पुनरपि महामतिराह - देशयतु मे भगवान् बुद्धानां भगवतां कथं भगवन् बुद्धानां बुद्धता भवति? भगवानाह - धर्मपुद्गलनैरात्म्यावबोधान्महामते आवरणद्वयपरिज्ञानावबोधाच्च च्युतिद्वयाधिगमात्क्लेशद्वयप्रहाणाच्च महामते बुद्धानां भगवतां बुद्धता भवति । एतेषामेव महामते धर्माणामधिगमाच्छ्रावकप्रत्येकबुद्धसंबुद्धता भवति । अत एतस्मान्महामते एकयानं देशयामि ॥ तत्रेदमुच्यते - नैरात्म्यस्य द्वयं क्लेशास्तथैवावरणद्वयम् । अचिन्त्यपरिणामिन्याश्च्युतेर्लाभात्तथागतः
punarapi mahāmatirāha - deśayatu me bhagavān buddhānāṃ bhagavatāṃ kathaṃ bhagavan buddhānāṃ buddhatā bhavati? bhagavānāha - dharmapudgalanairātmyāvabodhānmahāmate āvaraṇadvayaparijñānāvabodhācca cyutidvayādhigamātkleśadvayaprahāṇācca mahāmate buddhānāṃ bhagavatāṃ buddhatā bhavati / eteṣāmeva mahāmate dharmāṇāmadhigamācchrāvakapratyekabuddhasaṃbuddhatā bhavati / ata etasmānmahāmate ekayānaṃ deśayāmi // tatredamucyate - nairātmyasya dvayaṃ kleśāstathaivāvaraṇadvayam / acintyapariṇāminyāścyuterlābhāttathāgataḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.