नन्व् अस्तु पुरुषादिभ्यः श्रैष्ठ्यं तस्याघ-विद्विषः । किन्तु श्री-वासुदेवोऽत्र सर्वैश्वर्य-निषेवितः । त्रिपात्-पाद-विभूत्योश् च नाना-रूप इव स्थितः ॥ उन्मीलद्-बाल-मार्तण्ड-परार्ध-मधुर-द्युतिः । क्वचिन् नव-घन-श्यामः क्वचिज् जाम्बुनद-प्रभः ॥ महा-वैकुण्ठ-नाथस्य विलासत्वेन विश्रुतः । परमात्मा बल-ज्ञान-वीर्य-तेजोभिर् अन्वितः
nanv astu puruṣādibhyaḥ śraiṣṭhyaṃ tasyāgha-vidviṣaḥ | kintu śrī-vāsudevo'tra sarvaiśvarya-niṣevitaḥ | tripāt-pāda-vibhūtyoś ca nānā-rūpa iva sthitaḥ || unmīlad-bāla-mārtaṇḍa-parārdha-madhura-dyutiḥ | kvacin nava-ghana-śyāmaḥ kvacij jāmbunada-prabhaḥ || mahā-vaikuṇṭha-nāthasya vilāsatvena viśrutaḥ | paramātmā bala-jñāna-vīrya-tejobhir anvitaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.