanskrit only: no published translation is held for this verse.

अनादिदोषसंबद्धमर्थाभावासनोदितम् । बहिर्धा दृश्यते चित्तं तीर्थदृष्टिनिवारणम्

anādidoṣasaṃbaddhamarthābhāvāsanoditam / bahirdhā dṛśyate cittaṃ tīrthadṛṣṭinivāraṇam

Sanskrit only: no published translation is held for this verse.

तद्धेतुकमेवान्यत्तदालम्ब्य प्रवर्तते । यदा संजायते दृष्टिः संसारश्च प्रवर्तते

taddhetukamevānyattadālambya pravartate / yadā saṃjāyate dṛṣṭiḥ saṃsāraśca pravartate

Sanskrit only: no published translation is held for this verse.

मायास्वप्ननिभा भावा गन्धर्वनगरोपमाः । मरीच्युदकचन्द्राभाः स्वविकल्पं विभावयेत्

māyāsvapnanibhā bhāvā gandharvanagaropamāḥ / marīcyudakacandrābhāḥ svavikalpaṃ vibhāvayet

Sanskrit only: no published translation is held for this verse.

वृत्तिभेदात्तु तथता सम्यग्ज्ञानं तदाश्रयम् । मायाशूरंगमादीनि समाधीनि पराणि च

vṛttibhedāttu tathatā samyagjñānaṃ tadāśrayam / māyāśūraṃgamādīni samādhīni parāṇi ca

Sanskrit only: no published translation is held for this verse.

भूमिप्रवेशाल्लभते अभिज्ञा वशितानि च । ज्ञानमायोपमं कायमभिषिक्तं च सौगतम्

bhūmipraveśāllabhate abhijñā vaśitāni ca / jñānamāyopamaṃ kāyamabhiṣiktaṃ ca saugatam

Sanskrit only: no published translation is held for this verse.

निवर्तते यदा चित्तं निवृत्तं पश्यतो जगत् । मुदितां लभते भूमिं बुद्धभूमिं लभन्ति च

nivartate yadā cittaṃ nivṛttaṃ paśyato jagat / muditāṃ labhate bhūmiṃ buddhabhūmiṃ labhanti ca

Sanskrit only: no published translation is held for this verse.

आश्रयेण निवृत्तेन विश्वरूपो मणिर्यथा । करोति सत्त्वकृत्यानि प्रतिबिम्बं यथा जले

āśrayeṇa nivṛttena viśvarūpo maṇiryathā / karoti sattvakṛtyāni pratibimbaṃ yathā jale

Sanskrit only: no published translation is held for this verse.

सदसत्पक्षनिर्मुक्तमुभयं नोभयं न च । प्रत्येकश्रावकीयाभ्यां निष्क्रान्ता सप्तमी भवेत्

sadasatpakṣanirmuktamubhayaṃ nobhayaṃ na ca / pratyekaśrāvakīyābhyāṃ niṣkrāntā saptamī bhavet

Sanskrit only: no published translation is held for this verse.

प्रत्यात्मदृष्टधर्माणां भूतभूमिविशोधितम् । बाह्यतीर्थ्यविनिर्मुक्तं महायानं विनिर्दिशेत्

pratyātmadṛṣṭadharmāṇāṃ bhūtabhūmiviśodhitam / bāhyatīrthyavinirmuktaṃ mahāyānaṃ vinirdiśet

Sanskrit only: no published translation is held for this verse.

परावृत्तिर्विकल्पस्य च्युतिनाशविवर्जितम् । शशरोममणिप्रख्यं मुक्तानां देशयेन्नयम्

parāvṛttirvikalpasya cyutināśavivarjitam / śaśaromamaṇiprakhyaṃ muktānāṃ deśayennayam

Sanskrit only: no published translation is held for this verse.

यथा हि ग्रन्थो ग्रन्थेन युक्त्या युक्तिस्तथा यदि । अतो युक्तिर्भवेद्युक्तिमन्यथा तु न कल्पयेत्

yathā hi grantho granthena yuktyā yuktistathā yadi / ato yuktirbhavedyuktimanyathā tu na kalpayet

Sanskrit only: no published translation is held for this verse.

चक्षुः कर्म च तृष्णा च अविद्यायोनिशस्तथा । चक्षूरूपे मनश्चापि आविलस्य मनस्तथा

cakṣuḥ karma ca tṛṣṇā ca avidyāyoniśastathā / cakṣūrūpe manaścāpi āvilasya manastathā

Sanskrit only: no published translation is held for this verse.