Library·Liṅga Purāṇa·1·1.65
ऋषय ऊचुः आदित्यवंशं सोमस्य वंशं वंशविदां वर । वक्तुमर्हसि चास्माकं संक्षेपाद् रोमहर्षण
ṛṣaya ūcuḥ ādityavaṃśaṃ somasya vaṃśaṃ vaṃśavidāṃ vara / vaktumarhasi cāsmākaṃ saṃkṣepād romaharṣaṇa
Sanskrit only: no published translation is held for this verse.
सूत उवाच अदितिः सुषुवे पुत्रम् आदित्यं कश्यपाद्द्विजाः । तस्यादित्यस्य चैवासीद् भार्या त्रयम् अथापरम्
sūta uvāca aditiḥ suṣuve putram ādityaṃ kaśyapāddvijāḥ / tasyādityasya caivāsīd bhāryā trayam athāparam
Sanskrit only: no published translation is held for this verse.
संज्ञा राज्ञी प्रभा छाया पुत्रांस्तासां वदामि वः । संज्ञा त्वाष्ट्री च सुषुवे सूर्यान्मनुमनुत्तमम्
saṃjñā rājñī prabhā chāyā putrāṃstāsāṃ vadāmi vaḥ / saṃjñā tvāṣṭrī ca suṣuve sūryānmanumanuttamam
Sanskrit only: no published translation is held for this verse.
यमं च यमुनां चैव राज्ञी रेवतमेव च । प्रभा प्रभातम् आदित्याच् छायां संज्ञाप्यकल्पयत्
yamaṃ ca yamunāṃ caiva rājñī revatameva ca / prabhā prabhātam ādityāc chāyāṃ saṃjñāpyakalpayat
Sanskrit only: no published translation is held for this verse.
छाया च तस्मात्सुषुवे सावर्णिं भास्कराद्द्विजाः । ततः शनिं च तपतीं विष्टिं चैव यथाक्रमम्
chāyā ca tasmātsuṣuve sāvarṇiṃ bhāskarāddvijāḥ / tataḥ śaniṃ ca tapatīṃ viṣṭiṃ caiva yathākramam
Sanskrit only: no published translation is held for this verse.
छाया स्वपुत्राभ्यधिकं स्नेहं चक्रे मनौ तदा । पूर्वो मनुर्न चक्षाम यमस्तु क्रोधमूर्छितः
chāyā svaputrābhyadhikaṃ snehaṃ cakre manau tadā / pūrvo manurna cakṣāma yamastu krodhamūrchitaḥ
Sanskrit only: no published translation is held for this verse.
संताडयामास रुषा पादमुद्यम्य दक्षिणम् । यमेन ताडिता सा तु छाया वै दुःखिताभवत्
saṃtāḍayāmāsa ruṣā pādamudyamya dakṣiṇam / yamena tāḍitā sā tu chāyā vai duḥkhitābhavat
Sanskrit only: no published translation is held for this verse.
छायाशापात् पदं चैकं यमस्य क्लिन्नमुत्तमम् । पूयशोणितसम्पूर्णं कृमीणां निचयान्वितम्
chāyāśāpāt padaṃ caikaṃ yamasya klinnamuttamam / pūyaśoṇitasampūrṇaṃ kṛmīṇāṃ nicayānvitam
Sanskrit only: no published translation is held for this verse.
सो ऽपि गोकर्णमाश्रित्य फलकेनानिलाशनः । आराधयन्महादेवं यावद्वर्षायुतायुतम्
so 'pi gokarṇamāśritya phalakenānilāśanaḥ / ārādhayanmahādevaṃ yāvadvarṣāyutāyutam
Sanskrit only: no published translation is held for this verse.
भवप्रसादाद् आगत्य लोकपालत्वमुत्तमम् । पितॄणामाधिपत्यं तु शापमोक्षं तथैव च
bhavaprasādād āgatya lokapālatvamuttamam / pitṝṇāmādhipatyaṃ tu śāpamokṣaṃ tathaiva ca
Sanskrit only: no published translation is held for this verse.
लब्धवान्देवदेवस्य प्रभावाच्छूलपाणिनः । असहन्ती पुरा भानोस् तेजोमयम् अनिन्दिता
labdhavāndevadevasya prabhāvācchūlapāṇinaḥ / asahantī purā bhānos tejomayam aninditā
Sanskrit only: no published translation is held for this verse.
रूपं त्वाष्ट्री स्वदेहात्तु छायाख्यां सा त्वकल्पयत् । वडवारूपमास्थाय तपस्तेपे तु सुव्रता
rūpaṃ tvāṣṭrī svadehāttu chāyākhyāṃ sā tvakalpayat / vaḍavārūpamāsthāya tapastepe tu suvratā
Sanskrit only: no published translation is held for this verse.
कालात्प्रयत्नतो ज्ञात्वा छायां छायापतिः प्रभुः । वडवामगमत्संज्ञाम् अश्वरूपेण भास्करः
kālātprayatnato jñātvā chāyāṃ chāyāpatiḥ prabhuḥ / vaḍavāmagamatsaṃjñām aśvarūpeṇa bhāskaraḥ
Sanskrit only: no published translation is held for this verse.
वडवा च तदा त्वाष्ट्री संज्ञा तस्माद्दिवाकरात् । सुषुवे चाश्विनौ देवौ देवानां तु भिषग्वरौ
vaḍavā ca tadā tvāṣṭrī saṃjñā tasmāddivākarāt / suṣuve cāśvinau devau devānāṃ tu bhiṣagvarau
Sanskrit only: no published translation is held for this verse.
लिखितो भास्करः पश्चात् संज्ञापित्रा महात्मना । विष्णोश्चक्रं तु यद्घोरं मण्डलाद्भास्करस्य तु
likhito bhāskaraḥ paścāt saṃjñāpitrā mahātmanā / viṣṇoścakraṃ tu yadghoraṃ maṇḍalādbhāskarasya tu
Sanskrit only: no published translation is held for this verse.
निर्ममे भगवांस्त्वष्टा प्रधानं दिव्यमायुधम् । रुद्रप्रसादाच्च शुभं सुदर्शनमिति स्मृतम्
nirmame bhagavāṃstvaṣṭā pradhānaṃ divyamāyudham / rudraprasādācca śubhaṃ sudarśanamiti smṛtam
Sanskrit only: no published translation is held for this verse.
लब्धवान् भगवांश्चक्रं कृष्णः कालाग्निसन्निभम् । मनोस्तु प्रथमस्यासन् नव पुत्रास्तु तत्समाः
labdhavān bhagavāṃścakraṃ kṛṣṇaḥ kālāgnisannibham / manostu prathamasyāsan nava putrāstu tatsamāḥ
Sanskrit only: no published translation is held for this verse.
इक्ष्वाकुर् नभगश् चैव धृष्णुः शर्यातिरेव च । नरिष्यन्तश् च वै धीमान् नाभागो ऽरिष्ट एव च
ikṣvākur nabhagaś caiva dhṛṣṇuḥ śaryātireva ca / nariṣyantaś ca vai dhīmān nābhāgo 'riṣṭa eva ca
Sanskrit only: no published translation is held for this verse.
करूषश् च पृषध्रश् च नवैते मानवाः स्मृताः । इला ज्येष्ठा वरिष्ठा च पुंस्त्वं प्राप च या पुरा
karūṣaś ca pṛṣadhraś ca navaite mānavāḥ smṛtāḥ / ilā jyeṣṭhā variṣṭhā ca puṃstvaṃ prāpa ca yā purā
Sanskrit only: no published translation is held for this verse.
सुद्युम्न इति विख्याता पुंस्त्वं प्राप्ता त्विला पुरा । मित्रावरुणयोस्त्वत्र प्रसादान्मुनिपुङ्गवाः
sudyumna iti vikhyātā puṃstvaṃ prāptā tvilā purā / mitrāvaruṇayostvatra prasādānmunipuṅgavāḥ
Sanskrit only: no published translation is held for this verse.
पुनः शरवणं प्राप्य स्त्रीत्वं प्राप्तो भवाज्ञया । सुद्युम्नो मानवः श्रीमान् सोमवंशप्रवृद्धये
punaḥ śaravaṇaṃ prāpya strītvaṃ prāpto bhavājñayā / sudyumno mānavaḥ śrīmān somavaṃśapravṛddhaye
Sanskrit only: no published translation is held for this verse.
इक्ष्वाकोरश्वमेधेन इला किंपुरुषो ऽभवत् । इला किंपुरुषत्वे च सुद्युम्न इति चोच्यते
ikṣvākoraśvamedhena ilā kiṃpuruṣo 'bhavat / ilā kiṃpuruṣatve ca sudyumna iti cocyate
Sanskrit only: no published translation is held for this verse.
मासमेकं पुमान्वीरः स्त्रीत्वं मासमभूत्पुनः । इला बुधस्य भवनं सोमपुत्रस्य चाश्रिता
māsamekaṃ pumānvīraḥ strītvaṃ māsamabhūtpunaḥ / ilā budhasya bhavanaṃ somaputrasya cāśritā
Sanskrit only: no published translation is held for this verse.
बुधेनान्तरमासाद्य मैथुनाय प्रवर्तिता । सोमपुत्राद्बुधाच्चापि ऐलो जज्ञे पुरूरवाः
budhenāntaramāsādya maithunāya pravartitā / somaputrādbudhāccāpi ailo jajñe purūravāḥ
Sanskrit only: no published translation is held for this verse.
सोमवंशाग्रजो धीमान् भवभक्तः प्रतापवान् । इक्ष्वाकोर्वंशविस्तारं पश्चाद्वक्ष्ये तपोधनाः
somavaṃśāgrajo dhīmān bhavabhaktaḥ pratāpavān / ikṣvākorvaṃśavistāraṃ paścādvakṣye tapodhanāḥ
Sanskrit only: no published translation is held for this verse.
पुत्रत्रयमभूत्तस्य सुद्युम्नस्य द्विजोत्तमाः । उत्कलश् च गयश्चैव विनताश्वस्तथैव च
putratrayamabhūttasya sudyumnasya dvijottamāḥ / utkalaś ca gayaścaiva vinatāśvastathaiva ca
Sanskrit only: no published translation is held for this verse.
उत्कलस्योत्कलं राष्ट्रं विनताश्वस्य पश्चिमम् । गया गयस्य चाख्याता पुरी परमशोभना
utkalasyotkalaṃ rāṣṭraṃ vinatāśvasya paścimam / gayā gayasya cākhyātā purī paramaśobhanā
Sanskrit only: no published translation is held for this verse.
सुराणां संस्थितिर्यस्यां पितॄणां च सदा स्थितिः । इक्ष्वाकुज्येष्ठदायादो मध्यदेशम् अवाप्तवान्
surāṇāṃ saṃsthitiryasyāṃ pitṝṇāṃ ca sadā sthitiḥ / ikṣvākujyeṣṭhadāyādo madhyadeśam avāptavān
Sanskrit only: no published translation is held for this verse.
कन्याभावाच्च सुद्युम्नो नैव भागमवाप्तवान् । वसिष्ठवचनात् त्वासीत् प्रतिष्ठाने महाद्युतिः
kanyābhāvācca sudyumno naiva bhāgamavāptavān / vasiṣṭhavacanāt tvāsīt pratiṣṭhāne mahādyutiḥ
Sanskrit only: no published translation is held for this verse.
प्रतिष्ठा धर्मराजस्य सुद्युम्नस्य महात्मनः । तत्पुरूरवसे प्रादाद् राज्यं प्राप्य महायशाः
pratiṣṭhā dharmarājasya sudyumnasya mahātmanaḥ / tatpurūravase prādād rājyaṃ prāpya mahāyaśāḥ
Sanskrit only: no published translation is held for this verse.
मानवेयो महाभागः स्त्रीपुंसोर्लक्षणान्वितः । इक्ष्वाकोरभवद्वीरो विकुक्षिर्धर्मवित्तमः
mānaveyo mahābhāgaḥ strīpuṃsorlakṣaṇānvitaḥ / ikṣvākorabhavadvīro vikukṣirdharmavittamaḥ
Sanskrit only: no published translation is held for this verse.
ज्येष्ठः पुत्रशतस्यासीद् दश पञ्च च तत्सुताः । अभूज्ज्येष्ठः ककुत्स्थश् च ककुत्स्थात्तु सुयोधनः
jyeṣṭhaḥ putraśatasyāsīd daśa pañca ca tatsutāḥ / abhūjjyeṣṭhaḥ kakutsthaś ca kakutsthāttu suyodhanaḥ
Sanskrit only: no published translation is held for this verse.
ततः पृथुर्मुनिश्रेष्ठा विश्वकः पार्थिवस् तथा । विश्वकस्यार्द्रको धीमान् युवनाश्वस्तु तत्सुतः
tataḥ pṛthurmuniśreṣṭhā viśvakaḥ pārthivas tathā / viśvakasyārdrako dhīmān yuvanāśvastu tatsutaḥ
Sanskrit only: no published translation is held for this verse.
शाबस्तिश् च महातेजा वंशकस्तु ततो ऽभवत् । निर्मिता येन शाबस्ती गौडदेशे द्विजोत्तमाः
śābastiś ca mahātejā vaṃśakastu tato 'bhavat / nirmitā yena śābastī gauḍadeśe dvijottamāḥ
Sanskrit only: no published translation is held for this verse.
वंशाच्च बृहदश्वो ऽभूत् कुवलाश्वस्तु तत्सुतः । धुन्धुमारत्वमापन्नो धुन्धुं हत्वा महाबलम्
vaṃśācca bṛhadaśvo 'bhūt kuvalāśvastu tatsutaḥ / dhundhumāratvamāpanno dhundhuṃ hatvā mahābalam
Sanskrit only: no published translation is held for this verse.
धुन्धुमारस्य तनयास् त्रयस्त्रैलोक्यविश्रुताः । दृढाश्वश्चैव चण्डाश्वः कपिलाश्वश् च ते स्मृताः
dhundhumārasya tanayās trayastrailokyaviśrutāḥ / dṛḍhāśvaścaiva caṇḍāśvaḥ kapilāśvaś ca te smṛtāḥ
Sanskrit only: no published translation is held for this verse.
दृढाश्वस्य प्रमोदस्तु हर्यश्वस्तस्य वै सुतः । हर्यश्वस्य निकुम्भस्तु संहताश्वस्तु तत्सुतः
dṛḍhāśvasya pramodastu haryaśvastasya vai sutaḥ / haryaśvasya nikumbhastu saṃhatāśvastu tatsutaḥ
Sanskrit only: no published translation is held for this verse.
कृशाश्वो ऽथ रणाश्वश् च संहताश्वात्मजावुभौ । युवनाश्वो रणाश्वस्य मान्धाता तस्य वै सुतः
kṛśāśvo 'tha raṇāśvaś ca saṃhatāśvātmajāvubhau / yuvanāśvo raṇāśvasya māndhātā tasya vai sutaḥ
Sanskrit only: no published translation is held for this verse.
मान्धातुः पुरुकुत्सो ऽभूद् अम्बरीषश् च वीर्यवान् । मुचुकुन्दश् च पुण्यात्मा त्रयस्त्रैलोक्यविश्रुताः
māndhātuḥ purukutso 'bhūd ambarīṣaś ca vīryavān / mucukundaś ca puṇyātmā trayastrailokyaviśrutāḥ
Sanskrit only: no published translation is held for this verse.
अंबरीषस्य दायादो युवनाश्वो ऽपरः स्मृतः । हरितो युवनाश्वस्य हरितास्तु यतः स्मृताः
aṃbarīṣasya dāyādo yuvanāśvo 'paraḥ smṛtaḥ / harito yuvanāśvasya haritāstu yataḥ smṛtāḥ
Sanskrit only: no published translation is held for this verse.
एते ह्यङ्गिरसः पक्षे क्षत्रोपेता द्विजातयः । पुरुकुत्सस्य दायादस् त्रसद्दस्युर् महायशाः
ete hyaṅgirasaḥ pakṣe kṣatropetā dvijātayaḥ / purukutsasya dāyādas trasaddasyur mahāyaśāḥ
Sanskrit only: no published translation is held for this verse.
नर्मदायां समुत्पन्नः सम्भूतिस्तस्य चात्मजः । विष्णुवृद्धः सुतस्तस्य विष्णुवृद्धा यतः स्मृताः
narmadāyāṃ samutpannaḥ sambhūtistasya cātmajaḥ / viṣṇuvṛddhaḥ sutastasya viṣṇuvṛddhā yataḥ smṛtāḥ
Sanskrit only: no published translation is held for this verse.
एते ह्यङ्गिरसः पक्षे क्षत्रोपेताः समाश्रिताः । सम्भूतिरपरं पुत्रम् अनरण्यमजीजनत्
ete hyaṅgirasaḥ pakṣe kṣatropetāḥ samāśritāḥ / sambhūtiraparaṃ putram anaraṇyamajījanat
Sanskrit only: no published translation is held for this verse.
रावणेन हतो यो ऽसौ त्रैलोक्यविजये द्विजाः । बृहदश्वो ऽनरण्यस्य हर्यश्वस्तस्य चात्मजः
rāvaṇena hato yo 'sau trailokyavijaye dvijāḥ / bṛhadaśvo 'naraṇyasya haryaśvastasya cātmajaḥ
Sanskrit only: no published translation is held for this verse.
हर्यश्वात्तु दृषद्वत्यां जज्ञे वसुमना नृपः । तस्य पुत्रो ऽभवद्राजा त्रिधन्वा भवभावितः
haryaśvāttu dṛṣadvatyāṃ jajñe vasumanā nṛpaḥ / tasya putro 'bhavadrājā tridhanvā bhavabhāvitaḥ
Sanskrit only: no published translation is held for this verse.
प्रसादाद् ब्रह्मसूनोर् वै तण्डिनः प्राप्य शिष्यताम् । अश्वमेधसहस्रस्य फलं प्राप्य तदाज्ञया
prasādād brahmasūnor vai taṇḍinaḥ prāpya śiṣyatām / aśvamedhasahasrasya phalaṃ prāpya tadājñayā
Sanskrit only: no published translation is held for this verse.
गणैश्वर्यमनुप्राप्तो भवभक्तः प्रतापवान् । कथं चैवाश्वमेधं वै करोमीति विचिन्तयन्
gaṇaiśvaryamanuprāpto bhavabhaktaḥ pratāpavān / kathaṃ caivāśvamedhaṃ vai karomīti vicintayan
Sanskrit only: no published translation is held for this verse.
धनहीनश् च धर्मात्मा दृष्टवान् ब्रह्मणः सुतम् । तण्डिसंज्ञं द्विजं तस्माल् लब्धवान्द्विजसत्तमाः
dhanahīnaś ca dharmātmā dṛṣṭavān brahmaṇaḥ sutam / taṇḍisaṃjñaṃ dvijaṃ tasmāl labdhavāndvijasattamāḥ
Sanskrit only: no published translation is held for this verse.
नाम्नां सहस्रं रुद्रस्य ब्रह्मणा कथितं पुरा । तेन नाम्नां सहस्रेण स्तुत्वा तण्डिर्महेश्वरम्
nāmnāṃ sahasraṃ rudrasya brahmaṇā kathitaṃ purā / tena nāmnāṃ sahasreṇa stutvā taṇḍirmaheśvaram
Sanskrit only: no published translation is held for this verse.
लब्धवान्गाणपत्यं च ब्रह्मयोनिर्द्विजोत्तमः । ततस्तस्मान्नृपो लब्ध्वा तण्डिना कथितं पुरा
labdhavāngāṇapatyaṃ ca brahmayonirdvijottamaḥ / tatastasmānnṛpo labdhvā taṇḍinā kathitaṃ purā
Sanskrit only: no published translation is held for this verse.
नाम्नां सहस्रं जप्त्वा वै गाणपत्यमवाप्तवान् । ऋषय ऊचुः नाम्नां सहस्रं रुद्रस्य ताण्डिना ब्रह्मयोनिना
nāmnāṃ sahasraṃ japtvā vai gāṇapatyamavāptavān / ṛṣaya ūcuḥ nāmnāṃ sahasraṃ rudrasya tāṇḍinā brahmayoninā
Sanskrit only: no published translation is held for this verse.
कथितं सर्ववेदार्थ- संचयं सूत सुव्रत । नाम्नां सहस्रं विप्राणां वक्तुम् अर्हसि शोभनम्
kathitaṃ sarvavedārtha- saṃcayaṃ sūta suvrata / nāmnāṃ sahasraṃ viprāṇāṃ vaktum arhasi śobhanam
Sanskrit only: no published translation is held for this verse.
<सहस्रनामन् ओफ़् शिव> सूत उवाच सर्वभूतात्मभूतस्य हरस्यामिततेजसः । अष्टोत्तरसहस्रं तु नाम्नां शृणुत सुव्रताः
<sahasranāman of Śiva> sūta uvāca sarvabhūtātmabhūtasya harasyāmitatejasaḥ / aṣṭottarasahasraṃ tu nāmnāṃ śṛṇuta suvratāḥ
Sanskrit only: no published translation is held for this verse.
यज्जप्त्वा तु मुनिश्रेष्ठा गाणपत्यमवाप्तवान् । ॐ स्थिरः स्थाणुः प्रभुर्भानुः प्रवरो वरदो वरः
yajjaptvā tu muniśreṣṭhā gāṇapatyamavāptavān / oṃ sthiraḥ sthāṇuḥ prabhurbhānuḥ pravaro varado varaḥ
Sanskrit only: no published translation is held for this verse.
सर्वात्मा सर्वविख्यातः सर्वः सर्वकरो भवः । जटी दण्डी शिखण्डी च सर्वगः सर्वभावनः
sarvātmā sarvavikhyātaḥ sarvaḥ sarvakaro bhavaḥ / jaṭī daṇḍī śikhaṇḍī ca sarvagaḥ sarvabhāvanaḥ
Sanskrit only: no published translation is held for this verse.
हरिश् च हरिणाक्षश् च सर्वभूतहरः स्मृतः । प्रवृत्तिश् च निवृत्तिश् च शान्तात्मा शाश्वतो ध्रुवः
hariś ca hariṇākṣaś ca sarvabhūtaharaḥ smṛtaḥ / pravṛttiś ca nivṛttiś ca śāntātmā śāśvato dhruvaḥ
Sanskrit only: no published translation is held for this verse.
श्मशानवासी भगवान् खचरो गोचरो ऽर्दनः । अभिवाद्यो महाकर्मा तपस्वी भूतधारणः
śmaśānavāsī bhagavān khacaro gocaro 'rdanaḥ / abhivādyo mahākarmā tapasvī bhūtadhāraṇaḥ
Sanskrit only: no published translation is held for this verse.
उन्मत्तवेषः प्रच्छन्नः सर्वलोकः प्रजापतिः । महारूपो महाकायः सर्वरूपो महायशाः
unmattaveṣaḥ pracchannaḥ sarvalokaḥ prajāpatiḥ / mahārūpo mahākāyaḥ sarvarūpo mahāyaśāḥ
Sanskrit only: no published translation is held for this verse.
महात्मा सर्वभूतश् च विरूपो वामनो नरः । लोकपालो ऽन्तर्हितात्मा प्रसादो ऽभयदो विभुः
mahātmā sarvabhūtaś ca virūpo vāmano naraḥ / lokapālo 'ntarhitātmā prasādo 'bhayado vibhuḥ
Sanskrit only: no published translation is held for this verse.
पवित्रश् च महांश्चैव नियतो नियताश्रयः । स्वयंभूः सर्वकर्मा च आदिरादिकरो निधिः
pavitraś ca mahāṃścaiva niyato niyatāśrayaḥ / svayaṃbhūḥ sarvakarmā ca ādirādikaro nidhiḥ
Sanskrit only: no published translation is held for this verse.
सहस्राक्षो विशालाक्षः सोमो नक्षत्रसाधकः । चन्द्रः सूर्यः शनिः केतुर् ग्रहो ग्रहपतिर्मतः
sahasrākṣo viśālākṣaḥ somo nakṣatrasādhakaḥ / candraḥ sūryaḥ śaniḥ ketur graho grahapatirmataḥ
Sanskrit only: no published translation is held for this verse.
राजा राज्योदयः कर्ता मृगबाणार्पणो घनः । महातपा दीर्घतपा अदृश्यो धनसाधकः
rājā rājyodayaḥ kartā mṛgabāṇārpaṇo ghanaḥ / mahātapā dīrghatapā adṛśyo dhanasādhakaḥ
Sanskrit only: no published translation is held for this verse.
संवत्सरः कृतीमन्त्रः प्राणायामः परंतपः । योगी योगो महाबीजो महारतो महाबलः
saṃvatsaraḥ kṛtīmantraḥ prāṇāyāmaḥ paraṃtapaḥ / yogī yogo mahābījo mahārato mahābalaḥ
Sanskrit only: no published translation is held for this verse.
सुवर्णरेताः सर्वज्ञः सुबीजो वृषवाहनः । दशबाहुस्त्वनिमिषो नीलकण्ठ उमापतिः
suvarṇaretāḥ sarvajñaḥ subījo vṛṣavāhanaḥ / daśabāhustvanimiṣo nīlakaṇṭha umāpatiḥ
Sanskrit only: no published translation is held for this verse.
विश्वरूपः स्वयंश्रेष्ठो बलवीरो बलाग्रणीः । गणकर्ता गणपतिर् दिग्वासाः काम्य एव च
viśvarūpaḥ svayaṃśreṣṭho balavīro balāgraṇīḥ / gaṇakartā gaṇapatir digvāsāḥ kāmya eva ca
Sanskrit only: no published translation is held for this verse.
मन्त्रवित्परमो मन्त्रः सर्वभावकरो हरः । कमण्डलुधरो धन्वी बाणहस्तः कपालवान्
mantravitparamo mantraḥ sarvabhāvakaro haraḥ / kamaṇḍaludharo dhanvī bāṇahastaḥ kapālavān
Sanskrit only: no published translation is held for this verse.
शरी शतघ्नी खड्गी च पट्टिशी चायुधी महान् । अजश् च मृगरूपश् च तेजस्तेजस्करो विधिः
śarī śataghnī khaḍgī ca paṭṭiśī cāyudhī mahān / ajaś ca mṛgarūpaś ca tejastejaskaro vidhiḥ
Sanskrit only: no published translation is held for this verse.
उष्णीषी च सुवक्त्रश् च उदग्रो विनतस् तथा । दीर्घश् च हरिकेशश् च सुतीर्थः कृष्ण एव च
uṣṇīṣī ca suvaktraś ca udagro vinatas tathā / dīrghaś ca harikeśaś ca sutīrthaḥ kṛṣṇa eva ca
Sanskrit only: no published translation is held for this verse.
शृगालरूपः सर्वार्थो मुण्डः सर्वशुभङ्करः । सिंहशार्दूलरूपश् च गन्धकारी कपर्द्यपि
śṛgālarūpaḥ sarvārtho muṇḍaḥ sarvaśubhaṅkaraḥ / siṃhaśārdūlarūpaś ca gandhakārī kapardyapi
Sanskrit only: no published translation is held for this verse.
ऊर्ध्वरेतोर्ध्वलिङ्गी च ऊर्ध्वशायी नभस्तलः । त्रिजटी चीरवासाश् च रुद्रः सेनापतिर् विभुः
ūrdhvaretordhvaliṅgī ca ūrdhvaśāyī nabhastalaḥ / trijaṭī cīravāsāś ca rudraḥ senāpatir vibhuḥ
Sanskrit only: no published translation is held for this verse.
अहोरात्रं च नक्तं च तिग्ममन्युः सुवर्चसः । गजहा दैत्यहा कालो लोकधाता गुणाकरः
ahorātraṃ ca naktaṃ ca tigmamanyuḥ suvarcasaḥ / gajahā daityahā kālo lokadhātā guṇākaraḥ
Sanskrit only: no published translation is held for this verse.
सिंहशार्दूलरूपाणाम् आर्द्रचर्मांबरंधरः । कालयोगी महानादः सर्वावासश्चतुष्पथः
siṃhaśārdūlarūpāṇām ārdracarmāṃbaraṃdharaḥ / kālayogī mahānādaḥ sarvāvāsaścatuṣpathaḥ
Sanskrit only: no published translation is held for this verse.
निशाचरः प्रेतचारी सर्वदर्शी महेश्वरः । बहुभूतो बहुधनः सर्वसारो ऽमृतेश्वरः
niśācaraḥ pretacārī sarvadarśī maheśvaraḥ / bahubhūto bahudhanaḥ sarvasāro 'mṛteśvaraḥ
Sanskrit only: no published translation is held for this verse.
नृत्यप्रियो नित्यनृत्यो नर्तनः सर्वसाधकः । सकार्मुको महाबाहुर् महाघोरो महातपाः
nṛtyapriyo nityanṛtyo nartanaḥ sarvasādhakaḥ / sakārmuko mahābāhur mahāghoro mahātapāḥ
Sanskrit only: no published translation is held for this verse.
महाशरो महापाशो नित्यो गिरिचरो मतः । सहस्रहस्तो विजयो व्यवसायो ह्यनिन्दितः
mahāśaro mahāpāśo nityo giricaro mataḥ / sahasrahasto vijayo vyavasāyo hyaninditaḥ
Sanskrit only: no published translation is held for this verse.
अमर्षणो मर्षणात्मा यज्ञहा कामनाशनः । दक्षहा परिचारी च प्रहसो मध्यमस् तथा
amarṣaṇo marṣaṇātmā yajñahā kāmanāśanaḥ / dakṣahā paricārī ca prahaso madhyamas tathā
Sanskrit only: no published translation is held for this verse.
तेजो ऽपहारी बलवान् विदितो ऽभ्युदितो बहुः । गंभीरघोषो योगात्मा यज्ञहा कामनाशनः
tejo 'pahārī balavān vidito 'bhyudito bahuḥ / gaṃbhīraghoṣo yogātmā yajñahā kāmanāśanaḥ
Sanskrit only: no published translation is held for this verse.
गंभीररोषो गंभीरो गंभीरबलवाहनः । न्यग्रोधरूपो न्यग्रोधो विश्वकर्मा च विश्वभुक्
gaṃbhīraroṣo gaṃbhīro gaṃbhīrabalavāhanaḥ / nyagrodharūpo nyagrodho viśvakarmā ca viśvabhuk
Sanskrit only: no published translation is held for this verse.
तीक्ष्णोपायश् च हर्यश्वः सहायः कर्मकालवित् । विष्णुः प्रसादितो यज्ञः समुद्रो वडवामुखः
tīkṣṇopāyaś ca haryaśvaḥ sahāyaḥ karmakālavit / viṣṇuḥ prasādito yajñaḥ samudro vaḍavāmukhaḥ
Sanskrit only: no published translation is held for this verse.
हुताशनसहायश् च प्रशान्तात्मा हुताशनः । उग्रतेजा महातेजा जयो विजयकालवित्
hutāśanasahāyaś ca praśāntātmā hutāśanaḥ / ugratejā mahātejā jayo vijayakālavit
Sanskrit only: no published translation is held for this verse.
ज्योतिषामयनं सिद्धिः संधिर्विग्रह एव च । खड्गी शङ्खी जटी ज्वाली खचरो द्युचरो बली
jyotiṣāmayanaṃ siddhiḥ saṃdhirvigraha eva ca / khaḍgī śaṅkhī jaṭī jvālī khacaro dyucaro balī
Sanskrit only: no published translation is held for this verse.
वैणवी पणवी कालः कालकण्ठः कटंकटः । नक्षत्रविग्रहो भावो निभावः सर्वतोमुखः
vaiṇavī paṇavī kālaḥ kālakaṇṭhaḥ kaṭaṃkaṭaḥ / nakṣatravigraho bhāvo nibhāvaḥ sarvatomukhaḥ
Sanskrit only: no published translation is held for this verse.
विमोचनस्तु शरणो हिरण्यकवचोद्भवः । मेखलाकृतिरूपश् च जलाचारः स्तुतस् तथा
vimocanastu śaraṇo hiraṇyakavacodbhavaḥ / mekhalākṛtirūpaś ca jalācāraḥ stutas tathā
Sanskrit only: no published translation is held for this verse.
वीणी च पणवी ताली नाली कलिकटुस् तथा । सर्वतूर्यनिनादी च सर्वव्याप्यपरिग्रहः
vīṇī ca paṇavī tālī nālī kalikaṭus tathā / sarvatūryaninādī ca sarvavyāpyaparigrahaḥ
Sanskrit only: no published translation is held for this verse.
व्यालरूपी बिलावासी गुहावासी तरंगवित् । वृक्षः श्रीमालकर्मा च सर्वबन्धविमोचनः
vyālarūpī bilāvāsī guhāvāsī taraṃgavit / vṛkṣaḥ śrīmālakarmā ca sarvabandhavimocanaḥ
Sanskrit only: no published translation is held for this verse.
बन्धनस्तु सुरेन्द्राणां युधि शत्रुविनाशनः । सखा प्रवासो दुर्वापः सर्वसाधुनिषेवितः
bandhanastu surendrāṇāṃ yudhi śatruvināśanaḥ / sakhā pravāso durvāpaḥ sarvasādhuniṣevitaḥ
Sanskrit only: no published translation is held for this verse.
प्रस्कन्दो ऽप्यविभावश् च तुल्यो यज्ञविभागवित् । सर्ववासः सर्वचारी दुर्वासा वासवो मतः
praskando 'pyavibhāvaś ca tulyo yajñavibhāgavit / sarvavāsaḥ sarvacārī durvāsā vāsavo mataḥ
Sanskrit only: no published translation is held for this verse.
हैमो हेमकरो यज्ञः सर्वधारी धरोत्तमः । आकाशो निर्विरूपश् च विवासा उरगः खगः
haimo hemakaro yajñaḥ sarvadhārī dharottamaḥ / ākāśo nirvirūpaś ca vivāsā uragaḥ khagaḥ
Sanskrit only: no published translation is held for this verse.
भिक्षुश् च भिक्षुरूपी च रौद्ररूपः सुरूपवान् । वसुरेताः सुवचस्वी वसुवेगो महाबलः
bhikṣuś ca bhikṣurūpī ca raudrarūpaḥ surūpavān / vasuretāḥ suvacasvī vasuvego mahābalaḥ
Sanskrit only: no published translation is held for this verse.
मनोवेगो निशाचारः सर्वलोकशुभप्रदः । सर्वावासी त्रयीवासी उपदेशकरो धरः
manovego niśācāraḥ sarvalokaśubhapradaḥ / sarvāvāsī trayīvāsī upadeśakaro dharaḥ
Sanskrit only: no published translation is held for this verse.
मुनिरात्मा मुनिर् लोकः सभाग्यश् च सहस्रभुक् । पक्षी च पक्षरूपश् च अतिदीप्तो निशाकरः
munirātmā munir lokaḥ sabhāgyaś ca sahasrabhuk / pakṣī ca pakṣarūpaś ca atidīpto niśākaraḥ
Sanskrit only: no published translation is held for this verse.
समीरो दमनाकारो ह्य् अर्थो ह्यर्थकरो वशः । वासुदेवश् च देवश् च वामदेवश् च वामनः
samīro damanākāro hy artho hyarthakaro vaśaḥ / vāsudevaś ca devaś ca vāmadevaś ca vāmanaḥ
Sanskrit only: no published translation is held for this verse.
सिद्धियोगापहारी च सिद्धः सर्वार्थसाधकः । अक्षुण्णः क्षुण्णरूपश् च वृषणो मृदुर् अव्ययः
siddhiyogāpahārī ca siddhaḥ sarvārthasādhakaḥ / akṣuṇṇaḥ kṣuṇṇarūpaś ca vṛṣaṇo mṛdur avyayaḥ
Sanskrit only: no published translation is held for this verse.
महासेनो विशाखश् च षष्टिभागो गवां पतिः । चक्रहस्तस्तु विष्टम्भी मूलस्तम्भन एव च
mahāseno viśākhaś ca ṣaṣṭibhāgo gavāṃ patiḥ / cakrahastastu viṣṭambhī mūlastambhana eva ca
Sanskrit only: no published translation is held for this verse.
ऋतुरृतुकरस्तालो मधुर्मधुकरो वरः । वानस्पत्यो वाजसनो नित्यमाश्रमपूजितः
ṛturṛtukarastālo madhurmadhukaro varaḥ / vānaspatyo vājasano nityamāśramapūjitaḥ
Sanskrit only: no published translation is held for this verse.
ब्रह्मचारी लोकचारी सर्वचारी सुचारवित् । ईशान ईश्वरः कालो निशाचारी ह्यनेकदृक्
brahmacārī lokacārī sarvacārī sucāravit / īśāna īśvaraḥ kālo niśācārī hyanekadṛk
Sanskrit only: no published translation is held for this verse.
निमित्तस्थो निमित्तं च नन्दिर् नन्दिकरो हरः । नन्दीश्वरः सुनन्दी च नन्दनो विषमर्दनः
nimittastho nimittaṃ ca nandir nandikaro haraḥ / nandīśvaraḥ sunandī ca nandano viṣamardanaḥ
Sanskrit only: no published translation is held for this verse.
भगहारी नियन्ता च कालो लोकपितामहः । चतुर्मुखो महालिङ्गश् चारुलिङ्गस्तथैव च
bhagahārī niyantā ca kālo lokapitāmahaḥ / caturmukho mahāliṅgaś cāruliṅgastathaiva ca
Sanskrit only: no published translation is held for this verse.
लिङ्गाध्यक्षः सुराध्यक्षः कालाध्यक्षो युगावहः । बीजाध्यक्षो बीजकर्ता अध्यात्मानुगतो बलः
liṅgādhyakṣaḥ surādhyakṣaḥ kālādhyakṣo yugāvahaḥ / bījādhyakṣo bījakartā adhyātmānugato balaḥ
Sanskrit only: no published translation is held for this verse.
इतिहासश् च कल्पश् च दमनो जगदीश्वरः । दम्भो दम्भकरो दाता वंशो वंशकरः कलिः
itihāsaś ca kalpaś ca damano jagadīśvaraḥ / dambho dambhakaro dātā vaṃśo vaṃśakaraḥ kaliḥ
Sanskrit only: no published translation is held for this verse.
लोककर्ता पशुपतिर् महाकर्ता ह्यधोक्षजः । अक्षरं परमं ब्रह्म बलवाञ्छुक्त एव च
lokakartā paśupatir mahākartā hyadhokṣajaḥ / akṣaraṃ paramaṃ brahma balavāñchukta eva ca
Sanskrit only: no published translation is held for this verse.
नित्यो ह्यनीशः शुद्धात्मा शुद्धो मानो गतिर्हविः । प्रासादस्तु बलो दर्पो दर्पणो हव्य इन्द्रजित्
nityo hyanīśaḥ śuddhātmā śuddho māno gatirhaviḥ / prāsādastu balo darpo darpaṇo havya indrajit
Sanskrit only: no published translation is held for this verse.
वेदकारः सूत्रकारो विद्वांश् च परमर्दनः । महामेघनिवासी च महाघोरो वशीकरः
vedakāraḥ sūtrakāro vidvāṃś ca paramardanaḥ / mahāmeghanivāsī ca mahāghoro vaśīkaraḥ
Sanskrit only: no published translation is held for this verse.
अग्निज्वालो महाज्वालः परिधूम्रावृतो रविः । धिषणः शङ्करो नित्यो वर्चस्वी धूम्रलोचनः
agnijvālo mahājvālaḥ paridhūmrāvṛto raviḥ / dhiṣaṇaḥ śaṅkaro nityo varcasvī dhūmralocanaḥ
Sanskrit only: no published translation is held for this verse.
नीलस् तथाङ्गलुप्तश् च शोभनो नरविग्रहः । स्वस्ति स्वस्तिस्वभावश् च भोगी भोगकरो लघुः
nīlas tathāṅgaluptaś ca śobhano naravigrahaḥ / svasti svastisvabhāvaś ca bhogī bhogakaro laghuḥ
Sanskrit only: no published translation is held for this verse.
उत्सङ्गश् च महाङ्गश् च महागर्भः प्रतापवान् । कृष्णवर्णः सुवर्णश् च इन्द्रियः सर्ववर्णिकः
utsaṅgaś ca mahāṅgaś ca mahāgarbhaḥ pratāpavān / kṛṣṇavarṇaḥ suvarṇaś ca indriyaḥ sarvavarṇikaḥ
Sanskrit only: no published translation is held for this verse.
महापादो महाहस्तो महाकायो महायशाः । महामूर्धा महामात्रो महामित्रो नगालयः
mahāpādo mahāhasto mahākāyo mahāyaśāḥ / mahāmūrdhā mahāmātro mahāmitro nagālayaḥ
Sanskrit only: no published translation is held for this verse.
महास्कन्धो महाकर्णो महोष्ठश् च महाहनुः । महानासो महाकण्ठो महाग्रीवः श्मशानवान्
mahāskandho mahākarṇo mahoṣṭhaś ca mahāhanuḥ / mahānāso mahākaṇṭho mahāgrīvaḥ śmaśānavān
Sanskrit only: no published translation is held for this verse.
महाबलो महातेजा ह्य् अन्तरात्मा मृगालयः । लम्बितोष्ठश् च निष्ठश् च महामायः पयोनिधिः
mahābalo mahātejā hy antarātmā mṛgālayaḥ / lambitoṣṭhaś ca niṣṭhaś ca mahāmāyaḥ payonidhiḥ
Sanskrit only: no published translation is held for this verse.
महादन्तो महादंष्ट्रो महाजिह्वो महामुखः । महानखो महारोमा महाकेशो महाजटः
mahādanto mahādaṃṣṭro mahājihvo mahāmukhaḥ / mahānakho mahāromā mahākeśo mahājaṭaḥ
Sanskrit only: no published translation is held for this verse.
असपत्नः प्रसादश् च प्रत्ययो गीतसाधकः । प्रस्वेदनो ऽस्वेदनश् च आदिकश् च महामुनिः
asapatnaḥ prasādaś ca pratyayo gītasādhakaḥ / prasvedano 'svedanaś ca ādikaś ca mahāmuniḥ
Sanskrit only: no published translation is held for this verse.
वृषको वृषकेतुश् च अनलो वायुवाहनः । मण्डली मेरुवासश् च देववाहन एव च
vṛṣako vṛṣaketuś ca analo vāyuvāhanaḥ / maṇḍalī meruvāsaś ca devavāhana eva ca
Sanskrit only: no published translation is held for this verse.
अथर्वशीर्षः सामास्य ऋक्सहस्रोर्जितेक्षणः । यजुः पादभुजो गुह्यः प्रकाशौजास्तथैव च
atharvaśīrṣaḥ sāmāsya ṛksahasrorjitekṣaṇaḥ / yajuḥ pādabhujo guhyaḥ prakāśaujāstathaiva ca
Sanskrit only: no published translation is held for this verse.
अमोघार्थप्रसादश् च अन्तर्भाव्यः सुदर्शनः । उपहारः प्रियः सर्वः कनकः काञ्चनस्थितः
amoghārthaprasādaś ca antarbhāvyaḥ sudarśanaḥ / upahāraḥ priyaḥ sarvaḥ kanakaḥ kāñcanasthitaḥ
Sanskrit only: no published translation is held for this verse.
नाभिर् नन्दिकरो हर्म्यः पुष्करः स्थपतिः स्थितः । सर्वशास्त्रो धनश्चाद्यो यज्ञो यज्वा समाहितः
nābhir nandikaro harmyaḥ puṣkaraḥ sthapatiḥ sthitaḥ / sarvaśāstro dhanaścādyo yajño yajvā samāhitaḥ
Sanskrit only: no published translation is held for this verse.
नगो नीलः कविः कालो मकरः कालपूजितः । सगणो गणकारश् च भूतभावनसारथिः
nago nīlaḥ kaviḥ kālo makaraḥ kālapūjitaḥ / sagaṇo gaṇakāraś ca bhūtabhāvanasārathiḥ
Sanskrit only: no published translation is held for this verse.
भस्मशायी भस्मगोप्ता भस्मभूततनुर्गणः । आगमश् च विलोपश् च महात्मा सर्वपूजितः
bhasmaśāyī bhasmagoptā bhasmabhūtatanurgaṇaḥ / āgamaś ca vilopaś ca mahātmā sarvapūjitaḥ
Sanskrit only: no published translation is held for this verse.
शुक्लः स्त्रीरूपसम्पन्नः शुचिर्भूतनिषेवितः । आश्रमस्थः कपोतस्थो विश्वकर्मा पतिर्विराट्
śuklaḥ strīrūpasampannaḥ śucirbhūtaniṣevitaḥ / āśramasthaḥ kapotastho viśvakarmā patirvirāṭ
Sanskrit only: no published translation is held for this verse.
विशालशाखस् ताम्रोष्ठो ह्य् अम्बुजालः सुनिश्चितः । कपिलः कलशः स्थूल आयुधश्चैव रोमशः
viśālaśākhas tāmroṣṭho hy ambujālaḥ suniścitaḥ / kapilaḥ kalaśaḥ sthūla āyudhaścaiva romaśaḥ
Sanskrit only: no published translation is held for this verse.
गन्धर्वो ह्यदितिस्तार्क्ष्यो ह्य् अविज्ञेयः सुशारदः । परश्वधायुधो देवो ह्य् अर्थकारी सुबान्धवः
gandharvo hyaditistārkṣyo hy avijñeyaḥ suśāradaḥ / paraśvadhāyudho devo hy arthakārī subāndhavaḥ
Sanskrit only: no published translation is held for this verse.